BARBARA'S P.O.V.
💛💛💛
"Bakit ba kasi dala-dala mo pa 'yan?!" inis na tanong ni Clark bago naiiling na tiningnan ang teddy bear na yakap ko.
Napanguso naman ako. Niyakap ko lang nang mas mahigpit si Eman.
"Alangan namang iwanan ko 'to!" sabi ko bago iwinagayway ang mga kamay ng hawak kong teddy bear. "E magbabakasiyon tayong mommy at daddy niya 'tapos ang baby Eman ko ay maiiwan?"
Tiningnan niya nalang ako na para bang 'di sya makapaniwala sa sinabi ko. Matapos no'n ay ini-start niya na iyong kotse. Hindi na siya nagsalita pa at nagpokus nalang sa pagmamaneho. Hindi ko nalang pinansin iyong pagkunot ng noo niya.
Baby Eman ko naman talaga 'to e. Itong teddy bear na 'to ang naging dahilan kung bakit ko pinaglalaban ang love story namin ni Clark my labs.
"Wagas ka naman makayakap d'yan sa teddy bear na 'yan." Nabaling ang atensiyon ko kay Clark dahil sa sinabi niya.
"Ano ka ba! Maka-teddy bear ka naman d'yan! Eman ang pangalan niya. At baby natin s'ya. Ikaw ang daddy at ako ang mommy. 'Di ba Baby Eman?" 'tapos ay hinalikan ko pa si Eman at mas niyakap nang mahigpit.
"Really, Maid? That stuffed toy is OUR baby? And Eman!?" natawa pa siya. Napasimangot naman ako.
"Baby o! Ayaw sa 'yo ng daddy mo," sabi ko na tila kinakausap ang yakap kong teddy bear. Iginalaw ko ang ulo ni Eman na parang yumuko ito. "Lagot ka my labs! Nagtatampo na sa 'yo 'yong anak natin!" At inirapan ko pa siya.
Humagalpak naman s'ya nang tawa dahil sa sinabi ko. Hinampas ko ang braso niya bago inakto kong tumalikod at nagtago sa leeg ko si Eman.
"You know what, Maid, you never fail to amuse me."
Kinilig naman ang anit ko sa sinabi ni my labs kaya hinampas ko ulit s'ya sa matigas niyang mga biceps. Tamang tsansing lang po. Gano'n kasi dapat iyon.
"By the way, why did you named that stuffed toy Eman?" tanong ni Clark bago lumiko ang sasakyan namin.
Natigilan naman ako sa pagyakap ng mahigpit kay Eman dahil sa tanong niya. Tiningnan ko muna s'ya bago sinagot ang kaniyang tanong. Nakatingin lang naman s'ya sa daan kaya 'di ko na kailangang itago 'yong ngiti ko.
"Eman ang pinangalan ko sa baby natin kasi s'ya ang junior mo. 'Di ba ang buo mong pangalan ay Clark Emmanuel Gomez? Kinuha ko iyong second name mo."
Mas lumawak naman ang ngiti ko nang mamula ang mukha at tainga ni Clark. Pagkaraan ay naiiling na ngumiti s'ya.
"My labs, ang cute mo magblush!" At napahagikgik pa ako. "Baby Eman o! Nikikilig si Daddy!" pagkausap ko sa malaking teddy bear na nasa aking kandungan.
"Silly! Hindi kinikilig si Daddy baby Eman. Mainit lang talaga," sagot ni Clark.
Oras ko naman para magblush dahil sa sinabi niya. Sinakyan niya ba talaga iyong Baby Eman? My gosh! One happy family na pala talaga kami!
Ibinaon ko nalang iyong mukha ko sa teddy bear para matago iyong kilig ko. Nakakakilig lang na tanggap na ni Clark my labs 'yong baby Eman namin!
