Dumating na ang oras ng pagpunta nila sa London. Manghang-mangha si Cheraldine sa nakikita niyang tanawin sa labas ng eroplano. Tila ba ay maliliit na laruan kapag pinagmamasdan niya mula sa eroplano. Habang si Lord Philamer naman ay nagpasya na lamang matulog sa kanilang biyahe.Inabot ng halos labing-apat na oras ang kanilang biyahe mula sa Pilipinas hanggang sa London.
Nang sila ay makarating sa London , sila ay sinundo ng isang marangyang sasakyan. Nadaanan din nila ang mga sikat na tanawin sa Lugar. Aliw na aliw si Cheraldine ng makita ang palasyong bato ng Windsor Castle.
“ This is one of England's most popular UNESCO World Heritage Site. That is the Windsor Castle, “ paliwanag ni Gabrielle na tila ba ay isang tour guide.
“ Nasasabik na akong makalibot sa buong Inglatera, “ sabik na sabik na wika ni Cheraldine.
“ Soon mom, “ ngiting sagot ni Gabrielle.
Tila ba ay nahiya si Cheraldine nang siya ay kilalanin bilang ina ni Gabrielle. Saka niya napag isip-isip na may anak na pala siya at kasal na siya sa isang lalaki na hindi naman niya mahal at hindi niya alam kung kaya niyang mahalin. Sabagay hindi na din naman iyon mahalaga sa kanya kasi isang taon lang naman siya magtitiis para maayos ni Gabrielle ang ganap na pagbawi sa dukado ng kanyang magulang. Naputol ang kanyang pagmumuni-muni nang sila ay dumating sa Dukado ni Gabrielle.
Namangha ang dalawa sa laki nito . Mistulan itong palasyo ng isang hari at reyna. Gawa ito sa bato na may watawat ng Inglatera sa taas. Napapaligiran din ito ng mga guwardiya.
“ Welcome back Marquess Gabrielle,” ani ng isa nilang tagapagsilbi.
Nginitian lamang sila ng Markwisa at dire-diretsong pumasok sa loob. Sinunod lamang ni Cheraldine at Lord Philamer ang bilin sa kanila ng guro na taas noong maglalakad sa pagpasok sa Dukado na animo’y hindi sila bago.
“ Where’s Viscount Errol ? “ tanong ni Gabrielle.
Kausap niya ang isang lalaki na animo’y may mataas na titulo din sa Dukado dahil sa pananamit nito.
“ He is currently in France. He will return for the next six months Marquess, “ magalang na sagot nito.
Kinangiti ng Markwisa ang sagot ni Baron Sean , dahil mas matuturuan pa niya ang dalawa sa mga responsibilidad sa Dukado.
“ Marquess Gabrielle, are we going now to prepare for the ceremony? “tanong ng isa sa mga tagapagsilbi nila.
Tumango ang Markwisa bilang isang hudyat na kailangan na nilang simulan ang paghahanda sa seremonya. Niyaya nila si Cheraldine at Lord Philamer sa magkaibang kuwarto upang ayusan. Nanlaki ang mata ni Cheraldine nang makita niya ang napakalaking salamin kung saan siya aayusan. Narito din ang iba’t ibang klase ng make up na mukhang mamahalin at elegante. Nang lumingon siya ay napakaganda ng saya na isusuot niya. Ito ay kulay puti na napapalibutan ng madaming dyamante. Meron din siyang nakitang mga nagnining ning na alahas na tiyak na maglalabas pa ng pagiging elegante ng kanyang ayos mamaya.
Habang si Lord Philamer naman ay gandang-ganda din sa isusuot niya na coat mamaya at ang itim na balat na sapatos na nakahanda para suotin niya.
Nagsimula na nga ang pag-aayos sa kanilang dalawa upang maging ganap na Duke at Dukesa. Nang matapos silang ayusan ay manghang-mangha sila sa kanilang naging ayos. Hindi sila lubos makapaniwala sa kanilang itsura. Maingat na inalalayan si Cheraldine sa paglabas ng silid dahil sa haba ng saya nito at sa taas ng takong ng sapatos nito. Hinatid nila ito sa kanyang Duke.
