ISANG matinis na tili ang tumulig pa sa mga tainga ni Knight bago niya pinatay ang makina ng kotse niya.
Na-realize na yata ni Alondra na naka-park na sila, tinanggal na nito ang mga palad na nasa tainga at dumilat na.
"N—Nasaan na tayo...?"
Iningusan niya 'to. Nakakatulig ang tili nito kaya sinundot-sundot na muna niya ang magkabila niyang tainga ng daliri niya.
"Grabe ang tili mo, hindi ka pa rin namaos?"
"Nasaan na tayo?! Ang tanong ko ang sagutin mo!" histerikal nitong sabi, saka nagpaangat-angat ng puwitan sa upuan ng kotse niya, luminga-linga, pero nakakapit naman sa seatbelat nitong hanggang ngayon ay naka- locked pa sa katawan nito.
Napailing siya. Saka niya dinukwang 'to. Napadiretso naman 'to sa pagkakasandal nang dumaiti ang knuckles niya sa katawan nito.
He scoffed. "Kung makasandal ka, akala mo naman may masasagi sa dibdib mo," aniya rito.
Namilog ang mga mata nito. Natawa siya nang mapuna niyang ang dalawa pala nitong braso ay nakakapit pa sa sandalan ng upuan!
Grabe! What a weird woman!
Again, hindi siya nagbibiro naman nang sabihin niyang flat-chested 'to. Sa inaakto nito ngayon, hindi na mahirap mahulaan na virgin pa 'to. Takot na takot pa 'to sa normal na heat na nararanasan ng opposite sex sa isa't-isa sa tuwing nagkakalapit.
Isang mahinang tunog na 'click' ang namayani sa loob ng kotse niya, tanda na naalis na niya ang seatbealt nito sa pagkaka-locked niyon, naramdaman na lang niyang may bumatok sa kaniya— oo, binatukan siya ni Alondra!
"Damuho ka pala e! Bigla kang dumudukwang na walang paalam tapos ay magtataka ka kung bakit ako umiwas?! Ano naman ang akala mo sa 'kin, easy girl? Hah! In your dreams."
Napaingos na naman siya rito, umayos na rin siya ng upo sa driver's seat.  "Kahit nagkataon na easy girl ka, hindi mo 'ko makukuha 'no. Hindi mo 'ko malalawayan at matitikman. Again, you are too flat for my type."
"Gago—"
"Hep!" awat niya sa pagmumura nito. "Huwag na huwag mo 'kong mamura, okay? Mapapalampas ko lahat, 'wag ang pagmumura."
Tinikom nito ang bibig.
Good, sumusunod naman pala...
"As you can see, narito tayo sa presinto. Tutal naman ay ayaw mong makipag-compromise sa 'kin at ang bagal ng responde ng kapatid ko sa pag-aresto sa 'yo, akala yata niya ay nagbibiro ako, kaya heto, ako na ang nag-adjust sa kapulisan, hinatid na kita rito."
Alondra gasped. Napahawak pa 'to sa transparent naman na dibdib— Agh! Dapat na niyang itigil ang kapupuna niya sa dibdib nito, daig pa niya ang pervert tuloy. Kung biro 'yon sa kaniya ay maaaring hindi para rito. Lalo at sa dami ng babae na nagdaan sa kamay niya, he can really say who's virgin or not by one glanced at their skin and body.
Yep, gano'n siya ka-expert pagdating sa babae pero sinisiguro naman niyang discreet ang pagiging maloko at babaero niya.
"Pre... sinto...?"
"Uh— huh."
"Ba—Bakit dito, teka—"
"Bakit hindi naman dito? Ayaw ngang maalis niyang singsing sa daliri mo, ayaw mo rin naman na makipag-compromise sa 'kin. I only wanted a fake wife, a fake marriage to be exact."
Marahas na napasulyap sa kaniya si Alondra. "Fake marriage?!"
