" Ada! labas may nanghaharana sayo " napakunot noo ako sa sinabi ni Maybel sa akin. Lumabas ako ng tent at tinignan kung sino ito. May boy scout and girl scout camping kasi kami dito sa school, gabi narin kasi kaya nasa kanya-kanyang tent na kami.
Kinakanta nila ang Nasayo na ang lahat ni Daniel Padilla.
Pinagkrus ko ang aking mga braso nang makita kung sino ang nanghaharana sa akin.
Sumenyas akong tumigil sila sa pagkanta na agad nilang ginawa. Wala naman problema sa boses nila, ayaw ko lang talaga sa kanila.
" Ikaw na naman? " naiinis kong sabi dito.
" Payagan mo na kasi akong ligawan ka. " naka pout nitong sabi pero inirapan ko lang.
It was Liam Javier, ang masugid kong tagahanga since grade 4 kami. Paulit ulit na lamang ako nitong kinukulit.
" Huy Liam, grade six pa lang tayo, ang bata bata pa natin puro ganyan na nasa utak mo, e kung nag-aaral ka! Kaya ka bobo e " naiinis kong sabi dito na ikinasimangot niya, nagtawanan naman ang mga nanonood sa amin. Ayaw ko naman talaga siyang ipahiya ang kaso siya ang gumagaaa ng dahilan para mapahiya siya.
" Go Ada " it was Art, my twin brother, inirapan ko naman siya. Kasama niya ang mga barkada niya sa gilid. Imbis na tulungan ako, hinahayaan lang ako. Seriously? kapatid ko ba talaga tong kumag na to?
"Bakit ba ayaw mo sa akin? Gwapo naman ako, marami ngang naghahabol sakin e. " sabi ni Liam. Oh, puro yabang lang yan pero walang laman ang utak. Kung gaano ako kabobo, mas lalo pa siya kaya kapag nagsama kami baka ang itawag na sa amin ay the dumb and dumbest.
" Gwapo ka naman talaga, bobo ka lang. Manligaw kana lang ulit pag matalino kana " sabi ko dito at muling naghiyawan ang mga nanonood sa amin. Sumimangot ito na akala mo naman e bagay talaga niya, feeling gangster pa to. May nakataling panyo sa kanyang ulo pati sa kanyang pulsuhan sa kamay.
" Ayaw ko, titigilan lang kita kapag sinabi mong may iba ka nang gusto. " nakangiti nitong sabi. Napabuga ako ng hangin, wala na akong choice. Ito na lang ang paraan para tigilan niya ako.
Akala mo aatrasan kita? Pwes manood ka.
" O sige aaminin ko na, may nagugustuhan talaga akong iba. " tila nagulat naman ito. Nagkatinginan pa sila ng mga barkada niya.
" Aaaaaaaw! " sigaw ng mga nasa paligid, nakigaya rin ang grupo ng kakambal ko saka nagtawanan. Akala mo e nanonood ng comedy, nakakabwisit.
" Sino? ipakita mo muna sakin bago ako maniwala. " talagang hindi siya susuko.
Inikot ko ang paningin ko upang maghanap ng gwapo na pwedeng ipang tapat sa kanya. Gwapo kasi talaga si Liam, at marami ring nagkakagusto sa kanya pero ayaw ko lang sa kanya dahil mayabang siya at may pagkabobo. Puro kayabangan lang yata ang laman ng utak. Kaya nga, may mga galit din sa akin dahil sa kanya e.
Napangiti ako nang mapadako ang mga mata ko sa grupo ng twin brother ko. Mabilis akong humakbang sa kanila at halatang nagulat ang mga ito.
Dali-dali kong hinawakan sa kamay si Crayon at hinila ito kay Liam, nagpumiglas ito pero hindi ko hinayaang makawala.
" Makisabay ka lang muna, babawi ako sayo mamaya. " bulong ko dito, hindi nagtagal ay pumayag naman.
" Ayieeeeee! " sigawan ng mga nasa paligid, kita ko rin ang pagyayabang ng twin brother ko at nag aapiran pa ang mga gago. Siguradong nagpupustahan na naman yang mga yan sa susunod na mangyayari.
" Siya? " hindi makapaniwalang sabi ni Liam.
" Oo " mataray kong sagot.
" Okay! " bagsak ang balikat nitong sabi saka umalis na siya, sumunod naman ang mga kasamahan niya.
Napabuntong hininga ako nang sa wakas ay umalis na ito. Unti-unting nag alisan na ang mga tao sa paligid, sila Maybel pumasok narin sa tent at pati narin ang grupo ng twin brother ko. Mukhang uulan na rin kasi at baka magalit narin ang mga bantay naming guro.
Binitawan ko na agad ang kamay ni Crayon at akmang aalis na sana pero hinila niya ako at nanlaki ang mga mata ko nang halikan niya ako sa labi.
Saglit lang yun pero para akong na-estatwa at bumilis ang tibok ng puso ko. Para akong mabibingi sa lakas ng tibok nito.
"Bayad kana " bulong nito bago ako tuluyang iwan habang tulala parin ako dahil sa ginawa niya.
Sobrang lakas ng tibok ng puso na diko maintindihan kung dahil sa gulat o sa kaba. Napahawak ako sa aking labi at hindi parin lubusang makapaniwala sa nangyari.
" Ada! " napalingon ako kina Maybel at Lynix, mukhang hindi naman nila nakita ang nangyari.
" Halika na! " tawag ng mga ito.
" Sige andyan na! " sigaw ko, napalunok ako bago tumakbo papasok ng tent namin.