" Mommy!" Sigaw ng kambal na sumalubong sa akin pagkatapos ng concert ko. Nakakapagod ang araw na ito ngunit makita ko lang ang kambal ay masaya at tanggal na ang pagod ko.
" Hey, my babies. How are you, huh?" And yes, they are my babies. Meet my daughter Aldea Nathalie and her twin brother Alden Nathan.
" We're fine, mommy!" Sabay nilang sagot at bumaling naman sa akin si Aldea." Mommy, kailan po tayo babalik sa Philippines? I miss my grandpa." She said and pouted.
How cute!
Ilang buwan na rin ang nakalipas nang umuwi kami sa Pilipinas. Wala pa rin itong pinagbago at mas lalo lang gumanda. Inuwi ko roon sina Aldea at Alden dahil birthday ni Daddy iyon. He wanted to see my twins as a birthday gift. Mabuti na lang at kami-kami lang ang nakakaalam na umuwi kami ng Pilipinas.
Inisip ko muna ang naging sagot ko bago bumuntong-hininga. " Okay, we will go there next week." Sagot ko at napapalakpak naman ang kambal kaya napabungisngis ako.
Pumasok naman ang isa naming kasama dito sa bahay habang dala-dala ang mga pinamili niya. " Oh, ate, nandito ka na pala. Kamusta ang concert?" Tanong niya sa akin habang papunta sa kusina.
" Maayos naman, maraming nanood kaya baka bukas o sa makalawa ay makukuha ko na ang sahod ko. " Sagot ko naman at umupo sa sofa habang nanonood naman ang kambal sa tabi ko.
" Magluluto muna ako tapos kakain na tayo. Pagabi na rin kasi. " Sabi niya kaya tumango na lang ako at umakyat sa kwarto.
Pagkapasok ko sa kwarto ay agad akong sumalampak at marahas na bumuntong-hininga. Tama ba ang desisyon kong umuwi ng Pilipinas? Hindi sila maaaring makita ng iba lalo na't minsan na ring nanganib ang aking buhay. Ayaw ko namang madamay sila kaya hangga't maaari ay gusto ko silang ilayo sa Pilipinas.
Napagpasyahan kong tumayo na at magbihis dahil kakain na rin kami maya-maya. Ilang minuto lang ay kinatok na ako ng kasama namin.
" Ate, kakain na tayo."
" Sige, pababa na." Sagot ko at narinig ko na ang yabag niya papalayo.
Bumaba ako doon at nagsalu-salo na kami. Kasama rin namin ang driver namin na si Marcus, ang personal bodyguard ko, si Elias na minsan lang umuwi at walang asawa o anak. At ang dalawang taga-pangalaga sa kambal ko at dito sa bahay sa tuwing nasa trabaho or may concert ako.
" Ate, habang namimili ako may pamilyar na tao akong nakita. Hindi ko sigurado pero alam kong nakita ko na talaga siya eh. " Sabi ng isang taga-pangalaga ng bahay na si Mariya.
Agad namang bumaling ang tingin ko sa kaniya at sa hindi malamang dahilan ay biglang lumakas ang kabog ng dibdib ko.
" Basta alam ko nakita ko na siya eh.." At yumuko siya na parang inaalala kung sino man 'yon. Nagulat ako nang iangat niya ang tingin niya sa akin habang nanlalaki ang mga mata. " A-ate..."
Kinabahan naman ako sa kaniya at pati ang ibang kasama namin sa mesa ay napatigil maliban sa kambal. " B-bakit?" Kinakabahan kong tanong sa kaniya.
Sana hindi siya...
" S-si Sir I-Ivan. Si Sir Ivan ang nakita ko kanina." Wika niya habang nanlalaki ang mga mata. Shit!
Tuluyan na ngang napatigil sa pagkain ang mga kasama namin pati na rin ang kambal na nagtatakang nakatingin sa amin. " Mommy, what's happening? Bakit po ganyan ang face niyo? " Nagtatakang tanong ni Aldea.
" Do we have a problem, Mommy? " Segunda naman ni Alden.