"Yup—"
"Teka, fake marriage pala, sabi mo kasi kanina ay fake wife!"
Awtomatikong nangunot ang kilay niya. "Fake wife nga. Fake wife means fake marriage, kailangan mo na yatang kumain, Alondra Palma."
"Fake wife at fake marriage, magkaiba 'yon!"
"Ha?" Awtomatikong tumaas ang kilay niya sa nakatangang mga salitang narinig niya mula rito.
"Kung fake marriage, go ako. Pero sa fake wife, hindi."
"Anooo?!" Hindi niya na naiwasan na maguluhan kaya napataas na ang boses niya, "Ayusin mo nga, nasasayang na ang oras ko sa 'yo, Alondra, for your information, ayaw ko sa lahat ang nagsasayang ng oras." masungit na niyang turan dito.
"'Yong fake wife kasi, wife. Katabi sa iisang kama. 'Yong fake marriage, kakasal tayo kunwari."
Ah, so 'yon pala ang pinupunto nito! Takot pala ma makatabi siya sa iisang kama, virgin pa nga!
Natawa tuloy siya. Tawa na hindi naman din nagtagal ay nauwi sa halakhak.
Alright, sa loob ng maiksing oras sa loob ng isang araw, dalawang beses na siyang napahalakhak ng babaeng 'to. Effortless nitong nagagawa sa kaniya, samantalang maraming comedy film na ang sinubukan niya upang patawanin niya ang sarili, bigo siya. Pero sa isang 'to, what's fvcking with her?
"Tumatawa ka naman! Akala ko ba sabi mo, compromise?"
Tumatawang nag-peace sign siya. "Sorry, 'can't help it," aniya. He shook his head, para maawat man lang ang pagtawa niya kahit sandali.
"So, ano nga? Saan ang kasal? Kailan?"
He smirked. "Ngayon naman ay ang eager mo."
"Ikaw e, hindi mo inaayos, may pa-fake wife ka pa r'yan na nalalaman." Nakaingos nitong saad sa kaniya.
Ginantihan din niya 'yon ng hindi makapaniwalang pag-ingos. "What do you think of me, pervert? Oh yes, maybe I am, somehow, lalake ako, miss. Pero hin—"
"Hoy! Magtigil ka! Alam ko na 'yan, pero hindi mo pagnanasaan ang hindi mo type na katulad ko. Katulad kong flat, tse! Malunod ka sana sa dibdib ng babaeng type mo!"
What the? Kakatapos lang niyang tumawa ah.
Er, wala namang nagbawal sa pagtawa ulit, hindi ba?
TERMS and conditions, blah, blah... 'yon ang mga napasadahan ng mga mata ni Alondra sa inabot sa kaniya na tatlong bond paper ni Knight.
Knight Zachary Winters pala ang pangalan nito, ayon sa nakasaad na name nito ro'n. S'yempre naroon na rin ang pangalan niya.
Nakasaad sa terms na ang agreement na mamamagitan sa kanila nito ay panandalian lang. Sa oras, araw na mahugot ang singsing na nagkakahalagang sampung milyon, doon magtatapos ang kasunduan nila. At dahil hindi nila alam kung hanggang kailan 'yon, nakasaad din sa kasunduan na dapat ay magawa niya kaagad ang nakapaloob sa kasunduan nilang 'yon— ang mapagselos ang girlfriend nitong si Gayle. Mapagselos at mapabalik niya 'to sa binatang kabalyero. Mapa-realize niya rito na hindi nito dapat na iniwan si Knight in Shining Glamour.
"Hmn," aniya, pinagmasdan at tinaasan niya ng kilay ang binata pagkuwan.
"What?" Inilapag naman nito sa mesa na nasa harap niya ang isang Parker pen at stamp ink. "Let's do the signing together," turan pa nito sa kaniya.
Siguristo pala. Sabagay ay negosyante.
"So, sinasabi mo rito na magpapakasal tayo, kunwari at from this day, dito na 'ko sa bahay mo matutulog?"
