EISSA
Malakas na tugtugin. Mga taong nagsasayawan sa entablado. Mga customer na nagtatawanan habang umiinom ng beer habang may kaakbay na mga babae.
"Madali lang di ba?." Napalingon siya kay Jeff.
Busy ito sa paghalo ng mga inumin. Makikita mo talagang sanay na ito sa trabaho at matagal na itong bartender.
Umupo siya sa bar stool at pinanuod ang ginagawa nito. Dahil nakakaaliw ang paghahalo nito sa mga alak.
"Hindi kaba naasiwa sa nakikita mo?." tanong nito habang inilagay nito sa Isang baso ang ginawa nitong inumin at ibinigay sa Isang customer.
Napatingin siya sa paligid at nakita ang ibang taong nakikipag halikan.
"Hindi naman. Medyo hindi lang ako komportable sa suot ko ngayon." sabi niya rito.
Isang pulang mini skirt , puting polo na hanggang braso at pulang necktie. Ang buhok niya ay naka pony tail at pulang tali rin ang ginamit niya para bagay sa suot niya.
"Masasanay ka rin sa suot mo. At bagay naman sayo." puri nito sa kanya.
"Salamat." pagpapasalamat niya rito dahil kung minsan ay walang pumupuri sa kanya.
Yung puri na bukal sa loob at walang halong kabastosan o panlalait. Yung mga puring natatanggap niya ay minsan sa mga taong may kailangan sa kanya.
Nakita niyang may Inilagay na lemon si Jeff sa isang maliit na baso at niligyan ng alak. At isinerve ito sa Isang lalaking nakatingin sa kanya. Agad naman siyang umiwas ng tingin at inaliw ang sarili sa pakikipag-usap kay Jeff.
"Ito oh juice." At binigyan siya ng Isang baso ng orange juice.
Tinanggap naman niya iyon at ininom.
"Salamat."
"May gustong mag order Eissa, puntahan mo sa table 15." ani ni Gale sabay tapik sa likod niya.
"Sige." nilagok niya ang juice at inilabas ang maliit niyang notebook at ballpen.
Hindi pa kasi pamilyar sa kanya ang mga pangalan ng mga alak at snacks sa bar. At understandable naman iyon dahil unang gabi niya rito.
Naglakad siya patungo sa table 15 at nakita ang Isang matabang lalaking. Pinapagitnaan ito ng dalawang babae. May kasama rin itong dalawang lalaki na kasing laki nito. Pero mukhang ito ata ang lider dahil dalawa ang babae nito habang ang dalawa ay tig-iisa.
"Order niyo po sir?." tanong niya rito.
"Tatlong bucket ng mamahaling beer at Isang bote ng tequila." agad naman niyang isnulat sa papel ang inorder nito.
"Snacks po?." Tanong niya pa at napatingin sa lalaking kasama nito na nasa gilid niya.
Ramdam niya ang tingin nito sa legs niya pero hindi niya iyon pinansin at naging professional sa trabaho niya.
"Chips." mayabang nitong sagot at inilapag sa lamesa ang perang pambayad nito sa inorder.
Humakbang naman siya palapit sa lamesa at yumuko ng kaunti para kunin sana ang pera ng biglang hawakan ng lalaki ang legs niya.
Agad naman siyang napaurong at hindi nakuha ang pera. Masama niyang tiningnan ang lalaki pero nakangisi lang ito.
"Pasensya ka na miss. Sadyang makinis at maputi lang ang legs mo at hindi ko napigilan ang kamay ko." Lasing nitong dahilan.
"Sa susunod po ay huwag po kayong humawak." Banta niya rito at kinuha ulit ang pera ng ginawa na naman nito ang pambabastos sa kanya.
Mabilis niyang nasapak ang mukha nito na ikinatili ng babaeng katabi nito.
"Ay!." tili ng babae na ikinalingon ng ibang customer.
"Aba't !". sigaw ng kasama nito pero pinigilan ito ng lalaking nambastos sa kanya.
Tumayo ito sa pagkakaupo at mahigpit na hinawakan ang pulsohan niya.
"Bitawan mo ako!." sigaw niya pero yung iba ay nagpatay malisya. Ni walang umawat sa lalaking ng harass sa kanya.
Expected na niya ang ganitong scenario dahil nasa bar siya nagtratrabaho at may mga ganitong klaseng customer ang makakahalobilo niya pero hindi niya inaasahang sa unang araw ng trabaho niya ay may manyakis agad na customer.
