Thana's POV
"Okay ka lang?" Tanong ko dun sa lalaki.
"Okay lang ako." Tumango nalang ako dahil mukhang nahihirapan pa s'yang mag salita.
Pumasok agad kami sa clinic saka ko s'ya inupo sa mga kama na andito.
"Nurse!" Tawag ko sa nurse at dali dali naman s'yang lumapit sa'min. "Pakigamot po s'ya." Ngumiti ako.
"Ano pong nangyari?" Tanong nung nurse saka s'ya naupo sa harap nung lalaki.
"Binully ng mga coloring book." Hinatak ko yung isang upuan saka rin ako umupo sa tabi nila.
Tumawa nalang yung nurse saka n'ya sinimulang gamutin yung sugat nung lalaking nasa harapan n'ya. Galos lang naman meron yung lalaking 'to kaya hindi rin s'ya matagal ginamot.
"Ayan tapos na, galos lang naman ang meron ka kaya hindi na yan kailngan lagyan ng gasa." Tumayo yung nurse sa pagkakaupo n'ya saka s'ya lumapit dun sa cabinet at may kinuhang mukhang band aid. "Ayan band aid kung gusto mong itago 'yang mga galos mo." Natawa pa s'ya.
"Salamat po."
"Oh sige maiwan ko muna kayo d'yan." Saka s'ya umalis sa harapan namin.
"Alis na ko." Sabi nung babae pero pinigilan ko s'ya. "Bakit?"
"Anong pangalan mo?"
"Bakit?" Anak ka ng pating! Nagtatanong ako tapos tatanungin ako ng bakit.
"Tinatanong ko pangalan mo tapos tatanungin mo ako ng bakit? Sabog ka ba?" Natawa s'ya sa tanong ko kaya napairap ako.
"Gavin, Gavin pangalan ko." Sasabihin din naman pala nag tanong pa.
"Okay, sige Gavin alis na ko ah?" Lalakad na sana ko palabas ng clinic ng may biglang humawak sa braso ko, nilingon ko yon at nakita ko si Gavin. "Bakit?"
"Unfair naman kung pangalan ko lang malalaman mo, dapat ako rin malalaman pangalan mo." Nakangiting sabi n'ya. "So what's your name?"
"Thana." Simpleng sagot ko saka ko binawo yung braso ko sako nag lakad palabas.
Pumasok na ko sa room at nakakapag takang tahimik sila kaya dumiretso nalang ako sa upuan ko pero nangunot ang noo ko ng makita kong naka upo sa tabi ng upuan ko si Blake.
"What are you doing here?"
"Tabi tayo upo hehe." Nag peace sign pa s'ya kaya tumango nalang ako saka ako umupo sa tabi n'ya.
Pumasok si James pero halatang nasa mood naman si luko. Ngiting-ngiti kasi s'ya habang naglalakad papalapit sa table sa harapan.
"Sir James! What's going on with you?" Sigaw ko at napatingin naman s'ya sakin.
"Ha?" Nakangiti parin s'ya.
"Ano kakong nangyayari sayo? Ngingiti ngiti ka pa d'yan! Para kang baliw!" Biglang nawala yung ngiti n'ya kaya natawa ako pati narin yung katabi ko.
"W-wala...wala 'to!" Tumalikod s'ya saka n'ya nilapag yung mga gamit n'ya sa lamesa.
"Aluhhhh si Sir nagbibinata na!"
"Sir James n'yo luma-love life na!"
"Pakilala mo naman sa'min Sir!"
"Sino ba yan Sir?"
"Ayieeee..."
Natawa ako ng makita kong biglang pumula yung tenga ni James, ibig sabihin lang non ay kinikilig s'ya.
"Sir James n'yo kinikilig!" Sigaw ko kaya nagtawanan ang buong Section seven, lalo naman namula ang tenga ni Sir.
"Tama na! Tama na! Magsisimula na ang klase ko!" Napatingin s'ya sa'kin kaya nginisian ko s'ya kaya napaiwas s'ya.
