KAPAPASOK PA LANG ni Mirian nang umagang iyon sa opisina nila. Maaga pa, kaya ang mga katrabaho niya ay abala pa sa pagchi-chikahan.
“`Kakahiya naman sa bangs ni ate.”
“`Buti nga sa kanya `no, arte-arte. Akala niya siguro, e mabibingwit na niya si Mr. Renner, asa girl.”
“Oi, ano `yan? S** scandal? Ni Mr. Renner? Pa-watch din,” ani Mirian at naki-usyoso sa PC ni Dorothy kung saan nagtitipon ang mga officemates niya.
“Gaga, aga aga, s** scandal agad? Scandal lang, walang s**.” Dorothy replied.
“Ni Mr. Renner nga?” tanong pa niya.
“Oo na nga kasi, panuodin mo na lang,” sabi naman ni Rico, `yung supervisor nilang kunsintidor.
Tumahimik na lang siya at nag-concentrate sa panonood ng video sa YouTube na may 54000+ views na agad kahit na dalawang araw pa lang naka-upload.
Ang eksena, may babaeng naka-black dress na nakatalikod sa screen habang kumakanta, may tumutugtog ng violin at may isang lalaki na prenteng nakaupo lang sa likod ng bilog na table na nagagayakan ng bulaklak sa gitna at naka-set for two.
Dinner date.
At Hindi basta dinner date, mukhang reserve ang buong lugar dahil bukod sa tatlong nabanggit na tao at isang unipormadong waiter na bahagya nakukunan ng camera ay walang customers ang obviously ay restaurant dahil sa iba pang bakanteng mesa.
Ginastusan.
Sosyal.
Ang siste, hinaharana ni girl si guy na si Allen Renner pala. Pero deadma lang si guy, hanggang sa matapos kumanta si girl na Hindi pa rin humaharap sa camera.
“Sino `yong girl, madam?” aniya kay Dorothy.
“Tingnan mo, haharap na `yan, o.”
And so, naghintay siya.
Lumapit si girl kay Allen, nakatagilid ito kaya nasilayan na niya ang mukha nito. “Si Monique?!”
Walang sumagot, busy lahat sa panonood kahit obvious na napanood na ng mga ito ang video.
“So, did you like it? The song, I mean?” tanong ni Monique.
Nagkibitbalikat lang ang lalaki. “That's what this dinner is all about? You're a frustrated singer? You want to showcase your talent? Well I think you come to the wrong place.”
Nawala ang ngiti sa mga labi ni Monique at nagpaliwanag. “No, i-it's not that, a-ano kasi... I-I wa-want you to know.... How I feel...”
Kumunot ang noo ni Allen at tumayo sa kinauupuan nito.
“Ayan na, ayan na, panoorin mo `yan, Mirian, epic `yan,” sabi ni Karen with matching yugyog pa sa balikat niya. Hindi niya alam na nasa likod niya lang pala ito.
“How you feel huh? About what?”
“A-Allen... The song... The song says it all... didn't you get it? I'm pouring my heart out here, Allen.” Kulang na lang ay magpapadyak si Monique.
No reaction at all naman si Allen. Then he said, “You love me...”
.
.
.
.
.
“Y-yes...”
“I'm sorry but I think we don't have the same idea when we started dating.”
Humulas yata ang make-up ni Monique sa sagot ni Allen. “W-what do you mean?”
“I mean, I only go out with you because I thought you're fun to be with, we share the same views, we are in the same circle, we are not up to a deeper commitment... But I'm wrong... so wrong all along....” he said shaking his head.
“Ano ba? Antagal ha, ayaw pa kaagad sabi—”
“Quiet, please.”
“I don't love you, Monica, I'm only after a companion, not a lover or a girlfriend.”
“Boom! Basag!” hiyaw ng mga kasama niya.
“Feelingerang frog kasi.”
“Monica raw,” comment naman niya na napapangisi pa. “Ano kaya `yun? All through the course of their dating kiyeme, Monica ang tawag niya kay Monique? Patawa much.”
“B-but... I... I... We've been dating for like four months! Four months `yon, Allen! `Wag mong sabihin sa `kin na wala ka man lang na-feel na love d'yan sa puso mo for me?!” Dinutdot pa nito ang dibdib ng lalaki.
Kumunot naman ang noo ni Allen pero hindi man lang natinag sa ginawa ni "Monica". “Hey, Nobody pokes Allen Renner like what you just did, Lady.”
Monique's lips twitched. “Well, there's always a first you know.” Pagkatapos ay muling bumalik ang sakit sa mukha nito. “Seriously, don't you feel the same way for me?”
“I'm sorry... This is the last time we'll go out. Stop calling and texting me.”
