EISSA
Pagod siyang umupo sa upuang gawa sa kawayan. Yumuko siya at tinanggal ang suot na 2 inches heel niyang sapatos. Sumandal siya sa sandalan at napapikit.
"Ate?." rinig niyang tawag ng kapatid niya.
Napamulat siya at tiningnan ang kapatid. Sinenyasan niya itong maupo at umupo ito sa tabi niya. Inakbayan niya ito.
"Okay lang ate?." tanong ni Elijah.
Ang pangalawa niyang kapatid. Elijah is 18 years old. Nasa grade 12 of Senior High na ito kaya medyo mas magastos na ito at sa pag-aaral nito.
"Oo okay lang ako. Nagpapahinga lang." At ginulo niya ang buhok nito.
Maasahan niya si Elijah. Ito kasi ang nagbabantay ng dalawa nilang kapatid na nasa elementary pa. Maasahan rin ito sa gawaing bahay kapag wala itong pasok ay ito ang naglilinis ng bahay.
"May pagkain na po don sa mesa Ate. Kumain na po kayo para maaga kayong makapag-pahinga." ani nito sa kanya.
Parang ito pa ang matanda sa kanilang dalawa.
Natatawa siyang tumayo at sinagot ito.
"Oo na po." biro niya. "Pumasok kana sa kwarto mo para makapag study kana ako ng bahala dito."
Pumasok na ito ng kwarto at siya naman ay tinungo ang kusina. Hindi naman kalakihan ang bahay nila. May dalawang kwarto, ang sala nila na maliit at ang kusina nilang malinis.
Kumuha siya ng plato at inilapag ito sa bilog nilang lamesa. Binuksan niya ang nakatakip na ulam at kanin. Sardinas ang ulam nila dahil hindi pa niya nakukuha ang sweldo. Hindi pa araw ng sweldo niya at nagtitipid sila.
Masagana siyang kumain. Iwinaksi sa isipan ang mga problema niya.
Tapos na siyang kumain at hinugasan ang mga ginamit na plato at kutsara. Pagkatapos ay nagpahinga ulit siya at naglinis ng katawan. Importante sa kanya ang paglilinis ng sarili. Siguro lahat naman ng tao ay kailangang gawin ang proper hygiene.
Chineck muna niya ang lock ng pinto at pinatay ang lahat ng ilaw. Pumasok na siya sa kwarto niya. Kasama niya ang kapatid na babae na si Emma. Ang pangtalo sa kanilang magkakapatid. Nakahiga na ito at mahimbing na ang tulog.
Humiga siya sa tabi nito. Isang higaan lang ang hinihigaan nila. Manipis na foam at isang malaking blanket.
Ipinikit niya ang mga mata at nakatulog dahil sa pagod.
"ATE! MAUUNA NA KAMI!." sigaw ni Elijah.
"Sige. Mag-ingat kayo ha?!." sigaw niya pabalik dahil nasa loob siya ng banyo.
Maaga kasi ang mga itong pumasok sa school nito. Pati na ang nakababata nilang kapatid na si Ethan. Grade 4 si Ethan at si Emma ay Grade 6. Maagang namatay ang mga magulang nila. At iniwan sa kanya ang responsibilidad ng mga ito.
Natapos na siyang maligo at nag make-up. Suot ang uniform ng isang saleslady. Oo, saleslady ang trabaho niya. Hindi siya nakapagtapos ng pag-aaral dahil kapos sa pera at mas uunahin niya ang mga kapatid niya.
Lumabas siya ng kwarto bitbit ang bag niya. Ipinatong niya ang bag sa lamesa niya at itinuyo ang basang buhok gamit ang isang towel at nagsuklay.
Nasa harap siya ng isang salamin habang nagsusuklay ng buhok. Simpleng make up lang inapply niya sa nukha para mas lalong magandang tingnan ang mukha niya.
Hindi siya pangit. Biniyayaan siya ng Diyos ng kagandahan. Makinis at maputi ang balat niya. Ni walang peklat ang makikita sa kanya. Halos silang magkakapatid ay mapuputi. Nakuha nila ang balat ng kanilang ina.
Matangkad rin siya. Sa height niyang 5'6 ay masasabing mataas na siya. Pero mas matangkad si Elijah. Nalagpasan nito ang height niya. Nagbibinata na kasi ito.
Lumabas na siya ng bahay nila at kinandado ang pinto. Kahit hindi pa niya ito e lock ay wala namang mawawala. Wala namang makukuha ang magnanakaw sa bahay nila.
Sumakay siya ng tricycle patungo sa pasadahan ng jeep. Double ride sila rito sa lugar nila. Sampung peso ang bayad sa tricycle habang sixteen pesos naman sa jeep. Hindi naman malayo ang mall na pinapasokan niya kaya okay na rin ang pamasahe.
Alas 9 ang pasok niya sa mall pero dumadating siya sa eksatong oras. 8:30 ay nasa mall na siya.
Nasa locker room siya. Nag-aayos ng buhok ng may tumapik sa braso niya. Nilingon niya ito at nakita ang matalik na kaibigan na si Ashley.
