'PAANO malalamang mali ang ginagawa mo?'
Humahangos man katatakbo ang isang babae palayo sa maraming tao ay hindi ito kakikitaan ng pagod.
Kailangan ba may makahuli sa 'yo?
"Harangin niyo! Magnanakaw! Magnanakaw!" sigaw ng ginang na may edad limampu. "Ibalik mo ang wallet ko!" Halos mapatiran ito ng litid kasisigaw. Napahawak ito sa tuhod at pinili na lang huminto para huminga at magpahinga.
'Dapat ba may magsabi sa 'yo?'
Hinayaan na lang ng nanakawan ang dalawang pulis na humabol sa nakaitim na hood na babae.
Mahuli ka man. Matatapos ba?
Nang makalayo ang babae at sipatin ang pinanggalingan ay hinubad na nito ang jacket. Pasimpleng naglakad. Inikot ang manggas ng panlamig sa baywang saka binuhol sa harapan. At ito'y nakisabay sa daloy ng mga taong gaya niya ay gusto ng umuwi.
'Puwedeng, oo. Puwedeng, hindi. Oo. Kung aamin ka. Hindi, kung may kukunsinti sa 'yo at sasabayan ka sa trip mo. At para sa mga katulad ko. Isa lang ang rule. 'Wag aamin. Period!'
Upang makauwi ay kailangan nitong mag-jeep, mag-bus at mag-tricycle.
Naghihintay na ito ng masasakyan. Pero dahil sa antok at pagod ay hindi nito napaghandaan ang mga tao na nag-uunahan makasakay sa jeep. Naitulak ito ng mga tao. Natabig naman ng babae ang katabing lalaki. Na-out balance ito kaya nasagi ang isa pang lalaki. "S-sorry," hinging paumanhin niya rito.
May kausap ito sa telepono na tila may hinihintay at nakatingin sa The Knight's Club.
At dahil nga busy sa kausap ay hindi na nito pinansin ang humingi ng paumanhin. Pumasok na ito sa club.
Napangisi ang babae. Mukhang mayaman ang lalaki at puwedeng gawing huling biktima bago man lang umuwi.
Dahil dito ay nagsimulang humakbang ang babae para sundan ang prospect, nang tumunog naman ang telepono nito.
"Leo!" tawag nito sa tumawag.
"Saan ka? Hinahanap ka ni Danny? Bilisan mo!"
"Gabi na ah."
"Kaya nga mas dapat na bilisan mo."
Napabuntonghininga ang babae. Pagkapatay ng telepono ay pumihit na ito at patalikod. Namataan rin kasi nito ang mga pulis. Tila ito pa rin ang hanap. At kesa mahuli pa ang lahat ay mabilis na nitong nilisan ang lugar.
---
"CPR! Nandito na 'ko at wala pa si Teban. Hoy! 'Wag niyo 'kong indyaning dalawa! Kayo rin, uubusin ko lahat ng mga babae rito," birong banta ni Kiel sa kausap nang ito ay makapasok na sa club.
"'Wag gano'n, 'pre! Magtira ka, please! Sige na, malapit na 'ko," sagot ng kausap nito mula sa kabilang linya.
Natatawang binaba na niya ang telepono saka luminga.
"Oh—hi, Kiel, my baby!" bati ng maharot na GRO na si Jaylah. Malapit ng maging two-piece swimsuit ang suot nito sa sobrang iigsi. Pumulupot itong agad sa binata.
Hindi naman tuminag si Kiel. Ini-spread lang ang mga braso at ipinahinga ang mga iyon sa ibabaw ng sandalan ng couch na napiling upuan.
"Hoy, Jaylah! Layas d'yan!" utos ni Shiela. Ang may-ari ng club. "'Wag mo ng aswangin 'yan. Alam mo naman ang rule n'yan!"
Nakasimangot na umalis si Jaylah.
Si Shiela naman ang pumulupot kay Kiel. "Kanina ka pa? Nasaan ang pinsan mo, si Teban? At si Paul? Alam mo naman kulang ang gabi ng club na ito kapag wala kayong mga regular customers ko."
"Papunta na raw. Saka 'wag ka masyadong umasa. Alam mo medyo nagsasawa na nga rin kami rito."
Napasinghap ang may-ari at tumigil sa pagyapos sa kanya.
"Oo na. Alam ko naman na hindi ka nag-uulit ng babae. Gusto mo laging bago. Kaya nga ginagawa ko naman ang lahat para ma-satisfy ka. At heto, meron kaming bago. Sigurado ako magugustuhan mo. Sandali. Ipe-prepare ko lang ah."
