Dumaan ang isang buwan at muli na namang nakatapos ng isang istorya si Alexa, at ngayong araw ay muli siyang pupunta sa publishing house upang iapply ang libro niya.
 Nakangiti siyang lumabas ng bahay, tiningnan niya ang manuscript niyang dala saka ito naglakad patungo sa sakayan ng jeep. Isang oras ang naging biyahe at sa wakas ay nakarating na rin siya.
 Bumaba siya sa tapat ng isang building at tiningnan ito." Sana matanggap na 'to ngayon." Makikita sa mukha ni Alexa na gustong-gusto na niya na this time ay maging successful na ang story niya.
 Lumakad na siya at pumasok sa loob naghintay ng ilang oras bago umupo sa harap ng isang babae. Ibinigay niya ang hawak niyang folder na naglalaman ng mga papel ng kanyang istorya. Sinuri ito ng babae at binasa ang plot, characters, setting, genre at ang ilang chapters ng story niya. Habang ang mga kamay ni Alexa ay magkawahak dahil sa sobrang kabado siya sa magiging resulta, hindi kasi makikitaan ng kasiyahan ang mukha ng babae. Ang mga mata lang nito ang gumagalaw habang binabasa ang story niya.
 Isinarado na ng babae ang folder at ibinigay muli kay Alexa." I'm sorry miss, not accepted." Seryoso nitong sambit.
 " Pero ma'am hindi po ba maganda ang pagkakasulat ko, puwede ko naman po siyang baguhin!"
 Bumuntong-hininga ito." Actually ang way mo ng pagsulat ay maganda ,pero sad to say common na ang story mo kaya hindi ko na maaaring tanggapin. This time our company ay naghahanap ng something na may imfact like a twist in the story, not a normal one even in a romance genre. Sa sobrang daming libro ngayon halos same na ang mga kwento nila katulad ng iyo, kaya naman kung gusto mo na ma-publish ang story mo ay kailangan gumawa ka ng kakaiba like mag-add ka ng twist para ma-excite ang mga readers mo but for now hindi ko matatanggap ang story mo, you also free to go back here to apply again. Thank you!"
 Hindi na sumagot pa si Alexa at malungkot na umalis na lang ito sa building na 'yon dahil inasahan talaga niya na kahit paano itong bago niyang story ay matanggap na, pero bigo na naman siya at uuwi na namang bagsak ang mga balikat.
 Kaysa umuwi kaagad si Alexa ay nagpunta na lang muna siya sa isang mall para mapawi naman ang lungkot niya ngayon.
 Samantala si Lucas ang batang kasama ni Victor sa mahiwagang bahay ay pumapasok sa isang eskwelahan. Ito ay nagpapanggap bilang isang normal na tao at hindi pinapakita ang mga kaya niyang gawin katulad ng pag lutang sa ere. Ngayon ay kailangan niya na muling pumasok at mukhang may hinahanap ito.
" Nasaan na ba 'yon? Late na ko!" Naghahanap ito sa paligid ng mga shelf ng libro ngunit hindi niya makita ang hinahanap niya.
 Napagawi ang paningin niya sa table ng kanyang lolo at nakita na niya ang hinahanap niya. Isang libro na gamit niya sa eskwelahan ngunit sa pagmamadali ay hindi niya napansin na iba ang nadampot niyang libro at hindi ang libro niya sa eskwelahan. 
Lumabas si Victor sa kwarto niya at muling pumunta sa kanyang table para muling magsulat sa mahiwagang libro pero sa pag-upo niya at pagbaling ng kanyang mata kung saan niya ito itinabi ay ibang libro ang nakita niya.
 Kumunot ang noo nito." Sandali! Nasaan na ang mahiwagang libro, bakit ibang libro ang narito sa aking lamesa?" Hinanap ito ni Victor sa paligid ng lamesa maging sa mga drawer nito pero wala siyang nakita.
