Naging mabilis ang araw at hindi katulad dati na lagi akong may kausap dahil kung sino sino ang tumatabi sa akin. Ngayon ay madalas akong inaantok dahil wala akong kadaldalan. Si Xav ay puro kinig lang sa prof namin at hindi man lang mag salita.
O baka ayaw niya lang akong kausapin. Kasi nung wala siyang pantasa nanghiram pa siya kay Vp sa kabila at harap pang table pumunta. Mukha ba akong hangin?! Jusko! Well, baka hindi ko rin siya pahiramin kaya ok lang.
Friday na at uwian na kaya makakapagpahinga na ulit ng dalawang araw pero may pupuntahan pa rin ako sa araw na yun!
Nagliligpit ako ng gamit ko sa locker nang biglang sumulpot si Reese. Nagtaka ako nang hindi ko nakita ang mga kaibigan niya. Yun pala ay nasa labas at nakasilip sa bintana namin. Glass ang bintana namin at nakatali ang kurtina kaya kita na ang labas.
"Busy ka ba mamaya?"
"Bakit?" Tanong ko habang patuloy na inaayos ang gamit sa locker.
"Ah, yayain sana kita. Food trip." Nagkamot siya ng ulo at lumilingon lingon sa mga kaibigan niyang nasa labas.
Naglakad ulit ako pabalik sa upuan ko at sumunod siya. Nagliligpit pa rin si Xav ng gamit niya sa upuan niya nang makalapit kami roon.
"Busy ako. Kailangan kong umuwi nang maaga." Chineck ko ang oras sa relo ko at mag fa-five na.
"Kahit 30 minutes lang," anyaya niya pa sa akin.
Bumuntong hininga ako. "Iyang 30 minutes na yan eh nasa biyahe na ako pauwi. Alam mo namang may kapatid ako diba?"
"Edi, hatid na lang kita pauwi? Tutal susunduin naman ako ng driver."
Sinukbit ko na ang bag ko sa balikat ko at malungkot na tumingin sa kaniya.
"Next time na lang siguro, Reese. Dapat kasi hwag monday at friday ka kung mag aya para hindi kita matanggihan."
He pouted. "Okay! Ihahatid na lang kita."
Tumawa ako at pabiro siyang hinampas. "Naku, wag na. Tsaka ang layo ko pa."
"Hindi, okay lang!"
Umiling na ako at lumabas ng room. Nakita ko sila Min na naghihintay sa akin sa labas. Kinawayan ko si Reese bago kami naglakad palabas ng mga kaibigan ko. Kita ko pa ang malungkot na mukha ni Reese at pinagtawanan siya ng mga kaibigan niya.
"Ano 'yun?" Usyoso ni Min.
"Ah, wala. Inaaya lang ako kumain."
"Hindi ka pumayag?"
Umiling ako.
"Wow! Tumanggi si Shia sa pagkain-" Hinampas ko siya.
"Tigilan mo ako, Gio!"
Sabay sabay kaming sumakay ng jeep dahil pare-pareho naman ang daan. Nagulat kami na nasa harap namin si Xav na nakatingin na rin sa amin. Agad namang tumabi si Gio kay Xav at tinapik ang balikat nito. Tumango lang si Xav at ako naman ang tinignan.
"Saan ka, Xav?"
"Caloocan," simpleng sagot niya kay Prince.
Nanlaki ang mata ko kaya napabaling ako kay Xav. Tumango tango si Prince at kinuha na ang bayad namin. Ako ang nasa malapit sa driver kaya ako ang nag abot. Hinintay ko ang kay Xav pero mukhang nagbayad na.
Maingay ang jeep dahil sa disco niya kaya halos magtawanan kami dahil kumakanta si Gio.
"Mukha kang tanga, Gio!" Sigaw ko dahil hindi na kami magkarinigan.
Tumawa siya at pabirong inagaw ang cellphone ni Min na agad niyang ikinagulat.
"Ano ba, Gio!" Inabot niya ang phone pero hindi niya maabot dahil umaalog ang jeep.
"Palagi ka na lang nasa cellphone mo! Sino ba kausap mo?"
"Wala kang pakialam!"
