Kinuhanan si Thelma ng litrato habang may kahalikan sa hindi kilalang lalaki ng isa sa kaibigan ni Morissa pero sa kabilang banda ay tila lunod na lunod na si Thelma sa ginagawa sa kanya ng lalaking kahalikan nito ngayon. May napapahiyaw rin na mga manonood at ang iba naman ay nagpatuloy lamang sa pakikipag sayaw.
"You really make me hot, Milady," asik ng lalaki sa baritonong boses nito. Thelma unconsciously smiled from what he heard from the man.
Maya-maya lang ay naramdaman niya na binuhat siya nito in a bridal position habang papalayo sa marami tao na nasa loob ng bar. Nawala sa pandinig ni Thelma ang maingay na tugtog kaya biglang kumalma ang isip niya at ipinilig ang ulo nagbabakasakaling matauhan siya pero naramdaman niyang ibinagsak siya ng lalaki sa isang malambot na kama.
Nanlalabo ang tingin na pinagmasdan niya ang lalaking bumuhat sa kanya pero bigo pa rin siya na makilala ito. Maya-maya pa ay nagsimula na naman nitong ilapit ang mukha sa kanya at nakaramdam siya ng animo'y kuryenteng tumawid sa pagitan nila. Nagkatitigan sila nang matagal kahit na pareho silang estranghero sa isa't isa ay parang may koneksyon ang mga katawan nila na gumagabay sa ginagawa nila.
Nagising si Thelma na parang mabibiyak ang ulo at pakiramdam niya'y may pumupunit dito dahil sa sobrang sakit. Nanlalabo pa rin ang paningin niya pero inilibot niya pa rin ang tingin para kabisahin ang kinaroroonan niya. Isang malaking cream-colored na kurtina sa kaliwang bahagi niya, napadapo naman ang tingin niya sa may paanan at nakakita siya ng isang sofa at dalawang single couch. Nakaramdam siya na may gumalaw sa ibabaw ng tyan niya, pero biglang nanlaki ang mga mata niya dahil sa nakita.
Isang kamay na nakapatong sa tyan niya. Hindi maalis sa mga mata niya ang pagkabigla at tiningnan kung sino ang nagmamay-ari ng brasong iyon. Agad siyang napa-igtad at muntik ng mapasigaw nang mapagtantong lalaki ito. Nakita niya sa may likod ng tenga nito ang isang tattoo na maliit na arrow dahil nakabaon ang mukha nito sa may bandang leeg niya.
'Jusko! Bakit may katabi akong lalaki? Ano ba ang nangyari? Bakit wala akong maalala sa nangyari?' Sigaw niya sa isip niya habang mabibilis ang pintig ng puso niya at may namumuo na ring butil ng pawis sa noo niya lalo pa't nakita niya na kumot lang ang nakatakip sa hubo't hubad niyang katawan. Maging ang katabi niyang lalaki ay wala ring saplot pero natatakpan ng isang puting unan sa bandang pwetan nito.
Gusto niyang umiyak sa pagkakataong 'yun dahil pilit niyang inaalala ang lahat pero tanging sakit ng ulo lamang ang natatamo niya.
Dahan-dahan siyang umalis sa tabi ng lalaki at kinuha ang kumot na nakatakip sa katawan niya. Nag-iingat siya para hindi niya magising ito.
Nangingilid ang luha habang nakakagat sa labi para pigilon ang pag-iyak pagka-tapos ay pinulot niya ang mga damit niyang naka-kalat sa sahig maging ang mga suot niyang panloob. Dagdag pa sa sakit na nararamdaman niya ang hapdi na galing sa pagitan ng mga hita niya at sa pagkakataong iyon ay alam niya na nawala na ang pinaka-iingatan niya buong buhay niya.
'Inay! Sana mapatawad mo ako dahil dito!' Sigaw niya sa isip habang pinagmamasdan ang lalaking nakadapa pa rin at sobrang himbing ng tulog. Agad siyang lumabas sa kwartong iyon na may dala-dalang hinanakit at pagkamuhi sa sarili.
Saktong paghakbang niya sa labas ay nakarinig siya ng tunog ng isang cellphone kaya napatigil siya at napagtantong sa pinanggalingan niya itong kwarto, sa pagkakataong 'yun ay hinintay niyang magising ang lalaki at hindi nga siya nagkamali dahil ilang ring lang ay sinagot na ito ng lalaking kasama niya sa iisang kwarto kanina lang.
"Yes, Derio?" Wika ng lalaki gamit ang antok pa nitong boses. Sinikap ni Thelma na pakinggan ang boses nito, dahil baka malaman niya ang identidad nito para maiwasan niya sa hinaharap sakaling makasalubong niya ito sa daan.
"I don't know, where I am. Maybe at the YOLO Bar, as what I remember last night." Sagot ng lalaki sa kausap nito sa kabilang linya.
"I just did it with a woman i'm attracted last night but I can't remember her face now. I don't know. Hindi ko maalala ang mukha niya, hindi ko siya kilala.." sa pagkakataong 'yun ay nalaglag ang mga balikat ni Thelma at naglakad na palayo sa kwartong iyon.
"Binigay ko ang sarili ko sa isang taong hindi ko kilala at hindi ako kilala! Bakit ko ba hinayaan na mangyari ang bagay na 'yun?" Wika niya at tuluyan na ngang tumulo ang naipon niyang mga luha na pinipigilan niya kanina lang.
Pagkalabas niya ay napagtanto niyang nasa bar pa rin pala siya at isa iyong pribadong kwarto na pinanggalingan niya kani-kanina lang. Wala siyang pakialam kung madilim pa ang paligid, kita niya rin sa silangan na papa-ahon na ang araw pero tumakbo lang siya ng tumakbo dahil isa pa sa inaalala niya ay ang ama niya. 
Hindi niya alam kung anong idadahilan niya rito kung bakit siya hindi naka-uwi kagabi. Iniisip rin niyang baka hindi siya napansin ni Morissa dahil sa kalasingan ay malamang ay nakitulog na lang sa isa sa kaibigan nito.
Lakad-takbo habang basang-basa ng luha at puno ng magulong isip ang dala-dala niya habang binabagtas ang tabi ng kalsada. Naka-yapak rin siya dahil wala na siyang oras pa para hanapin ang sandals niya lalo na't hindi rin siya makakatakbo kapag nag-suot pa siua nito.
May mga kaunti na siyang sasakyan na nakakasalubong sa daan dahil malapit ng pumutok ang liwanag na mas lalo pang nagpakaba sa kanya dahil siya ang laging gumigising para maipagluto ang kanyang ama, step-mother at step-sister.
Nakahinga siya ng naluwag ng makita na malapit na siya sa bahay na tinutuluyan niya pero ang mga paa niya ay nagkanda-sugat sugay na dahil sa pagtakbo niya na hindi niya na inalintana pa. Agad siyang dumaan sa pinto na bukas na kaya agad na bumalik ang mabilis na kabog ng dibdib niya.
Pag bukas niya ng pinto ay nakita niya naglalakad ang step-sister niya habang humihikab pa ito at nakapikit na iniinat ang katawan nito.