"Ang galing mo talaga, Kyla." Kanina pa nila ako binabati dahil natalo ko na daw si Samantha.
"Salamat." Paulit-ulit kong sinasagot sa kanila.
Gusto kong isiping ang OA nila. Hindi lang kasi mga kaibigan ko ang bumati, kundi halos lahat ng nasasakupan ng Enchanted Academy.
Ilang araw na rin ang nakakalipas magmula nang matalo ko si Samantha. Dinalaw din ako nina lolo at lola dito. Alam na din ng lahat na mababait ang mga Prestile Clan at hindi tulad ng mga kinikwento nila.
"Handa ka na ba?"
Napalingon ako kay Ford dahil sa tanong niyang yun. Tumango lang ako saka siya nginitian.
Ngayon na ang araw ng pagbisita ng mga Chant Organims. Ngayon ko lang din sila makikita. Mas malala pa niyan, ako ang magrerepresenta sa school namin.
Maraming Academies ang dadalo ngayon dito. Halos lahat na nga siguro. Nariyan ang Chant Academy, University School, Magista Land, AYEI Harvard, Pow'r University, Magical Academy, Violet Syndrome at marami pang iba.
Kung nagtataka po kayo kung ano ano yung mga binanggit ko, paaralan po lahat yan. May kapangyarihan po lahat ng mag aaral niyan. Merong witchcraft, sorcerer, summoner, devils at iba pa.
Ilang minuto lang ay dumarami na ang mga nilalang na dumayo dito. Sa Ground Chanted gaganapin ang programa, kung saan kami palaging nag eensayo.
Pinaghandaan talaga namin ang araw na ito. Syempre may kontribusyon ako at ang mga kaibigan ko, lalo't ako nga ang magrerepresenta ng paaralan namin.
Kung nagtataka kayo kung ano yung eksaktong disenyo ng Ground Chanted ngayon, sasabihin ko na sa inyo.
Iba ang style na ito sa style na nakikita ninyo sa ibang paaralan. Dahil nga magical school ito, hindi mahirap ang gumawa ng iba't ibang disenyo.
Sa isang magical school lang maaaring magkaroon nito.
Gawa sa mga metal ang bawat bahagi ng stage. Mayroong dalawang hagdan na nakapwesto sa harapan. Nakaengrave din sa itaas ng stage ang GROUND CHANTED na pangalan.
May red carpet din sa gitna na dati ay wala. Dito dadaan ang mga tao ng Chant Organims. Oras na dumaan sila, magpapaulan ng iba't ibang ibon, bulaklak at mga nakahandang sorpresa. Baka iniisip ninyo, pangkasal to ah! Hindi po! Ganito lang talaga maghanda ang nasasakupan ng Enchanted Academy.
Ilang minuto lang ay umingay na din. Napatingin kami sa taas dahil sa mga paparating. Sakay ng malaking ibon, ay nangunang bumaba ang dalawang tao. Isang babae at isang lalaki na sa tingin ko'y kaedad na nina lolo at lola.
Hindi naman kasi halata sa mga postura nila ang pagiging isang matanda. Tulad nina lola, malakas-lakas pa din ang dalawang ito. Sunod na bumaba ay ang isang babaeng kaedad lang ata ni Miss Eva. Tulad ng nauna, isang ibon din ang sinakyan niya. Ang pagkakaiba nga lang ay mas malaki ang ibon ng naunang matatanda kesa sa kanya.
Huling bumaba ang isang lalaking sa tingin ko'y kaedaran lang din ni Mr. Ax Celine. Ang asawa ni Miss Vela.
Kung tama ang calcula ko, mag asawa ang dalawang to.
Naglakad na silang apat sa red carpet. Kasabay nun ang pagsaboy ng iba't ibang ibon at bulaklak sa kanila. Habang ako ay nangangatal at nangangatog na naghihintay sa kanila dito sa taas. Katabi kong nakaupo ngayon si Miss Eva at Sir Victor.
"Wag kang kabahan." Pagpapalakas loob sa akin ni Miss Eva o ni tita Lyn.
"Nandiyan na sila." Natigilan ako sa sinabing yun ni Sir Victor at wala sa sariling napatayo.
