Kath's Pov
Hinila ko si Migs palabas pagkatapos nya kumain. Ang panget naman kung hihilahin ko sya ng di nakain o habang nakain. Ang bastos ko naman ata nun. Dinala ko siya sa labas ng hotel.
"Ano na naman bang kalokohan yun Migs? Pwede bang huwag mo akong tatawaging love sa harap nilang lahat. Nagkakaroon sila ng maling akala." sabi ko.
"Eh kapag tayo lang pwede na?" tanong nya.
"Hindi pa din." sabi ko.
"Ang gulo mo naman love. Pagbigyan mo na ako. Kapag sinagot mo din naman ako eh love din naman tatawag ko sayo." sabi nya.
"Ewan ko sayo. Humanap ka kausap mo. Kapag ako napahamak sa kakalove love mo naku masasapak kita talaga." sabi ko.
"Love naman....." naputol ang sinasabi nya ng dumating ang mga witch.
"Hi boss Miguel! Pwede ka bang makausap?" sabi ni Nessy.
"O boss Migs, alis na ako. Kakausapin ka daw nila. Sige bye!" bago pa ako makaalis ay napigilan nya na ako.
"Dito ka lang Kath." pigil nya sakin tapos humarap sya sa tatlong witch.
"Busy kami at may pinag uusapan. Ang alam ko wala tayong dapat pag usapan." masungit na sabi ni Migs.
"Boss Miguel, gusto ka lang naman namin makilala. Siyempre bagong boss ka namin." sabi nung isang witch.
"Dapat ko ba kayong makilala?" tanong ni Migs. Ang sungit ng lolo mo. Napahiya tuloy yung tatlo.
"Kung wala na kayong sasabihin pwede bang umalis na kayo. May importante pa kaming pag uusapan." sabi ni Migs. Sinunod naman ng tatlo si Migs. Tinitigan pa nga ako ni Nessy ng masama. Tapos bubulong bulong pa sila.
"Ano ka ba naman, bakit ang sungit mo? Napahiya tuloy sila." tanong ko sabay mahinang hampas sa kanya.
"Wala akong ganang makiharutan sa kanila. Ikaw lang gusto kong kaharutan." sabi pa nya.
"Baliw ka talaga. Naku for sure kung ano ano na naman sinasabi ng mga yun sakin. Bibigyan na naman nila ng kahulugan ang mga ginagawa mo. Naku pag talaga ako nagkaproblema sa kanila ikaw ang sisisihin ko." sabi ko.
"Pwede ba kitang maimbitahan? Birthday kasi ng hipag ko. Maliit na salo salo lang." sabi nya.
"Hala bakit ako? Ayoko nga! Nakakahiya sa pamilya mo noh." sabi ko.
"Hindi yan. Kasi..." napakamot sya ng ulo.
"Kasi ano?" tanong ko.
"Kasi yung hipag ko gustong gusto kang makilala. Nalaman nya na binebenta ang company na pinagtatrabahuan mo kaya binili ko. Fan mo kasi yun. Balak ko sana ikaw gawing surprise sa kanya." paliwanag nya.
"Wow! Ang bait mo naman sa hipag mo. Close kayo? Mabait ba hipag mo?" tanong ko. Nacurious ako.
"Mabait sina ate Ella at ate Jordan. Buti nga sila napangasawa ng mga kuya ko. Sige na pumayag ka na. Para hindi ko na dalhin sayo mga libro mo na binili nya. Papaautograph daw kasi sya. Lahat ata ng libro mo nasa library nila. Sige na love, please...." sabi nya.
"Sige na nga. Ano ba gusto nun regalo? Nakakahiya naman kung wala akong dala." sabi ko.
"Ikaw lang sapat na dun. Tatalon pa sa tuwa yun." biro nya.
"Ikaw talaga. Yung bago ko na lang kayang libro na hindi pa narerelease. Okay na kaya yun? Teka kelan ba?" tanong ko.
"Bukas." sabi nya.
"Ano? Eh may team building tayo diba?" tanong ko.
"Aalis tayo bukas ng umaga. Tapos babalik naman tayo ng gabi. Next day ko pa balak simulan ang team building. Gusto lang kitang makita agad kaya ko inagahan. Dapat nga next week pa sched ng team building." naiiling na lang ako sa sinasabi nya.