Umalis si Shiela at naiwang mag-isa ang napapabuntonghiningang si Kiel.
'Paano ba magmahal?' aniya sa isip habang pinagsasawa ang paningin sa paligid na hindi naman niya maaninag, paano ay hindi uso ang matitingkad na kulay ng ilaw sa club. 'May proseso ba ito o kaya ay formula? Ang sabi kasi mararamdaman na lang ito ng kusa. Ito ba iyong para ka lang nagugutom o natatae—mga pakiramdam na kusa—'diba? Kung gano'n lamang pala ito kadali bakit marami sa larangang ito ay nahihirapan? Samantang ang simple-simple lang naman dapat.'
Nginitian niya ang babaeng nakikipagtitigan sa kaniya hindi kalayuan sa pwesto n'ya. 'Gaya ng kapag nagugutom, kumain. Inaantok, matulog... At kung in love ka naman, e 'di sabihin! Unless hindi mo pa naranasang magmahal. Kapag nagmahal ka kasi lahat ng theory na alam mo sa buhay ay tilang maglalahong bigla.' Hindi man siya sigurado sa mga pinag-iisip pero base sa mga kakilala niya na nabaliw sa pag-ibig ay iyon ang tingin niya sa, 'pag-ibig!'
This is Kiel Matthias M. Alonzo.
He was unused to love, he never experienced it yet up until now. Dahil ang pakikipagrelasyon niya sa mga babae ay hanggang katawan lang. Hanggang kama lang, at maliban sa mga 'yon, wala na!
Ang pinagsamang pangalan ng kaniyang mga magulang na sina Don Elpidio D. Alonzo at Donya Kiara Mendoza Alonzo ang first name n'ya. Nag-iisa siyang anak. Ang taas ay nakuha n'ya sa ama habang ang morenong kutis naman ay sa kaniyang ina. Gusto na niya sanang bumukod sa mga ito pero mariin siyang pinipigilan ng Donya.
Maayos naman s'yang pinalaki ng mga magulang. Hindi s'ya ang tipong bulakbol o bad boy. Mahal n'ya ang mga parents n'ya. Kaya alam niyang may kapasidad din s'yang magmahal.
Gwapo si Kiel, matangkad, moreno at talaga namang head-turner guy na papangarapin ng mga babae at nagpapaka-babae. Ang mga katawan ng mga babaeng binuhat ng kaniyang mga bisig ay hindi na mabilang at madadagdagan na naman ang listahang iyon, ngayon.
"'Pre! Pasensya na. Kanina ka pa ba!"
Sa wakas ay dumating na ang hinihintay na kaibigan. Si Paul. Naupo ito sa tabi n'ya at kaniyang tinitigan.
Sa isip ay napapatanong s'ya ulit. Ilang taon na ba ito? O ilang taon na ba sila? Normal pa ba sila at sa edad ay ganito pa rin sila? Alak at babae lang ang inaatupag nila?
Natatawang ipinilig na lang n'ya ang ulo. Bakit ba kung ano-ano ang iniisip n'ya ngayon? O hindi kaya iniisip na rin n'ya ang paulit-ulit na pangaral ng ama? At tiningnan n'ya ulit ang kaibigan. Ito naman ang nakatitig sa kaniya. Hindi kaya, pareho sila ng iniisip?
"Ba't ganyan ka makatingin? Pati ba naman ikaw gwapung-gwapo na sa 'kin?" biro niya rito.
"Baliw ka na!" untag naman nito sabay tanong, "Iniisip ko kasi hindi ba tayo nagsasawa sa ginagawa natin?"
Nagulat s'ya. Umarko pataas at pakaliwa ang labi.
Dumating ang scotch na order n'ya para sa kanila ni Paul. Nag-cheers sila at magkasabay na lumagok.
"May nakilala akong babae and—damn! Ginugulo niya ang buong sistema ko ngayon." Pagsisimula muli ni Paul ng usapan. "Pero hindi ko maintindihan!" Mukhang naguguluhan nga ito dahilan para guluhin at sabunutan nito ang sariling buhok.
Natawa na lang si Kiel sa inaakto ng kaibigan.
Gwapo rin itong si Chester Paul Rivera na binansagan nilang CPR. Mas maputi ito sa kainya ngunit magkasingtaas lamang sila. May pagka-western ang mukha nito kumapara sa kaniya na chinito.