Ngumiti ang dalawang matanda sa akin habang walang ekspresyon naman akong tinignan ng dalawang kaedaran ni Miss Eva.
Dumeritsu sila sa upuang nakalaan sa kanila dito mismo sa stage.
Sumenyas si Sir Victor kaya agad na akong pumunta sa pwesto kung saan naroon ang mikropono para sa aking speech.
Ako kasi ang unang magsasalita bilang pagrespeto na rin sa paaralan namin kung saan ngayon nagaganap ang programa.
Kinalma ko muna ang sarili ko saka nginitian ang lahat. Napadako ang paningin ko sa aking mga kaibigan, malaki ang kanilang ngiti lalo na si Ford dahilan para kahit papaano ay kumalma ako.
"Good day, everyone. To my co-enchantress, faithful instructor, visitors from different schools." Isa-isa ko pang binanggit ang mga paaralan nila. "And to our Beloved Visitors, the Chant Organims." Naghiyawan ang lahat matapos kong mabanggit ang tungkol sa mga bisita.
Agad ko silang tinawag isa-isa.
Hindi ko naman kailangan ng kopya dahil magaling na ako sa memorization. Kasama sa paghahanda sa pagdating nila ay ang pagmemorisa ko ng kanilang mga pangalan at mga tungkol na rin sa kanila. Kabilang na doon ang mga paaralang kasalukuyang nandito.
"Let's now welcome Mr and Mrs. Dimakiling." Muling naghiyawan ang lahat. "Mr. George Dimakiling and Ms. Georgia Aliah Dimakiling, kindly join me here." Agad namang lumapit sa akin ang dalawang matanda.
Binigay ko agad ang mikropono kay Ms. Georgia. Nakangiti niya itong tinanggap.
"What a heart-whelming way of introducing us, Ms. Louisses. It's such greatful to be welcomed by no other else than our Lovely Destined One." Nahihiya kong nginitian si Ms. Georgia. Agad namang kinuha ng asawa niya ang mikropono sa kanya saka nakangiting tinignan ako.
"I purely agree to what my beloved wife commented about you." Then, he smiled. "It was really an honor to finally meet our Destined One." Marami pa silang sinabi.
Binalik na nila sa akin ang mikropono saka muling bumalik sa kanilang pwesto.
"Now, to formally introduced to you, let's give around of applause to Mr. and Mrs. Luziah." Nginitian ko ang dalawa pero walang emosyon lang nila akong tinignan. "Mr. Axel Luziah and Ms. Veron Liaz Luziah, kindly join me here on stage." Umismid si Ms. Veron habang nagpilit naman ng ngiti si Mr. Axel.
"I don't like plastic and pretentious people. That's all." Seryosong saad ni Ms. Veron saka mabilis na bumalik sa kanyang pwesto. Natigilan naman ang lahat sa inakto niya. I smell fishy about her. Parang hindi ko gusto yung presensya niya.
I don't know why, pero bago ako makabalik dito mula sa mundo ng mga mortal, nagiging matalas na ang pag iisip at pakiramdam ko.
Tumikhim naman si Mr. Axel.
"Sorry about my wife. Well, I'm happy to know that finally, the Destined One has been found already. After so many years." May iba pa siyang mga sinabi saka bumalik sa kanyang pwesto.
Ako na lang ngayon ang nakaharap sa mikropono at sa madla.
"Our school are for everyone. You can enjoy roaming around after the program. And before I forgot..." Nginitian ko muna sila. "I am Chant Kyla Louisses, Enchanted Academy's representative and uhmm, well, also known as the Destined One."
***
Marami pa ang nagsalita pagkatapos ko. Matapos maipakilala ang lahat nang paaralan ay sabay na tumayo sina Miss Eva at Sir Victor.
"First of all, I want to give my appreciation to all of our visitors today." Muling inulit ni Miss Eva ang pangalan ng mga bisita. "Second, I want to congratulate all of the Enchantress of Enchanted Academy for you have pass the first level of being part of our EA. You are no longer be in Prime Squarrel level."
Sunod naman na nagsalita ay si Sir Victor.
"You will have your 1 month vacation and when you come back here, you are no longer be part of Prime Squarrel. Instead, you will be move to the next level. Which is the Inferry Sequel." Patuloy pa niya. Marami pa silang sinabi ni Miss Eva.
