Ikalima
"AGGHH!" NAPAHAWAK ako sa ulo ko dahil sa nararamdaman kong sakit. Para siyang biniyak sa sobrang sakit. Parang tinatahi ni Satanas.
Asan ba ko?
"Magsama kayo ng anak mo, parehong sa kano lang mairaraos ang buhay!" Nanay?
"Atleast hindi katulad niyo ng anak mo, hindi naman kagandahan. Mga mukhang alamang!" Aling Puring?
Napadilat ako ng marinig ang mga pamilyar na tinig. Sobrang pamilyar dahil halos araw araw ko ng naririnig buong buhay ko. Boses ng nanay at kapitbahay ko yon eh. Hanggang ngayon ba, nag aaway parin sila?!
Tinignan ko ang buong paligid. Hindi ako maaaring magkamali, itaga mo man sa brief ni Kap Tando, kwarto ko to! Simula sa kulay ng kwarto ko- wala nga palang kulay to, tanging semento lang. Yung kama kong wala sa ayos, tinignan ko din yung mga damit kong hindi pa mga nakatupi, yung sira kong pinto.
Sinampal ko ang sarili ko. Okay lang magmukhang tanga, atleast hindi nahulog sa maling tao. Bumalik na ba ako sa mundo ko?
Kinuha ko ang cellphone ko. Binuksan ko ang Readot tapos pinikit ko yung mga mata dahil baka mapunta nanaman ako sa ibang destinasyon. Sa ilang segundong nakapikit ang mata ko, wala akong naramdaman na kakaiba. Dahan-dahan kong binuksan ulit ang mata ko, at tumambad sakin ang mga story na binabasa ko.
Napangiti ako, panaginip lang ang lahat.
Umalis ako sa kama ko at pumunta sa gitna. Nagbilang ako ng tatlo bago sumayaw ng budots, walang tigil na budots lang.
"Sinong nagsabi na mananatili ako sa loob ng kwentong yon? Ha!" Sabi ko saka ipinagpatuloy ang paggiling. "Panaginip lang ang lahat, WHAHAHAAHAHAHA" Nagtwerk pa ako para dama.
Nakahinga ako ng maluwag dahil wala na akong iisipin na misyon. Akala ko maboboang na ako don sa kwentong yon.
Anggwapo pala ni Brix sa personal, ehe.
Umupo ulit ako sa kama ko dahil sa pagod. Nag isip-isip ako.
Kung panaginip lang ang lahat, ilang oras akong natulog? Tapos nagbabangayan parin sila Nanay doon? Sabagay, hindi pa ba ako nasanay? Dati pa sila ganyan
Napahiga na lang ulit ako. Pilit na dinamdam ang matigas na unan. Kinuha ko ang kumot kong paboritong ngatngatin ng mga mababait sa loob ng bahay namin.
"Kayleeee!!!!!!"
Napatayo ako sa gulat dahil sa biglaang sigaw ni Nanay mula sa baba.
"Bakit ho?!!!" Sigaw ko mula sa itaas.
"Yung mga hugasin mo dine!" Napanguso na lang ako.
"Nanay!" Tawag ko sa kaniya. Napatingin na lang siya sakin habang naglalaba. Lumapit ako sa kanya saka niyakap siya.
"Ano bang problema?" Naguguluhang tanong nito. Iniisip ata na may sira na ako sa ulo.
"Wala lang Nay, namiss lang kita" Paglambing ko. Iniisip ko parin kasi ang panaginip ko. Minsan lang ako managinip ng masama pero ito ang pinakamalala. Kasing panget ni Angge iyon, masyadong delikado maulit.
"Tigil-tigilan mo nga akong bata ka, wala akong sampung piso" Niyakap ko na lang siya ng mahigpit.
"Kahit kangkong lang ang ulam natin ma, ayos lang sakin" Paglalambing ko. Adobo man o nilaga, masyadong masarap magluto ang nanay ko.
"Buti na lang pinaalala mo, magkano ang kita mo kanina?'' Medyo napatanga pa ako sa kaniya kasi parang hindi naman ako nagbenta ng kangkong ngayon, kaso naalala ko panaginip lang pala iyon.
Kinapa ko ang bulsa ko para sana kunin ang benta, nagulat ako ng wala akong makapa. G*go asan na yon?