Nakangiti lang ako habang pinagmamasdan silang nag aaway. Itong dalawa talagang ito! Kung hindi ko lang kilala itong dalawa baka napagkamalan ko na silang mag jowa at may gusto itong si Gio. Pero alam ko ang tipo ni Gio at Min eh, malayong malayo sa kanilang dalawa.
Agad nawala ang ngiti ko at napalitan ng ngiwi nang mahuli ko si Xav na nakatingin sa akin. Nagtaas ako ng kilay at inirapan siya. Magulo na ang buhok niya dahil sa hangin. Ang dalawang butones niya rin ay bukas na kaya kita na ang putang t-shirt sa loob. Nag iwas ako ng tingin at tumingin na lamang sa daan.
Naunang bumaba si Prince at Gio.
"Pre, Ingatan mo dalawang babes namin ahh!" Natatawang bilin ni Gio kay Xav. Hinila na siya ni Prince dahil may kasunod pang kotse sa likod ng jeep.
Tumango naman si Xav bago bumaba sila Prince. Kumaway kami sa isa't isa bago sila tumawid papunta sa gilid.
Wala akong kausap dahil nasa cellphone nga ang tutok ng mata ni Min. Eh, dipintod lang naman phone ko. Hindi nagtagal ay may nagsisakayan na at may saktong tumabi sa aking lalaki. Siguro ay college na ito base sa uniform niya. Mabango ito kaya panatag akong matino ito.
Naka skirt pa naman kami dahil friday. Kaya minsan ayokong nakakatabi o nakakaharap ng lalaki tuwing friday dahil baka makaranas ako.
Umandar na at halos naiipit na ako ng lalaking katabi ko. Inis na ako dahil ang luwag naman ng katabi niya ngunit nahahaplos pa rin ng braso niya ang gilid ng dibdib ko.
My eyes furrowed and stared at the guy. Nakababa ang kamay niya na may hawak na cellphone habang sumisilip silip sa daan. Sasabihin ko na sana na kung pwede ba siyang umurong nang biglang may humila sa akin at pinaupo ako bigla sa kabilang side.
Pareho kaming nagulat ni Min dahil sa asta ni Xav. Hinila niya rin patabi sa kaniya si Min at pinagigitnaan na namin siya.
Nakita namin ang pagsulyap nung lalaki sa amin bago siya tumingin ulit sa daan.
"Nakakagulat ka naman Xav," natatawa pang sinabi ni Min.
Ngunit walang reaksyon si Xav at ang tingin ay nasa lalaki lang kaya hindi makalingon dito yung lalaki.
I bowed a bit and felt a little fear. Ano na lang ang mangyayari kung wala si Xav ngayon? Paano kaming dalawa ni Min? Kaya ko namang lumaban ngunit lalaki pa rin siya at matikas ang katawan.
Napaangat ang ulo ko ng may nilahad si Xav ng isang jacket na kulay blue.
"Takpan mo muna iyang pambaba mo," he firmly said.
Tumango ako at dahan dahang tinakpan ang pambaba ko. Si Min ay nakapagpalit na ng pants dahil nag practice pa siya ng badminton para sa laro niya.
Naging tahimik kami hanggang sa makababa na kaming tatlo. Hinihintay namin siyang umalis ni Min ngunit nauna pa siya sa daan kung saan papuntang sa amin. Nagtaka kami ni Min ngunit naglakad na lamang kami.
"Taga dito ba yan?"
Nagkibit balikat ako. "Malay ko rin."
Nasa akin pa rin ang jacket niya, yakap yakap ko. Hindi ko maisoli sa kaniya dahil parang galit siya.
Sumunod kami sa kaniya hanggang sa nasa labas na kami ng bahay namin.
"Jacket mo." Humarap sa akin si Xav at kinuha ang nilahad kong jacket.
Tinitigan niya ang bahay namin at halos manliit ako dahil parang hinuhusgahan na niya ang bahay namin. Lumingon siya sa akin at bago binasa ang labi.
Naghintay pa siya kaunti na parang may sasabihin ako bago siya naglakad ulit. Nagpaalam na rin sa akin si Min at naglakad na rin kasunod ni Xav.
