"Ito na lang ang isuot mo." Pinasadahan ko nang tingin ang damit na inilahad ni Lexa.
Maganda naman siya. Sana.
Kung hindi lang hapit na hapit ang katawan ko sa damit na yan. Kulang na nga lang ay lumuwa ang kaluluwa ko kapag isinuot ko yan.
Kinuha ko na lang ang pulang off shoulder na dress.
"Ito na lang." Saad ko saka pumasok sa bathroom dito sa kwarto namin sa dorm.
Medyo malaki ang bathroom sa totoo lang. Kasya pa nga ata kung magkakasabay kaming tatlo e.
Sandali kong pinasadahan ng tingin ang mukha ko sa salamin. Naglagay lang ako ng kaunting powder saka light liptint. Matapos mag ayos ay nakangiti akong lumabas at ang nakangangang si Lexa ang sumalubong sakin.
"Wow." Nakangangang aniya. Bigla namang pumasok si Zarah saka tinaasan ako ng kilay. Bumaba ang tingin niya sa suot ko at napakunot noo.
"Saan ang punta mo?." Hindi ko inaasahang tanong niya. Hindi naman kasi palaimik si Zarah pag nandito sa dorm kaya nagulat ako nang bigla siyang magsalita at punain ako.
"Date." Si Lexa na ang sumagot sa pinsan niya.
"Am I talking to you?." Inis na tanong nito.
"Oh! Are you talking to me?." Balik asar naman ng isa. Tss! Ang mag pinsan na to talaga.
Nagsukatan sila ng masamang tingin at natigil lang yun nang may magkakasunod na katok ang narinig namin.
"Andiyan na ata ang date mo." Puna ni Lexa.
Ang dorm kasi namin ay hindi katulad sa dorm ng iba na magkakasama ang mga kwarto. Ang dorm dito sa EA ay kakaiba. Ang akala ko nga nung una meron pa kaming makakasama pero kaming tatlo lang pala talaga.
Nasa ibang building ang ibang mga babae. Kaming tatlo lang ang naiba. Ang dahilan? Hindi ko alam.
"Hi." Nakangiting bungad ko sa ngayon ay nakangangang si Ford. Tss! Pati ba naman siya?
Inalalayan niya akong makalabas. Nagpaalam muna ako sa dalawa bago tuluyang sumama sa kanya.
"Buti hindi ka inaaway ni Zarah." Saad niya habang naglalakad kami. Napansin kong patungo sa Chant Freelay ang tinatahak namin ngayon.
Bahagi ng Enchanted Academy kung saan malaya ka pansamantala. Doon nagdedate ang mga lovers.
Sa halip na sagutin ay tinawanan ko na lang siya.
Kung alam mo lang!
Napatingin siya sakin. "Bakit?" Tanong ko.
"Ako nga dapat ang magtanong niyan e. Bakit ka tumatawa?"
"Bawal na pala? Hindi mo naman sinabi." Napairap na lang ako at siya naman ngayon ang tumawa.
Nang makarating sa Chant Freelay ay agad niya akong inalalayan na makaupo sa isa sa mga benches doon. Tumabi naman siya sa akin.
Sandaling namayani ang katahimikan.
"Alam mo bang patay na patay sakin yun." Pambabasag niya sa katahimikan.
Si Zarah ba ang tinutukoy niya? Malamang! Alangan namang si Lexa.
"I'm talking about Zarah. Kaya ko nasabi na buti hindi ka niya inaaway. Wala nga siyang imik kanina nung sinundo kita e."
He's right!
Buti na lang talaga hindi niya ako sinugod. Ano namang laban ko sa kanya? May kapangyarihan siya, ako wala.
Nang bigla akong may naalala.
"So, siya ang itinakda?."
Bakit ganun ang sinabi ni Miss Eva nung minsang pumunta sila sa bahay namin?
Posible kayang?....
"Hey." Nabalik lang ako sa ulirat nang pumitik sa ere si Ford. "Are you okay?" Nakita ko ang pag aalala niya. Bakit ka nag aalala Ford? Hindi kaya?
Naalala ko ang lahat ng mga ginawa niya. Mga pinapakita at pagtrato niya. At ngayon, itong date.
Pero bakit ako?
"Yeah." Na lang ang nasagot ko.
Agad niyang kinuha at hinawakan ang kamay ko na ikinagulat ko.