" Saan na napunta 'yon ang pagkakatanda ko dito ko lang 'yon inilagay pero bakit wala rito at ibang libro ang narito." Ilang beses na niyang hinanap pero hindi niya pa rin nakita kaya naman huminto na lang ito at naupo muli." Tatanungin ko na lang si Lucas mamaya baka nakita niya."
 Samantala si Alexa ay inaliw ang sarili sa pagtingin sa mga batang naglalaro sa palaruan sa loob ng mall." Buti pa sila masaya lang at walang pinagdadaanan katulad ko." Ngumiti siya sa isang batang lalaki dahil cute itong kumakaway sa kanya at ang tingin niya ay na sa 2 years old pa lang ito.
 Nalibang ng nalibang si Alexa sa mall at hindi niya namalayan gabi na at mukhang uulan pa kaya naman bago pa umulan ay sumakay na siya ng jeep at bumiyahe.
 Habang si Lucas ay pauwi na rin ay naisipan muna niyang pumunta sa isang simbahan kahit ito ay sarado na. Nakasanayan na ito ni Lucas dahil sa labas ng simbahan ay tahimik pag gabi, umupo siya sa isang upuan sa labas ng simbahan at may silong naman pero nang kukunin na niya ang libro sa loob ng bag niya ay biglang may tumatawag sa mahiwagang salamin na parang compact mirror. Sa hindi sinasadya nabitawan niya ito pero hindi sa mismong bag niya bumagsak kung hindi sa upuan.
Binuksan niya ang compact mirror at lumabas ang mukha ni Victor rito." Anong oras na Lucas hindi ka pa umuuwi."
" Pasensya na lolo, napadaan lang ako dito sa simbahan."
" Umuwi ka na ngayon may kailangan lang akong itanong sayo."
" Sige po lolo." Nawala na sa salamin si Victor at bumalik ulit ito sa babasagin na salamin at makikita ang repleksyon ng mukha ni Lucas.
 Biglang nagsimula ng pumatak ang ulan kaya hindi na napansin ni Lucas ang libro na nahulog sa upuan at dahil nga nag-uumpisa ng lumakas ito ay tumakbo ito paalis at habang tumatakbo siya ay lalo pang lumakas ang ulan. Sa oras na liliko na ito sa isang eskinita ay makakasalubong niya si Alexa na tumatakbo rin, bumagal ang takbo nilang dalawa ng halos magdikit ang kanilang mga balat. Nakalagpas na sila sa isa't-isa at si Alexa ay napilitan na huminto sa labas ng simbahan dahil lumakas na ng todo ang ulan.
" Wrong timing rin ang ulan ngayon, nakikiramay ba siya sa kalungkutan ko ngayon," sambit ni Alexa habang pinupunasan ng panyo ang mga nabasang bahagi ng katawan niya. 
 Ilang minuto na pero hindi pa rin tumitila ang ulan kaya naupo na siya sa katabi niyang upuan pero habang hinihintay niyang tumila ang ulan ay napansin niya ang isang libro na katabi niya.
" Libro?" nagtataka niyang sambit.
 Kinuha niya ito at sinuri." Ang ganda naman nito kahit luma na." Binuksan niya ang libro at nagulat siya dahil walang nakasulat rito." Pero bakit walang nakasulat? Ang luma na niya pero bakit blanko ang mga pages."
 Tiningnan niya pa ang lahat ng pahina pero wala talagang nakasulat." Sayang naman 'to puwede ko pang magamit, pero baka balikan ng may-ari." Sa kakaisip kung kukunin ba niya ang libro ay sa huli ay nakapagdecide na siya na kunin na lang dahil mukhang hindi na ito babalikan ng may-ari dahil gabi na." Sorry sa kung sino man ang may-ari nito, dahil kung hindi ko naman siya dadalhin pa uwi ay baka itapon lang ng naglilinis ng simbahan." Niyakap na niya ito at tumingin sa kalangitan dahil tuluyan ng tumila ang ulan at tuluyan na siyang makakauwi sa kanyang bahay.