Kabanata 06
Kinabukasan ay lutang na lutang ang pakiramdam ko dahil hindi ako nakatulog ng maayos dahil sa ginawa ni Vijay sa akin.
Hindi kasi talaga ako maka-move on sa paghalik-halik n'ya sa akin.
Hanggang ngayon ay nag-iinit pa rin ang pisngi ko tuwing maiisip ko ang paglapat ng labi n'ya sa batok ko.
Natigil ako sa iniisip ko ng makita kong nakatingin sa akin si Macey.
"Ano 'yan, huh mare? Ba't namumula ka?" Nakataas pa ang kilay n'ya habang nagsasalita.
Nakagat ko ang labi ko at mas lalong nag-init ang pisngi ko dahil sa tanong n'ya. Hindi ko alam kung paano sasagutin ang tanong n'ya.
"Ay, 'te, mas lalong namula? Anong dirty things ang tumatakbo d'yan sa utak mo?"
"Ano kasi..." Hindi ko magawang ituloy ang sasabihin ko.
"Ang bagal naman ng chika, dadating na si ma'am oh!" Naiinip na aniya.
"Ano kasi...ano, may nangyari sa amin ni Vijay." Natutop n'ya ang bibig n'ya habang nanlalaki ang mata.
"Hala potek mare, dalaga ka na! Kumusta naman ang experience? Ano, masarap ba huh? Buti nakapasok ka pa ngayon?"
Mabilis kong natakpan ang bibig n'ya dahil medyo malakas iyon baka kasi marinig s'ya ng mga kaklase namin. Mga perpekto pa naman ang mga tao dito kaya magagaling manghusga.
"Gagi, hindi 'yon katulad ng iniisip mo."
"Eh ano lang pala? Ano ba dapat ang isipin ko sa may nangyari? 'Di ba sex lang naman?"
Natampal ko ang braso n'ya dahil sa walang preno n'yang dila.
"Dahan-dahan naman sa kabastusan."
"Masanay ka na lang... ikaw nga d'yan 'tong nagsabi na may nangyari sa inyo ni Vijay e. Mas bastos ka sakin 'wag kang mag-alala."
Inirapan ko na lang s'ya. "Hindi naman kasi 'yon tulad ng iniisip mo, ang tinutukoy ko ay 'yong ano... 'yong paghalik-halik ni Vijay sa batok ko."
"Bakit ka naman hinalikan?"
"Nagsosorry kasi s'ya."
"Bakit kayo ba? May relasyon ba kayo para mag-sorry s'ya ganoong paraan?"
Natitigan ko ang seryosong si Macey bago ako umiling. Masakit iyong sinabi n'ya pero totoo.
"Huwag masyadong marupok mare, sige ka ikaw din ang madudurog." Seryosong dagdag n'ya pa.
Napatango-tango na lang ako sa kaniya. Talagang real talk s'yang magsalita.
"Huwag kang magpahalik-halik sa kaniya kung wala pa naman kayong karapatan sa isa't isa."
"Ang seryoso mo naman..." I said while pouting my lips.
"Alam ko kasing lugi ka sa kalagayan mo. May Venice pa 'yon tapos lalapit sa 'yo? Ekis 'yon, mare." Naiiling-iling s'ya.
Siguro nga madalas bastos ang bibig n'ya pero alam din n'ya kung kailan dapat gamitin ng tama ang laway n'ya.
"Tama ka, he's confusing me." Napayuko ako.
Gustong-gusto ko kasi talaga si Vijay. Pero nakikita ko rin na gusto n'ya si Venice. At 'yong ginawa n'ya sa akin kagabi? Pinagbubuhol-buhol no'n ang utak ko. Isama pa ang theory ni Macey.
Ayoko kong umasa pero ang hirap magpigil. Baka mapasama rin ako sa tumataas na bilang ng marurupok na tao.
"Hintayin mong linawin n'ya sa'yo pero huwag mong hahayaang lapitan ka niya habang may hawak pa s'yang iba. Ayaw kong madurog ka pa Linnett, sobra na ang pinagdaanan mo, lalabis na kung pati sa pag-ibig ay masusugatan ka pa."
Ilang araw pa lang kaming magkakilala pero ganito na s'yang magsalita. She really cared for me.
Buti na lang binigyan ako ng langit ng katulad n'ya.
"Lalim, hindi ko masisid." Pagbibiro ko dahil masyado ng lumalalim si Macey.
"Hindi mo talaga masisisid dahil ibang ang sisisid nito."
Napairap na lang ako sa kaniya. Pasmado talaga ang dila n'ya. Paano kaya kapag magulang n'ya ang kausap n'ya? Hay, ewan ko na lang talaga.