Nang lingunin ko siya ay nasa iba na ang paningin niya. Agad kong napagmasdan ang tinatanaw niya. Dalawang couple na sobrang sweet sa isa't isa.
Nagulat ako nang biglang halikan nung boy si girl sa mismong labi. Pero mas nagulat ako nang pagtingin ko kay Ford ay pulang pula at namamawis na siya.
"Ford, okay ka lang ba?" Agad kong dinapat ang kamay ko sa noo niya. "Wala ka namang sakit." Dagdag ko pero umiwas lang siya ng tingin at muling pinamulahan.
Ano bang nangyayari dito?
"Kyla." Tawag niya.
Napalingon naman ako bigla sa kanya. "Bakit?"
Narinig ko ang mahinang pagbuntong hininga niya.
"Kung liligawan ba kita, may pag asa ako sa'yo?"
Nagulat ako sa tanong niya dahilan para mabawi ko ang kamay ko. Nagulat lang naman ako. Pero nakita kong parang nasaktan siya sa ginawa ko.
Wala sa sarili kong naibalik ang kamay ko sa kanya at agad pinagsalikop ito.
"Kung mahihintay mo ako. Gusto ko kasi, focus muna ako dito lalo pa't kailangan nating mapailaw ang kwintas ko dahil dalawang linggo na lang darating na sila."
"Wag kang mag alala, hihintayin kita. Hindi ko rin hahayaan na gawan ka nila ng masama."
Napangiti ako sa sinabi niya. Determinadong determinado ang tono nito.
Muling namayani ang katahimikan. Inabala ko na lang ang sarili ko sa panonood sa ibang couple.
"I just can't believe that you are mine now." 🎶
Nagulat ako nang bigla na lang siyang kumanta.
"You were just a dream that I once knew 🎶
I never thought I would be right for you 🎶
I just cant compare you with.🎶
Anything in this world 🎶
You're all I need 🎶
to be here with 🎶
forevermore 🎶
Bigla niya akong nilingon.
"You're all I need to be...." 🎶
Agad niyang inilapit ang mukha niya sakin.
"here with forevermore." 🎶
Napapikit ako at naramdaman ko na lang na hinalikan niya ako sa pisngi ko.
Nadismaya ako at narinig ko naman ang mahinang tawa niya.
"Hindi mo pa ako sinasagot e." Pang aasar niya.
Tinaasan ko siya ng kilay.
"Hindi ka naman nanliligaw ah." Napanguso ako.
"Ibig sabihin, gusto mo talagang ligawan kita?" Nginisihan niya ako.
Nanlaki ang mata ko nang mapagtanto kung ano ang inakto ko.
Napahagalpak naman siya sa tawa.
***
Masayang natapos ang araw na yun. Miyerkules ngayon at naghahanda na ako para pumasok.
Aktong aalis na kami sa dorm nang pigilan kami ni Zarah.
"Wait. Sasama ako sa inyo." Saka inayos ang kanyang gamit. Nagkatinginan kami ni Lexa. Nagkibit balikat lang siya at wala sa sarili naman akong napangiti.
Nang matapos siya ay agad nanguna si Lexa sa paglalakad na sinundan ko naman. Biglang pumagitna si Zarah samin.
"Ano ba, Zarah? Wag ka nga diyan sa gitna." Pilit siyang tinutulak ni Lexa pero masyadong matigas si Zarah.
"Dito ko gusto e." Napatingin siya sakin. "Now what?"
Napailing na lang ako. Mukhang kailangan ko nang masanay sa pagiging maarte ni Zarah.
"Wag mo ngang awayin si Kyla." Suway sa kanya ni Lexa.
"Oh, dear cousin. Hindi ko kaya siya inaaway."
"Talaga lang ah?" May halong inis at asar na saad ni Lexa.
"Yeah." Tanging sagot nito.
"Nasaan na ba kasi ang mga kagrupo mo?" Tanong ni Lexa at napansin kong nasa harapan na kami ng classroom.
"Iniwan na nila ako dahil bumalik na ang dating leader nila." Nakangusong sagot niya saka akmang papasok na sa loob nang harangin siya ni Lexa.
"Saan ka? Hindi dito ang classroom mo ah." Taas kilay na tanong ni Lexa.
Mas lalo namang napanguso ang isa.
May pagkachildish din pala ang isang to. Akala ko puro arte lang ang alam e.
"Ayaw ko na dun. Masama ang ugali ng Samanthang yun e."
