Kyla's Point Of View
"KY! GALIT KA BA?" Nakangusong tanong ni Diane nung nasa kotse na kami. Agad kong binuksan ang makita at nagsimulang magmaneho.
"Huy Ky!" Nakanguso pa rin siya.
"Ano?" Tanong ko habang nasa daan ang tingin.
"Galit ka ba kako sa'kin?" Kinukut-kot niya na ang kuko niya, ibig sabihin lang no'n ay nagi-guilty na siya.
Natawa ako. "Hindi ah."
"Eh, bakit ang tahimik mo?"
Ngumiti ako. "Kulang lang talaga ako sa tulog."
"Hindi ka galit?"
"Psh! Bakit ako magagalit? Sanay na sanay na ko sa ugali mo." Natatawa kong sabi. Ngumuso lang ulit siya.
"Ano ka ba Diane? Ang tagal na nating magkakasama sa iisang bubong hindi mo pa rin makabisado mga ugali namin samantalang ikaw, bawat kibot mo-- alam na alam na namin." Singit ni angel na nasa backseat.
Nakangising nilingon ni Diane si angel. "Ha! Ganiyan talaga kapag iniidolo ako. Bawat galaw ko-- pinapanood ako." Nagyabang na naman. Napangiwi na lang si Angel kay Diane.
"Oo na lang." Napipilitang sabi ni Angel kaya nagtawanan kami.
Pagpasok pa lang namin sa company ay naaagaw na namin ang atensyon ng lahat, hanggang sa bumukas na ang elevator na sinakyan namin paakyat sa floor namin at sa opisina ni Macky.
Lahat ng madaan naming kapwa empleyado ay nakatingin sa amin, lalo na ang mga lalaki. Inartihan pa lalo namin ang paglalakad para damhin ang mga tingin nila. Walang katok-katok kaming pumasok sa opisina ni Macky.
Nagpose kaming tatlo nang makapasok. Nakapatong ang pareho kong siko sa balikat ni Diane at angel at ang parehong kamay ko ay nakahawak sa ulo ko sa pinakamaarteng paraan, si Diane naman ay nagpose na kunwari masakit ang sentido na para talagang tunay na model, habang si Angel naman ay nakahawak ang isang kamay sa bewang niya, ang tag-isang kamay pa nilang dalawa ay nakahawak sa bewang ko, bale pinaggigitnaan nila ako.
Nakashades na itim pa kaming tatlo. Suot na namin 'to kanina pagkababa palang namin ng sasakyan kaya kami pinagtitinginan ng mga empleyado pagpasok namin.
"Anong eksena niyong tatlo?" 'Yon na ang kataka-takang mukha ni Macky sa tanang buhay niya.
Napaayos kami ng tayo nang ma-realized namin na hindi lang si Macky ang nasa loob, nandito rin si sir Klyn. Anak ng, nakakahiya!
Nakita kong nililibot na naman ng dila ni sir Klyn ang kaliwang pisngi sa loob ng bibig niya. Nagpipigil ng ngiti naman ang dahilan no'n.
"Trip nilang dalawa 'to, nakisama lang ako. Ayokong ma-OP e." Si Diane ang sumagot na itinuro pa kami ni Angel.
"Trip niyong magshades ng itim na itim?" Kunot noong tanong pa ni Macky. Marahil ay gulong-gulo na ito sa'min.
Sinulyapan ko ulit si sir Klyn, kagat niya na ang pang-ibabang labi at nagkukumawala na ang mga ngiti.
Napakamot pa ko sa ulo sa sobrang kahihiyan bago naglakad papalapit sa table ni Macky at inilapag ang mga iprinint ko kagabi kasama ang flash drive.
"Tinapos ko lahat 'yan kagabi kaya kailangan kong magsuot ng shades ngayon." Sabi ko kay Macky. Nakuha niya naman ang ibig kong sabihin.
"Eh, ikaw Gel? Anong dahilan at kinailangan mo ring magshades?" Baling ni Macky kay Angel. Kinuha na ni macky ang inilapag ko at tinignan 'yon isa-isa.
"Tinapos ko yung pinapanood ko sa netflix e." Nakangusong tugon ni angel. Natatawang napapailing si Macky sa dahilan ni Angel.
Napalingon ako kay sir Klyn dahil nararamdaman ko pa rin ang mga titig niya. "Problema mo sir?" Maangas na tanong ko sa kaniya. Umiwas agad siya ng tingin.
