Kyla's Point Of View
KASALUKUYAN kaming nasa loob ng kotse ni sir na minamaneho niya. Hindi ko alam kung saan niya ko balak dalhin kaya tinanong ko na siya. "Saan ba tayo kakain sir?"
Lumingon siya sa'kin ngunit binalik niya rin agad sa daan ang tingin "What food do you want to eat?" Nakangiti siyang lumingon ulit sa'kin.
"Mmm..." Napaisip ako. "Parang gusto kong kumain ng bentelog, ang tagal ko na kasing hindi nakakakain no'n e."
"Bentelog?"
"Yes sir, it's a combination of fried rice and egg but it depends on you kung anong gusto mong idadag para makompleto ang meal. May longsilog, hotsilog, hamsilog at marami pang iba at ang mas nakakaloka diyan ay bente pesos lang siya hehe..." Dire-diretso kong sabi.
"Oh-kay." Tumango-tango naman si sir.
"Gusto mong tikman sir? Masarap 'yon! May paborito kaming bentelugan na kinakainin namin ng mga kaibigan ko. Doon na lang tayo sir, kung gusto mo hehe..."
"Sure! Ituro mo sa'kin ang daan."
"Nice hehe..." Tinuro ko ang daan sa kaniya at sa hindi maipaliwanag na dahilan ay naging maligalig ako. Paulit-ulit ko namang kinanta ang peppa pig song na favorite ko.
"Bong bing boo, bing bong bing, bing bong bingly bungly booo..."
"What's that song?" Kaya tinanong na ko ni sir. Napahinto ako sa pagkanta at lumingon sa kaniya.
"Pang-batang kanta sir, maganda kasi yung lyrics niya. Damang-dama ko yung meaning." Kunwaring sagot ko sa kaniya. Natawa lang siya.
Huminto na ang sasakyan nang nasa harap na kami ng bentelugan na sinasabi ko sa kaniya. Tinanggal ko na ang seatbelt ko at akmang bubuksan na ang pinto ng kotse nang bumaba si sir at siya mismo ang nagbukas ng kotse.
Naks! Gentleman naman pala, parang ang sarap mahalin, char!
"WELCOME SA BENTETULAGAN NI ALING BET hehe!" Masiglang ani ko nang nasa tapat na kami ng mismong bentelugan, napatingin pa tuloy ang ilan sa mga kumakain dito. "Ang cute 'no sir?"
"Mas cute ka pa rin." bulong ni sir.
"Ano 'yon sir?"
"Ah, nothing." Umiling siya. "Dito kayo madalas kumakain ng mga kaibigan mo?" Tanong niya. Nakapamulsa siyang iginala ang tingin sa lugar.
"Yes sir, sa sobrang dalas namin dito--naging close na namin si aling bet, yung may ari nito mismo."
"Mm, I see... kain na tayo? Nagugutom na ko."
Naupo na kami sa bakanteng upuan. Inexplain ko kay sir kung ano-ano yung mga nakalagay sa tarpulin para makapili siya ng kakainin. Sa huli, longsilog din ang inorder niya katulad ng sa'kin, sinabi ko kasi sa kaniya na 'yon ang paborito ko. Hindi pa rin daw kasi niya natitikman ang longganisa kumpara sa ham, hotdog at cornbeef.
Nang ma-iabot sa'min ng server ang inorder namin ay nakita ko si aling Bet kaya binati ko ito. "What's up aling Bet?" Kumaway pa ko sa kaniya.
"Uy, ganda!" Ngumiti siya ng malawak habang naglalakad papalapit sa gawi namin.
"I know right haha!"
"Kumusta ka? Ngayon na lang ulit kita nakita ah. Nasa'n ang mga kaibigan mo?" Tanong ni aling Bet nang makalapit sa'min.
"Ayos lang po aling Bet, medyo busy sa work kaya hindi na kami nakakain dito nung mga nakaraang linggo."
"Ah ganon ba..." Napalingon siya kay sir. "At sino naman 'tong kasama mo? Aba'y ang gwapo! Boyfriend mo ba ganda?"
Napalingon ako kay sir at nagulat ako nang makitang nakangisi si sir sa'kin. "A-ano ka ba aling Bet, h-hindi ah! 'Wag ka ngang ma-issue baka 'yan pa ikalugi ng bentulugan mo, sige ka!"
Natawa naman siya. "Nagtatanong lamang ako ganda, lalo pa't bagay na bagay kayong dalawa."
Desisyon si aling Bet...
"A-ah, aling Bet..." pakiramdam ko ay ang init ng pisngi ko. "Siya nga pala si sir Klyn, isa siya sa magiging investor ng company ni Macky kung papayag siya hehe... Ah sir, siya naman si aling Bet, may ari nitong bentelugan like what I've said earlier."
Nakipagkamay si aling Bet kay sir. "Nice meeting you pogi." Nakangiti niyang ani.
"Me too po." Nakangiti si sir.
"Oh siya, sige, maiwan ko na muna kayo para makakain na kayo. Marami pa rin akong aasikasuhin." Pagpapaaalam ni Aling Bet.