“No... No, please, I love you, can't you give me a chance?” Halos bumitin na ito sa braso ni Allen.
“You don't love me, I know your kind, you're in love with my name and fortune but not with me, you don't even know where I came from, which family I came from, what kind of ordeal I came from, nobody loves Allen Renner as much as Allen Renner.” Sabay walk out, napalingon ito sa camera at tinabig ang may hawak niyon. “Cut it out buddy.”
Naiwang nganga si Monique, nilingon nito ang camera at sinugod iyon. “Ano ba?! Didn't you hear the guy?! Cut the fuck out! *$&#€¢¥¿ &$9!>=$----”
“Taray ni Mr. Renner!”
“Epic `yung 'Nobody loves Allen Renner as much as Allen Renner'.”
“Grabe siya ha, kamusta naman si Monique?” tanong niya sa mga kasama.
“Balita ko nag-resign daw nang nag-leak `yung video.”
“May pa-video video pa kasi, `pahiya tuloy.”
“Buti nga sa kanya, masyado kasing maarte.”
Hahaba pa sa sana ang chismisang iyon kung hindi lang sila pinaalalahanan ni Rico na kailangan na nilang magtrabaho.
HINDI MALAMAN NI Mirian kung maaawa o matutuwa sa nangyari kay Monique. PR Supervisor ang babae, her position suits her dahil ubod naman kasi ito ng ganda at bagay na bagay sa mga PR PR na `yon. Madali itong makakuha ng mga project dahil ginagamit ang GL card sa mga client meetings. Dabest.
Four months ago ay nakuha nito ang project na paggawa ng commercial para sa isang shampoo brand. Ang location ng shoot, sa coffee shop na pag-aari ni Allen Renner na nakapwesto rin sa building na pag-aari din nito. Yamanechi.
Doon nagkakilala ang dalawa, nagkaunawaan (in Monique's dream) at nagka-inlove-ban (in Monique's wildest dreams). Nag-date ang mga ito at lumaki ng ga-jupiter ang ulo ng babae. Kung dati ay marami nang asar dito dahil sa kaartehan, mas nadagdagan pa iyon dahil nga naging mayabang pa ito.
Hindi nga naman kasi basta-basta ang lalaking nagka-interes dito. Si Allen Renner kasi ang nagma-may-ari ng maraming naglalakihang state-of-the-art, modern at naggagandahang gusali sa kalakhang Maynila. Sa madaling salita. Mayaman. Ikaw ba naman ang magkaroon ng sangkaterbang gusali. Bukod pa roon, gwapo... Uhmmm... Mayaman... Gwapo... At wala na siyang maisip na adjective.
“Oo nga, `no? Bukod sa gwapo at Mayaman, ano pa nga ba ang Alam ng madla tungkol kay Allen Renner? Iniiwasan siya ng ibang tao dahil sa... Uhmmm... Ewan. May iba kasi sa kanya, `yon bang tipong untouchable? Malakas masyado ang dating. `Yong may aura siya na... `yun nga, untouchable... Basta, iba,” bulong niya.
So, `yon nga , lalong naging hambog si Monique dahil kay Allen, iniisip siguro nito na seryosong seryoso sa kanya ang lalaki. Kung sabagay pati naman siya— malamang `yung ibang tao rin na nakakaalam ng kwento—ay inisip din na seryoso nga si Allen. Kaso nga. Hindi pala, napa-youtube pa.
‘Sobra naman `yung mga sinabi ni Mr. Renner, ano namang palagay niya kay Monique? Gold-digger?’ she thought to herself while typing. ‘Hindi ba pwedeng tinamaan talaga si girlash sa kanya?’
‘Hmmp! Kunsabagay... Sa dami niyang datung dapat talaga nag-iingat siya... Nag-iingat, hindi nang-iinsulto.’ Napa-buga na lang ng hangin si Mirian. “Haaay... Paki ko ba? Bahala sila. Kung nag-resign man si Monique dahil sa kahihiyan, e hindi ko na problema.”
“You don't love me, I know your kind, you're in love with my name and fortune but not with me, you don't even know where I came from, which family I came from, what kind of ordeal I came from, Nobody loves Allen Renner as much as Allen Renner.”
Napaisip siya nang maalala ang mga katagang iyon ni Allen. “Ano kayang Ibig nyang sabihin do'n? Pa-mysterious effect, ha.”
“Huy, Mirian, baliw lang? Kinakausap ang sarili?” natatawang tanong ni Karen na naka-silip sa cubicle niya.
Tawa lang din ang isinagot niya rito.
"OK GUYS! YOU know what this means?" excited na tanong ni Rico sa buong accounting department kung saan kabilang din si Mirian.