Sumagi sa isipan ko na binigay ko pala iyon sa bata. Kaso panaginip nga lang yon, paano mawawala yung pera ko?
"N-nay?" Pagtawag ko sa kaniya. Tumingin lang siya sakin. "Nawawala yung benta, hehe" Pang-uuto ko.
"Lintik ka talagang bata ka----"
"Kaye!...Kayeee!" Nagulat ako ng tawagin ako ni Chichay. "Kayeee!"
"Bakit? Ano nangyari sayo?" Tanong ni Nanay.
"Mamaya niyo na po pagalitan ang bespren ko Aling Marites" Sagot niya saka hinila ako.
"A-aray!" Nagkandadapa-dapa na ako lahat-lahat dahil sa kahihila niya. "Dahan-dahan l-lang Ichay!" Bruhang to! Masyadong mapanakit.
Sa wakas tumigil na siya. "May gudnyus ako dai!" Napakunot naman ang noo ko. "May update na agad si Mr V! Biruin mo yon?! Meron na agad!" Napatanga na lang ako. Ang bilis naman?
"Oy g*go? Seryoso? Patingin nga!" Gulat na sabi ko.
"Alam kong wala kang pera para tignan ang update kaya naglakas loob ulit akong mangupit kay Mama para sayo te!" Sabi niya saka kinuha ang cellphone niya. "Eto dai"
Kinuha ko agad yung selpon niya dahil sa ka excitedan. Gusto kong makita kung ano na nangyari doon sa dalawang bida pero parang may hinahanap pa akong pangyayari.
Agad kong binasa ang naandon at may mga linyang gumulo sa aking isipan.
"Ahm,kuya hindi kita maintindihan, pwedeng pakitagalog? nasa Pilipinas pa tayo"
"Hoy kuyang mapagbintang, kung sino ka man, gusto ko lang sabihin sayo na tagalog na ang sinabi mo pero nalilito pa rin ako. Ako?! Nagnakaw?! Boang ka ba?!"
"Hoy! Wala kang ibidensiya manong! Inabot lang sakin yan ng mama na tumatakbo kanina. Hindi ko nga alam kung bakit niya inabot sakin yan"
"Hoy mama! Pakisabi nga po sa lalaking ito na hindi mo ako kasabwat sa nangyaring nakawan. Yung malinis kong pangalan, natatapakan ng tae eh"
"T-teka, bakit g-ganito yung kwento?" Tanong ko. Naaalala ko lahat ng mga linya ko sa panaginip ko. Eto lahat yon.
"May bago din palang karakter sa kwento Kaye, pareho kayong shunga" Napatingin ako kay Ichay.
"K-kailan nag-update si Mr. V?" Tanong ko.
"Mga trenta minutos na ang nakakalipas. Bakit Kaye?" Shet, halos kapareho ng oras pagkatapos kong magising. G*go, anong nangyayare?
"Ahh, wala. Parang pamilyar lang yung mga pangyayari"
Dahilan ko.
Pamilyar talaga! Dahil lahat ng linya ng bagong karakter, sinabi mo na!
"Sus, anong pamilyar? E ako nga yung unang nakabasa nito kaysa sayo"
Humarap ako sa kaniya. "Ichay, balik na muna ako sa bahay ha, may pinapagawa pa kasi si Nanay" Pagdadahilan ko.
Hindi ko na hinintay ang mga sasabihin niya, tumakbo na agad ako. Narinig ko pa ang sigaw niya pero binalewala ko lang yon.
Tinignan ko ang palad ko at nakita ako pa ang selpon niya. Kaya pala niya ako tinatawag kanina pa.
Agad akong pumunta sa kwarto ko para mag isip-isip. Inalala ko ang mga nasa panaginip ko bago ako magising.
"Kotse, may kotseng babangga sana sakin" Mahinang bulong ko saka binasa muli ang huling parte ng kabanata na iyon.
"Who are you weirdo?"
Hinahanap niya ba ako? Bakit niya ako hinahanap? Anong kailangan niya sakin?
Hindi ko maintindihan kung anong nakasulat sa dulo pero kinakabahan ako. Kahit anong pilit kong isipin, alam kong ako ang nasa kwento.
Nakapasok ba talaga ako-imposible!
O baka naman napaniginipan ko lang kung anong susunod na mangyayari doon sa kwento? Shet, anggulo. Papabigti ba ako?
