Chapter 5
***
Marco POV:
PAGKATAPOS naming kumain ay ininom ko na ang gamot na binigay niya sa akin, mapait talaga pero pinilit ko nalang na inumin iyon, nasa tabi ko kase si Clara habang iniinom ko iyon, abang na abang pa nga ang mga mata niya.
Umalis na din ka agad siya nung matapos kong inumin ang gamot. Kinuha niya ang mga platong nasa table, saka dinala sa sink. Kinuha niya ang apron na nasa sabit, sinuot niya ito at sinimulan ng mag hugas ng plato.
"Mauna ka ng mag pahinga, susunod ako pag natapos na akong mag linis." Bigla niyang sabi habang naghuhugas ng plato.
"O-Okay..."
Tumayo na ako, isinukdol ko lang saglit ang upuan sa lamesa bago naglakad papunta sa may kwarto. I hold the door knob, bago ko tuluyan na buksan iyon ay ibinalik ko muna ang tingin kay Clara.
Napabuntong hininga ako, hindi ko kayang nakikita na siya ang gumagawa ng gawaing bahay. Halata na din sa kaniya na pagod siya simula nung umuwi siya kanina. Alam ko namang nahirapan at napagod siya sa pag e-exam.
Lumapit ako sa kaniya, hinablot ko lang ang sponge sa kamay niya. Nagulat siya sa ginawa ko. "Ako na ang mag huhugas, ikaw na muna ang mag pahinga..." Mahinahon kong sabi.
"Masama ang pakiramdam mo, Marco! Ako na ang gagawa dito, kailangan mo ng sapat na pahinga."
Marco? Nakakabigla siya, nasanay ako sa pag tawag niya sa akin ng Attorney, parang galit siya na di mawari.
Dudang-duda akong tumingin sa kaniya. "Galit ka ba?" Tanong ko, baka lang kase na galit na siya.
"Hindi. Gusto ko lang na mag pahinga ka... Okay?"
"Pero alam kong pagod ka din, Clara." Sabat ko, nagtitigan kaming dalawa. Ni hindi siya nag patinag sa akin, talagang pursigido siya sa gusto niyang mangyari.
"Alam ko, Attorney... Kaya ko naman, kaya ko kaya pabayaan mo ako."
Tumigil na ako, ayaw kong makipag sabatan pa sa kaniya, baka lalo lang siyang ma-down.
Ngunit hindi ako nag patuloy sa kwarto, nag punta ako sa may sala para linisin ang kalat doon. Kinuha ko din ang walis na nasa gilid, saka ko sinimulan walisin ang gabok ng sahig. Pinunasan ko na din ang coffee table na nasa gitna at inayos ko na din ang mga unan na nasa sofa.
Rinig ko ang mga yapak na papalapit sa akin. Tumalikod ako, hinarap ko si Clara na nakatayo sa harap ko.
"Kulit mo talaga, Attorney. Ako na d'yan."
"Tapos na. Tara na matulog." Sabat ko.
Ngumiti ako sa kaniya, pero hinila niya lang ang kamay ko hanggang sa makarating kami sa kwarto. Sumenyas siya na humiga ako, sinunod ko naman iyon at humiga ako ng ayos.
"Maliligo lang ako, stay here!" Mariin niyang utos. Tumango nalang muli ako sa kaniya.
***
Clara POV:
PUMUNTA na ako sa banyo para maligo. Suot ko lang ay pantulog, ayaw ko munang mag maikling short dahil malamig din kaya nag pajama ako.
Lumabas na ako sa banyo nung matapos akong maligo. Mag s-skincare pa sana ako, kaso antok na ako at kinakapoy.
Narinig ko ang pag ring ng phone ko, naiwan ko pala ito sa bag ko. Tumungo ako sa dinning area para kuhanin iyon. Agad ko namang sinagot ang tawag, hindi ko kilala dahil number ang nakalagay.
"Hello?"
[Ah Hi, Clara. Si Ate Marisol ito hehe.]
Si Ate MArisol lang pala, akala ko kung sino na, kinabahan tuloy ako. Pumunta muna ako sa may sala, humiga ako sa may sofa, nakakangalay naman kung tatayo lang ako.
"Bakit ka napatawag, Ate?"Tanong ko. Pinikit ko lang saglit ang mata ko, dala na din ng kaantukan siguro.