Dahil sa kuryoso kung saan ba siya nakatira ay hinintay ko siyang makapunta sa bahay nila habang nasa loob na ako at nag la-lock ng gate. Halos lumuwa ang mata ko sa gulat nang pumasok siya sa napapagitnaan naming bahay ni Min.
Tanaw ko pa rin si Min na tinuro pa ang bahay kung saan pumasok si Xav.
I bit my lower lip and stared at his home. Bakit sila magpapatayo ng bahay dito sa puro maliliit na bahay? Ayaw ba nila sa mga village na maganda ang security at ang mga kapitbahay ay magagara din ang bahay?
Parang nangliit ako sa sarili ko dahil sa ginawa kong pag aasar sa kaniya at pagtulak sa kaniya sa canteen. Pero deserve naman!
Habang nakahiga at tinatapik ang binti ng kapatid ko ay naisip ko ang nangyari kanina. Para akong napipi noon dahil hindi man lang ako nakapagsalita at napagsalitaan ang lalaking iyon. Bale wala rin ang pagkamadaldal ko dahil hindi rin ako nakapagsalita noon.
Naalala ko ang mga matang nanlilisik ni Xav na pinapanood ang galaw nung lalaki noong katabi na namin siya. Baka pakitang tao niya lang yan! Hmp!
Nagising ako nang tumama ang sinag ng araw sa mukha ko. Tinignan ko ang wall clock at 8 na ng umaga. Bumangon na ako at dumiretso sa cr. Sasama kami ni Min sa mama niya na magtinda sa pwesto nila sa palengke. Ganon ang ginagawa namin tuwing sabado kaya may dagdag pera din ako.
Pinaliguan ko na rin ang kapatid ko at kumain na rin kami.
Pinisil ko ang pisngi niya at hinalikan siya sa noo bago kami lumabas ng bahay. Habang nila-lock ko ang gate ay napatingin ako sa bahay nila Xav. May lumabas na SUV roon at dumaan siya sa harap ko kaya napahinto ako.
Sinusubukan kong tignan ang loob pero hindi ko makita dahil tinted masyado ang sasakyan. Nagkibit balikat ako at naglakad papunta kila Min.
"Oh, nandito na pala kayo. Si Min napakabagal talagang kumilos!" Bati sa amin ni tita Rosa.
Kumaway sa amin si tito Arturo kaya kumaway din ako. Naglakad siya papunta sa amin at kinurot ang kapatid ko kaya tumawa ito.
"Kumusta, Shia? Tumawag na ba mama nyo?" si tito habang nagkakape at pinapatawa ang kapatid ko.
Tumango ako. "Opo, nung Wednesday lang po."
Tumango tango siya at tinawag na si Min dahil baka tanghaliin daw kami at wala nang maibenta. Pati si tito Arturo ay kasama dahil sila ang nagdadala ng isda at kumukuha. Kami ni Min ay taga alok at tinda at si tita Rosa naman ay tagalinis at hati.
Actually taga gulo lang talaga kami.
Nang makarating kami gamit ang tricycle ni tito Arturo ay pumasok agad kami sa maliit na bahay na dugtong ng pwesto ng tindihan nila para ibaba ang kapatid ko. Katapat lang nito ang tindahan kaya mababantayan pa rin ang kapatid ko. Tsaka kapag walang bumibili ay nasa loob lang kami or si tita.
"Uy! Napapansin ko ang palaging pagsulyap dito nung anak ni Maria dito!" panunuya ni tita Rosa sa akin. Kinurot din ako ni Min sa tagiliran.
"Ano ba kayo tita," natatawa kong reklamo. "Hindi ko siya type! At tsaka baka si Min ang gusto nito!"
Tumawa sila.
"Takot iyan sa tatay nito, paanong kay Min magkakagusto!"
Umirap ako at binalingan ang sinasabing anak noong Maria. Nahuli ko itong nakatingin sa akin at biglang umiwas nang makitang nakatingin ako sa kaniya. Naka suot siya ng Jersey at pawis na. Attractive siya pero hindi siya ang mga tipo ko kaya tigilan niya ako.
Hindi nagtagal ay may bumibili na kaya medyo na busy kami. Narinig ko ang iyak ng kapatid ko kaya agad akong pumunta sa kaniya at inalo. Ipadede ko rin siya ng gatas niya sa bote at hinele. Pumasok si Min na ngingiti ngiti habang nakatutok sa phone.