Sa mga sumunod na araw ay sinunod ko ang sinabi ni Macey. Hindi ako naging marupok kay Vijay. Ginawa ko ang makakaya ko para maging casual sa kaniya dahil hindi ko naman s'ya pwedeng iwasan dahil nasa iisang bahay lang kami nakatira.
Ginawa ko rin makakaya ko para balewalain ang landian nila ni Venice kahit na lagi ko 'yong nakikita. Kahit minsan ang sarap na nilang pag-umpugin dahil sa kalandian nila!
"Patingin nga ako hija ng itsura ko d'yan sa painting mo."
Nakangiting lumapit sa akin si Tito Vicente para tingnan ang portrait na ginawa ko. Sunday kasi ngayon at wala kaming magawa kaya naisipan ko na lang na i-paint si Tito gaya ng lagi kong ginagawa noon kay Tita Vivienne.
"Ang gwapo ko talaga..." Nakangising turan ni Tito, nagyayabang.
"Magaling lang kasi akong pintor kaya medyo gumwapo kayo d'yan."
"Ikaw ha, natututo kana?" Natatawang aniya.
"Sa'n pa po ba ako magmamana?"
Malakas na napahalakhak si Tito Vicente dahil sa sinabi ko. Natutuwa ako na nakakatawa na ulit s'ya ng ganito. Siguro kahit papaano ay unti-unti na n'yang natatanggap ang pagkawala ni Tita.
Hay, nakakainis! Sobrang namimiss ko si Tita Vivienne sa mga ganitong oras.
"Dad, anong ginagawa n'yo dito?"
Sabay naming nalingon si Vijay na naglalakad palapit sa amin kasabay ang parang linta n'yang girlfriend na si Venice. Lagi kasing nakahawak sa braso ni Vijay na parang linta! Sarap budburan ng asin!
"Ito na naman po ang kampo ng demonyo." Mahinang sabi ko na ikinatawa ni Tito Vicente. Hindi rin kasi pasado sa vibe check ni Tito ang babaeng 'yan.
"Kaya naman pala biglang nagdilim ang langit."
Para kaming mag-bestfriend ni Tito na nagbubulungan tungkol sa isang mean girl sa school. Kaya talagang lagi kaming nagkakasundo eh. Kung sa school may Macey ako sa bahay may Tito Vicente ako.
"Anong ginagawa n'yo, Tito?" Maarteng tanong ni Venice.
"Ano sa palagay mo hija?" Balik tanong ni Tito Vicente sa kaniya.
Napailing na lang ako sa sinagot ni Tito. "Nai-pinta ko si Tito kasi wala kaming magawa dito sa bahay." Ako na ang sumagot dahil alam kong wala na namang balak si Tito na makipag-usap ng maayos.
"Really? Pwede mo rin ba kaming ipinta ni Vijay?"
Ay, feeling close si ate. Kapal ng mukha n'ya, literal! Sarap sungalngalin ng gago.
Natingnan ko si Vijay na naghihintay rin sa sagot ko.
"Sure, why not?" Plastik akong ngumiti sa kanilang dalawa.
Sabuyan ko kaya ng paints 'tong dalawang 'to!
Tinapik ni Tito Vicente ang balikat ko bago ako binulungan. "Good luck, Linnett. Mahirap pa naman mag-pinta kapag nagseselos."
Nangunot ang noo ko dahil sa sinabi ni Tito Vicente. Alam n'ya bang may gusto ako sa anak n'ya?
"What do you mean, tito?" Pagtataka ko.
"You know what I mean." Nginisihan n'ya pa ako bago s'ya bumalik papasok sa loob ng bahay.
Ano bang nangyayari kay tito? Alam n'ya ba talaga na gusto ko si Vijay?
Nakasimangot ako habang nagpipinta ng biglang may pumasok na kalokohan sa isip ko.
Mabait naman ako pero hindi sa lahat ng tao.
Nang matapos ko silang ipinta ay sinadya kong matapunan ng pintura ang mukha ni Venice.
"Oh my gosh! What did you do to my beautiful face?!" Maarteng tanong ni Venice ng makita n'yang natapunan ang kalahati ng mukha n'ya ng itim na pintura habang ang mukha ni Vijay sa painting ay malinis at gwapong-gwapo.
"Pagod na kasi ang kamay ko kaya ayan nangalay, natapunan tuloy ang mukha mo ng pintura."
Ramdam na ramdam ko ang tingin sa akin ni Vijay pero hindi ko s'ya tinapunan ng tingin. Ano kayang iniisip nito? Pagagalitan kaya ako nito dahil sa ginawa ko sa girlfriend n'ya?
