Isang malakas na sampal ang gumising sa babaeng nakahandusay sa papag. Pilit nitong idinilat ang mata lalo pa nang maramdaman nito ang malamig na papag na kaniyang kinalalagyan.
"Sino kayo?!" Unang salitang lumabas sa bibig ng babae nang makita ang isang lalaki na animo'y isang leader sa isang gang at ang apat pa nitong kasama na nakatayo sa harap niya.
"Iyan ba ang dapat na sinasabi sa tumulong?" Anang lalaking nakaupo na ang mga legs ay naka de kwatro.
"A-anong tumulong?" Usisa ng babae na halata sa mukha na wala itong ideya sa sinasabi ng nasa harap.
"Nakita ka ng isa sa mga tauhan ko. Pakialamero kasi yun kaya nang makita ka niyang walang saplot at halos wala ng buhay sa pinag-iwanan sayo ng mga lalaking hayok sa laman ay dinala ka niya rito." Anito na pinilit namang alalahanin ng babae ng sinasabi nito subalit wala ring nangyari.
"Malayo sa kabihasnan ang kinatatayuan ng hide out naming ito. Nasa may di kalayuan ka ng hide out kaya agad kang nasaklolohan ng mga kasama namin. Ang masama nga lang ay hindi namin naabutan o nakita man lang ang bumaboy sayo." Dagdag pa ng isa na nakasalikop ang dalawang kamay sa magkabilang braso.
Nang marinig ng babae ang sinabi ng mga lalaking nasa kaniyang harapan ay kusang lumabas ang mga luha sa kaniyang magkabilang pisngi na animo'y may sarili itong mga isip. Nasasaktan siya dahil dinungisan ng mga hayop na lalaking hayok sa laman ang kaniyang pagkababae. Ang kaniyang kabirhenan ay ninamaw sa kaniya. Ang kaniyang pinakaiingatan.
Ang kaninang pagluha ay naging paghagulhol na iyak na hindi naman pinigilan ng mga lalaking nasa harap.
"Kung gusto mong mag higante sa mga taong gumawa sayo ay tutulungan ka namin." Anang isang lalaki na kanina pa'y walang imik na siyang nagpabaling ng tingin ng babae sa nag aya.
"Pre? Ano ba 'yang ginagawa mo? Babae 'yan." Pigil ng isang katabi nito.
"Baka mapahamak pa yan pre kargo pa natin." Sang-ayon naman ng isa pa.
"Higante? Tsk! Baka ikaaga pa ng kamatayan niya." Anang isa pang lalaki.
"Pwede ba?" Biglang sagot ng babae ng malumanay sa kabila ng pagtutol ng tatlong lalaking nasa harap niya.
"Sigurado ka?" Muling tanong ng lalaking nakaupo na ang dalawang siko ay itunukod sa dalawang tuhod na agad namang sinagot ng babae ng pagtango.
"Kung desidido ka talaga ay mula ngayon Tres na ang pangalan mo. Hindi mo na pwedeng gamitin ang tunay mong pangalan. Ngayon din ay susubukin namin ang tapang mo. Susuong ka sa hamon na kailangan mong malampasan para mapabilang sa grupo na 'to." Anang lalaking nakaupo.
Ilang sandali pa ay nagpatiuna na ang lalaking nakaupo sa paglakad papasok sa loob pa ng lugar na kanilang kinaroroonan.
Ilang kwarto rin ang kanilang dinanaanan na puro maiingay. Ilang sandali pa ay sa pagbukas ng isang pinto ay bumungad ang isang silid na lupa lang. Marami ang mga nag eensayo roon. Maraming lalaki at may dalawang babae na ang mga katawan ay malalaki.
"Dito ka mag i-ensayo. Isa sa mga darating na araw ay may larong mangyayari. At kung anong laro iyon? Malalaman mo na lang." Anang isa sa limang lalaki na kaniyang kasama sabay talikod ng mga ito.
Sinundan niya ng tingin ang lima hanggang sa muling sumara ang pinto na pinasukan niya kani-kanina. Nang tuluyan ng mawala ang limang lalaki ay napabuntong hininga na lang ang babae at sa kaniyang pag dilat ay isang malakas na sampal ang sumalubong sa kaniya dahilan upang mapasubsob siya sa lupa.
Nang muling balingan ng tingin ang sumampal sa kaniya ay doon niya napagtanto na pinalilibutan na siya ng mga nag-eensayo kanina. Walang reaction ang mga mukha nito na mababasa.
Tatayo na sana siya upang itanong kung bakit siya sinampal subalit isang saksak sa kaniyang tagiliran naman ang sumalubong sa kaniya dahilan upang mapasigaw ito sa sakit at balik ng pag bagsak ng katawan niya sa lupa upang mangunyapit sa sakit.
"Isa na lang. Who wants to volunteer?" Boses ng isang lalaki.
" Ako na lang. Saang parte ba?" Sagot naman ng isang babae.
" Kahit saan." Sagot naman ng isa na nagmula sa dulong bahagi ng kumpol na mga trainees.
Dahil sa sagot na iyon ay inapakan ng babaeng trainee ang sinaksak kani-kanina na iniinda ng bagong salta dahilan upang sumigaw ito ng malakas. Limang sigundo ang itinagal ng pag-apak na iyon ng trainee samantalang gusto mang tanggalin ng babaeng salta ang paa na nakatapak sa tagiliran niyang may sugat ay hindi niya magawa dahil ramdam na ramdam niya ang sakit ng pagkakasaksak sa kaniya.
Nang tanggalin ng babae ang paa sa tagiliran ng bagong salta ay agad itong dinaluhan ng tatlong trainees din.
"Nasayo ba ang susi?" Usisa ng isa na nasa may kanang side ng salta na sinagot naman agad ng tinanong ng pagtango.
"Ok, tara na. Malalim ang sugat niya." Sagot naman ng isa pa na animo'y natataranta dahil sa rami ng dugong dumadaloy sa tagiliran ng salta.