"Sige po aling Bet."
Ngumiti pa siya sa'amin bago tuluyang umalis. Bumaling ako kay sir nang maramdaman kong nakatitig ito sa'kin, para hindi ma-ilang ay niyaya ko na itong kumain.
"Ah, Miss! Pahingi naman kami ng sabaw." Malakas kong sabi ng sa gayon marinig ako nito dahil medyo malayo kami sa counter.
"Okay po." Tugon ni Miss.
Binalik ko na sa mesa namin ang tingin ko at pinagpatuloy ang pagkain ko. Habang ngumunguya ay lumingon ako kay sir.
"Anong masasabi mo sir? Masarap ba?" Tanong ko sa kaniya, ngumunguya pa rin.
"Yeah. It tastes good." Sagot niya nang matapos ang pagnguya.
"Sabi sa'yo sir e." Proud kong sabi.
"Ito na po ang sabaw." Sulpot ni Miss habang inilalapag ang dala niya. Nakatitig siya sa katabi ko habang kumakain ito. Naningkit naman ang mga mata ko.
Kapag natapon lang talaga 'yang sabaw na dala mo... ipapapunas ko sayo 'yan gamit ang dila mo. Psh!
"Hey... why are you glaring at her?" Biglang tanong ni sir.
Napalingon ako sa kaniya at muling nilingon yung babaeng nakabalik na sa counter. Hinabol ko pala siya ng masamang tingin, hindi ko namalayan.
"W-wala lang sir... tikman mo na lang yung sabaw." Inilapit ko ang maliit na mangkok na may lamang sabaw sa tabi ng plato niya at saka ako tumingin sa kaniya. Natigilan naman ako dahil nakangisi na naman siya sa'kin.
"Iba ang gusto kong tikman e." Usal ni sir na nakatingin sa labi ko.
Oh, no...
"S-sir?" Feeling ko namula ako ng slight.
"Remove that 'sir', just call me by my name." Nakatingin pa rin siya sa labi ko. Nakaramdam naman ako ng pagkailang.
"H-hindi naman 'yon pu-pwede sir. Boss namin kayo kaya ang pagtawag namin ng 'sir' ay way ng paggalang."
"Exactly, ayokong galangin mo ko kapag hindi oras ng trabaho. Especially kapag tayong dalawa na lang." Buti naman sa mata ko na siya nakatingin.
"S-sige po sir."
"I said--"
"Klyn."
"Good girl." Ngumisi siya at tinap ang ulo ko. Pinagpatuloy namin ang pagkain hanggang sa matapos na kami.
"Here." Sabay abot ng isang libo ni sir sa babaeng nasa counter.
"Ah, eh kuya wala ba kayong mas maliit na amount. 70 pesos lang po lahat." Sabi ni Miss counter. Nagsoftdrinks pa kasi kami kaya naging 70.
"Sagot ko na to sir--ay Klyn pala." Sabay abot ng 100 pesos kay miss counter. Iniabot na din niya ang sukli ko.
Bumuntong hininga si Klyn. "I'll pay you."
"Nako, hindi na Klyn! Libre 'yon e."
"Still, I'll pay you. Ako dapat ang manlibre sa'yo since ako naman ang nag-ayang kumain tayo."
"It's okay. Don't mind it. Mas mahal pa rin ang nakonsumo mong gas sa pagda-drive mo papunta dito, tutal ako naman ang nagrequest na dito na lang tayo kumain."
"But--"
"Hep!" Putol ko sa kontra niya na naman. "Okay na Klyn, bumalik na tayo sa company at 'wag mong gawing big deal ang 70 pesos okay?"
Bumuntong hininga ulit siya. "Okay Kyla..." Ngumiti na siya sa'kin. Inialok niya sa'kin ang kamay niya na siyang ipinagtaka ko. "Babalik na tayo sa company ng kaibigan mo." Tumango siya at tinignan ang kamay niyang nakaalok pa rin sa'kin.
Naging hudyat 'yon para hawakan ko na ang kamay niya. Ngumiti siya kaya napangiti na rin ako. Inalalayan niya ko papunta kung saan nakaparada ang kotse niya hanggang sa makasakay ako.
NATAPOS ANG araw na tutok lang ako sa harap ng computer, marami kasi talaga akong kailangang trabahuhin kaya plano ko na talagang hindi sumabay kumain ng lunch sa mga kaibigan ko pero dahil si Klyn na ang nag-aya sa'kin at pinagduldulan pa ko ng mga kaibigan ko sa kaniya, kaya sumama na ko.
Hindi naman sa napilitan lang ako kanina kaya ako sumama. Ang totoo, nag-enjoy akong kasabay kumain si Klyn. Ang gwapo niya kasing kumain. Alam kong hindi lang ako ang nanonood sa kaniya kanina, lahat siguro ng babae na nando'n sa bentelugan ay nakatutok sa kaniya. Sinusundan namin ang mga kamay niyang iaangat ang kutsara papunta sa bibig niya para isubo ang pagkain. Pati pagnguya at paglunok ay hindi namin pinalagpas na matutukan.