Paktay ka James hehe.
Nagsimula s'yang mag klase kaya nanahimik na yung iba pero ako at si Blake ay pasimpleng nagtatawanan dito sa likod. Kinukwento kasi n'ya yung mga embrassing moments ng Section seven noon.
"Hoy kayong dalwa d'yan sa likod!" Napatingin kami sa unahan ng sumigaw si James at nakita namin silang lahat na nakatingin na sa'ming dalwa ni Blake. "Anong pinagtatawanan n'yo d'yang dalawa?"
"Yung nadulas ka sa snow hehe." Pagsisinungaling ko kaya naramdam kong siniko ako ni Blake pero hindi ko  s'ya pinansin.
"Ano?! Wala akong matandaan na nadulas ako sa snow!"
Totoo naman kasi, nung nag bakasyon kaming magkakaibigan sa Canada, nag aya'ng mag snowboarding si Kuya Travis, eh mali yung pagkakatapak n'ya sa board edi ayun nadulas s'ya.
"Wala daw, bakit hindi mo na matandaan yung nangyari sa----"
"Oo na! Oo na!" Hindi ko na natapos yung sasabihin ko dahil sumabat s'ya agad. "Makinig nalang kayong dalawa sa dini-discuss ko! Lalo ka na Thana! Isusumbong kita sa Kuya mo!"
Dalawa Kuya ko so, "Which one?"
"Yung dragon." Ngumisi pa s'ya.
"Sabi ko nga tatahimik na ko."
Takot talaga ako sa isa ko pang Kuya, iba s'yang magalit parang si Daddy pero mas malala s'ya kay Daddy. Feeling ko kase t'wing magagalit s'ya para s'yang mag bubuga ng apoy.
Edi ayon nakwento ko kay James, ginawa pang, pang-black mail sa'kin. Sabihin n'ya raw kay Kuya na mukha s'yang dragon dahil nga sa takot ko hinayaan ko nalang s'ya.
"Tatahimik ka rin pala, sasagot ka pa." Tumalikod na ulit s'ya at muling humarap sa board.
I imitated what he said in a teasing way and it's a good thing he didn't see but the one next to me saw it so he laughed again. Ang babaw ng kaligayahan ng tukmol na 'to, sana ako rin ganon.
Ilang teacher pa ang nagturo ngayong umaga hanggang sa tumunog ang bell at senyales na lunch time na naman. Lalabas na sana ako ng room ng bigla akong pigilan ni Eryx.
"Bakit?"
"Sabay ka na sa'ming kumain." Nakangiti s'ya at ng ilibot ko ang paningin ko ay nasa likod na pala n'ya lahat ng mga tukmol kasama si Ace.
"Can I?"
"Oo naman!"
"Tara na! Tara na!"
"Ikaw sa gitna namin Thana!"
"Let's go!"
Tumango nalang ako dahilan para mag hiyawan sila. Papalibutan daw nila ko pero ang sabi ko wag na pero hindi sila pumayag kaya hinayaan ko nalang. Iisa lang ako nineteen silang lahat anong palag ko?
"Oy Thana may boyfriend ka?" Tanong ni Jax na katabi ko sa kaliwa.
"Oo meron."
"Eh nasaan s'ya?" Tanong naman ni Blake na nasa kanan ko.
"Nasa ibang school s'ya napasok."
"Kwentuhan mo kami habang naglalakad tayo papunta sa canteen." Malayo layo pa naman yung canteen kaya pumayag nalang ako sa gusto ni Jax.
~ FLASHBACK ~
"Thana tara!" tawag sa'kin ni Patrick dahil male-late na kami sa first class namin, nasa 3rd floor pa naman yung classroom namin kaya hinatak na n'ya ko.
Pagpasok namin sa room ay may nakita kaming lalaki na naka tayo sa harapan at mukhang transferee.
