Nang mapagtanto ni Matt na si Furi pala ang nag-iiwan ng love letter sa upuan niya at naglalagay ng gifts sa loob ng locker niya ay naisipan nitong kilalanin ng maigi ang dalaga at hindi din niya pinaalam ang kaniyang nalalaman. Bagkus ay itinatabi pa niya ito sa iisang lalagyan at maingat na tinatago sa isang maliit na box. Kung dati-rati ay naiinis siya sa tuwing nakakatanggap siya ng love letter, ngayon naman ay halos inaabangan na niya ang bawat sulat nitong iniiwan sa kaniyang upuan.
Subalit magmula nang kumalat ang chismis tungkol sa relasyon nilang dalawa ni Jeff ay hindi na rin siya nakakatanggap ng sulat mula sa dalaga. Palagi pa din itong nag-iiwan ng gifts sa locker niya pero madalang na lang din. Kaya bigla siyang nakaramdam ng pangamba at kinutuban na baka nahulog na nga siya ng tuluyan kay Jeff.
Kaya naman napagpasyahan niya na mas lumapit pa sa dalaga upang makuha din niya ang kalooban nito.
"Trixie, pakibigay mo nga itong libro sa secretary ng last sections. At pakisabi na rin na isulat sa blackboard yung pahinang inipit ko d'yan." Utos ni Mrs. Chili sa dalaga at syaka rin ito umalis.
Nadinig naman ni Matt ang inutos ng guro nito sa kaklase niyang si Trixie, kung kaya't kaagad siyang napatayo at lumapit sa dalaga.
"Trixie!" tawag niya at mabilis naman itong napalingon sa kaniya.
"O Matt, bakit?" tanong niya.
"Pupunta ka sa last section?" aniya sabay tumango lang ng ulo si Trixie at tinalikuran na siya.
"Ako na lang ang magdadala n'yan doon." Biglang sabi niya kaya natigilan sandali ang dalaga sa paglalakad.
"Ha?" lingon nito na may bakas na pagtataka sa mukha.
"A e, kasi papunta din ako ngayon do'n." Kinakabahang aniya habang iniiwasan niya ng tingin ang dalaga.
"Ikaw? pupunta sa last section?" nagtatakang aniya sa binata at tumango lang ito ng ulo. Sandaling napailing ng ulo si Trixie at syaka niya inabot yung libro sa binata. Halos napangiti pa ito ng abot tenga at parang nagmamadaling magtungo sa classroom ng last section.
Nakasunod pa rin siya ng tingin kay Matt at napapaisip sa kakaibang ikinikilos nito. Madalas lang kasi itong nakaupo sa upuan niya ng magdamag hanggang sa matapos ang klase nila. Madalang lang din siyang lumabas ng classroom, pwera na lang kung pupunta siya ng restroom, library o kung may pinapautos sa kaniya.
At sa pagkakaalam niya ay hindi ito nagtutungo sa kung saan-saang classrooms, lalo na sa last sections. Na nasa pinakadulo at taas ng building. Pero sumagi din sa kaniyang isipan na baka may importante lang talaga siyang sasadyahin sa last sections, kung kaya't tumalikod na siya at naglakad pabalik sa loob ng classroom nila.
Samantalang, pagkatapos naman ibinigay ni Matt yung libro kay Furi ay tumalikod na siya at naglakad pababa ng hagdanan na may ngiti sa kaniyang labi.
"Hi, Matt." Ngunit binawi din naman niya kaagad ang ngiti sa labi nang makasalubong niya si Jeff.
Sandali nga lang, bakit siya nandito? bulong nito sa kaniyang isipan at mabilis siyang napalingon sa binata.
"Saan ka pupunta?" saad niya habang nakahawak siya sa braso nito. Napalingon naman si Jeff kay Matt at tumingin sa kamay nitong nakahawak sa kaniya.
"Teka, alam ko naman na ikaw ang student president nitong school- pero dapat bang ipaalam ko pa sa'yo ang bawat kilos ko at kung saan ko gustong pumunta?" ang sabi nito sa kaniya at syaka siya tinalikuran nito. Tumalikod na lang din siya at tipong pahakbang na sana siya pababa ng hagdan pero sandali siyang natigilan.
Sandali. Hindi kaya si Furi ang pupuntahan niya? paglalayag nito sa kaniyang isipan at muli siyang napalingon kay Jeff.
"She's mine." Ang salitang bigla na lang bumigkas sa kaniyang bibig. Napahinto naman sa paglalakad si Jeff at ngumisi sa kaniyang labi. Sandali niyang nilingunan si Matt at pinamulsa ang dalawa niyang kamay sa pantalon.
"Who are you referring to? the cheerleader that i know or the woman i'm thinking right now?" nakangisi pa rin na sabi niya at tipong tatalikuran na sana niya ito pero mabilis namang sumagot si Matt sa kaniya at sinabing,
"Who do you think i am referring to?" sa sinabi niyang iyon ay sandali silang natahimik dalawa habang mainit ang tinginan nila sa isa't-isa.
"Well, hindi naman ako manghuhula para hulaan yung tinutukoy mo. But don't worry because i don't mess up with other people's business and because i only bother myself with important things. Maiwan na kita, Mr. School president." Mariin nitong saad sa kaniya at syaka na siya naglakad patungo sa classroom nina Furi. Wala nang nagawa pa si Matt at nakasunod lang siya ng tingin sa binata habang nakakuyom ang kaniyang kamao.
