Naunang bumaba si Karl na talaga naman na pinapasalamatan ni Amari dahil nalaman niya kung taga saan ang crush niya. Taga kabilang baranggay ka lang pala. Dahil sa excitement na nararamdaman ay gustong - gusto niya na ikuwento ito sa mga kaibigan niya ngayon na mismo sa loob ng trycicle ngunit malapit naman na din ang bahay nila kaya pinigilan niya na ang sarili.
"Thank you po." Sabi niya sa trycicle driver ng habang iabot ang bayad niya. Pagbaba niya ng trycicle ay nakita niya ang kaniyang ina na nag - aabang sa likod ng gate nila habang may hawak na payong. Pinayungan siya nito at sabay silang pumasok sa loob.
"Ma, nakasabay ko crush ko sa tryci..." Nakangiti at kinikilig niya na sabi sa Ina.
"Hmm, malandi. Maglagay ka na ng plano." Inilapag niya ang mga gamit at nagpunas ng kaunti pagkatapos ay tinulungan niya na ang kaniyang Ina sa pag - ayos ng lamesahan nila upang makakain na ng hapunan. Nag - text din ang kaniyang ama at tinanong siya kung nakauwi na.
Natapos ang simple ngunit masaya na hapunan nila. Siya ang naka - schedule ngayong gabi sa paghugas ng plato kaya medyo natagalan siya sa kusina. Hindi din maiwasan ni Amari na ngumiti paminsan - minsan dahil sa iba't ibang scenario na pumapasok sa kaniyang isipan patungkol kay Karl.
Ang bango niya. Ang pogi ng side profile niya. Ang hot niya din! Ang gentlemen niya.
Oo nga pala! May nililigawan siya. Hindi na - realize ni Amari na may nililigawan na pala ang crush niya. Ganoon na talaga siya ka patay na patay sa lalaki at konting pakilig lang nito sa kaniya ay nakalimutan na niya na may natitipuhan na pala ang lalaking gusto niya. Parang bigla ay nawala ang kilig na nararamdaman niya.
"Babaero nga naman." Sabi ni Amari sa kaniyang cellphone dahil katawagan niya si Charly at Kleo. Silang dalawa lang kasi ang sumagot sa tawaga niya.
"Grabe ka naman. Paano siya naging babaero eh hindi ka naman nilandi?" Tanong ni Charly at halatang hindi nagusuhan ang pag - judge niya kay Karl.
"Oo nga, assumera ka masyado." Sabat naman ni Kleo.
Alam niya na sobra na siya para sabihan ito ng babaero pero she can't blame herself. Nagseselos lang siya dahil yung crush niya may nililigawan na babae at hindi siya iyon. Hindi siya naniniwala na dapat wala kang karapatan magselos kapag hindi naman kayo.
She freakin likes the guy, of course magseselos siya kahit hindi sila...
Natapos ang usapan nila na puro si Karl ang topic. They even stalked his account and yung account ng babaeng nililigawan niya pero wala naman sila gaanong impormasyon na nakuha. Inantok lang si Amari kaya idineretso niya na ito sa pagtulog.
Kinabukasan ay isang normal na araw nanaman para kay Amari. Nag - stay siya sa classroom upang makinig at gumawa ng mga kailangan gawin, pumunta ng chemistry lab at libray at kung ano ano pa. Tulad ng nangyari kahapon ay nag - practice sila ng sayaw para sa teacher's day na gaganapin. Bago pumasok si Amari sa room na pag - papraktisan nila ay sumilip siya sa ibaba at nakita na may mga basketball players ng naghahanda para sa practice. Hinayaan niya lang ang mga ito at pumasok na sa room.
"5,6,7,8." Pagbilang nilang lahat habang ginagawa ang dance step.
"Ulit, hindi kayo sabay - sabay." Sabi ng kasama nilang grade 12 reprsentative. Tumingin - tingin si Amari sa kaniyang gilid at napansin na parang hindi na sila nagsasabay - sabay dahil sa pagod.