"Oo, nabasa mo naman hindi ba, any problem with that?"
"At dapat kong mapagselos ang Gayle mo kaagad dahil nga magtatapos ang agreement n 'to sa oras na matanggal 'tong clingy na expensive ring mo."
"Uh—huh. Wait, may asawa ka ba na dapat uwian? Trabaho na hindi puwede iwan?"
Wow, may konsiderasyon naman pala 'to kahit paano. Nagulat siya ro'n ah.
"E, pa'no kung meron?"
"Then you could explain to them na minalas kang makulong sa isang agreement na wala kang kawala. Kung hanggang kailan ang agreement na 'yon, 'kamo ay hindi mo alam."
Toinks! Binabawi na pala niya ang kakasabi lang niyang may konsiderasyon 'to kahit pa'no!
"Okay," simpleng tugon niya.
Sa pagbasa niya ng agreement nila, nakasulat din do'n na 'pag nagawa niya ang trabaho at bumalik nga ang Gayle na 'yon dito, babayaran siya ni Knight ng kalahating milyon as a reward para sa mahusay na trabaho. Hindi na rin masama, lalo pa at wala na rin naman siyang trabaho na babalikan pa dahil sa ginawa niyang pagtakas sa tindahan ni Mr. Ongpoco kanina.
Oo, kanina lang 'yon. Hay, ang bilis lang ng oras. Kanina lang ay nasa trabaho siya, nakatanggap ng masamang balita, nahuli niya si Gerard na kasama ang unang nobya nito na pumasok sa isang cheap na motel, tapos wala sa loob na pumasok siya sa mall kung saan minalas siyang makaharap ang clingy na singsing na 'yon kasama ang amo nitong saksakan ng gulang at ang lahat yata rito ay isang negosyo!
Ngayon ay heto siya, matatali sa isang agreement. Pero sabi nga nila, ang lahat naman ng bagay o pangyayari ay may bright side. Sa nangyari sa kaniya ngayon, ang bilis bumawi ng tadhana— kalahating milyon ang kapalit.
Puwedeng-puwede na!
"Anong okay? So, payag ka na?"
"Oo. E, sabi mo, hindi mo naman ako papayagan na humindi. Hindi ko naman gustong bunuin ang natitira kong buhay sa kulungan 'no." Ingos niya rito.
"Well, good. Besides, hindi ka naman talo sa agreement natin na 'to. May compensation money kang makukuha mula sa 'kin once na bumalik kaagad si Gayle at tanggapin niya ang alok kong singsing." Magkapanabay pa nilang sinulyapan ang singsing.
Kung kanina ay pahamak at b'wisit na singsing ang mga nasambit niya ro'n, ngayon ay blessing na. Money is lifeeer!
"E, pero teka lang, gaano ka naman kasigurado na magtatagumpay tayo? I mean, hindi nga ako kilala ng jowa mo. Saan at paano natin 'yon mapagseselos?"
Knight smiled widely. Tila nagustuhan nito ang mga narinig mula sa kaniya. Kilay niya ang tumugon sa kakaibang pagkakangiti nito. Noon lang niya rin napuna na nababagay pala rito ang pangalan nito— Knight, dahil isa pala 'tong tunay na kabalyero sa pisikal na anyo. Ang ngiti nito ang nakakapaglutang ng salitang 'shining' at 'glamour'.
"Gusto ko 'yang tanong mo, hint na 'yan na nagsisimula ka na kasing magplano."
"Tse! As if may choice ako." She rolled her eyeballs.
Pagak 'tong natawa. "Don't worry, hindi ka naman masyadong mahihirapan dahil nasa kabilang pinto lang si Gayle."
Napanganga siya. "Ay, weh?"
"Oo. Isa ang condo na 'to sa joint venture naming dalawa ni Gayle."
Mulagat siya. May pa- joint venture na, nangarap na together, malaking pangarap, pero bakit umayaw 'yong si babae?