Ilang araw ko nang iniiwasan si Ford. Tuwing nasa classroom kami, hindi din siya nakakalapit sakin dahil sinabihan ko na sina Lexa na huwag hayaang makalapit sakin.
Alam kong naaapektuhan din ang mga kaibigan ko dahil naging kaibigan din naman nila yun pero galit din sila dahil sa ginawa nito.
Kasalukuyan kaming nasa classroom ngayon.
"Restroom lang muna ako. Wala pa naman si Miss e." Paalam ni Lexa. Tumango lang ako pero hindi ko inaasahang pati ang dalawa din pala.
"Sama na din kami." Bretha. Hindi man lang hinintay ang sagot ko. Nilayasan agad ako ng mga kumag.
"Paano ba yan? Wala ang mga bantay mo, wala ka nang lusot ngayon." Bigla niyang hinawakan ang kamay ko at bigla na lang kaming naglaho.
Karamihan ba talaga sa kanila ay kayang maglaho? Nakakainggit naman. Pero mali ang mainggit e.
Dinala niya ako sa Chant Freelay.
Tssk! Sa dinami-dami ng pwedeng pagdalhan sakin, bakit dito pa?
"Bakit dito mo ako dinala?" Inis na tanong ko.
"Para masasayang alaala naman natin ang maalala mo, hindi yung pagkakamali ko lang."
Tinaasan ko siya ng kilay at napanguso naman siya. Tss! Akala siguro niya gagana sa akin yang pagpapacute niya. Cute naman e! Erase! Erase!
Hindi ako agad umupo kahit nakaupo na siya. Pinilit niya ako pero hindi ako nagpatinag. Dahil malakas siya, wala akong nagawa kundi ang magpahila sa kanya.
Nang hindi inaasahang sa lap niya ako mapunta. Sh*t! Biglang tumindig ang balahibo ko.
Akmang tatayo na ako nang yakapin niya ako.
"Ano bang ginagawa mo?" Inis kong tanong. Pero sa halip na sumagot ay mas lalo pa niya akong niyakap.
"S-sorry." Garalgal ang boses na saad niya. Lilingonin ko na sana siya pero hindi siya nagpaawat.
"Pakawalan mo na ako." Matigas kong sabi.
"Hindi. Kapag pinakawalan kita, tatakas ka lang e. Mahihirapan na naman ulit akong makiusap sa mga kaibigan mo na tulungan ako."
Napataas ang kilay ko dahil sa sinabi niya.
Kaya pala sunod-sunod na lumabas ang tatlong yun. Humanda talaga sila sa akin mamaya.
Nag ipon ako ng lakas. Wala siyang nagawa nang sa wakas ay makawala ako mula sa pagkakayakap niya at dagliang tumayo.
Kanina ko pa kasi napapansin na parang may nakamasid sa akin sa malayo. Hindi nga ako nagkamali. Biglang may nagflash na camera at bigla din itong naglaho. Napailing na lang ako. Kapag umabot kay Samantha to, hindi ko na alam kung paano pa maipagtatanggol ang sarili ko laban sa babaeng itinakda.
Tatakbo na sana ako pero hinawakan niya ang kamay ko na mukhang inaasahan ko na naman. Ang sumunod niyang ginawa ang hindi ko inaasahan.
Milyon-milyong boltahe ang naramdaman ko nang maglapat ang mga labi naming pareho.
Wala sa sarili ko siyang sinampal at napatakbo palayo.
Sh*t! First kiss ko yun ah!
***
"Uy. Okay ka lang ba? Pangalawang instructor na natin si Miss Violet ngayon pero lutang ka pa rin." Puna ni Lexa.
Hindi pumasok ang magnanakaw na yun. Buti naman! Kakahingi pa lang niya ng tawad, gumawa na naman ng panibagong kasalanan.
Nagdududa na tuloy ako kung sila ba talaga ni Samantha. Iba kasi ang mga kilos niya kapag kami lang. Sweet siya kapag nandiyan si Samantha, pero mahahalatang hindi siya sang ayon. Para bang, nagpapanggap lang siya.
"Okay lang ako." Sagot ko dahil kahit ang dalawa ay kanina pa din ako tinatanong niyan.
Paano ba naman ako hindi magiging lutang? Ninakaw yung first kiss ko. Speaking of...
Napalingon ako sa kanilang tatlo saka sinamaan ng tingin.
Bakit ngayon ko lang naalala na may kasalanan pala sakin tong tatlong to?
Nilapitan ko sila at pinagpipitik sa noo.
"Aw."
"Aray."
"It hurts ah!"
"What's going on?" Bigla akong napaayos ng upo nang magsalita si Miss Violet. Umayos na din ang tatlo.