"Sabi ng bitawan mo ko!." sigaw niya at malakas na hinila ang pulsohan upang makawala sa hawak nito.
"Bwes*t ka!." galit nitong sigaw at dumapo ang palad nito sa pisngi niya.
Napaatras siya at halos matumba dahil sa impact ng pagkakasampal sa mukha niya.
"Ahh!." sigaw naman ng mga taong nakakita.
"Pasalamat ka nga miss ay dahil may pumapansin sayo." saad nito habang nasa harap niya ito.
Akmang hahawakan nito ang mukha niya ng bigla na lang itong napaatras at natumba sa lamesa. Napatayo naman ang kasamahan nito at agad na nilapitan ang lalaki.
Napatingin siya sa gilid niya at nakita ang boss niya. Tumingin naman ito sa kanya at hinawakan ang panga niya at sinuri ang pasa niya sa mukha.
"Jeff!." Malakas nitong sigaw dahilan na mawala ang malakas na tugtugin at napatingin sa kanila ang lahat ng tao sa loob ng bar.
"Yes boss." sagot naman agad ni Jeff na nasa likuran niya.
"Treat her wound." utos nito kay Jeff.
Hindi na sumagot si Jeff at hinila na siya papunta sa ikalawang palapag ng bar. Hindi na niya nakita kung ano ang nangyari dahil nagkumpolan na ang mga customer sa bar at Tanging sigaw lang ang narinig niya.
Pumasok sila sa Isang madilim na kwarto. Jeff turned on the lights at bumungad sa kanya ang kulay itim na kwarto. May kama, sofa , at nakadikit na flat screen t.v.
"Umupo ka dyan Eissa." turo ni Jeff sa sofa at doon siya umupo.
Nawala ito saglit at hindi nagtagal ay may bitbit itong first aid kit. Tahimik lang sila habang nililinis nito ang pasa niya sa mukha. Napapaigtad naman siya sa tuwing dumadapo ang bulak na may alcohol sa pasa niya.
Napakuyom siya ng kamao habang ang dalawang tuhod niya ay nanginginig. Napahinto naman si Jeff sa ginagawa at tiningnan siya na may pag-alala.
"Kung gusto mong umiyak. Umiyak ka." ani nito at hinayaan siya.
Ayaw man niyang umiyak sa harap nito ay hindi niya napigilang tumulo ang mga luha.
"Wahhhh!!." sigaw niya sabay hagulhol na parang batang nawalan ng candy.
Tinapik-tapik naman ni Jeff ang likod niya. Takot na takot siya kanina. Hindi niya alam kung ano ang mangyayari sa kanya kanina.
Iyak lang siya ng iyak hanggang sa tumahan siya.
"Ayos ka na ba?." Tanong nito sa kanya.
Tumango lang siya at pinahid ang natuyong luha niya sa pisngi. Ngayon alam na niya kung bakit napaka swerte ni Ashley sa kapatid. Hindi lang ito masipag sa trabaho. Maalaga pa ito. Parang Kuya na rin niya ito.
"Nalagyan ko na yan ng cream para hindi na yan mamula pa. Magpahinga ka muna dito." ani nito at iniligpit ang mga ginamit na bulak.
"Kanino po ba tong kwarto?." Tanong niya kay Jeff pero hindi ito sumagot. Bagkus ay tumayo na ito bitbit ang first aid kit.
"Mauuna na ako. Magliligpit pa ako sa baba." ani nito at lumabas ng silid.
Naiwan siyang mag-isa sa loob ng kwarto. Maganda ang mga disenyo at hindi marangya tingnan. Simple at komportable. Napasandal siya sa sofa at napatingin sa right side. May Isang pinto roon kaya tumayo siya para buksan iyon. At dahil curious siya ay binuksan niya ang pinto at bumungad sa kanya ang opisina ng boss niya.
"Connect?." tanong niya sa sarili at isinara ang pinto. Nakaharap pa rin siya sa pintoan at tinanong ang sarili.
"Konektado ang opisina ni Boss at ang kwartong to?." usap niya sa sarili at umaktong nag-iisip ng may biglang sumagot sa likod niya.
"Why Ms. Flores? May problema ba tayo?."
"Ay kabayo!." sigaw niya.
Narinig niya ang mahinang pagtawa nito at naglakad patungo sa Isang kabinet. Napatingin naman siya sa pintuang pinasukan nito. Ni hindi man lang niya narinig ang pagbukas at pagsara ng pinto pati ang mga yabag nito ay hindi niya narinig. Walang ingay ang bawat apak nito sa sahig.
