Chapter Six : Missing Crown
Nagulat pa ang ilang mga kalalakihan at kababaihan na kasama namin dahil sa pagpasok ng sampo.
Nakakaintimidate naman talaga ang kanilang datingan. Mula pa lang sa kanilang tindig, paglalakad hanggang sa kasuotan ay talagang nangingilabot at manliliit ka.
Nakasuotsila ng pang training na mga damit, iyong sa mga royalty talaga kapag nagpapractise makupag espadalan. Ganun na ganun! At meron din silang suot na gloves at nakalagay sa tagiliran ang kanilang mga sword.
"MAGBIGAY PUGAY SA MGA PRINSESA AT MGA PRINSIPE!" malakas na sigaw mula sa itaas na palapag.
Mabilis na umayos ang mga guards at maids bago bahagyang yumuko. Ganun din ang ginawa ng mga matatandang naririto sa living room ng palasyo. Kahit kinakabahan ay ginaya din namin sila. Nakakahiya naman diba? Kung kami lang ang hindi. Respeto na din dahil Royalties sila.
"Anong nangyayari?" takang tanong ni Moncheska.
Dalawang maid ang humahangos na lumapit sa kanya at yumuko bago magsalita.
"Paumanhin po Mahal na Prinsesa! Ngunit may masamang balita kami. May nakapasok na magnanakaw dito sa loob ng palasyo." sabi nang isa.
"At paano nyo nasabi?" medyo tumataas na ang boses nito at nakakunot na din ang noo.
"Nawawala po ang korona ni Prinsesa Luna."
Nanlaki ang mga mata ni Moncheska. Maging ang magpipinsan ay nagkagulo na din at dali-daling nagtungo sa isang malaking kwarto. Ang mga natirang prinsipe at prinsesa ay sumunod na din sa loob ng may pagtataka.
"Oh my gosh! Nawawala ang crown ng prinsesa. Sino kaya ang nagnakaw?" bulong ni Ashley.
"Siguro isa lang din sa mga tauhan dito." sagot naman ni Tims.
"Kapag nalaman ng Hari at Reyna ang nangyari ay magiging isang malaking gulo ito. Ipapahanap ang salarin at baka tayo ay isa sa pagbintangan dahil bago tayo dito. Sa mga palabas ay ganun ang kadalasang nangyayari." mahinang usal ni Lucas. Sinamaan namin sya ng tingin dahil ginawa pang telenobela ang nangyayari.
"Sa mga movies lang iyon, ogag ka! Gagawin mo pa tayong may kasalanan sa nangyayari. Gusto mo bang ipatapon ng Hari sa kweba ng mga leon?" singhal ni Tims.
"Naririnig ko kase na pinagbubulungan tayo ng ilang mga matatanda dito. At iniisip nilang tayo ang kumuha." sagot nya.
"At mukhang totoo nga ang sinasabi mo Lucas. Jusko! Ayaw ko pang ipakain sa mga mababangis na hayop sa gubat." natatakot na wika ni Ashley bago kumapit sa braso ko.
May isang guard na lumapit sa amin at pinapapunta kami sa kwartong pinasukan nina Moncheska kanina. Kahit kinakabahan ay sumunod pa rin kami.
Galit na tumingin sa aming gawi si Moncheska. Kumunot ang noo ko at napataas ang isang kilay dahil sa pinapakita nya.
"Tell me! Kasabwat kayo ng magnanakaw noh? Kinuha nyo ang atensyon namin kanina para maisagawa ang pagnanakaw." galit at inis na asik ng isang lalaki pagkalapit namin, Kaleb yata iyon.
"Pinagbibintangan mo ba kami, MAHAL NA PRINSIPE?" may bahid ng galit sa boses ni Ashley dahik inemphasize pa nito ang salitang mahal na prinsipe.
"Dahan dahan ka sa pananalita mo, ogag!" sigaw ni Timothy. Sinamaan ko naman sya ng tingin kaya tumahimik.
"Bakit? May iba pa bang dapat na sisihin? Kayo lang naman ang bagong salta dito, mga tagalupa!"
Akmang susugudin na sya ni Lucas kaya agad ko itong pinigilan.
"Ano? Susugudin mo ako? Wala kang karapata---"
"May karapatan akong sugurin ka at pagsusuntukin dahil kami ang pinagbibintangan mo. Anong klase kang Prinsipe kung ganyan ang ugali mo? Paano ka mamumuno ng nasasakupan mo? Sa pamimintang ng inosente?" This time ay galit na si Lucas. Hindi na nya mapigilan na hindi sumagot at sumigaw.
"Huh!" Kaleb smirked. "Anong alam mo sa pamumuno? Kung gayong mortal ka lamang."
"Wala man akong alam kung anong pamununo meron kayo dito pero sa mundo namin ay meron din kaya may alam pa din ako. Hindi tulad mo na utak talampakan."
Marahas at galit na sinugod ni Kaleb si Lucas dahil sa galit. Umawat naman na sina Warren na nasa gilid. Kapit ng dalawang prinsipe si Kaleb na galit na galit at masamang nakatingin kay Lucas.