Sadyang kay gwapo ni Klyn, hindi na ko magtataka kung maraming nagkakagusto sa kaniya. Ang lakas ng dating niya, maputi at matangkad. May kakapalan ang kilay at pilik mata. Ang mga mata niya ay sadyang kakaiba, parang kaya ka niyang tunawin sa pamamagitan lang ng tingin niya. At ang labi niyang mapula at medyo manipis ang nakakapagdagdag pa lalo sa kagwapuhan niya. Kahit titigan mo lang ang labi niya ay malalaman mo na kung gaano 'yon kalambot, ano pa kaya kapag nahalikan mo na?
"Ky! Saan kayo kumain ni sir kanina?" Pang-iistorbo ni Diane.
Nakauwi na kami sa apartment na tinutuluyan naming tatlo. Si Macky kasi ay may sariling condo malapit sa company kaya doon siya tumutuloy.
Nasa kwarto kaming tatlo, si Angel ay tutok sa pinapanood niya sa netflix habang ako ay nasa harap pa rin ng computer. May sariling pwesto ang computeran namin dito sa kwarto. Malapit sa pinto palabas ng maliit naming veranda.
"Diyan lang." walang kwentang sagot ko habang nagta-type sa keyboard.
"Diyan lang?" Inulit niya lang yung sinabi ko. "Hindi ka dinala sa mamahaling restaurant?" Hindi makapaniwalang tanong niya pa.
"Hindi, nagbentelog lang kami."
"BENTELOG?!" Sigaw niya kaya napatingin na ko sa kaniya, pati na rin si Angel.
"Ano ba't inuulit mo lang ang sinasabi ko?" Inis na tanong ko sa kaniya.
"Niyaya ka lang niyang kumain magbentelog?" Hindi talaga siya makapaniwala. Bumuntong hininga ako.
"Ako ang nagyaya sa kaniya. Tinanong niya ako kung anong gusto kong kainin, sabi ko bentelog. Kaya nagpunta kami sa bentelugan ni aling bet." Sagot ko sa kaniya para matahimik na siya. "Ano? Okay na ba? Istorbo ka masyado nakikita mo ng may ginagawa ako. Mm!" Inambahan ko pa siya ng sapak, napailag naman siya.
"Psh! Akala ko pa naman sa mamahaling restaurant ka niya dadalhin since siya ang nag-ayang kumain kayo." Ngumuso pa siya. "Bakit naman kasi bentelog ang sinabi mo?"
"Bentelog ang gusto kong kainin kanina e. Bakit ba umaangal ka dyan? Si Klyn nga ay hindi umangal sa'kin kanina. Hoy! Baka nakakalimutan mong may atraso ka pa sa'kin." Nanlilisik ang mata ko sa kaniya.
Napangiwi sya. "Bakit 'Klyn' na lang ang tawag mo sa 'sir' natin aber?" Diin nya at namewang pa siya.
"'Yon ang gusto niya e."
"Mukang nagkakamabutihan na kayo ni sir ah!" Maarte niyang hinampas ang balikat ko.
Napalingon ako sa kaniya. "Ano? 'Wag mo ko husgahan ah!"
"Oh, bakit hindi ba?" Natakataas ang mga kilay niyang tanong. "Hoy! Sinabi ko na sa'yong 'wag ka masyadong magmaganda. Sobrang gwapo kaya ni sir--choosy ka pa?"
Nagsalubong ang parehong kilay ko. "Ano bang sinasabi mo diyan?! Ang layo na ng mga sinasabi ng bunganga mo! Kumain lang kami, uy. Wag mong lagyan ng meaning 'yon!"
"Psh!"
"Dumistansya ka na muna sa'kin--baka hindi na kita matantsa!" Itunuon ko na muli ang atensyon sa ginagawa ko at tinapos 'yon.
"GISING NAAA!!!!" Napabalikwas kami sa kama ni Angel nang makarinig kami ng kalansing ng stainless na kaldero at sandok.
Siraulo talaga 'to si Diane!
"Anong trip mo?!" Singhal ko kay Diane na patuloy pa rin sa pagkilansing ng hawak niya.
"Kanina ko pa kayo ginigising mga tulog mantika kayo, kaya ito ang naisip kong way para magising kayo mga batugan!"
"Alam mo namang napuyat kami diba?" Inaantok pa rin na ani Angel.
"Aba matinde! Kasalanan ko pa pala ngayon? May trabaho tayo uy, remind ko lang." Nakapamewang siya habang hawak pa rin ang kaldero at sandok. Mukang nanay. LOL!
"Ang OA mo mag-remind!" Angil ko pa.
Tumayo na ko at dumiretso sa banyo, may isa pa namang banyo sa ibaba kaya paniguradong doon na lang si angel maliligo.
Kulang na kulang talaga ang tulog ko dahil napuyat ako sa katatapos ng trabaho ko kagabi. Kailangan na kasi 'yon ni Macky ngayon kaya sinikap ko talagang tapusin 'yon kagabi.
Naka-office attire na ko nang bumaba para kumain, hindi talaga maganda ang gising ko kaya walang sali-salita kong tinapos ang pagkain ko.