[Itatanong ko lang kung kamusta ang Final Exam mo? Pinapatanong din ni Kuya Clark mo yun. Hindi na siya naka tawag sa iyo kaya ako nalang ang tumawag. Busy siya sa trabaho at madaming inaasikaso.]
Bukas pa malalaman kung ano ang mga nakuha naming score sa mga test, siguro ay thru email ang pasahan noon. Hindi ko alam kung may tama ba ako sa mga sinagutan ko, pero sana makapasa lahat yun...
"Ah, okay lang naman. Nasagutan ko naman, pero di ko sure kung makakapasa ba ang mga 'yun. Pero sana..."
[Tiwala ka lang makakapasa ka, saka may nagtuturo sayong isang Lawyer ano, babagsak ka ba? O babagsak sa kaniya?]
"Huh? HAHAHA! Kanino naman ako babagsak? Ginugulo mo utak ko Ate Marisol ha!" Ani ko sabay tawa.
Napa-isip tuloy ako ng malalim. Ibig sabihin niya ba ay Fall In Love? Pero wala namang motibong ipinapakita ang isa para mahulog ako ng lubusan sa kaniya.
Mabait naman siya, pero cold minsan.
Matalino, pero strikto.
Magalang, pero matapang.
Hindi ko pa nararamdaman at nakikita ang pag mamahal niya. Mukang wala din siyang plano na ipakita o iparamdam iyon sa akin. Mas makakabuti na siguro na ang pag papanggap namin ay hanggang pag papanggap lang, wala ng hihigit dun.
"Kamusta pala kayo ni Kuya, Ate?" Pagbabaag ko sa katahimikan naming dalawa, nawalan na kase ng topic.
[Okay pa naman, pero naiinis lang ako sa kakulitan ng kuya mo, talagang pwede ng masapak. HAHAHA! Pero may naalala ako... Nung tumungo kami diyan sa dorm niyo nung isang araw, bakit wala ka? Pero nand'yan Marco, kaso di ka din alam kung nasaan.]
"Makulit talaga si Kuya, kagaya ko lang HAHAHA! Ah nung isang araw, nandoon ako kay na Blake. Tinulungan ko siya sa mga research niya, hindi pa kase siya tapos kaya tinulungan ko na." Sagot ko.
Napamulat naman agad ako ng mata ng marinig ko ang pag bukas ng pinto ng kwarto. Napalingon ako sa gawing iyon. Namatahan ko na patungo siya dito, antok siyang naglalakad, bagsak pa ang dalawang balikat. Parang zombie.
"Wait lang Ate." Saad ko saka ko pinatay ang tawag.
Umupo ako ng ayos, tumabi naman sa akin si Attorney. Humiga siya sa balikat ko, mukang inaantok na talaga. "Hmm..."
Dinampi ko lang ang kamay ko sa noo niya pati sa leeg, para i-check ulit ang temperature niya. Medyo hindi na siya mainit.
"Bakit lumabas ka pa, Attorney?" Tanong ko. Pero hindi niya ako sinagot, hanggang sa mapag tanto ko nalang na tulog na pala siya sa balikat ko.
Dahan-dahan kong hinawakan ang muka niya, saka ako lumuhod at umalis sa sofa. Hiniga ko lang siya doon ng ayos. Saka ako tumayos para kumuha ng kumot sa kwarto.
Pero bigla akong hinila ni Attorney sa kanang braso kaya naman ay tuluyan akong napapatong sa kaniya. Gulat na gulat ako sa ginawa niy, ni hindi na ako makakilos dahil ang lapit na ng muka ko sa kaniya. Napapikit ako ng mariin ng nawalan ako ng balanse, ramdam ko ang pag lapat ng aming labi.
Nahihirapan akong tumayo, wala akong balanse, wala din akong makapitan para maka-angat. Tumatagal ang paglalapat ng labi namin, kinakapos na din ako sa hininga. Umikot nalang ako para tuluyan na malaglag sa sahig, para na din maka alis doon. Habol-habol ko ang hininga ko, hindi ko inaasahan iyon.
Natigilan ako ng may pumasok sa isip ko...
Yun ang first kiss ko? Tama, oo. Yun nga ang first kiss ko, wait... Kiss ba yun o accident lang? Pero type of kiss na din yun. Sh*t!
Napasapo nalang ako sa aking noo, huminga ng malalim at tumiti sa kisame, hindi ko na alam ang nangyayari. Nasa danger zone ako...
---