Joseph's Pov
Kaya naman pala siya panay aray eh puno siya ng latay. Nakakapanggigil ang taong gumawa nito. Parang gusto kong patayin ang may gawa nito sa kanila.
"Hindi mo ba talaga sasabihin sakin kung sino ang may gawa sa inyo nyan?" tanong ko.
"Pwede ba Joseph, huwag ka nang makialam pa!" iritableng sabi nya habang nagsusuot ng blouse.
"Gusto ko lang namang tumulong." mahinahong sabi ko.
"Wala ka naman dapat itulong. Kaya ko na to. Mas makakatulong ka sakin kapag nanahimik ka. Mauna na ako sayo, baka kailangan na ako ni Ella." sabi nya bago umalis.
Pinagmasdan ko na lang siya habang papalayo siya sakin. Hindi ko alam kung bakit sumobra ang reaksiyon ko. Galit na galit pa naman ako sa taong nananakit ng walang kalaban laban. Sino ba ang gumawa nyan at parang galit pa siya na tutulungan ko sila.
"Pasensiya ka na sa ate ko. Teka may gusto ka ba sa ate ko?" tanong ng kapatid na lalaki ni Jordan.
"Sino ka nga?" tanong ko.
"Ay sorry kuya. Ako nga pala si Jude kapatid ni ate Jordan. Mabalik tayo sa tanong ko, may gusto ka ba sa ate ko?" tanong ulit nya.
"Joseph nga pala. Ano sa tingin mo Jude?" yan na lang ang nasabi ko. Hindi ko din alam kasi kung gusto ko ang ate nya.
"Ang kulit mo din kuya. Alam mo yan ang ayaw na ayaw ni ate Jordan. Yung sasagutin mo siya ng parang nakakaloko. Medyo iritable kasi si ate eh." sabi pa nya.
"Bakit ba mailap yang ate mo? Lagi pang iritable. Gusto ko lang naman tumulong sa inyo. Napansin ko kasi na puro kayo latay. Napaano ba yan?" tanong ko sa kanya.
"Kay ate Jordan mo na lang itanong. Ayoko kasing pangunahan ang ate ko. Nangako ako sa kanya eh. Isa pang payo ko sayo kuya Joseph. Ang pinakaayaw ni ate Jordan ay ang mga manloloko. Kaya kung hindi ka seryoso sa kanya ay huwag mo nang ituloy." sabi nya.
"Teka! Nagkaboyfriend na ba ang ate mo?" tanong ko. Ngumiti lang siya bago umalis.
Napaisip naman ako sa sinabi ni Jude. Bakit ba masyado silang malihim? Isa pa, naloko na ba si Jordan? Hay naku ang dami nang gumugulo sa isipan ko. Kailangan ko na munang maglibang. Pumunta ako ng kusina para magpaalam kay mama. Pagdating ko sa kusina ay nakita ko sina mama, Jordan at Seb.
"Ayan Ma si kuya, walang ginagawa kaya pwede yang sumama kay ate Jordan mamili ng groceries." sabi ni Seb sabay turo sakin.
"Naku tita Letty ako na lang po mag isa. Kaya ko po naman eh." sabi ni Jordan.
"Hay naku iha, mas mapapadali kung may kasama ka at isa pa gabi na. Mapapanatag ako kung may kasama kang lalaki. Alam mo naman ang panahon ngayon. Sige na magpasama ka na kay Joseph." sabi ni mama kay Jordan.
"Tara na! Hindi ka titigilan nyan ni mama hanggat hindi nya nasusunod ang gusto nya." sabi ko sa kanya. Hinawakan ko siya sa kamay at saka ko siya hinatak. Balak pa kasi umapela kay mama.
Pagdating namin sa kotse ko ay sumakay siya agad. Sumakay na din ako sa driver seat.
"Saan ba tayo pupunta?" tanong ko.
"Maggogrocery tayo tapos kukunin natin yung order ni Oliver na mga tinapay sa bakery." sabi ni Jordan.
"Okay cge yun lang pala." sabi ko at pagkatapos ay pinaandar ko na ang kotse.
"Ano ang uunahin natin?" tanong ko.
"Sa maggrocery muna tayo. Baka kasi matagalan pa tayo dun at isa pa baka lumamig kaagad ang mga tinapay." sagot nya.
Buong biyahe namin ay tahimik siya. Mabuti na lang at malapit lang ang grocery stores. Pumasok kami kaagad at nagsimula nang ilagay sa pushcart ang mga nakalistang kailangang bilihin. Napansin kong panay tingin nya sa chocolates.
"Gusto mo ba ng chocolates? Libre kita, kumuha ka ng anong gusto mo." sabi ko.
"Sure ka? Pwede ba tong Toblerone?" tanong nya.
"Sure! Sige kuha ka na." nakangiting sabi ko. Nakangiti siyang kumuha ng apat na Toblerone white chocolate.
"Paborito mo ang white chocolate?" tanong ko.
"Huh? Paano mo nalaman?" nagtatakang tanong nya. Natawa naman ako sa kanya dahil sa reaksiyon nyang takang taka.
