“Ma’am Furi, nandito na po yung sample gowns na pinagpipilian niyo kanina.” Ani ng sales clerk sa kaniya.
“Ah ganoon ba?” sandali siyang tumayo at sumunod siya sa sales clerk patungo sa mga wedding gowns na pinagpilian niya kani-kanina lang.
Halos napanganga na lang siya nang makita niya ang mga gowns. Kumikinang kasi ito sa ganda at malakas maka-fairytale princess nito kung susuotin niya.
“Gusto ko silang lahat.” Aniya sabay nilapitan niya ito isa-isa.
Bigla naman nag-ring ang cellphone niya at nakita sa phone screen na si Nasher pala ang tumatawag, her fiancé.
“Babe, nakapagpili ka na ba ng wedding gown na susuotin mo?” tanong nito mula sa kabilang linya.
“Hindi pa nga e." Sagot niya.
“Huh? bakit naman, babe? wala ka bang nagugustuhan?” sabi ni Nash habang pinipirmahan niya ang medical records na inabot sa kaniya ng asisstant nurse.
“Hindi sa ganoon, sa totoo lang gusto ko nga silang lahat. Kaso anong gagawin ko, babe? puntahan mo kaya ako rito, nahihirapan kasi akong pumili.” Tugon niya na nakatitig sa anim na wedding gowns na napupusuan niyang suotin.
“E 'di suotin mo na lang yung iba diyan sa wedding photoshoot natin, tapos mamili ka ng isa diyan na talagang sa tingin mo ay gusto mo rin pakasalan.” Pagbibiro niya sabay napangiti silang parehas.
“Ahh, oo nga pala. Hindi ba’t sinabi mong may ipapakilala ka sa aking magiging photographer natin sa wedding?” tanong niya rito.
“Yes, babe. Actually, pinapunta ko na nga siya diyan ngayon para makapag-usap naman kayong dalawa about our wedding. Alam mo namang doctor itong fiancé mo at hindi kita masasamahan sa lahat ng oras. Kaya naman humingi din ako ng kaunting pabor sa kaniya, kung okay lang ba na tulungan ka muna n'yang mag-asikaso sa iba pang kailangan natin. I’m glad na pumayag naman siya kaagad at mukhang friendly naman siyang tao.” Ani ni Nash habang sinusuot ang white scrub lab jacket niya o ang uniporme na madalas isinusuot ng mga doktor.
“Hindi ba't nakakahiya sa kaniya, babe” usisa nito.
“Don’t worry, dahil mayroon na siyang experience sa paghahanda ng wedding.” Aniya.
“Ahh... so, he’s already married?"
“Actually, babe. Hindi sila ikinasal.” Pagkasabi ni Nash ay tila biglang natahimik ang dalaga at nakaramdam ng lungkot sa kaniyang puso.
Minsan na rin kasi dapat siyang ikakasal noon sa ibang lalaki ngunit hindi ito sumipot sa araw ng kasal nilang dalawa at hindi na rin ito nagpakita pa sa kaniya pagkatapos ng araw na iyon.
“Are you still there, mimi?” biglang nabalik ang atensyon niya sa kausap nang marinig niya ang pagtawag nito sa kaniya.
“Yes, i’m still here. Nakakalungkot naman pala dahil hindi sila ikinasal.” Ang sabi na lang niya.
“Oo nga e.”
“Maybe my good reason naman si God, bakit nangyari 'yon sa kanila.” Saad niya kahit sumasariwa sa kaniyang isipan ang tungkol sa lalaking una niyang minahal.
“Yes, pero mimi no matter what happen to us ay tuloy na tuloy pa rin ang kasal nating dalawa. Even, magkaroon pa ng malakas na bagyo o kahit magka-zombie apocalypse pa! our wedding will still go on.” Gumuhit naman ang matamis na ngiti sa labi ni Furi nang marinig niya ang sinabi ng kaniyang fiancé.
Pakiramdam niya ay bigla siyang nabuhayan ng loob at naging panatag ang kaniyang kalooban. Ilang beses na rin kasi siyang niyaya nuon ni Nash na magpakasal pero palagi lang din siyang tumatanggi.
Natatakot kasi siya na baka maulit na naman ang nangyari sa nakaraang kasal niya, kung saan naging mahirap at makipot ang mga pinagdaanan niya pagkatapos mangyari ang lahat ng iyon.
But then, she realize na iba si Nash. Iba siya sa lahat ng lalaking nakilala niya. Siya yung tipong tao na kapag nangako ay tutuparin niya kaagad at once na magbitiw siya ng salita ay pinaninindigan talaga niya.
Kaya kahit may doubt pa rin siya sa sarili niya ay palagi naman siyang pinapa-alalahanan ni Nash na hinding-hindi siya nito kailanman iiwan o sasaktan.
Araw-araw din nitong pinaparamdam sa kaniya kung gaano siya kahalaga sa buhay ng kasintahan, kahit pa nalalapit na ang kasal nilang dalawa ay para pa rin silang mga high school students o teenager na inlove sa isa't-isa.
“Ma’am may naghahanap po sa inyo.” Biglang siyang nilapitan ng sales clerk na nag-aasist sa kaniya kanina.
Narinig naman siya ni Nash at iniisip na baka iyon na nga ang photographer na tinutukoy niya sa kasintahan.
“Maybe siya na ‘yan, babe.” Sabi nito sa kaniya.
“Okay sige, pupuntahan ko lang siya sandali.” Pagkasabi niya ay kaagad naman siyang nagtungo sa may waiting area.
"Babe, i have to go na. Kailangan ko na kasing asikasuhin ang mga pasyente ko. Basta balita mo na lang ako mamaya okay? i love you, mimi ko. Bye.” Pagpapaalam nito sabay binabaan na siya ng call. Napangiti naman si Furi at muling tinungo ang photographer na tinutukoy nito sa kaniya.
"Ma’am siya nga po pala yung naghahanap sa inyo.” Sabay itinuro sa kaniya ang lalaking nakaupo sa couch. Tumayo naman ito ng marinig niya ang sinabi ng sales clerk at lumapit sa kaniya.
“Good day! ako nga po pala si Matteus Xenos ang-“ pagpapakilala sana niya pero bigla siyang natigilan nang makita niya ang reaksyon ng mukha ni Furi na tila ay gulat na gulat ito at nakatitig lamang sa kaniya.
“Ma-Matt?” halos nanlaki ang kaniyang mga mata sa gulat at hindi makapaniwala sa kaniyang nakikita.
Si Matteus Xenos ang tinutukoy ni Nash na magiging photographer sa gaganaping kasal nilang dalawa ni Furi. Subalit nagkataon naman na ito rin ang lalaking dapat niyang papakasalan noon.