"Kuya Kaleb masyado kang mainit. Masyado kayong mainit. Walang mareresolbang problema kapag ganyan. Kalma muna kayo. Kailangan nating pagusapan ito at matapos bago dumating ang Hari at Reyna," wika nung isang babae na may panyo sa noo. Para tuloy syang lalaki.
"Tama! Tama si Winter. We don't need to fight or argue with this. Kailangan nating mahanap ang korona as soon as possible," sabi nung lalaking may gray na buhok.
"But how? Hindi natin alam kung sino ang kumuha kaya paano natin mahahanap ang korona. I don't want them to be disappointed. At ayokong magalit sila sa atin dahil wala tayong nagawa." Umiiyak na ngayon si Moncheska habang inaalo nung isang prinsesa.
I don't know them! At wala din akong balak na kilalanin sila. But, I want to help. Maybe I can help!
"Maybe, I can help you guys!" desididong sabi ko.
Gulat na napatingin sa akin sina Ashley maging ang iba pa naming kasama dito. Napatingin ako doon sa lalaking may gray na buhok at pinasadahan ako nito ng mapanuring mga tingin.
Napataas ang kilay ko. Nakakapang insulto ang kanyang mga tingin sa akin.
"How?" mahinahong tanong ni Moncheska habang nagpupunas ng mga luha.
Hindi ko sya sinagot bagkus ay lumapit ako sa isang lagayan na pulang unan na may bubog. Pinagmasdan ko iyon ng mabuti. Lahat ng malilit o malaking detalye ay inexamine ko.
Papaano makukuha ng salarin ang korona kung may bubog iyon na harang. Makukuha mo ang laman sa loob kung babasagin mo ang bubog pero ni isang gasgas ay wala ito. Maliban na lang kung alam ng salarin kung paano ito alisin ng walang kahirap hirap.
"Nililinisan ba ang bubog?" tanong ko.
Kahit nagtataka ay sumagot pa din si Moncheska. "Oo! Tuwing sabado ay may pumupunta dito upang linisin ang buong kwarto maging ang lagayan ng korona."
"At anong araw ngayon?"
"Saturday ngayon dahil may training kam--- Oo! Araw ngayon ng paglilinis. Hindi kaya ay isa sa mga maids ang may kagagawan?"
"We need to call the maids kung ganoon," sabi nung Gray haired guy.
"Don't! Hindi na kailangan dahil hindi sila ang may gawa nito." pigil ko sa kanya.
"How did you know?" matapang nitong asik.
Sinusubukan yata ako ng isang ito ah! Hindi ko na sya pinansin pa at muling tumingin sa crown holder.
Hmm! Right! Hindi ang mga maids ang may kagagawan ng pagkawala ng korona kundi isa lang ding prinsipe. Malay nating isa sa mga nandirito or not.
Napangisi ako ng makita ang dapat na makita. Nakangiting humarap ako dun sa lalaki at tumaas naman ang kilay nito.
"Paano ko nalaman? Easy lang. Hindi makakagawa ng isang bagay na katulad nito ang mga maids maliban na lang kung mas matalino sila sa inyo."
"What do you mean?" takang tanong ni Moncheska sa akin.
Pinakita ko ang hawak kong pulang papel sa kanila. Gulat naman silang napatingin sa akin bago sa hawak ko.
"How did you get that thing?" muling tanong ni Gray haired guy.
Nagkibit balikat ako. "Maybe, I have eyes to see and hands to pick up things?!" sarkastikong sagot ko.
Nakita kong ngumisi si Mon at ang pinsan nyang si Warren habang nakatingin kay gray haired guy na mukhang naiinis na. Nagpipigil naman ng tawa ang ibang prinsipe sa kanyang tabi.
"Let me answer this one para matapos na at nang mahanap na ninyo ang korona." Tumalikod ako sa kanila at umupo sa sofang naroroon.
"Stop it, Morons!" Rinig ko pang asik nya sa mga kasama kaya napangisi naman ako.
Binasa kong mabuti ang mga nakasulat. Hindi ito sulat pangbabae, mukhang lalaki ang nagsulat nito. Hindi maganda at hindi din pangit ang pagkakasulat, tama lang! Masyado lang mariin kaya mukhang lalaki ang nagsulat.
"You saw me where I never was and where I could not be. And yet within that very place, my face you often see."
Nasa malalim akong pag iisip nang lumapit sa akin si Moncheska kaya marahan akong napatingin sa kanya. Nakatitig lang ako sa kanya. Kung hindi mo kami kilala at alam ang pinanggalingan naming dalawa ay mapagkakamalan mo kaming iisa. Parang nakikita ko ang sarili ko sa kanya.
"Ngayon ko lang napansin na magkahawig kayong dalawa," usal ni Axxon habang palitan ang paninitig sa amin ni Mon.
May naalala akong bigla at tumingin sa hawak kong papel. Tama! Bakit ko nga ba hindi agad nalaman ang sagot napakadali lang naman pala. Isa na lang ang aalamin ko at iyon ay ang malaman kung sino ang may pakana nito.
Tumayo ako. Napatingin naman sila sa akin.