"I love you, my moon…" basa ko sa chat sa kaniya.
"Ano bayan! Ang baduy!" puna ko sa kaniya na ikinairap niya.
"Huwag ka ngang ampalaya riyan, Shia!" Ngumuso siya. "Palibhasa wala kang kausap!"
Ngumisi ako. "Kausap daw pero may pa i love you! Naku, Min, hwag mo akong lokohin."
"Fine! Boyfriend ko siya, pero secret lang!" Pag amin niya at nag shh pa siya.
Humalakhak ako at inasar siya. Wala naman akong problema na magkaboyfriend siya dahil mukha naman siyang masaya. Pero paano na lang ang reaksyon ng mga magulang niya sa boyfriend niyang hindi niya pa nakikita.
At lalo na ang reaksyon nila Gio.
Tinawag kami ni tita para tulungan si tito na buhatin ang mga isda. Ang binuhat lang namin ay ang mga magagaan kaya, kaya naman namin. Nabitawan ko ang ng isang beses itong dala ko habang naglalakad kaya nagtawanan kami ni Min. Dahil sa tawa namin hindi namin mabuhat nang maayos.
"Tumigil ka nga, Min!" Saway ko dahil tawa pa rin siya nang tawa.
Nang malapag namin ay bumalik ulit kami kay tito para magbuhat pa. Habang pabalik kami ay biglang may tumawag sa akin kaya lumingon ako kasama ang dala kong may tubig tubig pa. Nanlaki ang mata ko nang mabangga ko si Xav na nasa harap ni Gio. Nasa harap ko talaga siya at nabasa ang damit niya niya ng tubig sa isdang hawak ko.
"Lagot." si Gio at pinaharap pa sa kaniya si Xav na basa ang damit. "Buti na lang hindi nabasa 'yung camera niya, Shia!!"
Nakataas ang kamay niyang hawak ang camera kaya hindi nabasa. Binaba ko ang hawak ko at hindi makandaugaga kung ano ang gagawin ko.
"Shia…" Si Min na binaba rin ang dala pumasok sa loob ng maliit na bahay.
"Bakit kasi bigla bigla kayong sumusulpot? At bakit kasama mo yan?" Inis kong tanong.
Halata ang basa at dumi sa damit ni Xav dahil kulay puti ito. Tumutulo pa ito at sa sobrang takot na baka masama pa ang pants niya ay tinaas ko ang damit niya at nilayo sa katawan niya.
Kita ko ang panlalaki ng mata ni Gio at ang pag tikhim niya kaya natauhan ako at pinagawa na lamang kay Xav iyon.
Putangina!
"Ah, nakita ko siya rito na kumukuha ng litrato kaya sinama ko rito!" Natatawa niyang sinabi.
Nagkatinginan kami ni Xav nang nag angat ako ng tingin sa kaniya. His hooded eyes pierced me and made me feel embarrassed. Natupo ko ang noo at lumingon sa boses ni tita Rosa.
"Anong nangyari, Gio?"
"Uy! Tita! Mano po." Nagmano siya kay tita bago kami tinuro ni Xav. "Si Shia po kasi nabangga si Xav pagkaharap niya sa amin kaya ayun."
"Oh bakit parang kasalanan ko pa, ha?" mataray kong tanong at humalukipkip bago ko sinulyapan si Xav na inaayos ang camera sa kamay niya.
Nanlamig ako nang maisip kung nadamay ang camera niya sa pagkabasa ay baka bayaran ko pa. Mukhang mamahalin iyon at hindi ko ata kayang bayaran iyan. Dahil kapag pinaalam ko kay mama ay baka magalit sa akin.
Sumitsit si tita, pinapatigil kami sa pagbabangayan.
"Shia, may damit ka pa roon sa loob. Iyon muna ang ipahiram mo tutal malaki naman iyon." Si tita Rosa at tinawag si Xav palapit sa kaniya.
Kinuha ni Gio ang camera para makapagpalit sa loob. Sinenyasan naman ako ni Gio ng `Lagot` kaya inirapan ko siya.
