"Mabuti naman at natapos mo ang mga labahing yan! Pero siguraduhin mong malinis lahat yan, dahil kapag hindi, alam mo na ang mangyayari, uulitin mong labhan yan lahat." singhal ni Tanya sa kanya habang abala ang sarili sa pagbabanlaw.
"O-opo." alanganing naisagot nya.
Gustong gusto nya itong sigawan sa murang edad nya subalit mas nananaig pa rin sa kanyang isipan ang salitang respeto.
Hindi dahil mas matanda ito sa kanya kundi dahil asawa ito ng tyohin at kahit naman na patulan nya ito ay wala din syang magagawa kapag sinaktan sya nito dahil isa lang syang bata.
"Sya nga pala, ikaw na rin ang magligpit nyan kapag natuyo, at linisin mo lahat ng banyo, siguruduhin mong malinis ang banyo, dahil kapag yan madumi, ipapainom ko sayo ang tubig sa inidoro." anito bago sya iwang mag-isa.
Tinapos nga nya ang lahat ng ipinapagawa sa kanya ng tyahin.
Ayaw nyang magreklamo sa mga ipinapagawa nito sa kanya, kaya nya yung tiisin lahat para sa pagmamahal nya sa kanyang tito Andrew.
Nagpapasalamat pa rin naman sya sa tita Tanya nya dahil kung anu ang iniutos nito, yun lang, yun nga lang kailangang malinis talaga dahil kung hindi ay ipinapaulit sa kanya, at ginagawa talaga nito kung anung sinabi nya kapag hindi nya nagawa ang ipinapagawa nito.
* * *
"Anak, magbihis ka aalis tayo." yaya ni Tanya kay Shine na abala sa paglalaro ng laruan nito.
"Where are we going mommy?" pagpupumilit na pag eenglish na sagot ni Shine sa ina.
"Magsashopping anak, at saka ipapasyal kita, syempre." anito.
"Really mommy?" nagniningning pa ang mga mata na anito.
"Yes, so go, fix yourself."
Excited namang nag ayos si Shine, habang pinagmamasdan ito ni Tanya.
Masaya syang nakukuha na nito ang mga gusto nito at nabibigay nya na ang gusto ng anak nya.
Handa nyang gawin ang lahat kahit ang pumatay, maging maayos lang ang buhay ni Shine.
At kahit ang kunin pa ang buong kayamanan ng kanyang asawang si Andrew ay magagawa nya.
Nasa ganoon syang pag iisip ng nagring ang kanyang celphone.
"Hello hon." bungad nya dito.
"Hon, kumusta ang mga bata?" agad na tanong nito sa kanya.
"Maayos naman sila, ang bait mo talagang tatay, inuuna mo pa ang mga batang kumustahin kaysa sa akin na asawa mo ah." kunwari ay nagtatampong aniya.
"Ganon ba? Mabuti naman, huwag ka ng magtampo, syempre ako ang tumatayong tatay nila, kaya dapat lang naman na kumustahin ko sila." napapangiti na anang nasa kabilang linya.
"Oh, siya sige, hon, bye na muna, aalis kami ng mga bata, ipapasyal ko sila." maya maya pa ay aniya.
"Ganon ba? Pakausap nga pala kay Jane, sigurado matutuwa yun." anito.
"Nagtatampo yun sayo, kaya ayaw ka nong kausapin." pagsisinungaling nya.
"G-ganon ba? Sige hayaan mo na lang muna, pakisabi na lang na mag enjoy." anito na lamang bago malungkot na ibinaba ang celphone.
"Shine, matagal ka pa ba?" tawag nya sa anak ng matapos ang pakikipag usap sa asawa.
"I'm done." sigaw nitong papunta na ang direksyon sa kanya.
"Diba kay Jane ang damit na yan?" puna nya ng mapansin ang suot nito.
"Sa kanya nga ma, pero dahil ako na ang nagsusuot, kaya ako na ang may ari, bagay ba?" anitong umikot ikot pa sa harap nya.