"Daan muna tayo sa company para sa ireregalo kong libro." sabi ko.
"Papakuha ko na lang sa sekretarya ko." sabi nya.
Naglakad lakad kami sa paligid ng hotel. Sobrang ganda ng buong hotel pati ang paligid nito. May garden, park, mga fountain at swimming pools. Naupo ako sa swing sa park.
"Gusto mo tulak kita?" tumango ako.
"Migs, hindi mo ba pwedeng ibenta sakin ang kompanya? Gusto ko lang naman siyang mabawi eh." sabi ko.
"Don't worry mapapasayo yun. Basta ba pakasalan mo ako eh." nakangiting sabi nya.
"Sira ka talaga!" tawa naman siya ng tawa.
"Alam mo matutuwa din si mama na makita ka." sabi ni Migs.
"Bakit? Teka nandun din parents mo?" tanong ko.
"Siyempre present silang lahat." sabi nya.
"Hala! Huwag na lang kaya akong sumama bukas. Nakakahiya sa pamilya mo. Hindi mo naman sinabi na pupunta din ang mga magulang mo." nag aalalang sabi ko.
"Mababait ang pamilya ko. Huwag kang mag alala dahil sigurado akong magugustuhan ka nila." sabi nya habang tinutulak pa din ako.
"Mas mabuti pa na pumasok na tayo ng hotel. Di ba maaga tayong aalis?" sabi ko.
Hinatid ako ni Migs sa kwarto ko sa hotel. Wala sila Jean at Thea sa loob ng kwarto nang pumasok ako. Siguro ay naggagala ang mga yun o nagsuswimming. Nag usap kasi ang dalawa na mag eenjoy sa pool. Sa sobrang pag iisip ko sa pupuntahan namin ni Migs ay nakatulog ako.
Nagising ako sa alarm ng aking cellphone. Sobrang himala na nakatulog ako ng maaga. Naligo ako at nagbihis.
"Aalis ka? Saan ang punta mo?" tanong sakin ni Thea. Mukhang nagising ko ata sya dahil pupungay pungay pa ang mga mata.
"Inimbitahan ako ni boss Migs sa isang birthday party." sagot ko sa kanya.
"Ay! May something kayo ni boss Migs?" tanong ni Jean na nagkakape sa lamesa.
"OA nyo noh! Gusto nya lang akong isama dahil sa hipag nya na fan ko. Actually nahihiya nga ako pumunta." pagpapaliwanag ko.
"Dahil ba talaga sa hipag o gusto ka talagang makasama. Love." sira talaga tong si Thea. Nang aasar na naman ang isang to. Dinagdagan pa ng Love. Sabi ko na nga ba eh magkakaroon ng maling akala dahil sa pagtawag sakin ni Migs ng Love.
"OMG! Bagay kayo ni boss Miguel. Gwapo siya tapos ikaw maganda. Kapag kayo ang nagkatuluyan, naku ako ang unang magiging fan nyo." kinikilig na sabi ni Jean.
"Tumigil ka nga. Boss natin sya di ba kaya pumayag ako na sumama sa kanya. Kinakabahan nga ako dahil nandun daw ang buong pamilya ni boss Migs." sabi ko.
"Ay grabe! Parang meet the parents lang ang peg." mapang asar na sabi ni Thea.
"Ay ewan ko sa inyo. Sige na aalis na ako." paalam ko.
Bumaba ako papuntang lobby. Nang makarating ako sa lobby ay nadatnan ko na nakaupong naghihintay si Migs habang may kausap sa cellphone. Nilapitan ko ito. Nang mapansin nya na nakatayo ako sa harap nya ay ibinaba ang tawag. Tumingin ito sakin at ngumiti.
"You're so beautiful my love." bati sakin ni Migs. Naisip ko kasing magsuot ng simpleng floral dress na kulay yellow ang mga bulaklak. Wala namang sinasabing dress code si Migs pero napagdesisyunan kong ayusin ang pananamit ko. Teka bakit ba ako nagpapaimpress sa kanya o sa pamilya nya?
"Thank you! Ikaw din you look great." sabi ko tapos nakita ko syang ngumuso.
"Akala ko sasabihin mo sakin na handsome ako." nagtatampo sabi ni Migs.
"Great na nga di ba. Ibig sabihin kasama na dun ang gwapo ka. Ang arte mo din pala noh." natatawang sabi ko.