Napakunot noo naman kami ni Lexa.
"Samantha?" Sabay pa naming tanong.
"Oo. Yung dating leader ng Odds at...." Nambitin pa.
"At?" Atat na atat na agad si Lexa.
Sandali niya akong pinasadahan ng tingin saka bumulong kay Lexa.
Bigla namang nanlaki ang mata ng isa.
"Seryoso ka ba diyan?" Hindi makapaniwalang tanong nito at tumango lang si Zarah.
"Alam ba ni?.... Hmm.. Alam mo na."
Ano bang problema ng dalawang to?
Nagkibit balikat lang si Zarah saka nangunang maglakad papasok. Hindi na nakaalma pa si Lexa lalo na nang umupo na ito at sa mismong pwesto pa ni Lexa.
Padabog namang kumuha ng upuan si Lexa at pilit pinaglapit ang upuan namin.
Dumating na si Miss Vela. Siya ang chant instructor namin sa araw na ito.
"Hello class." Bati ni Miss at bumati din naman kami pabalik. Nagulat pa siya nang makita si Zarah pero hindi na siya umimik pa.
Nagkadaop ang paningin namin at sandali niya akong nginitian bago binaling sa iba ang paningin.
Nagsimula na sa pagdidiscuss si Miss at wala akong masyadong naintindihan dahil panay ang buntong hininga ng katabi ko.
"Uy! Okay ka lang ba?" Sandali niya akong nilingon saka tumango at muli na namang bumuntong hininga.
Anong problema ng isang to?
"Since, I'm done demonstrating..."
Napabalik ako sa ulirat dahil sa nagsalitang si Miss Vela.
"It's your turn to demonstrate now."
Tumawag siya ng ilang pangalan saka pinapunta sa gitna.
"Have you discovered what your power can do?" Tanong ni Miss sa kaklase kong si Ethan.
"Yes, Miss." Sagot nito.
Ngumiti naman ng pagkalaki-laki si Miss Vela. Kanina pa ngiti ng ngiti to e. Ang creepy tuloy.
"Can you show it to us?" Nakangiti pa ring tanong nito.
Tumango naman si Ethan saka hinawakan ang kanyang kwintas at may ibinulong.
Biglang may naglitawang mga ibon saka siya pinalibutan. May ibinulong siya sa hangin at ilang saglit lang ay nakaangat na siya sa ere.
"Astig."
"Wow."
"Ang galing."
Ilan lamang sa mga komento ng mga kaklase ko.
"Perfect." Komento ni Miss.
Bumalik na siya sa kanyang upuan. Ilang saglit pa ay marami na sa mga kaklase ko ang naipakita ang kanilang kapangyarihan.
"Ford Aizel, it's your turn. And Miss Louisses will be the last to perform."
Kinakabahan ako. Ano namang ipapamalas ko e bukod sa walang ilaw ang kwintas ko, ay normal na tao lang din ako.
Natapos na kasi sina Lexa at Bretha. Maging si Zarah ay nagpamalas din ng kanyang kapangyarihan. Tanggap na din daw siya sa klase namin. Takot ata tong si Miss. Tss!
Agad na pumunta sa harap si Ford. Hinawakan niya ang kanyang kwintas at may ibinulong din dito.
Biglang humangin ng malakas at ilang saglit lang ay pinalibutan na siya ng tubig.
Umikot ikot siya sa ere at nandoon pa rin ang tubig nakapalibot sa kanya.
Bigla niyang itinaas ang dalawang kamay niya at inatake kami nito.
Nabasa kaming lahat at ang ilan nga ay napapamura pa.
Natapos na si Ford at hahakbang na sana ako papunta sa harap nang biglang sumulpot si Miss Eva. Nang magdaop ang paningin namin ay may ibinulong siya dahilan para bigla akong makaramdam ng kuryente.
Si Miss Eva ang may gawa sakin nito. Pero bakit?
Siya ang isa sa pinagkakatiwalaan ko pero bakit niya nagawa ito?
Nang magtama ang paningin naming muli ay naroon sa mata niya ang pakikiusap.
Para bang nakikiusap siya na intindihin ko ito dahil may dahilan siya.
Sige, Miss Eva. Hihintayin ko ang paliwanag mo. Sana lang katanggap tanggap ito dahil kung hindi? Hindi ko alam kung anong magagawa ko.
Ilang saglit lang ay naramdaman ko na ang pandidilim ng paningin ko.