"Tulungan na kita." ani nito at kinuha ang tali ng buhok niya.
"Kanina ka pa?." tanong niya.
"Kadarating ko lang." sagot nito at tinapos ang pagkakatali sa buhok niya.
Naka bun ang buhok nila at dapat maayos itong tingnan at malinis.
"May solusyon na ako sa problema mo  mare. Pero dapat kayanin mo."
Alam nito ang problema niya.
"Ano naman?." curious niyang tanong rito.
"Waitress." ani nito na may ngiti sa labi.
"Waitress? Sa kainan ba?." inosente niyang tanong.
"Gaga." mahina siya nitong binatukan. "Hindi."
"Eh Saan naman?."
"Sa bar." ani nito sa proud na boses.
"Ano?!." sigaw niya dahilan para tingnan sila ng mga ibang trabahante.
"Hinaan mo nga boses mo." ani nito sa mahinang boses. Huminga ito ng malalim at nagpaliwang ng maayos.
"Hindi naman masama ang trabaho mo sa bar. At isa pa ang pagiging waitress ay hindi masamang trabaho. At hindi mo naman ibebenta ang sarili mo. Walang illegal na gawain ang bar." Mahabang paliwanag nito.
Hindi mag sink in sa utak niya ang sinabi nito.
Waitress? Sa isang bar?..
Parang pagiging prosti na rin iyon. 
"Ano ba yang iniisip mo ha? Magkaiba ang waitress sa pagiging prosti, Eissa." Ani ni Ashley.
Nabasa talaga nito ang isipan niya. Ayaw niyang magtrabaho sa bar. Pero may tumutulak sa kanya na subukan.
"Magkano ba sweldo?.". mahina niyang tanong dahil kuryosidad siya sa sweldo.
Mas uunahin niya ang pera para sa pamilya niya.
"Malaki." Sagot nito sa kanya. "Susubukan mo ba?." tanong nito.
Tumango siya at sumagot.
"Susubukan ko Ashley. Kailangan na kailangan ko ng pera. Basta hindi masama ang pagiging waitress ah?." inosente niyang ani na ikinatawa ng kaibigan.
"Oo naman." ani nito.
May tiwala siya sa kaibigan. Hindi siya ipapahamak nito.
"Kung hindi lagot ka sa akin." biro niya at ipinakita ang kamao niya.
Ashley laugh at kinurot ang pisngi niya. Masama niya itong tiningnan at kinurot rin ito.
Nagpapasalamat siya dahil may taong nag-aalala at tumutulong sa kanya. Hindi madaling umaktong maging magulang sa tatlo niyang magkakapatid. Lahat ay umaasa sa kanya. At mabuti na lang ay sinusuklian ng pagmamahal at pag-aaral ng mga ito ang paghihirap niya.
"ITO NA BA YUNG BAR?." tanong niya kay Ashley habang nakatayo sila sa labas ng isang dalawang palapag na gusali.
Araw ng linggo. Day off niya. Kaya may panahon siya para pumunta sa bar at mag-apply. Ganon rin si Ashley. Day off rin nito.
"Oo." sagot nito at hinila siya papasok sa gusali.
Sumalubong sa kanila ang dalawang malalaking lalaki.
"Magandang umaga, Ashley." Bati ng isang lalaki.
"Magandang umaga rin." sagot nito at nagpalinga-linga sa paligid.
"Hinahanap mo ba si Jeff?." tanong ng lalaki.
"Oo. Nasaan ba siya?." tanong ni Ashley.
"Nasa opisina ni Boss. Hintayin mo na lang na bumaba." sagot nito at iniwan sila.
Naglakad sila patungo sa bar stool at doon umupo.
"Sino ba si Jeff?." tanong niya kay Ashley habang inilibot ng tingin ang buong bar.
"Kuya ko." sagot nito.
Gulat niya itong tiningnan.
"Talaga? Ano naman trabaho niya rito?."
"Bartender."
"Ahhh."
Nilibang nila ang isa't-isa sa pag-uusap. Ilang minuto na kasi silang nakaupo roon at hindi pa bumaba ang kapatid nito.
"Check the VIP rooms and change the sofa." ani ng isang tinig.
"Yes sir." sagot naman ng isa.
Napalingon siya sa may hagdanan. Dalawang matatangkad na lalaki ang bumaba habang seryosong nag-uusap. Naputol lang ang pag-uusap nito ng tinawag ni Ashley ang kapatid.
"Kuya!." sigaw nito sabay kaway.
Gulat naman ang kapatid nito at napatingin rin ang isang lalaki.
Mas matangkad pa ang isa kesa sa kapatid ni Ashley. Blonde ang buhok nito. Gwapo at halatang ito ang boss.
Tumayo si Ashley at sinalubong ang kapatid. Tumayo na rin siya at hinintay ang senyas ng kaibigan.
Nakatingin lang siya sa magkapatid na parang nagtatalo. Napangiti pa siya at napatingin sa lalaki.
Matiim itong nakatingin sa kanya na kinaiktad niya. Agad naman siyang umiwas ng tingin at nilibang ang sarili.
Bigla siyang nakadama ng kaba at nerbyos.