"Ate Anne, rest muna." Pag - suggest niya at pumayag naman ito.
Umupo si Amari sa sahig at nagpunas ng pawis. Kinuha niya ang cellphone at minessage ang kaniyang Nanay na malapit na silang matapos. Habang nagpapahinga din siya ay nag - sscroll din siya sa social media.
Mula sa gilid ng mata niya ay may nakikita siya na papalit na bulto.
"Beh, samahan mo nga ako sa canteen.. mag - refill lang." Sabi ng kasama niya na representative din. Tinanguan niya ito at tumayo. Si Jessy ito at nagiging kaklase niya din noong sila ay Elementary kaya wala naman ng kahiyaan na namagitan sa kanilang dalawa.
Habang naglalakad sila at tinutungo ang hagdan ay kinausap niya ito.
"Diba nagiging kaklase mo si Karl noon?" Tanong niya kay Jessy.
"Karl... Karl Lim?" Tanong nito sa kaniya.
"Hmm." Mahinang sagot niya.
"Oo, bakit siya?" Tanong nito sa kaniya. Alam niya na mahahalata na siya nito kapag nagtanong - tanong pa ito patungkol sa lalaki na nagugustuhan.
"Wala... mabait ba siya?" Nahihiya na sabi niya. Inangat niya ang tingin kay Jessy at nakitang may kaunting ngiti na ito sa labi.
"Crush mo?" Natatawang tanong niya. Hindi tumango at hindi naman tumanggi si Amari.
Nang makababa na sila ay nakita nila ang mga kalalakihan na nag - babasketball. Hinanap niya ang lalaki at nakitang naglalaro ito. Parang gusto niya tuloy panoodin ang lalaki patago ngunit may practice pa sila sa taas.
"Jessy, mabait nga ba?" Pag - uulit niya sa tanong. Tumahimik muna ito at nag - isip bago magsalita.
"Ok naman siya, medyo gago gago nga lang." That made her confused.
"Paanong gago gago?"
"Yung suki ng bugbugan, ganun."
At first, hindi siya naniniwala. Paano ba naman, the way he looks.. hindi mo masasabi na makikipagbugbugan.
Nang pabalik na sana sila ni Jessy sa taas pagkatapos nila mag - refill ay sakto naman na nakita nilang pababa na ang mga kasama nila sa practice at hawak - hawak na ang mga bag nila. Siguro ay dahil madilim na kaya magpapauwi na sila.
"Mari, bag mo oh!" Malakas ang boses ng nagsalita na dahilan ng pagtingin ng mga naglalaro ng basketball sa kanila ni Jessy. Nakita niya din na tinignan siya ni Karl.
Malapit ang bag niya sa kinaroroonan ni Karl kaya ng kukunin niya na ang bag ay nagsi - asaran na ang mga kasama niyang lalaki.
"Pre, i - abot mo naman." Pag - asar ng isa.
"Ako na." Sabi niya ng akmang kukunin na ni Karl ito para sa kaniya.
Kinuha niya ang bag at halata na mabigat ito dahil may libro na nga ang bag niya ay may bitbit pa siya na paper bag na kung saan nakalagay ang uniform niya dahil nagpalit siya para sa practice. Naglakad siya pero hindi niya napansin na sumunod si Karl sa kaniya.
"Tulungan na kita." Sabi nito at kinuha ang backpack niya.
"Thank you, kaya ko naman." Sabi niya na nahihiya.
Nginitian siya nito. "Ako na, mabigat eh." Nginitian niya din ang lalaki at hinatid siya nito hanggang sa toda.
Hindi niya na nakita ang reaction ng mga tao sa paligid nila sa nangyari dahil masyado siyang naging focus kay Karl. For sure, magiging issue ito. Baka makarating pa ito sa nililigawan niya. Hayss...
© Amari
June 2024