Masyadong magulo sa isipan ko kung anong nangyayari. Mas magulo pa kaysa sa buhol na karayom-ay, sinulid pala yon.
"Bobo ako pero bakit dumagdag pa sa isipan ko to? Pabobobohin niyo pa ba talaga ako? Yung mas todo? Mas sagad?"
"Kayle! Yung tubig! Nagsasayang ka?!"
Agad kong pinatay ang tubig sa lababo. Naghuhugas kasi ako ng plato pero yung isip ko, lumilipad parin.
Naguguluhan ako tapos natatae na din.
Umakyat ako sa kwarto ko at nagpasyang matulog. Hindi ko na muna iisipin ang mga bagay bagay na yan. Kailangan ko pang magbenta ng kangkong.
"Huwag ka masyadong mag-isip selp. Tandaan mo, masyado ng pisat ang utak mo, wag mo ng pisatin pa. Ang mahalaga, lamang ka ng isang butil ng bigas ang utak kaysa sa bespren mong baliw na si Ichay"
~.~.~.~.~.~.~.
"Hoy! Bat ang tamlay mo?" Napatingin ako kay Ichay na nasa harap ko.
"Hindi kaya, nag-iisip lang ako" Sabi ko saka tinignan ang mga kangkong ba benta ko. Napangiwi ako dahil wala pa pala akong benta.
"May isip ka pala gorl?" Pang-aasar niya. Inismiran ko lang siya. "Nakakakaba yung mga susunod na update ng Night Changes! Kinikilig ako sa dalawa!"
"Kanino? Kay Brix at kay Hanna?" Tanong ko. Sabi ko hindi ko muna iisipin ang kwentong iyon, pero eto nanaman ako.
"Hindi na noe! Kay Brix at doon sa shunga na babae" Napaubo ako sa sinabi niya. "Anyare sayo gorl?"
"Bakit ka naman kinikilig don?!" Tanong ko. Wala naman nakakilig don! Nakakatakot pwede pa.
"Kasi diba hinahanap siya ni Brix? Baka nagustuhan niya"
"Tanga, diba nga masasagasaan niya"
"Pareho lang yon! Sana magkita ulit sila"
"Sana hindi na" Kasi kung ganon, andon nanaman ako.
"Palibhasa boto ka kay Hanna, pakiramdam ko nga medyo maarte yon eh" Napatingin naman ako sa kanya.
"Parang kahapon lang, fan ka ng Brinna. Tapos ngayon, kung sino sino na gusto mo"
"Basta, pakiramdam ko may mahalagang papel sa buhay nila yung wirdo daw na yon. Tawag ko sa kanya shunga gorl dahil wala pa siyang pangalan" Sabi nito saka humagikgik. Binatukan ko naman siya ng malakas. "A-aray! Bakit ba?!"
"H-hindi naman shunga yung babae! Naguguluhan lang kasi hindi niya naiintindihan si Brix" Paliwanag ko.
"Parang ikaw no?" Sabi nito kaya napatingin ako sa kaniya. "Pareho kayong shunga" Sabi nito saka tumawa.
Napatingin ako sa isa kong suki na naglalakad.
"Manong! Manong! Kangko-" Napatigil ako ng dinaanan lang niya ako at pumunta siya doon kay Angge.
"Wala pa akong benta" Naluluhang saad ko. Lagot ako neto kay Nanay.
Dinadaandanan lang ako ng mga dati kong suki. Ang masama pa don, naandon na sila lahat kay Angge.
Hindi naman sa naiinggit ako, dati ko kasing mga suki yon. Nakakapanghinayang lang sa loob na may pinalit na agad sila.
Paano ba naman, suot suot niya yung damit niya nakalabas pusod na may libag pa sa gilid gilid, yung shorts na kita na yung singit niya sa sobrang iksi, idagdag mo pa yung karatula na may nakasulat na 'free kiss'.
Hindi ko pa nakikitang nagsesepilyo yan.
Hindi naman ako naiinggit. Mukha ba ako naiinggit? Iba na kasi kung katawan na yung puhunan. Hindi naman siya kagandahan.