Napatitig dito si Lord Philamer. Mistulan itong isang reyna sa sobrang ganda. Sa mga nakilala niyang babae ay hindi niya maipagkakaila na ito ang pinakamaganda. Kung hindi lamang ito sobrang daldal ay marahil nagustuhan din niya ito. Naputol ang kanyang pagmumuni nang maramdaman niyang inapakan ng dalaga ang kanyang sapatos upang sabihin na kailangan na nilang maglakad.
“ Ano bang ginagawa mo, Philamer ? Kanina pa tayo hinihintay , “ bulong nito sa binata.
Bahagyang nahiya dito si Lord Philamer na tila ba ay napansin ng dalaga ang pagkakatitig nito sa kanya. Kung kaya kinuha na lamang niya ang kamay ng dalaga at kinawit sa braso niya. Dahan-dahan silang naglakad papunta sa trono kung saan sila kokoronahan bilang bagong Duke at Dukesa. Pagkatapos silang koronahan ay sinamahan na sila ng kanilang mga tagapagsilbi  sa kanilang kuwarto.
“ Magkasama tayo sa isang kwarto? “ gulat at inis na tanong ni Cheraldine.
“ Syempre mag-asawa na tayo. My Lady , My wife. “ Pang-aasar ni Lord Philamer.
“ Naku tigil-tigilan mo ako Philamer ah . Dalagang Pilipina pa din ako kahit andito ako sa Inglatera,” Dinuro niya ang asawa dahil sa inis nya dito.
“ Pero hindi ka na dalaga. Remember I’m your husband now and I’m entitled for the complete package of you as my wife, “ pang-aasar ni Philamer.
Binato siya ng mga unan ni Cheraldine dahil sa inis nito. Maya-maya ay may kumatok sa kanilang pinto kung kaya’t nagpanggap sila na malambing sa isa’t isa. Binuksan ng binata ang pinto.
“ I’m so sorry for the noise, we’re just having a honey moon here with my lady, “ biro nito sa tagapagsilbi nila na nagdala ng kanilang mga damit pamalit.
Nang lumabas na ang kanilang tagapagsilbi ay saka na naman nagalit si Cheraldine.
“ Honeymoon your face ! Mandiri ka nga sa sinasabi mo Lord Philamer, “ namumula ang mukhang sambit ni Cheraldine.
“ Naku kung alam mo lang ilang babae ang nagkandarapa sa akin sa Pilipinas, “ tuloy-tuloy pa din ang pang-aasar ni Lord Philamer.
Napagdesisyunan na lamang ni Cheraldine na makapagpalit na ng binigay na damit ng kanilang tagapagsilbi upang makalabas ng kuwarto at mawala saglit sa paningin niya ang asawa. Papalabas pa lamang siya ay nakita na pala siya ni Gabrielle.
“ Mom! “ tawag nito sa kanya.
Medyo ilang pa din si Cheraldine kapag tinatawag siya ng ganito ni Gabrielle subalit kailangan niya ng masanay kasi ito na ang buhay niya sa loob ng isang taon.
“ You should not have gone out without the Duke especially that you’re newly weds, “ paalala nito sa ina.
Kung kaya’t hinila niya ang asawa papuntang hardin . Umaangal pa ito dahil gusto sana niya matulog. Subalit napilitan na din ito sumama. Kinuwento ni Gabrielle kung paano niya ganap na makukuha mula sa Bisconde ang kanilang Dukado at yun ay kapag matagumpay na pinamunuan ni Lord Philamer ang kanyang tungkulin bilang Duke.
“ Just trust me. Gagawin ko ang lahat para mabawi mo nang tuluyan ang Dukado mo. Nang makalaya na din sa kasunduang ito,” sambit ni Lord Philamer.
“ That’s if you will not fall in love with each other, “ mahinang sabi ng Markwis.
“ Never ever !” taas-kilay na sinabi ni Cheraldine.
“ Just make sure,” ngisi nito na animo’y nang-aasar sa asawa.
Hinayaan na lamang silang mag-asaran ng kanilang anak basta walang nakakakita sa kanila . Kasi hindi akma sa kanilang titulo ang asal nilang parang aso’t pusa.
Dumating na ang gabi , ilang na ilang tumabi si Cheraldine sa asawa. Pilit niya itong pinapalipat sa sofa ng kuwarto subalit ayaw ng asawa. Kung kaya’t  nagharang na lamang siya ng isang unan sa gitna nila upang hindi magkadikit ang kanilang mga katawan. Pinipilit makatulog ni Lord Philamer subalit hindi talaga siya dalawin ng antok kung kaya’t  lumabas muna siya upang humanap ng alak sa kusina.