Padabog akong sumunod papasok sa kaniya. Kaming dalawa lang ni Xav ang nandito at ang baby sister ko na natutulog.
"Huwag kang maingay," bilin ko sa kaniya at hinanap ang sinasabi ni tita na damit dito.
Tahimik na umupo si Xav katabi ng kapatid ko. Nang mahanap ko ang damit ay naabutan ko siyang pinapanood ang natutulog kong kapatid. Nilahad ko sa kaniya ang damit kong blue na may tatak na ` Journalism club`
Tumayo siya at halos mapugto ang hininga ko nang bigla siyang naghubad sa harap ko. Hindi ko alam kung saan titingin kaya humarap na lang ako sa salamin na nasa likod ko. Pero mas lalo akong nag sisi dahil kita ko pa rin siya sa likod ko kaya nagulat ako nang magkatinginan kami sa salamin.
"May Cr naman kasi, Xav!" naiirita kong sinabi.
"Hindi ko alam."
Bumaba ang mata ko sa katawan niya na mayroong abs at halos mahimatay ako sa init ng titig niya kaya inirapan ko siya.
"Dalian mo!"
Nagtakip ako ng mata at nang maramdaman kong tapos na siya at lumingon ako sa kaniya at nakitang nahihirapan siya sa kuwelyo niya kaya inis ko siyang hinarap.
"Apat na nga mata mo, hindi mo pa rin makita kung maayos na ba kuwelyo mo!" Inis kong sinabi at inayos ang kuwelyo niya.
I heard his soft chuckled that made my cheeks heated.
"I have someone who's fixing my collar for me."
Agad ko siyang binitawan dahil sa narinig at dahil sa biglaang click ng camera. Napalingon kaming dalawa kay Gio na nakatingin sa camera sabay angat ng tingin sa amin.
"Ganda nito men! Para kayong mag asawa!" Ngumisi si Gio kaya kinuha ko ang tsinelas at binato sa kaniya.
Hindi tumama iyon kaya binelatan niya ako pagkatapos ay tumakbo.
Nilingon ko si Xav na nakatingin na naman sa kapatid ko. Naalala ko ang sinabi niya. So, mayron na pala siyang Girlfriend? Ahh, baka nga.
"Lumabas ka na," sabi ko sa kaniya dahil umiiyak na naman ang kapatid ko. Kinarga ko ito at tinalikuran si Xav para mahele ang kapatid ko.
"Ikaw?"
Saglit ko siyang nilingon bagl umiling. "Lumabas kana. Ang ingay mo kasi kaya nagising!"
"Wow, ako pa?"
"Oo."
Lumabas na siya at pinagpatuloy ko ang paghele sa kapatid ko. Posible kayang siya 'yung sakay nung sasakyan na lumabas sa bahay nila? Pero bakit naman siya narito at pinili pang sumama kay Gio? Eh, feeling close naman talaga itong si Gio sa lahat.
Lumabas ako at nadatnan si Xav na naka-angulo na kumukuha ng litrato sa gitna ng palengke. Si Gio naman ay nasa tabi niya at sumisipsip ng ice pop.
Naglahad sa akin si Min ng ice pop din na kalahati ng kaniya. Agad ko yun nilagay sa bibig ko at pinapanood sila. Habang tinitignan nila ang mga nakuhang litrato ay napalingon sa akin si Xav na agad kong inirapan at tumingin sa screen ng phone ni Min.
"I love you too, my sun…" basa ko sa reply niya at halos atakihin siya sa puso.
Natutop ko rin ang bibig ko dahil medyo malakas ang pagkakasabi ko noon at baka may nakarinig. Tinampal ni Min ang braso ko kaya natawa ako. Gulat na gulat din ang itsura niya kaya mas lalo akong natawa.
"Anong love story yan? Ano ka moon? At siya sun? Ano siya hot?" natatawa kong tanong.
Hindi kami masyadong napapansin nila Gio dahil medyo nasa malayo na sila at kumukuha pa rin ng litrato.
Tumawa siya. "Oo!"
Nilahad niya sa akin ang phone niya at pinakita ang picture ng isang lalaking may sun na effect na nakatakip sa mukha niya. Hindi naman kita ang mukha. Nag scroll pa ako para sa ibang pic, pero puro may takip ang mukha! Ano ang hot diyan!