Napatingin sa'min si Ma'am saka s'ya ngumiti sa'min kaya ganun narin ang ginawa namin saka kami umupo sa seat namin.
"Please introduce yourself." Sabi ni Ma'am dun sa transferee, ngiting-ngiti pa si Ma'am amputa.
"Hello! I'm Ian Lewis." Nagtilian pa yung ibang mga girls nung marinig nila ang pangalan ng gunggong na yon.
Kung sila interesado sa pangalan ng lalaking yon pwes ako hindi. Mas pogi pa d'yan si Zyere eh kaso hindi pa umuuwi yung lalaking yon.
"Okay you can sit next to Ms. Villafuerte." Nangunot yung noo ko ng biglang banggitin ni Ma'am ang pangalan ko.
Pero nagsalubong naman ang kilay ko ng makita kong papalapit na yung lalaking yon sa upuan sa tabi ko kaya wala akong magawa kundi alisin yung bag namin ni Patrick na nakalagay doon.
"Hello I'm Ian! What's your name?" Tanong n'ya ng makaupo s'ya sa tabi ko pero hindi ko s'ya pinansin. "Ay snob."
"Thana kayong dalawa ni Ian ang ilalaban namin sa Section natin para sa singing contest!"
Nang dahil sa contest na yon dun kami nag simula ang pagiging magkaibigan namin ni Ian. Pag may practice kami s'ya pa yung sumusundo sa'kin dahil ayaw n'ya daw akong mapagod.
"Thana perfect by Ed Sheeran nalang kantahin natin!"
"Sige lang!"
Nandito kami sa music room para mag practice, in-excuse kami sa buong subject para lang makapag practice sa kantang yon.
Nagiging maalaga s'ya sa'kin pero hindi ko nilagyan ng malisya yon pero ganon naman ang magkaibigan diba? Bakit ko naman lalagyan ng malisya?
Contest na ngayon at kailangan pa naming kumanta isa isa bago mag duo. Para akong tanga na nakatitig sa nakantang si Ian sa stage habang ako ay nasa baba at pinagmamasdan s'ya.
Napahawak ako sa dibdib ko ng biglang nagkarera ang tibok ng puso ko, napatingin ako ulit kay Ian at nakita ko s'yang kumindat sa'kin kaya mas lalong bumilis ang tibok ng puso ko habang nakatingin sa kan'ya.
Anong ibig sabihin nito?
Sa mga nagdaang araw dun ko nalamang gusto ko na pala s'ya pero hindi ko sinasabi o ipinapahalata sa kan'ya.
Nagbibigay s'ya ng motibo sa'kin na gusto n'ya rin ako kaya naglakas loob akong umamin sa kan'ya pero kusa nalang akong umatras ng makita kong may kasama s'yang iba at masaya pa sila.
Ilang araw ko s'yang iniwasan non at tanging tango at iling lang ang nagiging sagot ko sa kan'ya hanggang sa isang araw may sinabi s'ya sa'kin na nagpabigla sa'kin.
"I like you  Thana."
Simula ng sabihin n'ya sa'king gusto n'ya ko ay pumawag akong mag paligaw sa kan'ya. Tatanggi pa ba ko eh gusto ko rin s'ya?
Buwan n'ya akong niligawan hanggang sa um-oo na ko sa kan'ya. Tuwang tuwa s'ya non at ipinagkalat pa sa mga kaibigan n'ya na girlfriend n'ya na daw ako.
Masaya kaming nag celebrate ng 1st year anniversary namin sa ilalim ng bilog na buwan.
"Ian lilipat na kami sa Manila." Umiiyak ako ng sabihin ko sa kan'ya na lilipat na kami dahil hindi ko kayang mahiwalay sa kan'ya.
"Shh it's okay, magkikita pa naman tayo diba?" Tanong n'ya kaya tumango ako saka n'ya ko niyakap. "We will meet again, Mi amor."