"Whatever!" Pagtataray ni Venice.
Tuloy-tuloy ang pagrereklamo ni Venice kaya basta ko na lang silang iniwan. Hindi bukas ang tainga ko sa kaartehan n'ya.
"Savage princess." Natatawang salubong sa akin ni Tito. "Nakita ko ang ginawa mo, sinadya mo 'yon. I told you, mahirap mag-pinta kapag nagseselos."
"Bakit naman po ako magseselos?"
"Bakit ka nga ba nagseselos?" Nakangisi si Tito, talagang nang-aasar.
"Wala naman akong gusto kay Vijay para magselos."
"Wala naman akong sinabi na may gusto ka, sinabi ko lang na nagseselos ka, pwede ka namang magselos as a sister pero iba ang tingin mo sa sinabi ko? Now I know you, hija." Puno ng pang-aasar at pang-iinis ang bawat sinasabi ni Tito, nakikibata masyado.
"Tito!"
Sinagot n'ya lang ako ng malakas na halakhak kaya inirapan ko s'ya bago ako naiinis na pumunta sa kwarto ko.
Lalabas na sana ako para mag-dinner ng biglang bumukas ang pinto ng kwarto ko at iniluwa no'n si Vijay.
"What are you doing here?" Tanong ko kahit na nagtatambol na ang dibdib ko sa kaba ng lapitan n'ya ako at hapitin sa bewang ko.
"Anong ginagawa mo?" Nahihirapang tanong ko.
"Are you jealous?"
"What?"
Hindi ma-proseso ng utak ko ang tanong n'ya. Paano naman s'ya nag-come up sa gano'n? Masyado na ba akong obvious sa nararamdaman ko?
"Tell me, nagseselos ka ba kay Venice?"
Hindi ko alam kung paano s'ya sasagutin, idagdag mo pang nahihirapan ako dahil yakap-yakap n'ya ako.
"Bakit naman ako magseselos sa kaniya?" Nahihirapang turan ko habang pilit na kumakawala sa yakap n'ya pero mas hinigpitan n'ya lang ang pagkakahawak sa bewang ko.
"Bakit ka nga ba magseselos, hmmm?" Bulong n'ya habang nakalapit ang mukha n'ya sa mukha ko kaya ramdam na ramdam ko ang mainit n'yang hininga sa mga labi ko.
"Hindi ako nagseselos sa babaeng 'yon! At never akong magseselos sa Venice na 'yon!" Iritadong sagot ko na ikakunot ng noo n'ya.
"Kung gano'n bakit mo ginawa 'yon sa painting?" May diin na sabi n'ya.
So, it's all about the painting! Nagagalit s'ya ngayon dahil sa ginawa ko sa malanding 'yon!
Buong lakas kong tinanggal ang kamay n'ya sa bewang ko.
"Para sa kaalaman mo hindi ko sinadya 'yon! Isa pa, bakit naman ako magseselos? Wala naman akong gusto sa'yo!"
Nagulat ako ng bigla na lang n'ya akong itulak sa kama ko bago n'ya ako dinagaan at hinalikan.
Sobrang bilis ng tibok ng puso ko habang hinahalikan n'ya ako. This is my first kiss!
Tulala pa rin ako pagkatapos n'ya akong halikan pero hindi s'ya umalis sa ibabaw ko.
Pakiramdam ko ay pulang-pula na ang pisngi ko.
"So, you don't like me, huh? Then, I'll make you fall for me, really hard." Bulong n'ya bago muling dinampian ng halik ang labi.
Ang gagong 'to, napapasarap yata!
Inilapit n'ya ang labi n'ya sa tainga ko. "Iyong tipong hindi ka na makakabangon, iyong laging ako lang ang laman ng isip mo at hindi ka mapapakali kapag hindi mo ako nakikita at iyong hahanap-hanapin mo ang halik ko."
Kinilabutan ako sa mga sinabi n'ya. He's insane. He's confusing.
Itinulak ko s'ya pahiga na ikinagulat n'ya dahil ako naman ang nasa ibabaw n'ya.
Nakangising kong inilapit ang labi ko sa labi n'ya. Kitang-kita ko ang panlalaki ng mata n'ya.
Mabilis kong inilapit ang labi ko sa labi n'ya at tsaka ko kinagat 'yon.
"Gago, may Venice ka! Huwag mo akong landiin at paasahin!"
Kitang-kita ko ang sama ng tingin n'ya sa akin habang hawak ang labi n'ya. Paniguradong masakit 'yon dahil halos magdugo na ang labi n'ya.
Nginisihan ko s'ya bago ko iniwanan sa kwarto ko.
Itutuloy. . .
--
Kathleenix 💙