"Oo, nga. Hot nga. Sa sobrang hot natanggal mukha niya!"
Ngumuso si Min kaya humagalpak ako sa tawa.
"Hoy! Ano yan?" Akbay sa akin ni Gio.
Tinuro ko si Min. "Ayan oh! May sun na raw siya!"
Lito namang tinignan ni Gio si Min habang patuloy ako sa pagtawa.
"Wala!"
Pinandilatan ako ni Min kaya pabiro kong sinarado ang bibig at pinadlock ko bago tinapon ang imaginary susi.
"Ay, o nga pala. Ang ganda ng mga kuha ni Xav na picture!" Mayabang niyang sinabi kaya sinulyapan ko si Xav sa pagitan ng akbay ni Gio sa akin.
Nagtaas siya ng kilay at pinilig ang ulo pagkatapos ay namulsa na parang isang modelo. Well, bagay sa kaniya. Matangkad siya, may sense of fashion. Yun lang. Hindi naman siya kagwapuhan noh! Hmp! Mas gwapo pa itong mga best friend kong si Gio at Prince!
Nang medyo dumami ang namimili ay naging busy kami at halos hindi ko na namalayan na hapon na pala. Agad akong pumasok sa loob para kuhanin ang kapatid ko dahil napagpasyahan naming kumain sa isang lugawan sa may labas ng palengke. Ginising ko na siya at agad siyang nagpabuhat. Nakakalakad naman na siya kaya lang ay napakatamad naman maglakad!
Lumabas kami at hinihintay na kami nilang tatlo. Nandito pa rin si Xav at nakikipagusap kila Min at Gio. Sabay sabay silang lumingon at agad namang lumapit si Gio para pisilin ang pisngi ng kapatid ko.
Tatampalin ko na sana iyon nang naunahan na ako ng kapatid ko.
Sumimangot ang kapatid ko at hinampas ang mukha ni Gio. Natawa naman kami dahil napapikit si Gio dahil tumama sa kaniyang mata ang kamay ni Sun.
"Ikaw, bad ka na ah! Inaaway mo si kuya pogi!" Sinimangutan niya rin si Sun.
"Pogi raw siya?" Tanong ko kay Sun habang nakaturo kay Gio.
Umiling ito. "No. Ayun, pogi." Sabay kaming lumingon ni Gio sa tinuturo niya nang matagpuan namin don si Xav na pinipicturan ang kapatid ko.
"Hoy! Black eye guy! Inagaw mo ang baby Sun ko!" Sabi niya at pabirong sinapak sinapak sa braso si Xav.
Agad namang nag react ang kapatid ko at pinapalapit pa ako sa kanila. Nang makalapit kami sa kanila ay pinagpapalo niya si Gio.
Ngumuso si Gio at nagtampo sa kapatid ko nang magpabuhat siya kay Xav.
"Okay lang ba?" I asked Xav. Baka kasi ayaw niya pala.
He nodded. "Sure."
"Mabigat siya."
Naririnig ko pa ang pagkunwaring iyak ni Gio.
"Don't worry. I have a baby cousin, so…" Nilahad niya ang kamay kaya binigay ko na sa kaniya si Sun.
Inayos niya ang pagkakakarga dito at agad naman siyang niyakap ni Sun sa leeg. His eyes are all on my sister. And his gentle eyes make my sister giggle and put her head on his shoulder.
"Iyang kapatid mo! Nilalandi na si Xav!"
Nagtawanan kami habang naka upo sa mahabang upuan ng lugawan dito. Buti na lang ay kaunti pa lang ang kumakain ditk kaya hindi gaanong masikip.
"Ikaw, Gio! Kung ano anong lumalabas sa bibig mo! Mamaya gayahin ka niyan!" Piningutan ni Min si Gio.
"Aray ah! Masakit!" Inis naman niyang sigaw.
Nilingon ko si Xav at ang kapatid ko na nasa tabi ko. Nakaupo si Sun sa binti ni Xav habang nilalaro niya. Pinabayaan ko muna sila at nakipagchikahan muna kila Gio hanggang sa dumating na ang order namin.