"N-nothing." Sabi niya na tumingin ulit sa'kin. Nangunot naman ang noo ko nang makitang parang naiilang siya. Hindi niya nahahalata na tinitignan ko siya sa gilid ng mata ko dahil nga nakashades ako at itim na itim pa.
"OMG!!! Thank you tyeh!" Maligalig na wika ni Macky matapos tignan isa-isa ang ginawa ko.
"Psh! Wag kang magthank you, trabaho ko 'yan e." Kontra ko.
"Edi wag, baklang to!" Nanaray pa siya. Ayos ah. "Naappreciate ko lang dahil alam kong napuyat ka dahil dito." dagdag pa niya.
"Ayos lang ano ka ba!" Natatawa na ko sa kaniya. "Pero... pwede bang umuwi na ko, wala naman na kong masyadong gagawin ngayong araw e."
"Why?"
Napalingon kaming lahat kay sir Klyn nang itanong niya 'yon sa'kin. "Ah... kulang po kasi talaga ako sa tulog sir. Sumasakit na po kasi yung sentido ko."
"Are you okay?" Nag-aalalang tanong ni sir klyn.
"Hindi po masyado, pero kapag nakabawi po siguro ako sa tulog-- baka mawala na rin yung sakit ng ulo ko."
"Dadalhin mo yung kotse?" Singit ni Diane. Lumingon ako sa kaniya at tumango ako. "Paano kami uuwi niyan?" Problemadong tanong niya.
"Oo nga." Gatong ni Angel.
"Laki ng problem niyo? Nandiyan si macky oh." Turo ko kay Macky.
"Bakit ako tyeh? May gagawin ako baliw!" Tanggi ni macky. Napahawak ako sa table at sa ulo ko at umarteng nahihilo.
Nakita ko sa gilid ng mata ko na napatayo si sir Klyn at lumapit sa'kin. Naramdaman ko sa likod ko ang isang kamay niyang nakaalalay sa'kin at ang isang kamay niya pa na nasa braso ko na nakaangat dahil hawak ko ang ulo ko.
"Hey, are you alright?" Bakas sa boses ni sir Klyn ang pag-aalala. Naramdaman kong lumapit na rin ang dalawang kaibigan ko.
"Huy ky! Mamamatay ka na ba?"
Bwiset talaga 'to si Diane!
"Kailangan na talaga niyang magpahinga, hindi kasi siya sanay magpuyat kaya nabigla siguro ang katawan niya." Nag-aalala na rin si Angel.
"Ako na maghahatid sa kaniya." Sinabi ni sir Klyn kay Angel. Siya pala ang kausap ni Angel.
"Ayos lang ba sa'yo sir?"
Nakangiting tumango si sir Klyn "Yeah. It's okay." At saka bumaling sa'kin. "Ihahatid na kita sa bahay niyo para makapagpahinga ka na okay?"
Nahiya naman ako bigla. Wala 'to sa plano ng pag-iinarte ko. "Hindi na sir, salamat na lang po. Magko-commute na lang po ako."
Biglang nangunot ang noo ni sir Klyn. "Do you think I will let you?"
"Kaya ko pa naman sir--"
"No! Ihahatid kita."
"Pero--"
"End of conversation." Hindi niya na talaga ako hinayang makapagsalita.
"Nag-iinarte pa kasi." Bulong ni Diane pero rinig ko. Sinamaan ko siya ng tingin pero tumiklop ako nang makitang mas masama ang tingin niya sa'kin.
Naramdaman kong hinawakan na ni sir Klyn ang pulsuhan ko at marahan akong hinila papalabas ng opisina.
"Pahinga ka ky ah!" Pahabol na sabi  ni Angel. Hindi na ko nakatugon dahil tuluyan na kaming nakalabas.
Naging center of attraction naman kami dahil hawak pa rin ako ni sir klyn papunta sa elevator. Nakalabas kami ng company at nakarating sa parking lot kung nasaan ang kotse niya ay nananatiling hawak niya pa rin ako. Pinagbuksan niya ko ng pinto at inalalayan pa kong pumasok at maupo sa kotse.
Teka, Ano ba ko? Baldado? Psh!
Itinuro ko kay sir Klyn ang daan, pansin ko rin na medyo minamadali niya ang pag-andar namin. At nang huminto na ang sasakyan sa harap ng apartment namin, bumaba agad si sir klyn at ano pa? Pinagbuksan ng pinto at inalalayan na naman ako pababa. Napaka-gentleman talaga!
"Thank you po sir Klyn." Pagpapasalamat ko sa kaniya. Bumuntong hininga naman siya.