Pagkarating naman ni Jeff sa classroom ng dalaga ay binalibag niya pabukas yung pintuan at kaagad na nilapitan si Furi. Nagulat naman ang lahat at nakasunod lang ng tingin sa kaniya.
"Hoy, monkey girl!" aniya sabay pinatong ang kamay niya sa desk at inilapit ang mukha niya sa dalaga.
"Monkey girl?" nakangising ani ni Furi sa kaniya.
"Hindi ba't siya si Jeff na taga upper section? anong ginagawa niya rito ngayon sa classroom natin?"
"Hala? ibig sabihin totoo nga ang kumakalat na chismis tungkol sa kanilang dalawa?"
"Si Furi at Jeff?"
"Mukhang seryoso nga talaga si Jeff sa kaniya."
Kaniya-kaniyang bulungan ng mga kaklase niya habang pinapanood ang dalawa. Sandali naman napalingon sa paligid si Furi at napansin nga niyang nakatuon ang mga atensyon ng nito sa kanilang dalawa. Kung kaya't malakas niyang itinulak palayo si Jeff at syaka siya tumayo.
"Hoy, ikaw! kapag hindi mo talaga ako tinigilan, talagang babasagin ko na 'yang mukha mo!" matapang na aniya sa binata habang nakapamewang pa ang mga braso.
Pasimple namang napangisi si Jeff at muling lumapit sa kaniya.
"I'm aware of that. Kaya nga nandito ako ngayon sa harapan mo." Saad nito sa malalim na tinig kaya sandaling napaatras si Furi at tila bigla siyang kinabahan sa mga titig nito sa kaniya.
"Omg! hindi ba natin sila pipigilan?"
"What if kung saktan siya ni Jeff?" nag-aalalang ani ng ilang mga kaklase niya. Paatras naman ng paatras si Furi sa kaniya habang humahakbang naman palapit ang binata sa kaniya.
Nahinto na lamang siya nang mapansandal na siya sa pader at umihip ang malakas na hangin malapit sa bintana. Nang dahil doon ay biglang naalis ang magkakaipit ni Furi sa kaniyang buhok. Kung kaya't lumugay ito at bumagsak ang mahaba niyang buhok.
Natulala naman si Jeff sa kaniyang nakita. Mas maganda kasi itong tignan kapag nakalugay ang kaniyang buhok at mas nagmumukha siyang babae na babaeng tignan.
Sandali nitong inangat ang isang kamay niya at hinawi ang hibla ng buhok nitong tumatakip sa kaniyang mukha. Marahan namang napatingala ang dalaga sa kaniya at gulat na nakatitig sa kaniyang mga mata.
"Mas maganda ka kapag nakalugay lang ang buhok mo." Mahinang aniya sa dalaga na biglang nagpabilis sa pintig ng puso nito.
Hindi kaagad nakapagsalita si Furi sa kaniya at napalunok lang siya ng malalim. Ilang saglit lang ay yumuko na si Jeff sa kaniya at mas inilapit pa ang kaniyang mukha sa dalaga. Tipong kaunti na lang sana at mahahalikan na niya ito nang bigla naman siyang itulak ni Matt palayo kay Furi sabay hinigit niya sa wrist ang dalaga.
Napatayo at nagulat naman ang lahat sa kanilang nasaksihan. Lalo pa't nung dumating si Matt at pinigilan niya si Jeff sa kaniyang binabalak.
Maging si Furi ay hindi makapaniwala sa kaniyang nakita at napatingin na lang siya sa kamay nitong nakahawak sa kaniya. Tila umusli naman ang matamis na ngiti sa labi ng dalaga at kinikilig na nakatingin sa likuran ni Matt.
"Matt?" gulat na sabi ni Jeff sa kaniya.
"Anong ginagawa mo dito? at syaka-" hindi itinuloy ni Jeff ang kaniyang sinasabi at napaturo na lamang siya sa kamay nitong nakahawak kay Furi.
"Don't tell me na.. you like her too?" usisa niya na may bakas na pagtataka sa kaniyang mukha. Sandali namang napatingin si Matt sa kamay niyang nakahawak ng mahigpit sa wrist ng dalaga at syaka niya ito binitawan.
"Ikaw, anong ginagawa mo dito?" sabay lingon niya sa binatang kaharap.
"Hindi mo pa ba alam ang tungkol sa usap-usapang kumakalat sa aming dalawa? o nagmamaang-mangaan ka lang?" aniya na may pag-usli ng ngiti sa gilid ng kaniyang labi.
"Ano na naman ba 'tong gulong ginagawa mo? pati ba naman babae ay pinapatulan mo. Wala ka na ba talagang balak magtino, Jeff?" ang sinabi na lang ni Matt sa kaniya. Muli lang napangisi si Jeff at syaka ito lumapit sa dalawa.
"So, ito pala yung tinutukoy mo sa akin kanina? ngayon alam ko na kung sino s'ya yung binabanggit mo sa akin." Pabulong na saad ni Jeff sa tenga nito.
"Pero pasensyahan na lang tayo dahil mas nauna ako sa'yo." Ang sabi pa niya sabay hinigit niya sa braso ang dalaga at napasubsob na lang ito sa dibdib niya. Nabigla naman si Furi at pilit na inaalis ang kamay nitong nakahawak sa kaniya pero hindi siya nito binibitiwan. Bagkus ay pwersahan pa siyang hinila nito palabas ng classroom subalit huminto rin sila kaagad nang hawakan siya ni Matt sa kabilang braso nito.
"Bitawan mo s'ya." Malumanay ngunit mariin na utos sa kaniya ng binata.