Sinusubuan ko si Sun habang kumakain din si Xav. Tahimik lang kami at walang imikan nang biglang may narinig kaming naghahagikgikan. Nilingon ko sila Gio na hawak na ang camera ni Xav at may tinitignan doon.
"Ano yan?" kuryosong tanong ko.
Ngumisi si Min at pinakita sa akin iyon. Kaming tatlo yon ni Xav at ni Sun na sinusubuan ko si Sun at nakatingin sa akin si Xav.
"Ayieeeeee Happy family yarn?"
Humagalpak sila sa tawa.
Umirap naman ako at inis silang pinagbabatukan.
"Kayong dalawa. Magtigil nga kayo riyan! Ang panget at hindi ko tipo itong lalaking ito!" Turo ko kay Xav na nakangiti na rin dahil sa dalawang ugok na tawa nang tawa.
"Hoy! Anong nginingiti mo riyan!" Tanong ko kay Xav. Umiling lamang siya bilang sagot.
Nagpatuloy ako kumain habang inis pa rin ang mukha. Namimicture nang walang paalm tapos i-shiship pa ako rito sa lampayatot na ito!
"Kami nga rin!"
Pinanood ko silang naglalampungan kunwari kaya mas lalo akong nainis. Hindi na lang sila pinansin at kumain na lamang. Itong dalawang ito talaga! Sana magkatuluyan kayo!
Hindi rin nagtagal ay umuwi na si Xav dahil sinundo na siya ng driver nila. Kaya ang ending ay kaming tatlo na lang ulit ang magkakasama. Nagkwentuhan lang kami at tinawagan din namin si Prince bago kami umuwi. Mga 6 na kami nakauwi dahil nag ayos pa kami ng pwesto.
Wala na ang sakit sa pwet ko pero ang black eye na sapak ko kay Xav ay halata pa rin. Nang maglinggo ay naglinis lang ako ng bahay at nanatili sa bahay. Wala naman akong ibang gagawin kaya nag review na lang ako ng lessons. Minsan ay nagdadala si Min dito ng ulam sa amin kahit sinabi ko namang mayron na kami.
"Shia, may quiz daw today. Nagreview ka ba?" kinakabahan niyang tanong dahil ngayon niya lang daw nalaman.
Ang aga pa at hindi late ngayon!
Tumangk ako habang nakahalumbaba. "Oo. Siguro. Nagreview kasi ako ng lessons kahapon."
Sinabunutan niya ang sarili at dali daling pumunta sa pwesto niya para kuhanin ang notebook niya. Umupo siya sa upuan ni Xav.
Habang nag rereview siya ay ako ay nakaidlip kaya nagising ako nang medyo maingay na ang loob. Saktong nakita ko ang pagpasok sa room ni Gio. Inabot niya ang frame ng door na parang nag spike sa volleyball.
Nang makita niya kami ay agad siyang naglakad papunta sa pwesto namin at tinanaw ang ginagawa ni Min.
"May quiz ba?"
Tumango ako.
Namilog ang mata niya at agad ding naglabas ng notebook at pinadala pa sa kaklase namin ang bag niya sa upuan niya. He pulled the chair, which is in front of us, and brought it beside Min.
"Hindi ka magrereview?" baling sa akin ni Gio.
Umiling ako. "Nakapagreview na ako."
Nag taas siya ng kilay at may tinanaw sa harap. "May quiz daw, Xav?"
Slowly, I looked where Gio was looking and I saw Xav sitting quietly on Min's chair. Sinulyapan niya kami at tumingin sa board bago binalik ulit sa amin at tumango.
"Bakit walang nagsabi sa gc? Pa gc gc pa kayo!" reklamo niya.
Nagtinginan ang iba naming kaklase. "Nagsabi kaya si Vp." Si Franchesca.
Umirap si Gio. "Weh? Kayo lang ata ang nakakaalam!"
Inirapan din ni Franchesca si Gio at sa iba na lang bumaling. Nakakatamad ngayon kaya wala talaga akong balak gawin ngayon!
Nadaanan ng paningin ko si Xav na nakatingin sa akin. Tinitigan ko rin siya. Hindi ako papatalo kung titigan lang pala kaya niya. Nagtaas ako ng kilay at tinitigan pa siya. He fixed his eye glasses and gently stared at me.