"Hahaha! Obvious naman kasi puro puti yang kinuha mo. Ngayon alam ko na kung ano ang ibibigay ko sayo palagi. Oh palitan mo ng malaki yang mga kinuha mo. Sigurado naman kasi akong hindi lang sayo yan lahat." napangiti ako lalo ng bigla siyang tumawa.
"Oo nga noh hahaha! Sige tutal libre mo naman. Bibigyan ko kasi ang mga kapatid ko pati na si Alex. Siguro ganyan ang style ng panliligaw mo sa mga girlfriends mo." nakangiting sabi nya.
"Girlfriends? Wala ako nun at isa pa hindi ako nanliligaw. Ako ang nililigawan at kung nagkataon ikaw pa lang ang liligawan ko." sabi ko sa kanya.
"Puro ka biro. Halika na nga dun naman tayo sa mga karne." pag aaya nya.
Namili kami ng mga gagamitin ni mama na mga karne. Humiwalay sa akin si Jordan dahil kukuha daw siya ng dishwashing liquid. Yun na lang kasi ang nalimutan namin kaya siya na lang daw ang kukuha. Habang ako ay nag aantay pa din sa mga karne na tinitimbang at nilalagyan ng presyo. Nakuha ko na ang mga karne pero wala pa din si Jordan kaya naman sinundan ko na ito. Napakunot ang noo ko ng nakita ko si Jordan na kausap ang lalaki at hawak hawak ang braso nito. Lumapit ako sa kanila dahil hindi maganda ang nararamdaman ko sa nakikita ko.
"Bitawan mo ako! Kasama ko nga ang boyfriend ko! Papunta na dito yun kaya tumigil ka na!" sigaw ni Jordan kaya naman dali dali akong lumapit sa kanya.
"Anong nangyayari dito?" tanong ko.
"Babe! Ang tagal mo naman, kanina pa kita hinihintay dito." sabi ni Jordan sakin. Yumakap si Jordan sa akin at hinalikan ako sa labi. Natulala ako sandali dahil sa pagkabigla dahil sa halik nya.
"Babe?" takang tanong ng lalaki.
"Oo babe. Si Joseph nga pala boyfriend ko. Babe si Fred ex ko." pakilala ni Jordan sakin sa kaharap kong lalaki.
"Anong problema babe?" tanong ko kay Jordan.
"Ah wala nangangamusta lang itong si Fred." sagot sakin ni Jordan.
"Jo...." sabi nung Fred kay Jordan.
"Huwag mo akong matawag tawag na Jo! Kinikilabutan ako kapag may tumatawag sakin ng Jo!" sigaw ni Jordan.
"Jo.... Hindi mo pa ba ako napapatawad?" tanong nung Fred.
"Sinabi nang huwag mo akong tawaging Jo!" sigaw ulit ni Jordan. Napansin ko na nanginginig na sya galit kaya naman niyakap ko na siya.
"Babe!" sigaw ko para makuha ko ang atensyon nya.
"Jo! Gusto lang kitang makausap kahit saglit." sabi nung Fred.
"Wala na tayong dapat pang pag usapan. Ayoko nang makita ang pagmumukha mo!" sigaw ni Jordan kay Fred.
"Pare pwede bang umalis ka na muna. Hindi mo ba narinig, ayaw ka nang makita ng girlfriend ko." sabi ko kay Fred.
"Aalis na ako pero magkikita at mag uusap pa tayo Jo." sabi nung Fred bago umalis.
Pagkatapos kong masundan ng tingin si Fred at nakitang nakaalis na ay binalingan ko naman si Jordan na kasalukuyang nakayakap pa din sakin. Naramdaman kong umaalog ang balikat nito.
"Babe, naiyak ka ba?" tanong ko.
Lalong lumakas ang pag iyak ni Jordan. Kahit pinagtitinginan kami ay pinabayaan ko na lang siyang umiyak ng umiyak. Hinintay ko na lang siyang kumalma. Maya maya ay umalis siya sa pagkakayakap sakin.
"Salamat." sabi nya.
"Okay ka na babe?" tanong ko. Napangiti naman siya at hinampas ako.
"Aba nasasanay ka nang tawagin akong babe. Palabas lang natin yun." nakangiting sabi nya.
"Eh ano? Eh sa gusto kitang tawaging babe eh. Hayaan mo na ako. Bayad mo sakin yan dahil sa panggagamit mo sakin bilang boyfriend mo." sabi ko.
"Bahala ka na nga. Tara na! Bayaran na natin tong pinamili natin." sabi ni Jordan.
"Teka pwede naman natin na totohanin na magboyfriend tayo eh. Pumayag ka lang." sabi ko.
"Ewan ko sayo. Tara na at kukunin pa natin ang mga tinapay." sabi pa ni Jordan.
Binayaran namin ang mga pinamili at isinakay sa kotse. Pagkatapos ay sumakay na si Jordan sa kotse at sumunod na din ako. Bago ko paandarin ang kotse ay may naalala ako.
"Bakit mo nga pala ako hinalikan kanina? Alam mo bang hindi ako nagpapahalik sa kung sino sino? Isa pa, alam mo ba na pinarurusahan ko ang mga humahalik sakin sa labi?" tanong ko sa kanya.