"Wala po Miss," sabay na sagot ng tatlo saka ako sabay-sabay na sinamaan ng tingin.
***
"Our first part for today are done already. Have your lunch and be right back at exactly 1 pm for our second part." Miss Violet.
Tumango lang kaming lahat.
"Canteen na tayo," paanyaya ni Bretha, kaya yun nga ang ginawa namin.
Kakapasok ko pa lang sa canteen nang isang malamig na yelo ang sumalubong sakin.
"HAHAHAHAHAHAHA."
"Buti nga sa kanya. Kinakalaban ang itinakda e."
"Oo nga. Dinig ko malandi din yan."
Agad akong nilapitan nina Lexa. Inabutan naman agad ako ng pampunas ni Bretha. Si Zarah naman ay agad hinarap at sinampal si Samantha na ikinaingay ng lahat. Maging ako ay nabigla at kinabahan din.
"How dare you?" Galit na tanong ni Samantha at akmang ilalapat ang palad sa pisngi ni Zarah nang sanggain ko ito. Napaungot siya ng higpitan ko ang pagkakahawak.
Kung saan nanggagaling ang lakas ko ay hindi ko alam. Isa lang ang alam ko, hindi ko hahayaang may masaktan ni isa man sa mga kaibigan ko.
Pabato kong binitawan ang kamay niya dahilan para matumba siya.
Sinamaan niya ako ng tingin. Tinulungan siyang makatayo ng kanyang mga alipores.
"What do you expect, Samantha? She is!" Biglang pumainlang ang boses ni Elesus.
Nilapitan ako ni Samantha at ibinato ang hawak niya. Napansin ko lang na picture iyon nang matanawan ko at nagulat ako dahil kuha iyon sa Chant Freelay kanina lang. Kung saan nakakandong ako kay Ford at meron ding nung hinalikan niya ako. Sh*t! Sabi na e!
"Malandi ang babaeng yan!" Galit niyang saad. Agad namang kinuha ni Elesus ang litrato at napakunot noo.
"See that? Alam na niyang boyfriend ko si Ford pero hinalikan pa rin niya. Walanghiya talaga!" Akmang sasampalin niya ako nang biglang pumagitna si Elesus at siya ang nasampal nito.
"Paharang harang ka kasi e." Saka ako nilapitan.
Sasampalin na sana niya ako nang bigla siyang gamitan ng kapangyarihan ni Zarah.
"Ikaw ba talaga ang babaeng itinakda?" Tanong nito na nagpagulat kay Samantha.
Maging ang mga taong nasa canteen ay nagbulong-bulongan na rin.
"Never mind. Don't answer that. Ang epic nang reaksyon mo." Saka tumawa.
Loko talaga tong si Zarah.
***
Nasa Ground Chanted kami ngayon para sa second part ng klase ni Miss Violet.
Napansin kong hindi lang section namin ang nandito ngayon.
"I combined the Alpha Section with the Majenta Section." Paliwanag ni Miss Violet.
Alpha ang section nina Samantha, kaklase niya sina Blue at Nylo. Majenta naman ang section namin.
"We'll be having a test today. Ngayon magkakasubukan kung saan na ba ang kaya ng kapangyarihan ninyo."
Nanatili lang kaming tahimik at nakikinig kay Miss Violet.
"Alpha vs Majenta."
"Let's start with Charrie Lopez and Bretha Adams."
Agad nagharap sina Charrie at Bretha. Matapos magbilang ni Miss Violet ay agad na sumugod si Charrie kay Bretha.
Naglabas ng enerhiya si Charrie at akmang ibabato na ito kay Bretha nang sanggain ito ni Bretha gamit ang kanyang mahiwagang wand.
Iniharap niya ito kay Charrie at ilang saglit lang ay naglaho na ito.
"Majenta wins."
"Next is Lizah Heaven and Lexa Fortes."
Wala pa man ay umatake na agad si Lizah. Biglang lumipad si Lexa gamit ang kanyang pixi. Lumipad din si Lizah at doon sila sa himpapawid naglaban. Hindi namin nakita ang paglaban nila hanggang sa bumagsak na lang si Lizah.
"Majenta wins, for the second time."
"Next in line will be Leziah Benice and Zarah Shawn."
Agad ding nagharap sina Leziah at Zarah.
Bumulusok ang maitim na usok nang biglang tinaas ni Leziah ang kamay niya. Napatakip sa ilong si Zarah at biglang naglaho.
"Naduduwag ka na ata Zarah, X-leader of Odds." Ngumisi si Leziah. Akala niya siguro panalo na siya.
Sa maikling panahon ng pagsasama namin ni Zarah, marami na akong nalaman tungkol sa kanya. At isa na doon ang hindi basta-bastang sumusuko.
