[ Paglipas ng isang linggo matapos humarap sa matinding hamon si Tres]
"Hindi mga taga dito ang gumahasa sayo." Anang Kenseb. Ika kense na lalaki na myembro ng gang.
"Mga salta lang sila?" Pagkaklaro ni Tres.
"Oo. Yun ang nakalap naming impormasyon pero we also found them." Sabat naman ni Singkob. Ikalima sa mga lalaki sa gang.
"Nasa isang University sila nag-aaral. Malayo dito dahil nasa liblib na lugar iyon. Bagong tayo ang paaralan na pinasukan nila." Dagdag impormasyon pa ni Singkob.
"Kung ganoon. Kailangan kong makausap ang Black Five." Anang Tres.
"Wala dito ang Balck Five." Anang Benteb. Ika-benteng lalaki sa gang. Na kararating lang.
"Asan sila?". Usisa ni Tres.
"May inasikaso ang Black Five at ang nandiyan lang ay si Master Trivor." Dagdag pa nito.
[ Master Trivor. Ika-apat sa Black Five na namumuno sa Blood Knife Gang]
"May kailangan lang akong sabihin sa kaniya." Muling turan ni Tres.
"Wag ngayon. Mainit ang ulo ni Master Trivor." Pagbibigay impormasyon pa ni Benteb.
"Susubukan ko lang siyang kausapin. Hindi naman ata ako ang dahilan ng init ng ulo niya." Sagot ni Tres sabay iwan na sa tatlong lalaki na kaharap.
Nagmamadaling tinahak ni Tres ang office ng Black Five. Malalaki ang hakbang ang kaniyang ginawa. Nag-iinit ang kaniyang ulo sa nalaman. Hinding-hindi niya makakalimutan kung paanong wala man lang siyang kalaban-laban na minulistiya ang kaniyang katawan.
( Knock! Knock! Knock!)
Tatlong katok ang ginawa ni Tres bago pinihit ang siradora. Dere-deretso niyang binuksan ang pinto subalit nagimbal siya nang ang sumalubong sa kaniya ay ang bunganga ng baril na kwarenta y singko ang nakatutok sa ulo niya.
Nasa harap niya ngayon si Master Trivor na nagliliyab ang mga mata sa galit. Sa kung anong dahilan ay hindi niya alam.
"Anong kailangan mo?" Malaki at nakakagimbal ang boses nito.
" May gusto lang po akong ipagpaalam Master Trivor." Nakayukong turan ni Tres.
"Ano yun?" Anito na tuloy-tuloy na nilagok ang alak na sinalin nito.
"May nakapagsabi sa aking pumapasok ang tatlong lalaking gumahasa sa akin sa isang University na malayo rito." Aniya. Matagal bago sumagot ang isa sa pinuno ng organization.
"Anong plano mo?" Pagkaraka'y turan nito.
"Nais ko po sanang pumasok sa paaralan na iyon upang maipaghigante ko ang ginawa nilang pambababoy sa akin." May galit at poot na sagot ni Tres.
"Nirerespeto ko ang nararamdaman mo pero hindi ka pwedeng magpadalos-dalos. Baka mapahamak ka. Baka mapahamak ang organization sa gagawin mo." Anito na hinarap si Tres.
"Hindi ko po idadamay ang organization. Kung ano man po ang mangyari sa akin sa university na iyon ay hayaan niyo na lang po ako. Kung mamatay man po ako doon ay sisiguraduhin ko pong mamatay muna ang mga bumaboy sa akin bago ako mawalan ng hininga." Matapang at walang pag-aalinlangang sagot ni Tres.
"Kung ganoon, hahayaan kita sa gusto mo. Alam naman namin na darating ang araw na ito. Ako na lang ang magsasabi sa apat sa naging desisyon mo. Kahit anong oras ay pwede ka ng umalis. Pwede kang magsama ng kahit isa na myembro ng gang. Magtulungan kayo. Nasa likod mo lang ang buong organisasyon." Anito at tsaka nagpaalam na si Tres sa isa sa kinikilalang leader ng Organization.
Agad na nag ayos ng mga dadalhin si Tres. Kinausap niya si Uno at Dos sa kaniyang naging desisyon. Nagulat pa nga ang mga ito nang sabihin niya ang planong pagpasok sa university pero sa huli ay wala rin ang mga itong nagawang pagtutol lalo na nang malaman ng mga ito ang binasbasan na pala siya ng isa sa Black Five.
"Bakit si Uno ang isasama mo?" Anang Dos.
"Pwede namang kaming dalawa,e." Dagdag pa ni Uno.
" Isa lang ang pwede kong isama sa inyong dalawa. Iyon ang sabi sa akin ni Master Trivor. Kung pwede nga lang dalawa ay isasama ko talaga kayong dalawa. Alam niyo namang tatlo lang tayong babae dito di ba?" Anang Tres.
"Pwede ko kayang kausapin si Master Trivor na isama si Dos?" Tanong pa ni Uno.
"Wag na. Baka itakwil na tayong tatlo ng organisasyon." Pabirong sagot ni Tres.
"Segi na nga. Okay lang na maiiwan ako dito basta mag-iingat kayong dalawa don. Lalo ka na Tres. Alam kong delikado ang susuungin mo doon pero hindi kita kokontrahin dahil may karapatan kang maningil dahil sa ginawa nila sayo." Anang Dos na tampo effect ang mukha.
"Salamat, Dos. Sobrang swerte ko na nakilala ko ang organisasyon na ito." Anang Tres sabay yakap kay Dos na nakiyakap rin naman si Uno.
"Basta no matter what happens, just call me kung kailangan niyo ng back-up,okay? Alam niyo namang hindi hahayaan ng Black Five na may masaktan sa myembro ng Organization." Anito.
"Opo na po." Pabirong sagot ni Uno na kinunyatan naman agad ni Dos dahil sa tono ng boses nito na nakakasar.
"Bye. Ingat kayo doon." Anang Dos nang maihatid na sila Tres at Uno sa kotse na gagamitin ng mga ito sa pag punta sa University.
"Welcome to Hell University." Naibulong ni Uno na hindi naman nakalampas sa pandinig ni Tres.