The way he stares is like staring at my soul and like he knows everything about me.
Nanlamig ako roon at napaiwas ng tingin. Tumayo ako at lumabas. Tinanong pa ako nila Gio at ang sinabi ko ay sa field lang. 6:30 pa lang at 7 ang ceremony namin kaya pwede pa akong lumabas. Tsaka dito rin naman ang punta ng lahat.
Naglakad lakad ako at pinagmasdan ang buong school. Ang ibang estudyante ay nasa labas at ang iba naman ay nasa loob. Lahat ng room dito ay may aircon kaya sulit ang tuition.
Nilingon ko ang building namin at nagulat nang makita si Xav na may dalang t-shirt at papunta sa kung nasaan ako. Hindi ko pinahalata ang pagkakagulat at tinignan ang hawak niya. Ang damit ko.
Nilahad niya iyon sa akin nang hindi nagsasalita. Tinignan ko lang yon at nag angat ng tingin sa kaniya.
"Sa tingin mo susuotin ko pa iyan?" Humalukipkip ako. "Sayo na yan. Sinuot mo na."
"I washed it." He pursed his lips.
"So? Sinuot mo pa rin." Pagtataray ko.
Alam ko naman at halata naman na malinis siya sa katawan pero ayoko!
Tinalikuran ko siya at hindi na pinansin. Naiinis ako sa kaniya tuwing nakikita siya! Nakakairata siya!
Nang mag 7 na ay pinababa na lahat sa field at nag umpisa na ang flag cem. Nasa harap si Gio na tawa nang tawa habang tinataas ang flag. Parang timang talaga kahit kailan ito. Naririnig ko naman ang hagikgik ng iba dahil kitang kita talaga siya.
"Para kang timang!" Sabi ni Min sa kaniya nang matapos.
Nagkamot ng ulo si Gio. "Nakikita ko kasi mukha mo!"
Nagtawanan kami. Si Prince ay nasa harapan at kinakausap ni ma'am.
Nagmadali ang ibang boys papasok sa room dahil sa init.
"Hoy ano ba yan!! Respeto naman! Naiinitan din kaming mga girls oh!" reklamo ni Janine.
"Bili kayo sariling nyong aircon!" Banat naman ni Jerome.
Natanaw ko si Reese na prenteng nakaupo sa pwesto niya at nakatingin sa akin. He smiled and that made me smile too. Well, hindi ko ipagkakaila na gwapo nga itong si Reese kaya lang napakakulit. Mayaman sila at halata naman dahil sa mga gamit niya at sa the way na galaw niya.
He likes me daw noong highschool pa pero hindi ko pinapansin. Hindi ko siya pinapansin kasi ang iba niyang kaibigan ay masama ang feeling ko.
Napatingin naman ako sa side ko at nakita sina Xav at Vp na magkaharap sa isa't isa. Lito ko silang tinignan at namilog ang mata nang makitang may binigay na panyo sa kaniya si Xav. Vp tucked some strands of her hair on the back of her ear and said thank you to Xav. While Xav softly smile and muttered something na hindi ko nakuha.
Umirap ako at hiniga na lang ang ulo sa lamesa ng upuan ko. Biglang nag init ang ulo ko at hindi ko alam at biglang uminit din ang pakiramdam ko. Na parang napapaligiran ako ng apoy. I think my girlfriend siya tapos kumikerengkeng pa siya kay Vp.
Yung mga ganiyang mukha talaga hindi mo alam kung seryoso o magloloko.
Nagsimula na ang klase at unang subject pa lang ay ang may quiz kaya agad kaming pinakuha ng ¼ paper. Agad nagsitayuan ang iba kong kaklase para manghingi ng ¼. Tinignan ko ang bag ko at wala ako non kaya nilabas ko na lang ang intermediate pad ko at hinati iyon sa ¼.
"Hindi ko iyan dinilaan! Wag kang maarti!" sabi ko kay Franchesca na nakihati sa hinahati ko.
Umirap siya. "Wag kang defensive! Hindi naman ako nagtanong."
"Eh, sa paraan ng pagtitig mo eh! Parang nanghuhusga ka na!"
Bumuntong hininga siya at nag thank you na lang.