Knowing her, may plano na naman siguro yun. Hindi nga ako nagkamali.
Biglang lumitaw si Zarah sa likod ni Leziah.
"I'm here, b*tch." Saka nagpakawala ng asul na enerhiya. Bigla na lang nawalan ng malay si Leziah and it only means one thing...
"For another time around, Majenta wins."
Marami pa ang nagharap at naglaban. Nakabawi din naman ang Alpha section. Meron din sa section namin na natalo.
Ako at si Samantha na lang ang hindi pa naglalaban.
"For our last pair, we'll have Samantha Luciana and Kyla Louisses.
Naunang pumunta sa gitna si Samantha, saka ako sumunod.
Nang magtama ang paningin namin ay nginisihan niya ako.
Nasalubong ko ang ilan sa mga tingin ng mga kaklase ko. Bakas sa kanila ang pag aalala kaya iniiwas ko ang paningin ko. Paglingon ko ay ang nakangiting mga kaibigan ko naman ang sumalubong sa akin.
Bakas sa kanila ang malaking pagtitiwala sa kabila ng katotohanang wala akong kapangyarihan at sa katotohanang ang babaeng itinakda ang makakalaban ko ngayon.
"Let the test begin." Anunsyo ni Miss Violet kaya hinanda ko na ang sarili ko.
Hinawakan ni Samantha ang kwintas niya at may ibinulong dito. Namalayan ko na lang ay nakaangat na ako sa ere. Kinabahan agad ako. Paano ako makakawala sa pagkakaangat niya sa akin?
Inikot-ikot niya ang daliri niya habang nakangisi. Namalayan ko na lang ay sumasabay na din ako sa pag ikot habang nasa ere at pinapalibutan ng kanyang kapangyarihan.
May ibinulong siya at may lumabas na maraming insekto. Pinalibutan ako ng mga insekto.
Bigla din siyang pumitik at may isang dragon ang lumitaw mula sa kanyang likuran.
Aatakihin na sana ako ng dragon nang biglang lumitaw ang kakaibang mga paru-paru at sabay-sabay na inatake ang dragon. Dahil sa gulat ay nabitawan ni Samantha ang mahikang ginamit niya sakin dahilan para muntikan na akong mahulog.
Kung hindi lang ako lumutang sa ere. Napatingin ako kay Lexa dahil baka sinabuyan niya ako ng pixi dahilan para hindi ako tuluyang bumagsak. Pero paglingon ko sa kanya ay wala siyang pixi na hawak. Napatingin ako sa paanan ko at naramdamang kumislap at umilaw ang anklet ko.
Hanggang namalayan ko na lang ay nagkaroon na ng isang nakakasilaw na liwanag.
                           "Ford's POV"
Nagulat ako sa biglaang pagliwanag ng kwintas ni Kyla. Ang akala ko normal na tao lang siya pero hindi. Ang mas nakakagulat pa ay mas maliwanag ang kwintas niya kesa sa kwintas ni Samantha.
Nabasa ko sa libro ng libretto na ang babaeng itinakda daw ang may pinakamaliwanag na kwintas at pinakamakapangyarihan sa lahat. Kaya nga marami na din ang nagtangkang kunin siya. Nung ianunsyo ni Miss Eva na si Samantha ang babaeng itinakda ay gumawa agad ako ng hakbang para protektahan si Kyla sa kanya.
Knowing her, mahal na mahal ni Samantha ang gulo kahit nung maging kami noon, takaw gulo na siya. Kaya gumawa agad ako ng paraan para hindi niya mapagdiskitahan si Kyla pero nagkamali ako.
Kahit ako ay nagulat din naman sa biglang paghalik ko sa kanya. Aaminin ko, masakit ang sampal niya pero kapag naaalala kong nahalikan ko na siya, nawawala ang sakit at napapalitan ng saya. Dahil alam kong ako ang first kiss niya at pareho lang naman kami. Hindi ko pa nahahalikan si Samantha at wala akong balak na halikan siya.
Para kay Kyla lang itong labi ko. Para sa taong totoong mahal ko.
Parte ng plano ko ang makipagbalikan kay Samantha, pero si Kyla talaga ang mahal ko.
At ngayong pareho silang nasa himpapawid, gusto kong magtaka. Dahil bakas kay Samantha ang hirap laban sa kaharap niya.
Parang biglang nawala sa sarili si Kyla. Namalayan na lang namin ay natalo na niya si Samantha at nawala si Kyla na parang bola.
Ngayon ay napapaisip na ako.
Ikaw ba talaga Samantha ang babaeng itinakda....
.
.
.
.
.
O si Kyla?.......