Tahimik lang ang naging biyahe namin. Saan kami pupunta? Gusto daw kasi magbakasyon ni my labs sa may rest house nila. At dahil ako raw ang personal maid niya ay kailangan ko raw na samahan siya. If I know, gusto niya lang akong masolo!
"Maid? We're here," ika ni Clark.
Kaagad akong bumaba ng sasakyan. Natulala ako sa ganda ng rest house nila Clark. Napakalaki ng kabuuan ng dalawang palapag na bahay at makabago ang diseniyo nito. Puro salamin ang mga dingding ng rest house pagkatapos ay binagayan ito ng puting bubong. Paniguradong hindi matatawaran ang view ng dagat sa loob ng rest house dahil nasa tapat lang ito ng bahay.
"Wow, MyLabs! Hindi pa tayo kasal pero honeymoon by the beach agad ang gusto mo!" Nilingon ko si Clark at 'di ko alam kung tatawanan ko ba s'ya o ano kasi namumula ang mukha niya. Meztiso siya kaya talagang halatang-halata kapag namumula siya. "MyLabs! Huwag ka nga magblush! Natutukso ako e. Babae lang ako 'no! Sige ka! Baka masundan si Baby Eman!" biro ko sa kaniya.
Naiiling naman niya akong tiningnan.
"Let's go, Maid. Stop making that double meaning jokes. Baka talaga masundan si Baby Eman!"
Nanlaki naman ang mga mata ko dahil sa isinagot niya sa akin. Habang si Clark ay tumatawang naglakad papunta sa rest house. Ang playful talaga ni My Labs. Nako talaga! Mukhang susundan na namin si baby Eman! At mas niyakap ko ang teddy bear na kanina ko pa hawak.
Patakbong sumunod naman agad ako sa kay Clark papasok sa glass house na rest house ng pamilya nila. At kung maganda ang labas ng bahay, mas maganda pala sa loob. Puti ang kisame at halatang mamahalin ang kagamitan. At dahil salamin ang dingding nito, tanaw ng ang karagatan mula sa loob. Napakaganda!
"Maid, this is your room. Ayusin mo na---"
"My labs?" Napataas ang kilay niya dahil sa pagsabat ko sa kaniyang sinasabi. "Bakit 'di tayo sa iisang kuwarto?"
Humagalpak syia ng tawa dahil sa tanong ko. Napasimangot naman ako kasi akala ko talaga susundan na namin si baby Eman. Matapos niyang tumawa ay inakbayan niya ako.
"Maid... manliligaw palang kita, remember?"
Napanguso naman ako sa kaniyang sinabi. Akala ko naman honeymoon ang pinunta namin dito. Sayang.
"Arrange your things. Matutulog muna ako. I'm tired because of drivin," aniya.
Bago s'ya umalis ay ginulo niya pa ang buhok ko. 'Tapos ay pumasok s'ya sa katapat na kwarto ng silid na sabi niya ay kuwarto ko. Napangisi naman ako dahil magkatapat lang naman pala ang silid namin ni my labs. Hindi ako mahihirapan na gapangin siya.
Ginawa ko ang sinabi niya. Inayos ko ang mga gamit ko sa silid na inilaan para sa akin. Inilagay ko pa si Eman sa kama. 'Tapos no'n ay ipinasok ko na rin ang isang backpack na dala ni Clark sa kuwarto niya.
Natigilan ako nang tuluyang makapasok sa silid ni Clark. Natagpuan ko siyang tulog na tulog sa kama niya. Mukhang napagod nga s'ya sa pagmamaneho. Hindi man lang niya nagawang alisin ang suot na sapatos bago matulog. Hay nako, my labs!
Agad kong inilagay sa taas ng cabinet na nando'n ang backpack ni Clark bago ko siya nilapitan.
"Hay Clark my labs! Matulog ba naman ng may sapatos pa!" ika ko na parang may batang pinapagalitan.