Unti-unti akong nakahuma sa pagkagulat at nakangiting humarap sa kanila. " No, babies. Wala tayong problema, okay? May nabalitaan lang si Mommy kaya gano'n. Finish your food and we will watch movie later. " Sagot ko sa kanila at pumalakpak naman sila dahil sa tuwa.
Kahit nasa harap ng pagkain ay hindi ko mapigilang mapabuntong-hininga. Hindi ko maiwasang isipin na paano kung natunton niya kami rito?
Nagulat ako nang may humawak sa kamay ko. Inangat ko naman ang tingin ko kay Elias na nag-aalalang nakatingin sa akin. Hindi lingid sa kaalaman ko na may nararamdaman siya para sa akin dahil minsan na rin siyang nagsabi noon. Kahit hindi niya man sabihin ay nararamdaman ko dahil sa mga simpleng kilos niya. Ilang beses niya na rin ako iniligtas noon.
Muli akong napabuntong-hininga at iwinaglit muna sa isipan ko ang sinabi kanina ni Mariya. Ipinagpatuloy namin ang pagkain kahit halos hindi ko na malunok ang kinakain ko sa isiping narito si Ivan. Paano kung kunin niya ang kambal?
------------------------------------
Humigpit ang hawak sa'kin ng kambal nang maramdaman nilang malapit na mag-land ang eroplano na sinasakyan namin. Isang linggo na rin ang nakalipas simula noong mabalitaan kong nasa America si Ivan. Nag-alangan pa ako noong una kung dapat ba kaming tumuloy dito sa Pilipinas pero gustong-gusto ng kambal kaya wala akong nagawa kundi umuwi rito. Kasama pa rin namin sina Mariya,Rozie,Elias at si Kuya Marcus na nauna na rito dahil siya ang susundo sa amin sa airport.
Ilang minuto lang ay tuluyan nang nag-land ang eroplano at isa-isa kaming bumaba. Sinalubong naman kami ng mainit na hangin ng Pilipinas at sa hindi kalayuan ay naroon si Kuya Marcus dala ang van.
Sumakay kami roon at nakatulog naman ang kambal dahil sa pagod. Nagulat naman ako nang sumandal sa balikat ko si Elias at nakapikit ang mata. Napabuntong-hininga ako at sumandal rin sa ulo niya. Mabuti na lang talaga at lagi ko siyang nasa tabi. Hindi ko naman talaga siya bodyguard. Hindi ko talaga alam kung bakit bodyguard ang gusto niyang maging turing ko sa kaniya.
Nagising ako nang mahina akong tinapik ni Elias. Pupungas-pungas din ang mga mata niya na halatang kakagising lang.
" Ma'am Eila narito na po tayo sa mansion. Bumaba na po tayo." Sabi sa akin ni Kuya Marcus at bumaba na kami. Eksakto namang palabas ang sasakyan nila Mommy kaya laking gulat nila nang makita nila kami sa labas.
" Anak ko!" Humangos naman papunta sa akin si Mommy at niyakap ako nang mahigpit. Ang kambal naman ay tumakbo papunta kay Daddy at agad na nagpakarga. Pagkabitaw sa akin ni Mommy ay hinawakan niya ang dalawang pisngi ko. " Mabuti naman at dumalaw kayo rito. Kamusta na kayo?" Tanong niya sa akin at bumaling naman sa mga kasama ko sa likod. " Kayo ba ang mga kasama ni Amy sa bahay?" Tanong niya at nagsitanguan naman sina Mariya.
Agad kaming iginiyak ni Mommy papasok sa mansion. Gano'n pa rin ito at walang ipinagbago simula nang huli naming punta rito. Tamang-tama lang pala ang dating namin dahil may salu-salong nagaganap dito. Pagpunta ko sa kusina ay nagsitilian naman ang mga kaibigan ko noong nag-aaral pa lang ako.
" Amy!!" Sabay-sabay nilang sigaw at niyakap ako nang mahigpit. Damn, I missed them so much.
" Namiss ko kayo!" Naiiyak kong tugon sa kanila. Limang taon na rin ang nakalipas nang huli ko silang makita. Hindi rin kasi nila ako naabutan noong birthday ni Daddy dahil lahat sila ay nasa summer vacation.