Hindi nito batid na lubhang matapang at nakalalasing ang nainom niyang alak. Matapos ang ilang basong alak na nainom niya ay halos hindi na siya makabangon. Pakiramdam nito ay umiikot ang kanyang buong paligid. Buti na lamang ay hinanap ito ng kanyang asawa. Nakita niya ito na halos hindi makatayo kung kaya’t inakay niya ito kahit sobrang bigat nito.
Nang makarating sila sa kwarto ay hiniga niya agad ito sa kama nila. Sa bigat nito ay napahiga na siya sa ibabaw ng asawa na naging dahilan upang magtama ang kanilang mga labi. Nanlaki ang mata ni Cheraldine, namula ang kanyang mga pisngi at tila ba ay tumibok nang napakabilis ang kanyang puso. Nang maulian ito ay agad siyang bumangon. Tinitigan niya ang asawa.
Ngayon lamang niya napansin ang angking kagwapuhan at kakisigan ng katawan nito.
Inawat niya ang sarili sa mga naiisip nito. Hindi siya puwedeng mahulog sa asawa.Kung kaya’t kumuha na lamang siya ng mainit na tubig at hinaplos ito sa mukha at katawan ni Lord Philamer upang mawala ang lasing ng asawa. Naramdaman niya din ang paghawak ng asawa sa kanyang kamay na tila ba ay ayaw magpaiwan.
Pagkatapos nitong punasan ng mainit na tubig ang katawan ng asawa ay natulog na din ito. Hindi niya napansin na hindi pala niya naibalik ang unan sa gitna nila.
Pagkagising nito ay nabigla na lamang siya na nakayakap ang asawa sa kanya. Napasigaw siya na animo’y may nangyaring masama sa kanya. Kung kaya’t nagising niya ang natutulog na asawa.
“ What happened? “ inis nitong sabi na halos hindi mamulat ang mata dahil sa sakit ng ulo nito.
Hindi alam ni Cheraldine kung sasabihin pa ba niya ang dahilan , dahil tiyak itong mas magagalit sa kanya ang asawa kung kaya’t tumungo na lamang siya .
“ Kailan ba akong hindi magigising sa ingay mo?” Taklob nito ng unan sa mukha na pinipilit muling matulog.
Inis na inis siyang tumayo na lamang sa higaan at nagpatimpla ng kape sa kanilang taga pagsilbi. Hinarap niya ang asawa at pinagalitan.
" Next time , act as where you are. Wala ka sa iskwater na kinalakihan mo kaya hindi mo kailangan magsumigaw ng umagang umaga , " walang preno nitong sabi sa asawa.
" Hoy ! Matapobreng lasinggero , para po sa kaalaman niyo ang sinasabihan mo na laking iskwater ang tumulong sa inyo nung lasing na lasing ka at hindi ka halos makatayo sa kusina, " mataray na wika nito.
Lubos na nasaktan ang damdamin ni Cheraldine sa sinabi nito. Sinumpa niya sa sarili na kahit kailan ay hinding-hindi niya mamahalin ang lalake sa loob isang taong pagsasama nila. Sa kabilang banda ay tila ba nakonsensya si Lord Philamer sa kanyang nasabi sa asawa. Natahimik ito. Maya-maya ay tinawag sila ng kanilang tagapagsilbi upang kumain na ng almusal. Sinabi din ni Gabrielle na sila ay mamamasyal sa mga sikat na lugar sa Inglatera na madalas na binibisita ng mga turista. Natuwa ang tainga ni Cheraldine nang marinig ito subalit pinili niyang tumahimik na lamang kasi baka laitin na naman siya ng asawa. Iniisip naman ni Lord Philamer kung paano siya hihingi ng tawad sa kanyang asawa. Kumuha siya ng isang papel at panulat , sinulatan niya ito na salitang " Sorry " . Habang nasa sasakyan sila ay hindi makatinging inabot ni Lord Philamer sa asawa ang papel.