"Oo, bagay sayo at hindi bagay sa pangit na Jane, tara na nga." aniya bago naglakad.
* * *
Dinig na dinig naman ni Jane ang pag uusap ng tita Tanya at tito Andrew nya.
Sinungaling talaga ito, palagi nitong sinasabi na kasama sya sa bawat lakad nito kaya huwag dapat mag alala ang tito Andrew nya.
Pumasok sya sa kanyang silid na tinutulugan ni Shine dahil balak nyang maglinis din doon ng maabutan nyang suot suot nito ang kanyang damit.
"Bakit mo suot ang damit ko? Bigay sa akin ng tito Andrew ko yan." aniya.
"Bakit? Papalag ka na ba? Subukan mong pumalag, tingnan ko lang kung hindi ka mananagot sa mommy ko." anito bago sya iwan.
Wala syan magawa kundi Sinundan nya na lamang ito ng tanaw na umalis.
Masama ang loob nya dahil lahat ng meron sya ay palagimg kinaiinggitan ni Shine kaya palagi nitong kinukuha at inaangkin maging ang mga paborito nyang gamit.
Inabala nya na lamang ang sarili sa paglilinis para maiwaksi ang sama ng loob.
Ayaw nyang magalit, at magtanim ng sama ng loob dahil yun ang itinuro sa kanya ng kanyang tiyohin.
Gulong gulong ba ang iyong buhay.
Pighati't luha ang taglay,
Di malaman kung saan,
Ang patutunguhan.
Huwag mabahala kaibigan,
Hindi ka nya pababayaan,
Tawagin mo lamang siya,
Ikay makakaasa.
Chorus:
Siya ang pag-ibig,
Siya ang tanging nais,
Sa kanya matatagpuan,
Ang kaligayahan.
Sa kanya makikita,
Tunay na pag-asa,
Kaya lumapit ka,
Tumawag sa kanya.
Lalalala.
Pa kanta kanta pa si Jane ng kantang hindi nya alam kung saan nya natutunan habang abala sa paglilinis ang sarili.
Hindi nya tuloy napansin ang pagdating ni Jim na anak ni yaya Medeng.
"Kahit kailan talaga, ang pangit ng boses mo, partner, tunong sirang plaka." puna nito sa boses nya.
"Alam mo namang pangit, bakit mo pinapakinggan." naiinis na bulyaw nya rito.
"Eh, malakas ang tinig mo, kaya paanong hindi ko maririnig?" Pang aasar nito
"Eh, di sana tinakpan mo yang tainga mo, panira ka ng moment."
"Kahit takpan ko tainga ko naririnig ko pa rin, ang lakas eh, at saka kitang kita ko pa yung moment na ginagawa mong microphone yang kamay mong may hawak na basahan." tumatawang anito sa kanya.
"Che, eh, sa pakialam mo ba? Alam mo, imbes kaya na bantayan mo yung magandang boses ko, tulungan mo na lang kaya ako dito kuya."
"Hoy! Anung kuya? Dalawang taon lang ang tanda ko sayo, kaya huwag mo akong tawaging kuya, hindi kita kapatid! Sabing partner lang eh." naiiritang anito.
Ayaw na ayaw nito na tawagin nyang kuya dahil lingid sa kanyang kaalamang crush sya nito.
"Kuya, kuya, kuya." pang aasar pa nya.
"Sige, mang asar ka pa, hindi kita tutulungang maglinis, at dudumihan ko lahat ng nilinisan mo."anitong ikinatigil nya.
"Hmmp! Tulungan mo na nga lang ako." aniya na lang at binalik ang atensyon sa ginagawa.
Tinulungan nga sya nito sa kanyang ginagawa.
"Siya nga pala, asan pala yun mga bruha?" maya maya pa ay tanong nito.
"Ayun, dating gawi, namasyal na naman."
"Pag wala si tito, palagi silang wala anu?" puna nito.
Malungkot naman ang ekspresyon ng mukha na tumango sya rito.