"Did Jeff treat your wound?." Tanong nito at hinubad ang suot nitong damit.
Nahagilap ng mga mata niya ang pulang likido sa damit nito pero agad siyang tumalikod.
"Opo boss." sagot niya.
"Ahmm yung lalaki po kanina boss?." Tanong niya sa nahihiyang boses.
"Banned." sagot nito.
Napalingon siya rito at nakaupo na ito sa sofa habang siya ay nakatayo pa rin malapit sa pintuan ng opisina nito. Naglakad siya palapit rito at humingi ng pansensya.
"Pasensya na po boss. Hindi ko gustong magkagulo." ani niya habang nakayuko.
"It's okay Ms. Flores. Now go home and take a rest." ani nito.
"Sige po boss. Salamat." Humakbang siya patungo sa pinto ng magsalita ito.
"Take care." saad nito sa malambing na boses.
Napahawak siya sa door knob.
"Salamat." pagpapasalamat niya at lumabas ng silid.
Mabilis siyang nag-lakad pababa sa unang palapag ng bar at nakita ang kapwa trabahante niyang naglilinis na ng bar. Nakita niyang naglakad patungo sa kanya si Jeff.
"Kami na ang bahala rito. Umuwi kana at magpahinga." ani nito sabay tapik sa ulo niya.
"Sige." sagot niya na may ngiti sa labi at naglakad patungo sa locker room at nagbihis.
Nagpaalam na siya sa mga kasamahan at naghintay ng masasakyan sa labas ng bar pero wala ng pampasaherong motorsiklo. Kaya nagpasya siyang mag lakad-lakad baka may makasalubong siyang motorsiklo na byabyahe.
Alas 3 ey medya na kasi ng umaga. Kaunti pa lang ang mga sasakayang dumadaan sa kalsada kaya tahimik pa ang paligid.
Nasa unahan na siya ng may mahigilap siyang malalaking tatlong bulto ng lalaki. Mabilis lang siyang nag-lakad at hindi pinansin ang mga ito. Lalagpasan lang sana niya ang mga ito ng biglang hinila ng Isang lalaki ang bitbit niyang bag.
"Ikaw!." sigaw ng Isang lalaki na nasa harap niya at hinila ang buhok niya.
" Ng dahil sayo ay nangyari sa akin to!." Nakita niya ang pasa nito sa ilong ,mukha at mata. Halos hindi makilala ang mukha nito. Bigla niyang naalala ang pulang likido sa damit ng boss niya.
"Bitawan moko!." sigaw niya.
Nagpupumiglas siya at hinawakan naman ng Isang kasamahan nito ang isa pa niyang braso kaya hindi siya makawala.
"Ipasok niyo na yan sa kotse!." sigaw ng matabang lalaki.
Hinila siya ng dalawang lalaki sa Isang kotse na nakaparada lang sa gilid.
"Tulong ! Tulong! Hmmpp!!." sigaw niya pero tinakpan ng Isang lalaki ang bibig niya gamit ang kamay nito.
"Hmmpp!! ." sigaw niya pa rin.
Lumuluha na siya dahil sa takot. May mga kapatid pang naghihintay sa kanya sa bahay. Kaya kinagat niya ang kamay nito at agad naman siyang nabitawan ng lalaki. Ang isa namang may hawak sa kanya ay kinagat niya rin ang kamay nitong nakahawak sa braso niya.
Agad siyang nakawala at napatakbo pero nahulog siya ng matabang lalaki na lider ng tatlo at malakas siyang sinuntok sa tyan. Namilipit siya sa sakit at napapikit. Naramdaman niyang kinarga siya nito at ipinasok sa kotse.
Tulong! sigaw ng isipan niya.
"L*tse tong babae to!." rinig niyang reklamo ng lalaki at umupo ito sa driver's seat.
Napamulat siya ng mga mata.
Pinagitnaan siya ng dalawang kasamahan nito na kinagat niya kanina. Naramdaman niyang umandar ang sasakyan.
"Lagot ka sa aki-." Naputol ang dapat sanay sabihin nito ng biglang nabasag ang bintana ng kotse at pumutok ang ulo nito. Napasigaw naman ang kasamahan nito at mabilis na lumabas ng kotse. Gulat at nabigla siya sa nasaksihan.
"Tulong." mahinang sambit niya.
At nawalan siya ng malay.