Lumuhod ako sa tapat ng kama ni Clark at dahan-dahang inalis ang sapatos niya. Tinanggal ko na rin ang suot niyang medyas. 'Tapos ay iniligpit ko ito at inilagay sa gilid ng kwarto niya.
"Clark my labs, bakit naman 'di mo binuksan 'yong aircon? Pawis na pawis ka tuloy."
Para na akong buang dito kasi kinakausap ko ang taong tulog na tulog. Naiiling kong binuksan ang aircon 'tapos ay naupo ako sa gilid ng kama niya.
"Pawis na pawis na 'tong gwapo na 'to!"
Ipinunas ko ang towel na kinuha ko sa backpack ni Clark sa mukha at leeg niya. Napalunok ako nang magawi ang tingin ko sa nakaawang niyang labi. Jusko Lord! Baka ma-rape ko po itong adonis na ito! Nakakatukso ang kagwapuhan niya.
"Ano ba naman 'yan, my labs! Bakit ba ang guwapo-guwapo mo ha!"
Matapos kong mapunasan ang nakakatuksong katawan ng lalaking 'to, iniayos ko ang pagkakahiga niya. Iniangat ko ang kaniyang ulo at nilagyan ng unan. Matapos no'n ay kinumutan ko siya.
"My labs, ang yummy mo talaga," bulong ko. Muli akong naupo sa gilid ng kama ni Clark 'tapos ay hinaplos ko ang buhok niya. "Kay gwapo talaga ng mahal ko. Ang swerte ko talaga kapag sinagot mo na ako. Promise, hindi kita sasaktan."
Natigilan ako sa paghaplos sa buhok ni Clark nang umungol s'ya. 'Tapos no'n ay tumagilid s'ya ng higa. Nagulat ako nang yumakap ang braso niya sa may binti ko.
"Jusko naman my labs! Kita mo nang todo pigil na akong 'wag kang magahasa 'tapos yayakap-yakap ka pa ngayon!" Napapikit nalang ako at napahinga ng malalim nang maramdaman kong mas humigpit ang yakap niya sa 'kin. "MyLabs naman e! 'Wag please."
Kaagad akong napadilat nang biglang marinig ko ang halakhak ni Clark. Bumaling sa kaniya ang aking tingin. Nakahiga siya sa kama at namimilipit kakatawa.
"Clark naman e!"
"You're so funny, Maid!" At mas tumawa pa siya.
Napatakip nalang ako nang mukha ko dahil sa kahihiyan. Obvious naman 'di ba? Narinig niya lahat ng mga pinagsasabi ko kanina. Nakakahiya ka, Barbara!
Napabuntong hininga ako nang tumigil na siya kakatawa.
"Pinagnanasaan mo pala ako, Maid?"
"Tama na kasi my labs!" saway ko sa kaniya.
Tumawa lang naman s'ya ulit. Ako naman ay 'di matanggal-tanggal ang mga kamay ko sa aking mukha. Ang ganda naman kasi ng simula ng bakasyon namin! Napahiya 'agad ang beauty ko.
"Maid?"
Hindi ako sumagot. Nanatili lang akong nakatago sa mga kamay ko.
"Hey maid!"
Hindi pa rin ako sumagot. Nakakahiya talaga!
Naramdaman ko nalang na lumundo iyong kama tanda na gumalaw si Clark. Pinigilan kong tumili nang maramdaman kong niyakap ako ni my labs.
"Maid? Sorry for laughing at you," mahinang sabi niya. Hindi ko pa rin magawang sumagot dahil nikikilig ako. Naramdaman kong mas humigpit ang yakap niya sa akin 'tapos ay naramdaman ko ang pagdantay ng baba niya sa ulo ko na nakayuko. "Maid? Sorry na. And thank you for taking care of me. Really, kinilig ako sa lahat ng ginawa mo. Salamat sa pag-aasikaso. Ang sarap sa pakiramdam."
My Gas! Ang bilis ng tibok ng puso ko. Ang lakas naman kasi magpakilig ni my labas e!