"Enjoy your vacation, everyone." Sabay nilang sabi.
***
"Ano nang plano mo?" Tanong sa akin ni Lexa.
Kasalukuyan kaming magkakaibigan na nakatambay sa magical garden.
"Uuwi muna ako sa mundo ng mga mortal." Sagot ni Bretha.
Ganun din ang gagawin ng magkapatid na Blue at Nylo.
"Sama ako. Hanapan mo ako ng chicks du------awwww!" Yan tuloy! Haha.
Nakatikim siya ng hambalos galing kay Zarah.
"Anong chicks? Anong chicks?" Nanggagalaiting tanong ni Zarah.
"A----joke lang yun bab--------awwwwww---mashaket ah---awww-tama na!."
Napatawa na lang kami ni Ford sa kanila.
Lumayo muna kami at hinayaang magmoment at mag asaran ang mga kaibigan namin.
"Anong plano mo sa bakasyon?" Tanong ni Ford saka hinawakan ang kamay ko.
Agad akong pinamulahan ng matindi. Abah! Grabe din tong taong to ah! Ni hindi pa nga kami e. Nang biglang may sumingit.....
"Hindi mo pa kasi sinasagot, Master."
'Kakaligaw pa lang nung tao, alangan namang sagutin ko agad. Kailangan paghirapan muna niya yung oo ko no!'
Nagtataka siguro kayo no? Pumayag na akong ligawan niya pero wala pa akong balak sagutin siya. Gusto ko kapag sinagot ko siya, wala na talagang gulo.
Hindi naman ako sira para hindi malaman na hindi pa tapos ang gulo no! Lalo't hindi ko pa nagagawang pailawin ang kastilyo.
Nag usap-usap pa kami saglit nang mapagdesisyunan na naming bumalik sa kanila.
Tulad kanina, nagpatuloy lang ang topic namin tungkol sa pagpaplano at kung anong gagawin sa bakasyon.
"Alam ko na." Napatingin kami kay Lexa.
"Ano?" Sabay-sabay naming tanong.
"Bago matapos ang bakasyon, mag outing tayo. Good for one week."
Sumang ayon kaming lahat sa suhestyon niya.
Kinabukasan ay maaga kaming naghanda para bumalik sa mundo ng mga mortal.
Balak kong bisitahin agad sina lolo at lola pagkarating ko doon.
"Ingat ka ah." Niyakap ako ng magpinsang Fortes. Nginitian ko silang dalawa. Nauna na kasing umalis sina Bretha, Blue at Nylo.
"Kayo din."
Ilang saglit lang ay umalis na din sila.
Hindi na kami nagpasundo pa. Kaya naman naming lahat e.
Nakalimutan kong sabihin, independent lahat ng Enchantress dito sa EA.
"Ingat ka ah. Tawagan mo ako pag may oras." Tinanguan ko lang si Ford. Niyakap naman niya ako at hinalikan sa noo.
Napagdesisyunan ko kasing ako ang mahuhuling umalis sa aming magkakaibigan.
Dinaanan ko muna sina tita Lyn at ang dalawang magpinsan. Mananatili daw kasi muna sila ng dalawang linggo dito pero susunod naman agad sila. Gusto din kasi nilang bisitahin ang puntod ni papa.
Kahit papaano ay nakamove on na din ako. Pero hindi pa rin ako titigil sa paghahanap sa totoong may gawa nun sa kanya.
Sandali ko munang sinulyapan ang kastilyo. Umiilaw lang ang kwintas ko pero wala pa ring nangyayari. Hindi pa rin lumiliwanag ang paligid.
Humakbang na lang ako paalis at nagtuloy-tuloy sa paglalakad dala ang isang maleta ko. Sinigurado ko na dala ko na sa pagkakataong ito ang pera at cellphone ko, ayoko nang maranasan ulit yung pinagawa sakin ng driver nung nakaraan.
Sinulyapan ko ang gate ng EA at binasa ang nakasulat ditong WELCOME TO ENCHANTED ACADEMY.
"Goodbye for now, Enchanted Academy."
Saka ako lumabas sa lagusan. Palabas ng EA at papunta sa mundo ng mga mortal.