~ END OF FLASHBACK ~
"Simula nung lumipat ako dito sa school na 'to naging cold na s'ya sa'kin. Nalaman ko rin na nandito na pala sila sa Manila pero hindi n'ya man lang sinabi sa'kin."
"Nasubukan mo na ba s'yang tawagan?" Tanong ni Gray.
Tumango ako, "Oo, sinasagot n'ya nga para lang sabihing busy s'ya."
"Gagong yon! Ano yon naging abala ka sa kan'ya?!" Galit na sabi ni Dash.
Naisip ko na rin yan na baka abala lang ako sa kan'ya pero baka nagkakamali lang ako dahil baka busy s'ya sa mga school stuffs n'ya.
"Pag nalaman ko lang talagang may affair yung bwisit na yon mag tago na s'ya sa palda ng nanay n'ya!"
Pinakalma nila si Dash dahil para na s'yang nagbabaga sa galit. Grabe naman 'to, mas galit pa s'ya kesa sa'kin.
Naputol lang ang pag uusap namin ng makitang nasa harap na pala kami ng canteen. Pagtapak palang ng pagtapak ng mga paa namin sa loob ng canteen bigla nalang umingay ang paligid.
"Kkkyyyaaaahhh section seven!"
"Mine Papa Ace!"
"Ang pogi mo Gray!"
"Akin ka nalang Ever!"
"Ang cute mo Gab!"
"Mine kay Papa Aiden!"
Hala! Grabe din pala charisma ng mga 'to sa mga babae. Akala ko pagbabasag  ulo lang sila magaling pero hindi ko akalain na hinahanggan din pala sila ng mga babae dito sa campus.
"Grabe ang pogi ko talaga!" Sabi ni Jax at natawa nalang ako ng bigla gumawa ng nagsusuka na ingay ang mga tukmol, syempre hindi kasali ang dakilang kill joy. "Grabe naman kayo sa'kin! Hindi n'yo ba nakikita yang mga babae na yan? Lahat sila naga-gwapuhan sa'kin kayo lang ang hindi!"
Kunwaring nagtatampo pa s'ya saka s'ya pumasok sa loob ng canteen at nag hanap ng bakanteng table. Nakita ko sila Zy na nakatingin sa'kin kaya sinenyasan ko silang sa Section seven ako sasabay kumain at buti na lang pumayag sila.
Alam kong hindi kami kasya sa isang table at natawa nalang ako ng humigit pa sila ng dalwang table para mag kasya kami. Infairnes maparaan ang mga kumag na 'to.
Um-order silang lahat ng pagkain at tanging kami lang nila Ever, Cairo, Ace at ako ang naiwan dito. Ang awkward dito lalo na at katabi ko pa 'tong Ace na 'to.
Walang umimik sa'ming apat hanggang sa dumating yung mga tukmol na may sari-sariling dalang tray. Akala ko hindi nila ako in-order kaya tatayo na sana ko ng may biglang naglapag ng pagkain sa harap ko at nakita ko si Gray.
"Thank you."
Ngumiti lang s'ya saka s'ya umupo sa tabi ko. Napag gigitnaan tuloy akong dalawa ni Ace at Gray. Lalo tuloy akong na awkward sa pwesto naming tatlo!
"Oy weekends naman bukas, tara mag mall tayo!" Sabi ni Gab sa kalagitnaan ng pagkain namin.
"Sama ako!" Sabay sabay na sigaw nila at tanging kami lang dalawa ni Ace ang hindi nakasali.
"Oy kayo ayaw n'yong dalawa?" Tanong ni Neo habang pinaglilipat lipat ang tingin sa'ming dalawa.
"Sige sama ako tutal wala naman akong gagawin ngayong weekends." Pag sang ayon ko at nag hiyawan na naman sila kaya napapatingin na sa'min yung ibang students.
"Oy Ace ikaw?" Tanong ni Noah.
"Ano pa bang magagawa ko eh lahat kayo pumayag na."
Isa lang ibig sabihin non, no choice s'ya.