"You will be okay, right?" Halata sa mukha ni sir Klyn ang pag-aalala. Ngumiti ako kay sir. Parang alalang-alala kasi siya e. Dinaig pa niya mga kaibigan ko.
"Oo naman sir, bale itutulog ko lang 'to."
"Aren't you hungry? I can buy you something to eat."
Natawa ako. "Hindi na sir Klyn, ayos lang po ako."
Bumuntong hininga siya. "Okay..." Pero halata pa rin sa mukha niya ang pag-aalala.
Tinap ko ang balikat ni sir Klyn at ngumiti sa kaniya. "Pasok na po ako sir Klyn."
"Ah, wait..." pigil sa'kin ni sir Klyn nang tumalikod na ko't humakbang ng dalawa.
Nilingon ko siya. "Bakit sir?"
Huminga siya ng malalim. "Can you at least give me your phone number?"
Ngumiti ulit ako, humakbang papalapit ulit sa kaniya at inilahad ko ang isang kamay sa kaniya. Hinihingi ang cellphone niya. Agad siyang kumapa sa magkabilang bulsa ng slacks niya at nang makuha ang cellphone niya ay ini-abot niya 'yon sa'kin.
Ibinalik ko ang cellphone niya matapos ma-isave ang number ko doon. "Sige na po, pasok na po ako. Salamat po ulit sa paghatid sa'kin." Nakangiting sabi ko pa.
"Mm. Sleepwell." Nakangiti na rin siya. Tumango ako at tinap muli ang balikat niya bago tumalikod at naglakad papasok ng apartment.
Nang makapasok ako ay sumilip agad ako sa kaunting siwang ng gate namin para tignan kung nasa labas pa rin si sir Klyn dahil wala pa rin akong naririnig na pagbukas ng makina ng kotse niya. Napanguso ako nang makitang nando'n pa rin siya, nakasandal siya sa kotse at nakapamulsa ang parehong kamay habang nakatingala sa veranda ng second floor nitong apartment.
Naantig tuloy ang konsensiya ko. Hindi naman kasi talaga ako nahilo kanina. Palabas ko lang 'yon para payagan na kong makauwi ni Macky. Hindi ko naman akalain na madadamay sa kaartihan ko si sir Klyn.
Klyn's Point Of View
I DON'T KNOW why I suddenly felt too much of worried. Even if she said already that she's going to be fine, still, I'm bothered.
Gusto kong ako mismo ang makasiguro na magiging okay siya, na makakapagpahinga siya at makakatulog ng maayos.
She's making me worry, big time!
Hindi ko maintindihan ang sarili ko. Na-ihatid ko na siya at nakapasok na siya sa apartment nila pero hindi pa rin ako umaalis. Hindi ko mai-galaw ang mga paa ko paalis. Mukha akong tanga ditong nakatingala sa veranda ng apartment nila na para bang sisilip pa siya doon para lang makita muli ako.
What am I thinking? Tsh!
Nagbaba ako ng tingin sa bulsa ko kung nasaan ang cellphone ko, binuksan ko ito at pumunta sa contacts. Hinanap ko ang sinave niyang number pero natawa ako sa nakita ko.
Kylakyot :>
09*********
Kylakyot huh?
Napatitig ako doon at hindi ko namalayang nakangiti na pala ako. Nakabalik na ko sa company ng mga Esguerra pero hindi pa rin mawala ang ngiti ko sa labi. Nanatili ang ngiting 'yon hanggang sa makauwi ako sa condo ko.
Nakahiga na ko sa kama ko nang may maalala ako.
To: Kylakyot :>
Hey! Have you eaten?
2 minutes passed, my phone beeped.
From: kylakyot :>
Sir klyn? Isdatchu?
Natawa ako.
To: Kylakyot :>
Haha! Yes. Are feeling okay now?
My phone beeped again.
From: kylakyot :>
Yes sir, nakatulog ako ng maayos. Nabulabog lang nang umuwi na naman yung dalawa.
Dumapa ako sa kama at nag-compose ulit ng message ko.
To: kylakyot :>
Why? Did they wake you up?"
4 minutes passed...
From: Kylakyot :>
Hindi literal sir, nagising ako sa ingay nila. Lalo na kay diane. Psh!
I compose a reply.
To: kylakyot :>
I told you to cut it out that 'sir'.
Humilata ulit ako sa pagkakahiga dahil ilang minuto na ang nakakalipas, wala pa rin siyang reply.
Natinag ako sa pagkakatitig sa kisame nang tumunog muli ang cellphone ko. Agad ko itong tinignan.
From: kylakyot :>
Sige babe.