"Bonus! Bonus! Bonus!" everybody chanted, pinakamalakas yata ang boses niya.
"Hahaha! Let's keep our fingers cross!" ani Rico.
"Hello? Sir, I think deserve lang natin na magkaroon ng bonus `no, five consecutive months na department natin ang unang nakakapag-submit ng monthly report. Recognition naman sana,” one of the guys said.
"Meron `yan, ayaw lang sabihin ni Sir,” another guy said.
Nagkanyanan na ng komento ang mga kasamahan niya, pero nanahimik si Mirian, kinakausap ang sarili niya. ‘Ferrero Rocher kaya? Toblerone na lang siguro, dollar naman ang Ferrero, e. E, bakit ba? Bonus naman `yon, kumbaga, pang-luho talaga.’ Nakikipagtalo siya sa sarili kung anong klaseng tsokolate ba ang ire-regalo niya sa sarili kapag natanggap na nila ang maalamat na bonus.
Oo, positive siya na may bonus talaga...
Habang nagkakalimutan na tapos na ang meeting ni Rico with the higher ups, tapos na rin ang announcement nito sa kanila na una na naman silang nakapag-pasa ng MR at nagchi-chismisan na lang uli ang mga katrabaho nyai ay pumuslit muna si Mirian at nagpunta sa rooftop, tutal naman ay ilang minuto na lang at lunch break na. Kailangan niya ng fresh air.
Fresh air sa city? E, polluted nga, e. "Bakit ba?"
Sumandal siya sa railing—na may interlink wire pa to prevent stupid people from jumping off the edge—at huminga nang malalim. "Infairness... fresh talaga `yung air."
Eto `yung mga pagkakataon sa buhay niya na relax na relax siya. Mag-isa. Tahimik. At sariwa ang hangin. Sa sobrang taas ng building nila, halos parang insekto na lang ang mga tao kapag sumilip siya sa ibaba, although minsanan lang niya ginagawa iyon dahil nahihilo suya sa taas ng kinatutuntungan, feeling pati niya eh mahuhulog pa rin siya kahit pa nga may harang naman.
"Haaay... Heaven..." Ipinikit niya ang mga mata at tumingala, after a while she opened her eyes and she was greeted by the grey sky due to the metros pollution. "Shet na polusyon. Badtrip."
Umayos siya ng tayo at inilibot ang paningin sa iba pang mga building, hanggang sa nahagip ng mga mata niya ang Renner tower 11 na katapat lang ng building nila.
Kung tutuusin ay mataas na ang gusali nila. Pero mas mataas pa rin ang RT11 dahil bintana lang ang nakikita niya khit na nasa rooftop pa siya. Bintana na nakabukas ang kurtina at nakikita kung sinong nasa loob. Si Allen Renner.
At isang babae, no, lalaki, 'naka-dress' eh. She squinted her eyes to see further. Lalaki nga, hindi naka-dress, parang coat na mahaba, katulad nung suot ni Keanu Reeves sa the Matrix. Nakahandusay sa sahig `yung lalaki at sinasakal ni Allen Renner.
"Huh?! Whuduh?!" Nanood pa siya nang konte.
At base sa lip movements noong dalawa, nagtatalo ang mga ito. "Like hello? Nagsasakalan na nga eh, alangan nagtatawanan pa sila?"
Pero hindi lang `yon ang nangyare, hindi pa yata nakuntento si Allen sa pananakit doon sa kawawang lalaki, may itinaas itong parang kutsilyo na ewan at itinarak sa dibdib no'ng lalaki...
.
.
.
.
"Itinarak sa dibdib no'ng lalaki?!" gulat niyang sabi, napakapit siya sa bakod.
Nanlaki rin ang mata noong lalaki, pagkatapos ay nawalang parang bula. Naging abo.
"Naging abo?!" What the fuck did she saw?! Agad siyang sumalampak ng upo sa sahig at kumubli sa mababang sementong pader na kinalalagyan ng bakal na railing sa takot na makita siya ng 'kriminal', halos nakadapa na nga siya eh.
“Shit lang, ano 'yun?!" Halos pagapang din siyang nagtungo sa pinto at nagmamadaling bumaba ng hagdan nang nakayuko, kahit pa nga hindi na siya makikita roon ni Allen.
Hindi siya nag-elevator, hagdan lang ang ginamit niya hanggang sa makarating sa basement. "Lord, totoo ba `yung nakita ko? May pinatay si Allen Renner. Kaya ba siya 'untouchable'? Dahil kaya niyang pumatay?"
"---You don't even know where I came from, which family I came from, what kind of ordeal I came from---"
"Shit, `yun ba ang tinutukoy nya? Galing siya sa pamilya ng kriminal?"