SA BAHAY NILA JESSY...
Medyo gabi na nang ihatid ni Rafael si Jessy. Naka bungad agad sa pintuan ang Tatay nya.
"Kayo na ba ni Rafael?" Seryosong tanong ni Dylan sa anak.
"Ha ha ha. Tatay naman..."
Sagot ni Jessy. Pero nang makita nyang seryoso ang mukha ng tatay, sineryoso nya na ring sagutin.
"Tay, mag best friends lang po kami. Hindi nga sya nanliligaw eh."
"Eh bakit, nagde-date kayo? Kung umakto kayo parang mag-nobyo. May pakiss kiss pa. 'Bhe' pa ang tawagan nyo."
"Tay, 'bhe' ang ibig sabihin nun best friend. Saka kiss lang sa cheek yun. Sobrang higpit nyo naman."
"Basta, tigilan mo na kakasama kay Rafael. Bawal na kayo magkita. Mag focus na lang kayo sa pag aaral. "
Bigla na lang tumulo ang luha ni Jessy muli nyang naramdaman ang lungkot na dati nyang naramdaman nung bata pa sya. Nagkaroon sya ng separation anxiety nung iniwan sila ng nanay nya. Naulit pa iyon nang biglaan ang pag alis nila Rafael papuntang States. Hindi man lang sila nakapag paalam. 
"May phobia na yata po ako, natatakot na kong iwanan. Ha ha."
Kahit pabirong sinabi iyon ni Jessy, alam ni Dylan kung gaano kalungkot ang anak. Sila na nga lang ang magkasama sa buhay, pag babawalan pa nya silang magkita.
Kaya ganun na lang nya ito ingatan dahil ayaw nya na muli itong masaktan.
Lahat ng frustrations nya ay gusto nyang matupad ni Jessy. Pero gusto rin naman nya itong lumigaya.
"Sige na anak, h'wag ka ng umiyak. Hindi ko na kayo pipiglan. Kung manliligaw sya sa iyo, yayain kang magpakasal, edi suportahan kita. Kung magkaka-anak kayo, napaka-cute ng magiging apo ko."
"Tatay naman, ang OA mo, magkaibigan lang kami, nasa apo ka na."
Nawala na rin ang lungkot ni Jessy.
"O, eh dun din naman yun papunta. Saka gusto ko na rin makita yung apo ko kasi tumatanda na ako."
"Pwede ka pa nga mag-asawa Tay eh. Maaabutan nyo pa yung apo nyo, pero hindi naman siguro kay Rafael. Binibigyan nyo ng malisya yung friendship namin. Nakakahiya naman sa kanya pag narinig nya yan."
" Naku, pagnarinig nya yun, pustahan tayo matutuwa pa yun."
FLASHBACK NG PANAHONG BATA PA SILA JESSY, RAFAEL, AT CHARITY
Tandang-tanda pa ni Dylan sa isang mall, ang araw na muli silang nagkita ng kanyang dating nobya na si Alexa na kasa-kasama ang mga anak na maliliit pa. Pinakasalan nito ang dati nilang amo na matandang binata na Amerikano.
"Tay, gusto ko po ito anika." Sabi ng kanyang anak na si Jessy na nuon ay paslit pa. Itinuro nito ang napakagandang manika na naka display sa estante.
Napanghinaan sya ng loob nang makita nya kung gaano ito kamahal; mahigit isang libo. Binuhat nya si Jessy at ibinulong sa kanyang anak na hindi nya iyon mabibili dahil kulang ang kanilang pera.
Bilang isang ama na hindi mabili ang gusto ng anak, nakakadurog ito ng damdamin.
" Do you want this, baby?" Tanong ni Alexa sa buhat-buhat nyang bunso na si Charity.
"Yes, Mommy." Tugon ng cute na bata. Sinadya ni Alexa na iparinig iyon kay Dylan. Intensyon nitong alipustahin at pasakitan ang mag-ama.
"But Mom, that girl likes it. Choose ka na lang ibang doll for Chat." Sabi ng panganay nitong anak na si Rafael habang itinuro si Jessy
" Mom will buy it for her, Kuya, para 'di na sya iyak." Sabi naman ng bunso.
"No! Hindi ko sasayangin ang pera ko sa mga squatter!"
Napakalaki ng galit ni Alexa kay Dylan at hindi naman sya masisi dahil ipinagpalit sya nito sa ina ni Jessy.
Nuon pa man, mabait na sila Rafael at Charity. Naging mabuti silang kaibigan kay Jessy. Abala kasi si Alexa sa pag asikaso ng mga legal documents at nadestino ito sa malayong lugar sa kanyang trabaho kaya malaya pa sila noong mag laro.
****************
Mabilis lumipas ang mga araw, natapos na rin ang school year. Nakatapos na rin si Jessy ng isang taon sa college.
Isang taong nyang ginugol ang mga araw sa pag aaral ng maigi. Dahil magkaklase si Jessy at Luis, sila ang madalas magkasama sa paaralan.
Pag uwian na, si Rafael naman ang kasama nya pauwi. Pati weekends magkasama silang gumagawa ng school activities at advance studies.
Bihira na rin kasi silang magkasama ni Ria dahil conflict ang class schedules nila, at pag dating ng second year ay babalik na ito ng Cebu.
Hindi maiwasan ni Jessy ang maiyak dahil pakiramdam nya, lahat ng malapit sa kanya ay iniiwan sya. Si Ria lang ang tangi nyang naging kaibigan noong high school.
Nagtatanggol sa kanya sa tuwing sya ay nabubully, nagpapahiram sa kanya ng pera kapag kinapos sya o may biglaang project na kailangang bilhin.
Niyaya ni Rafael sina Jessy at Ria na sa isang theme park. Parang farewell party para kay Ria, ito na kasi marahil ang huli nilang pagkakataon na magkasama-sama. Sa lahat ng party, 'farewell party' lang ang hindi masaya.
Sinulit nila ang pag sakay sa iba't-ibang rides, pinasok ang mga horror house, at nilaro ang mga carnival games.
Mahilig si Ria kumuha ng mga pictures kaya panay ang pagkuha nya ng mga larawan, pabaon nya sa Cebu, 'memories to keep' ika nga.
Gabi na nang mapagpasyahan nilang umuwi at ihatid si Ria sa dorm nito. Hindi pa naman aalis si Ria pero pag naiisip ni Jessy na malapit na ang araw na iiwan na sya nito, doble ang sakit na nararamdaman nya dahil sa history nyang separation anxiety.
SA KOTSE NI RAFAEL...
Napansin ni Jessy ang pananahimik ni Rafael.
"Bakit Bhe? May sakit ka ba?" Pag-aalala niya.
"Wala naman. May iniisip lang. I know your history of depression when we were young, I don't want to ruin our happy moments kasama ni Ria kaya ngayon ko talaga balak sabihin."
"Ang alin?" Nakaramdam ng kaba si Jessy dahil sobrang seryoso si Rafael.
Alam mo kasi, Charity will arrive next month."
"Talaga?"
Natuwa si Jessy sa narinig dahil parang younger sister nya na rin kasi ito.
"Eh bakit malungkot ka? dapat nga masaya ka."
"... with Mom. She's with Mom."
Hindi naman sa pagiging overacting, pero bigla na lang nakaramdam si Jessy ng matinding kalungkutan at hindi nya maiwasang lumuha.