Bumitaw sila sa pagkakayakap at agad tumungo kay Elias na nakangiti lang. Yeah, they're my friend simula noong high school. At kaklase rin namin si Elias. He's not just my so-called bodyguard but my closest friend.
" Ikaw ah! Kaya pala sabay kayong nawala ni Amy, magkasama pala kayo!" Tudyo sa kaniya ni Emerald. Ang bestfriend ko since birth. Ngunit kahit siya ay walang alam sa nangyari sa akin.
" Mommy!" Sigaw sa akin ng kambal na ikinagulat naman nila.
" Mommy? May anak ka na,Amy?" Gulat na tanong ni Aliza.
Hindi ako makapagsalita dahil biglaan ang nangyari kaya napatango na lang ako at sinimulang ipaliwanag sa kanila ang nangyari. Hindi naman lingid sa kaalaman nila na may asawa na ako kaya agad nilang nakuha ang sinabi ko. Tuwang-tuwa naman sila at niyakap ang kambal. Nagtampo pa nga sila saglit dahil wala man lang silang kaalam-alam sa nangyari sa akin.
" Kailangan kong magtago dahil minsan na rin nanganib ang buhay ko, 'di ba? Ayaw ko namang madamay ang mga bata." Paliwanag ko sa kanila at naintindihan naman nila.
Gusto pa nga nilang ipasyal ang mga bata ngunit sinabi ko sa kanila na hindi alam ni Ivan na nabuntis ako kaya ko itinatago ang bata. Mabuti naman at hindi na sila nagpilit pa. Sinimulan namin ang masayang kwentuhan habang nagsasalu-salo.
" Kailan ang birthday ng kambal,bes?" Tanong sa akin ni Emerald bago sumubo.
" Naku,lucky charm ko yan sila dahil December 25 yan sila ipinanganak. " Sagot ko at nagulat naman sila.
" Ang galing! Christmas baby pala ang kambal!" Palahaw ni Anniza na kambal ni Aliza. Nagtawanan naman kami dahil sa naging reaksyon niya.
We continued the fun party while chatting until we decided to have a pool party.We also had a reunion with friends because we haven't seen each other for several years even though we had a group chat. I missed them so much.
Pinalitan ko lang ng rashguard ang kambal samantalang nagpalit lang ako halter top swimsuit. Mabuti na lang at marami akong swimsuit dito para maibigay kina Emerald dahil gusto rin nilang mag-swimming. I was surprised when the door bell rang so Elias went there to open it. Our boy friends opened up to us. God, we missed each other.
Nalaman ko na tinawagan pala sila ni Emerald kaya agad silang pumunta rito.
" Aba,blooming si Amy oh!" Tudyo sa akin ni Zamel kaya winisikan ko siya ng tubig. Natatawa naman siyang umilag at ginawa pang panangga si Elias. " Hoy Elias sawayin mo nga si Amy." Natatawang utos niya kay Elias.
" Bahala ka dyan." Tanging tugon lang ni Elias. Napatingin naman siya sa akin at tinaasan ko ng kilay tanda na gagawin niya ang ibig kong sabihin. Nagulat si Zamel nang buhatin siya ni Elias at inihagis sa pool.
Nagtawanan kaming lahat dahil sa itsura ni Zamel pagkaahon niya ng pool. Kahit sina Manang na kasambahay namin ay humagalpak ng tawa. Napalakas naman ang tawa ng kambal na hawak-hawak ni Emerald at Aliza kaya napabaling ang tingin sa kaniya ng boys.
" What the..." Gulat na saad ni Justin at napatingin sa akin.
Tumikhim muna ako bago ipakilala sa kanila ang kambal. Nagulat sila dahil napag-alaman nilang nagbunga pala kami ni Ivan.
" Alam ba ito ni Ivan?" Tanong sa akin ni JC na nakahuma na sa pagkagulat.
Unti-unti akong umiling habang kagat ang labi. Tila nakahinga naman siya nang maluwag.
" Mas mabuting hindi niya alam. Malaki ang issue na kaharap ni Ivan ngayon at baka madamay ang mga bata." Wika ni Zamel kaya napabaling ako sa kaniya.