"Oo."
"Bakit ba, tumutulong kang maglinis, eh, diba ikaw naman ang may ari ng mansyon nato, kayo ng tito mo?" nagtatakang tanong nito.
"Eh, yun ang gusto ni tita Tanya eh, baka sakaling kapag ginawa ko ang mga iniutos nya, magustuhan nya din ako balang araw."
“Ang sabihin mo, kampon kasi sila ng kadiliman kaya ganon ka nila kung tratuhin.” Biro na may halong totoo ni Andrew.
“Hahaha, Loko ka,” natatawang aniya
“Totoo naman ah diba? Diba? Gusto mo ipakulam natin sila?” Nakangising tanong sa kanya ni Andrew.
“Tara.” Pag sang ayon nya naman.
Napahalakhak na lamang silang dalawa sa mga naiisip nila bagamat wala naman talaga sa kanilang isip na gawin yun, Ginagawa lamang ito nila para maibsan ang lungkot nya at alam na alam talaga ng kaibigan kung paano sya pasasayahin.
"Mga anak, tama na muna yang ginagawa nyo dyan, kakain na tayo, tsibugan tayo habang wala pa ang mga kontrabida ng bahay." biglang pagsulpot ni yaya Medeng.
"Opo." magkasabay namang panagot nilang dalawa.
"Ibang iba na talaga ang bahay nato, simula ng mawala ang mga magulang mo Jane, hindi na kagaya ng dati na magkasabay kumakain ang lahat sa hapag, at hindi katulong ang tingin sa amin kundi kapamilya." anang yaya habang ipinaghahain ang mga pagkain.
"Hayaan nyo po yaya, paglaki ko, ganon din po ang gagawin ko." inosenteng aniya rito.
Napangiti naman ang yaya sa kanyang tinuran.
"Manang mana ka talaga sa mga magulang mo, pareho kayong mababait." anito.
* * *
Abala sina Jane at Jim sa pananakip ng kung anu anu na mapaglalaruan at mapag eekspirementuhan sa harden kaya hindi nila napansin ang pagdating nina Tanya at Shine na may kasamang lalaking hindi kilala.
Pabor ito kay Tanya dahil dala dala nya na naman ang lalaki nya.
Samantalang, nag ngingitngit naman ang kalooban ni Shine ng makita silang masayang dalawa.
Kaya pagka babang pagkababa nito sa sasakyan ay mabilis ang mga hakbang na pinuntahan silang abala sa pananakip ng mga paru paro at tutubi.
"Mukhang enjoy na enjoy kayo ah, pwede bang makisali?" supladang bungad nya sa mga ito.
"Shine, ikaw pala, pwede naman." aniya rito.
"How many times do I need to tell you, stop calling me im my name, call me señorita, instead." mayabang na pag eenglish nitong nagpapaimpress kay Jim.
"S-sorry po, s-señorita." hinging paumanhin nya.
"Ah, partner, tawag na nga pala ako ni inay, baka may ipapagawa sya, next time na ulit tayo maglaro, Shine, kayo na muna ni Jane ang maglaro, nextime na lang ako sasali." maya maya pa ay sabad ni Jim sa usapan nilang dalawa.
"Sige partner, ingat." aniyang sumaludo dito.
Kumunot naman ang noo ni Shine sa tawagan nila.
Inggit na inggit ito sa closeness nilang dalawa.
"Kung ganon, sama na lang ako sayo, tutulungan kita sa ipapagawa ng nanay mo." anitong pigil na pigil ang magalit sa nararamdamang hiya sa pag iwas nito.
"Ikaw bahala." ani Jim.
"Jane, tawag ka ni mommy, baka may iuutos sayo." nanlalaki ang mga matang tiningnan nya si Jane.
Nang tila may pagbabantang, humanda sya dahil magtutuos pa sila.
Tumalima naman sya at kaagad tinalikuran ang mga ito at iniwan para puntahan ang tita Tanya nya.
ITUTULOY...