🎶Maganda siya pag nakatalikod, pag humarap mukhang impakta🎶
"Paano ba naman kasi Kaye, nakabusangot ka dyan. Idagdag mo pa na hindi mo na isinisigaw yung MATAMIS mong kangkong!" Sigaw niya sakin.
"Wala lang ako sa ayos, nakalimutan ko kasing mag-almusal" Paliwanag ko.
"Wag ako besti, hindi ka pinag-aalumsal ni Aling Marites" Kilalang kilala niya talaga ako.
"Benta ko na kaya yung isang kidney ko?" Suhestiyon ko. Siguradong ang halaga ng isang kidney ay pwede na naming pangkain sa isang linggo.
"Bahala ka, basta handa ka sa mag-inang sampal ng nanay mo. Hindi ba sinabi ng nanay mo na kahit anong mangyari, hindi mo pwedeng ibenta ang katawan mo"
"G*go, iba naman yung sinasabi mo"
"Iba ba yon?" Naguguluhang tanong niya.
"Oo, pagkababae yung tinutukoy mo eh"
"Ay, oo nga no. Ano yung pagkababae?"
~.~.~.~.~.~.~.
"Nay! Nakauwi na po ako!" Sigaw ko mula sa labas ng bahay. Nakita ko nanaman siyang naglalaba.
"oh, andyan ka na pala, asan na ang benta?" Tanong nito habang nakaabang na sakin ang palad. Ibinigay ko naman ng buong puso sa kaniya ang benta niya. "Eto lang? Ilan to, tatlong lim-kinse lang?"
Napanguso naman ako. "Yan lang ang benta natin eh. Walang masyadong bumili"
"Abay, bakit ganon? Dati rati madami naman tayong benta ah"
"Pinakyaw na po kasi ni Angge ang mga suki ko Nay, may free kiss po kasi kapag may bibili sa kaniya. Alam niyo naman pong matatandang lalaki ang mga suki ko Nay"
"Hay naku naku! Kainis talaga yang malantod na mag-inang yan!" Sigaw nito at mukha pang ipinarinig sa kapitbahay niya. "Hala siya, kumain ka na don"
"Anong ulam Nay? Kangkong ulit" Tanong ko. Alam ko naman yung sagot eh. Gusto lang naman umasa-
"Hindi, nakakasawa na yung kangkong eh" Sabi nito kaya pumalakpak ang tenga ko.
"Anong ulam Nay? Fried Chicken?" Natutuwang tanong ko. Bakit ba?
"Oo" Mas lalong lumaki ang tenga ko. Minsan lang ako kumain ng prinitong manok, puro mga pagpag pa- "May nakita akong nagbebenta ng pagpag dyan kaya binili ko na"
Bumagsak ang mga balikat ko. Kakasabi ko lang pero pagpag talaga ang binili niya.
"Marites! Marites! Ano yung sumbong ni Angge na sinabihan mo daw kaming dalawa na malantod?!"
Napabuntong hininga na lang ako ng marinig ko si Aling Puring. Makakarating talaga sa kaniya iyon. Masyadong sumbungera ang anak niya.
"Bakit?! Hindi ba totoo?! Nang-aagaw kayo ng suki ng anak mo! Palibhasa kung ano-anong mga pinaggagawa ng anak mo!"
"Ang sabihin mo! Maganda ang anak ko! Hindi katulad ng anak mong losyang na!"
"Hoy! Yung anak ko, maganda yan! Hindi lang palaayos. Hindi katulad ng anak mong halos makita na ang lahat sa damit!"
"Ang tawag don, diskarte!"
Hindi ko na sila pinakinggan. Nakakarindi na mga sigawan nila.
Pumunta na lang ako sa kusina para kumain. Kakainin ko na lang yung pagpag, masarap parin naman.
Napatingin ako ng makitang dalawang piraso ang hiwa na naandon. Kahit hindi ko itanong kay Nanay ay alam kong akin lahat iyon.
Hindi pabaya sakin si Nanay sa pagkain. Kahit anong mangyari, kailangan busog ako pag kakain. Alam niya kasi ang pagod ko sa pagbebenta ng kangkong. Kahit konti lang yung benta o marami.
Maalaga din sakin siya sakin. Ako ang natutulog sa iisang kwarto pero siya naandon lang sa sala. Sabi ko nga sakanya tabi na lang kami, pero ayaw niya kasi sabi niya para kapag naandon ako, iisipin ko daw na mayaman kami dahil may sarili akong kwarto.