Alam ko naman ang issue na 'yon kaya isa rin 'yon sa mga dahilan kung bakit ayaw ko pa ipakilala ang kambal.
Natuwa naman ang boys dahil may bago na silang pagkakatuwaan kaya isa-isa silang nagpakilala sa kambal.
" Hi,Aldea at Alden, ako si Tito Zamel niyo. Ang pinakagwapong kaibigan ni Mommy niyo. " Pagpapakilala niya at nakarinig kami ng 'boo' mula sa girls. " Oh bakit? Totoo naman ah!" Pangangatwiran ni Zamel kaya winisikan ko siya ulit.
Sunod namang nagpakilala si Justin. " Hi,twins. I'm your Tito Justin. Ang magiging jowa sana ng mommy niyo." Sabi niya at nagulat ako nang bigla siyang sipain ni Elias. Natawa naman siya. " Chill,bro. Lakas mambakod ah." Natatawa niyang suway kay Elias.
Sumunod naman si JC at gaya ng inaasahan ay puro lang ito kalokohan. Nag-eenjoy naman ang kambal kaya umahon muna ako saglit. Inabutan ako ni Elias ng robe at agad na itinapis sa katawan ko. Nakarinig kami ng sipol at agad naman naming tiningnan nang masama si Justin.
Tumulong ako sa pag-iihaw dahil balak daw nilang mag-inuman mamaya. Gusto ko sanang uminom kaso walang magbabantay sa kambal. Ayaw ko namang ipaubaya ang kambal kina Manang dahil pinagpahinga namin sila.
" Bes, 'di ka ba talaga iinom?" Ungot sa akin ni Emerald.
" Hay naku, walang mag-aalaga sa kambal kapag nalasing ako. Iinom naman ako nang paunti-unti eh." Sagot ko sa kanya kaya nanahimik na siya.
Ilang sandali lang ay pumwesto na sila sa gilid ng pool at tinipon na ang mga alak. Ang kambal naman ay buhat naming dalawa ni Elias habang sina Emerald ay inaayos ang mesa.
Pagkaayos ng mesa ay hinatid na nila Mariya ang iba't-ibang alak. Niyaya ko naman sila na makisali sa amin ngunit tumanggi sila dahil hindi naman sila umiinom. Mabuti na lang at nag-stay sila doon kaya kahit papaano ay nakasali kami ni Elias sa kanila.
Nagtuluy-tuloy lang ang inuman namin habang sila ay nagiging tipsy na. Mag-iisang oras na rin kasi kaming umiinom. Napagpasyahan nilang mag-swimming para hindi agad malasing habang kami ni Elias ay nakaupo.
" Are you happy?" Tanong niya sa akin ngunit nakatingin kina Emerald na nagkukulitan.
Bumuntong-hininga muna ako." Oo naman,kung pwede lang kami manatili rito ay gagawin ko. Namiss ko sila. Namiss ko ang dati." Mahina kong sagot at napangiti naman siya.
Nakisali kami kina Emerald kaya kami ang naging target nila. Puro tawanan lang ang naririnig sa pool area dahil sa kulitan namin. Sana ganito lang kami palagi.
Pagsapit ng alas-singko ay itinigil na namin ang pag-iinuman dahil uuwi pa sila at magmamaneho. Mabuti na lang ay mataas ang alcohol torelance nila jaya hindi sila gaanong nalasing. Niligpit lang namin ang mga basyo ng bote at naligo. Tamang-tama naman dahil may mga damit ako roon na naiwan kaya iyon ang pinagamit ko sa girls samantalang ang mga boys naman ay may kaniya-kaniyang damit.
Mag-aalas siete na nang makauwi sila at eksakto namang dating ng isang kotse. Tinitigan ko ito dahil alam kong hindi ito kotse nila Mommy. Habang papalapit ang kotse ay unti-unting nanlaki ang mga mata ko. Hindi ako pwedeng magkamali.
Ivan...
Hindi ako makaalis sa kinatatayuan ko lalo na no'ng lumapit siya sa akin. After 5 years, limang taon ang nakalipas.
Nakita ko na siya ulit...