Nagdalawang-isip pang basahin ito ni Cheraldine sa pag-aakalang pang-iinis at panglalait na naman ang mababasa niya. Subalit nabigla na lamang siya na humihingi sa kanya ng tawad . Natatawa siya sa ginawa ng asawa na tila ba ay bata na hindi makatingin sa kanya. Tinago niya din ang pamumula ng kanyang mukha sa ginawang ito ng asawa. Naputol na lamang ang kanilang pagmumuni-muni nang makarating sila sa Eden Project. Isa ito sa pinakamalaking hardin sa Inglatera. Tuwang-tuwang pinagmasdan ni Cheraldine ang mga halaman dahil bata pa lamang ito ay mahilig na siya sa mga bulaklak at halaman. Pakiramdam niya ay nawawala ang mga problema niya kapag siya ay nakakakita ng mga halaman at bulaklak.
" I know that you will like it ," nakangiting sabi ng Markwisa.
" You're so sweet . " Niyakap niya ang anak na tila ba ay nawala na ang pagkailang niya dito.
Napansin kasi kanina ng Markwisa na kanina pa tahimik ang tinuturing niyang ina habang sila ay nasa sasakyan. Hindi siya sanay na tahimik ito kung kaya't dinala niya na muna ito sa makakapagpatanggal ng lungkot nito. Pagkatapos niyang makasigurado na ayos na ang ina ay pumunta naman sila sa Tate Modern. Ito ay isang museo na kung saan makikita ang mga likha ng sikat na pintor sa Inglatera at iba't ibang bansa. Abala sila sa pagtingin ng pinta sa isang maliit na kwarto kasama ang asawa ng biglang nawalan ng kuryente at dahil pinapatakbo ng kuryente ang pintuan sa museo ay bigla din itong nagsara.
Halos walang makita si Cheraldine na liwanag kung kaya't biglang umatake ang pobya nito sa dilim. Iyak na ito nang iyak at halos ay nanginginig na sa takot. Pinipilit siyang pakalmahin ng asawa subalit halos nanlalamig na ang kanyang katawan sa takot. Buti na lamang ay nakapa ng binata ang lighter niya na may flashlight kung kaya pinailaw niya ito dito unti-unting kumalma ang asawa.
" You have a phobia of the dark ? " tanong nito.
"Oo , bata pa lamang ako ganito na ako ," kuwento ni Cheraldine.
Animo'y bata ang asawa na nagtatago sa kanyang dibdib. Kahit na may konting liwanag na itong nakikita ay hindi pa din nababawasan ang takot nito.
Nang magkaroon ng kuryente ay mistulang nakuryente si Cheraldine na agad nagpumiglas sa bisig ng asawa. Dahil dito, siya ay inasar ng asawa.
" Kanina lamang ay para kang batang nagtatago sa braso ko , ngayon ay napakatapang mo na, babaeng takot sa dilim, " pang-aasar nito.
" Hindi mo lang kasi alam kung paano magkaroon ng pobya kaya ganyan ka, " taas-kilay na sambit ni Cheraldine.
Naabutan silang ganun ng Markwisa. Napakamot na lamang ito sa ulo niya ng makitang sa kabila ng ginawa niyang plano ay hindi pa din magkasundo ang dalawa. Ganito silang dalawa kapag ang Markwisa lamang ang kasama nila. Subalit pagdating ng Dukado ay halos napakalambing nila sa isa't isa.
Magkahawak sila ng kamay habang papasok sa Dukado. Pasimpleng kinukurot ng Dukesa ang kamay ng asawa ng mahahaba niyang kuko. Kung kaya't pasimple din siyang binulungan nito " Kapag hindi ka tumigil kakukurot jan ay ipapagkalat ko na takot ka sa dilim, "
Tumigil na lamang ang Dukesa sa ginagawa nito. Pagdating nila sa kanilang kwarto ay agad-agad hinarangan ni Cheraldine ng unan ang gitna nila. Nainis ang asawa dahil napakaliit na lamang ang espasyo na natira sa kanyang tulugan. Kaya hinagis niya ang unan saktong biglang dumating ang Markwisa at natamaan ito.
" What's happening here? " inis nitong sabi.
Nagkatinginan na lamang nang masama ang dalawa na animo'y nagsisisihan sa isip nila.Kaya biglang nagsalita na lamang ang Markwisa.
" The Viscount will be back tomorrow so better act according to your age and title, " pagsusungit nitong sabi sa mga magulang.