Nakangiti komg kinain ang tanghalian ko. Naka-dalawa pa kong kuha ng kanin. Masarap naman yung pagpag. Inisip ko lang yung mga panahon na kumain kami ni Kevin sa Jollibee. Kahit konti lang perang nadukot niya sa katawan na iyon, may pa burger parin siya sakin.
Pagkatapos kong kumain ay tumayo ako. Hinugasan ko lahat ng mga pinagkainan ko. Ayokong masigawan nanaman ni Nanay.
Pagkatapos kong maghugas ay nag-unat ako. Pumikit pa ako para ramdam ko. Pagdilat ko ay napahiga ako sa gulat.
Napatingin ako sa sahig, babasagin ito at hindi semento, yung dingding ay mga salamin, iba sa dingding namin na wala pang pintura.
"Maligayang pagbabalik, Miss. Pasok ka" Agad akong napatingin sa nagsalita.
Nakangiti ito sakin. Napatingin ako sa itinuturo niya. Doon sa may kanan na pintuan.
Maligayang pagbabalik? Bakit pagbabalik?
"Bakit ho ako papa-" Napatigil ako ng hindi ako pinansin ng lalaki. Nagpatuloy lang ito sa paglalakad.
Asan nanaman ako?
Napatingin ako sa isang babasaging pinto. Dito daw ba ako papasok.
Papasok na sana ako ng biglang may pumasok na isang lalaki. Naka sombrero na kulay itim. Nagulat ako ng may dala siyang baril. Oo, baril.
Pumunta ako sa babasaging pinto at sumilip. May nakita akong lalaking nakatalikod at nakaupo doon. Nakita ko yung lalaki na pumasok, nasa likod siya nito.
Hindi ata alam nung lalaki na may pumasok doon sa pinto. Wala rin kasi akong narinig na may tumunog nung pumasok yung isang lalaki.
Nagulat ako ng biglang ilabas ng lalaki yung hawak niya kaninang baril. Literal na lumaki ang mga mata ko ng bigla niyang itutok doon sa nakatalikod yung baril.
"Hoy! May babaril sayo!" Sigaw ko bago pumasok tapos sinakyan sa likod yung lalaking may baril, sinakal ko siya dahilan para mabitawan niya yung hawak niya.
Dahil nga sa medyo mabigat ako, natumba kami pareho. Nasa likod niya ako kaya kapag bumagsak kami, una na ako, kasama pa yung katawan niya. At iyon nga ang nangyari. Jusmiyo ang bigat.
Napalingon naman agad yung lalaking nakatalikod at gulat na napatingin samin.
Parang pamilyar ang mga mukha niya-shet! Si Brix ba siya?!
"Aggh! Aray! S-susuko na ako!
T-tama na! Aggh!" Napatingin ako sa lalaki na sinasakal ko parin pala hanggang ngayon.
"What the hell was happening?!" Napatingin nanaman ulit ako kay Brix na nakatingin rin sakin.
"Hoy! Ano bang tinitingin tingin mo dyan?! Babarilin ka ng lalaking ito! Tulungan mo kong hawakan to!" Sigaw ko mismo sa mukha niya.
Agad naman siyang kumilos at hinwakan ang lalaki at ako-huh? Bakit ako din?
Hawak hawak niya sa isang kamay ang kamay naming dalawa. Habang ang isa naman ay hawak ang selpon niya.
"Hello?! Hello security?! Immediately go here now?! Yes now?!" Sabi nito bago binitawan ang selpon at inilagay ang kamay ko sa kabila niyang kamay. Nung nakita niya ang baril ay agad naman niyang sinipa iyon.
Gusto kong tumayo pero dahil nakadagan sakin ang lalaki ay hindi ko magawa. Idagdag mo pa yung nakadagan na katawan ni Brix samin habang hawak hawak niya ako.
"H-hoy! T-teka bitiwan mo nga a-ako!" Sigaw ko sa kaniya pero hindi niya naman ginawa.
"Not until you explain where the fvck have you been for the past 2 weeks!" Sabi nito saakin.
Wala naman akong nagawa. Alam kong hinahanap niya rin ako pero hindi ko alam kung bakit. Tiniis ko naman ang sakit dahil pareho silang mabigat.
-Lila