"Tapos ka na? Kilala mo na ba kung sino ang kumuha?" mahinang tanong ni Mon.
"Hindi pa! Pero alam ko na kung nasaan ang korona ng prinsesa."
Pagsinghap at pagkagulat ang narinig ko mula sa kanila. Lumapit sa akin sina Ashley at inabot ko naman dito ang hawak kong papel.
"Matalino akong tao pero ayoko sa riddles?" napailing naman ako sa kanya.
"Riddles? Ano iyon?" tanong nung isang babae na katabi ni Mon kanina.
"Riddles. Mga palaisipang tanong o mga salita." sagot ko. Humarap ako kay Mon. "May Reflection Room ba kayo dito?" nag isip sya sandali bago tumango.
"Paano mo nalamang naroroon nga ang korona ng prinsesa?" paghahamon sa akin ni gray haired guy.
"Ang pagkaka alam ko kase ay marunong akong magbasa at gumagana pa ang utak ko kaya nalaman ko ang sagot dito." kinuha ko ang papel kay Ashley.
"You saw me where I never was and where I could not be. And yet within that very place, my face you often see. Ps: Sorry! Iyan ang nakasulat dito. I bet its our reflection, right? Hindi naman pwedeng picture o mirror so reflection ang sagot." natahimik sya.
"Paano mo nagagawa ang mga iyan kung isa ka lang namang normal na tao?" takang tanong nya. "Maybe may laman pa ang utak ko? Later mo na ako tanungin puntahan muna natin ang korona, kay?"
Lumabas kami ng kwarto at umakyat sa ikalawang palapag. Ilang pasikot sikot na daan pa ang nilakad namin bago makarating doon. Binuksan ni Warren ang pintuan gamit ang susi at tumambad sa amin ang malawak na kwarto. Punong puno ito ng salamin. Halos mahilo ako dahil sa nakikita.
"Ang crown!" sigaw nung girl. Kaya agad na lumapit doon sina Moncheska. Sumunod din kami sa kanila. Naramdaman kong tinapik ako ni Maicko sa balikat bago nginitian.
Marahas na tumingin sa akin si gray haired guy.
"Now tell us! Sino ang may gawa nito?"
I crossed my arms bago sumandal sa salamin. Kitang kita ko ang repleksyon ng bawat isa na sa akin nakatingin.
"First, pinagmasdan ko lang ang buong paligid. Walang ni isang gasgas o basag ang bubog. So it means maayos ang pagkakakuha ng korona sa loob. Kay tinanong ko kung may naglilinis ba doon and nalaman ko na meron nga. Ang pagkakataon iyon ang ginamit ng salarin para makuha ang korona."
Tumigil ako saglit.
"Second, nakita ko ang pulang papel sa kulay pulang tela na pinagpatungan ng korona."
"Paano mo nakita iyon kung kakulay nya ang tela? Maging kami ay hindi iyon napansin," anang si Kaleb. "Hindi ko din alam. Basta nakita ko lang sya. Then boom! I got the answer. Nahanap na ang korona. At sa salarin naman."
.
May nilabas akong butones. Naapakan ko ito nung papalapit ako sa pinaglalagyan ng korona kanina.
"Anong meron dyan?" tanong nung isang lalaki.
"Eto ba? Wala lang." Tiningnan nila ako ng masama.
"Just kidding ang seryoso nyo naman. Eto? Butones ng suot nyo. Galing ito sa training uniform ng isa sa inyo or baka wala sa inyo pero butones ito ng isang prinsipe. Natanggal siguro dahil sa pagmamadali at hindi nya napansin. At bakit ko nasabing prinsipe? Yung sulat nya masyadong madiin. Mabibigat ang kamay ng mga lalaki, iyon ang alam ko."
"At isa pa pala, kaya ko din nasabing hindi ang maids ang may gawa nito ay dahil sa riddle na iniwan nya. Hindi pagnanakaw ang nais ng salarin, siguro bored lang sya. Madalas sa mortal world ang may gawa nito. May alam ba kayong palaging naroroon?"
"Meron! Pero wala sya rito ngayon. Kasama sya ni Ama sa gubat." sagot ni Moncheska.
"That's it! Maybe he's the one who made this, bago sya pumunta sa kung saan ay ginawa muna nya ang bagay na ito. Hindi ako nambibintang dahil sigurado ako. May 'Ps: sorry!' sa dulo ang clue na iniwan nya meaning naglalaro lang sya ng mind puzzles and what so ever. At dahil hindi nyo alam ang mga ganung bagay ay walang makakasagot. Sorry na lang sya dahil naririto kami. At ang kulang na lang ay paaminin ang may pakana nit--"
Hindi ko na natapos ang sasabihin ko dahil may biglang pumasok. Sa kanya nabaling ang aming tingin.
"Anong ginagawa nyo dito?" kalmadong tanong nito.
"Kuya Calix!" sigaw ni Moncheska.
"Mon!? What's happening here?" Pinasadahan ko sya ng tingin at nakita ko ang aking hinahanap.
Ngumiti akong lumapit sa kanya kaya nagulat naman sya.
"Hi! You must be the owner of this button?!" napasinghap sila sa sinabi ko.