Sumakay ako ng kotse ni Migs na nasa harap ng hotel. Mahahalata mo talagang mayaman si Migs dahil di biro ang kanyang sasakyan. Alam kong mamahalin ito pero hi di ko alam ang pangalan ng kotse. Very smooth lang magmaneho si Migs kaya naman nakaidlip ako. Nagising ako ng maramdaman ko na tumigil ang kotse.
"Nandito na tayo." sabi ni Migs.
"Kanina pa ba tayo dito? Bakit hindi mo ako ginising?" tanong ko.
"Mga 30 minutes na. Hindi kita ginising dahil ang sarap ng tulog mo." sabi nya. Tumango na lang ako.
Lumabas kami ng kotse. Sobrang namangha ako sa dalawang bahay. Ay hindi pala bahay kundi mansyon. Tapos may bagong ginagawa mansyon. Di sya buo pero alam kong mansyon din kasi sobrang laki nito. Mayron ding park na puno ng mga bulaklak at playground din.
"Ang ganda naman dito. Bago palang ba ang subdivision? Konti pa lang kasi ang nagpapagawa ng bahay. Magkano lupa dito? Pangarap kong makatira sa ganitong kagandang lugar. Mukhang madami akong maisusulat." sabi ko.
"Wala kang chance na makabili ng lupa dito. Pero pwede kang magkaroon ng sariling bahay dito." nakangiting sabi nya.
"Talaga? Teka ang gulo mo. Paano ako magkakaroon ng bahay kung di ako makakabili ng lupa?" nagtatakang tanong ko.
"Simple lang. Kapag pinakasalan mo na ako ay papagawan kita ng bahay dito." nakangiting sabi nya.
"Ikaw talaga puro ka biro." sabi ko sabay inirapan ko sya.
"Akala mo nagbibiro ako? Totoo lahat ng sinasabi ko. Private property ito ng mga Dela Torre. Kaming magkakapatid lang ang pwedeng tumira dito at magpatayo ng bahay. Nandun ang main house ng mga Dela Torre at dun ako nakatira." sabi nya. Nanlaki ang mata ko. Grabe sobrang yaman nila pala.
"Eh kaninong bahay ito?" tanong ko.
"Sa kuya Gabriel ko at sa hipag kong si ate Ella. Si ate Ella ang may birthday. Tara na at hinihintay na nila tayo." aya nya. Tumango na lang ako.
Pumasok kami sa loob ng mansyon. Very modern look ng mansyon. Eleganteng elegante. Nahiya ako ng mapatingin samin ang lahat. Lumapit kami sa isang magandang babae na inaakbayan ng isang gwapong lalaki. Syet! Wag mong sabihin na pamilya lahat ni Migs to. Parang mga adonis at dyosa ang mga taong ito. Napangiti ako dahil may pumasok na naman idea sakin na pwede kong isulat sa susunod.
"Hi guys! Happy birthday ate Ella." sabi nya tapos sabay halik sa pisnge.
"Thank you Migs. Asan ang regalo ko? Huwag mong sabihing wala kasi ang yaman yaman mo." birong sabi nung Ella.
"Eto ang regalo ko." sabi ni Migs sabay turo sakin.
"Hi! Happy birthday. Eto nga pala ang regalo." sabi ko sabay abot sa kanya.
"Buksan mo na agad para malaman mo kung bakit yan regalo ko." sabi ni Migs. Nagtataka man ay binuksan ni Ella ang regalo. Nagulat kami ng mapatili ito.
"OMG! Bagong libro ni Bobitang Manunulat? OMG! Pati book 2? Yes! I love you na talaga Migs. Sana kasama mo si author. Pwede na ba akong pumunta sa bagong company mo? Kahit picture ba hindi pwede? Sige na naman Migs, please..." sabi ni Ella. Napangiti tuloy ako dahil sa sobrang cute nya magmakaawa.
"Guys! Meet Bobitang manunulat." sabi ni Migs sabay akbay sakin. Napatingin sila lahat sakin.
"OMG!!!" tili ni Ella pati na ang dalawang babae. Napako ang tingin ko sa naglalarong isang bata at isang babae. Pamilyar ang mga ito sakin. Nanlaki ang mata ko ng mapatingin sila sa akin.
"Kath!" napangiti ako dun sa babaeng tumawag.
"Hi Jenny!" sabi ko.