"So, magbabagong buhay ka na? Sino ba 'yan? Maganda ba? Pakilala mo sa 'min ni Teban. Maganda ba?" Siniko niya si Paul.
"Maganda at sobrang simple n'ya. Kaya lang ang hirap kausapin. Sobrang tahimik." Pero bigla'y nag-isip. "E teka nasa'n ang pinsan mo? Para isang kwentuhan na lang. Ayoko ng paulit-ulit." Luminga ito, nagbabakasaling makita ang hinahanap.
Silang tatlo ang madalas na magkakasama. Mapainuman o nightclub man o basketball pero mas madalas nasa club sila.
"Mukhang aalis ka na sa grupo ah. In love ka na ba, 'pre?" natatawang tanong ni Kiel. Hindi naman nakasagot ang tinanong at lumagok na lang ng alak.
"Bago 'yan. Dito muna tayo. Samahan mo muna 'ko," aniya ulit. "Saka na ang love na 'yan. Istorbo lang 'yan. Nakakabaliw rito, 'pre! Daming chiks! Nakakalaki ng mata!" napasipol pa si Kiel habang iniisa-isa ang mga babae na karamihan ay mga nagtitipid sa tela. Exposed ang mga balat. "At ang pinsan ko? Ewan ko nasan ang siraulong 'yon. Baka nagsosolo na. O baka in love na rin," pagtatapos niya sabay inom ng alak.
"Ano may napili ka na?" tanong ni Paul.
Ngumisi si Kiel sabay tanong, "Palengke pre? Pipili ng mabibiling babae at ihahain—"
"Hindi sa mesa... sa kama," si Paul na siyang nagpatuloy sa kaniyang sasabihin pagkatapos ay sabay silang napahalakhak.
"Pipili pa ba ako?" aniya.
Nakatingin sila sa babaeng naka-smokey eye. Ang leather skirt nitong suot na kulay itim ay sobrang igsi at halos naka-bra na lang din. Nakangiti ito habang papalapit kay Kiel.
Pero ang babae ay mabilis na naharangan ni Shiela na may bitbit na dalawang babae. Nakita n'yang umismid ang naharangang babae at tumalikod na lang ulit.
"Mga babies, narito na sina Bianca and Caitlyn. Mga behave mga 'to. 'Wag kayong mag-alala. Basta kayo laging may bago. At—" Inamoy ni Shiela ang huhok ng parehong babae. "Mababango!"
After a few beats, Shiela left the table smiling from ear to ear.
Ang isa na nagngangalang Caitlyn ay tumabi kay Paul. Petite ito na mukhang maharot. Kita sa pakendeng-kendeng na lakad nito kanina. Agad inakbayan ng kaibigan niya ang babae at ang mga ito ay nagsimulang magbulungan o baka nga naghahalikan na. Habang si Kiel ay iniestima ang babaeng katabi. Si Bianca. Habang ang baso ay iniikot. Tila nilalaro ang natirang yelo sa loob nito.
Ngumiti sa kaniya si Bianca. Kahit pa maganda at pantay-pantay ang mga ngipin nito ay hindi ni Kiel makuhang ngumiti. Ngumiti lang ang mga mata niya. Pamisteryoso. Tila hinihintay kumilos ang babaeng blond.
Makulay ang mukha nito kaya hindi niya alam kung totoo ang ganda nito o hindi. Tanging repleksyon lang ng maliliit na ilaw ang siyang tumatama sa mirror ball na nakasabit sa gitna ang liwanag, kaya nahihirapan s'yang alamin ang totoong hitsura nito.
Hanggang sa ito'y humilig na sa dibdib n'ya.
Napalunok si Kiel.
Let the game begin!
Nakatingala ang babae sa kaniya 'pagkat ito'y hanggang leeg lamang niya. Ang katawan? Katamtaman lang. Hindi payat, hindi rin naman mataba. Mula mukha ay tiningnan n'ya 'to pababa nang wala kahit anong sinasabi. Kumagat-labi lang siya.
Naka palda ito nang maigsi at hapit na hapit ang blouse, dahilan para bahagyang lumuwa ang dibdib nito. 'Yon lang ang alam n'ya. Kung ano pang mga detalye ng suot nito ay hindi na niya alam.
Ilang segundo pa, kusa nang pumulupot ang mga braso nito sa batok niya.
He was just waiting, for he already knew what will happen next.
No need for words, she was kissing him on his lips already.
Ano pa nga ba'ng magagawa niya? He should return the favor. He kissed her back habang ang mga kamay ay gumagapang na sa bewang nito.