Thana's POV
Aish! Naabutan pa ng traffic!
Nag text sakin si Zyere na nasa airport na daw siya at gusto niya daw na ako ang sumundo sa kanya. Oh diba namimili pa.
Buti na lang wala ng klase kaya hindi ko na kailangang bumalik pa sa school o mag cut class. Ilang minuto din yata akong nandito sa taxi hanggang sa makarating kami sa airport.
"Thana!"
Boses pa lang alam ko na. Nilibot ko yung paningin ko at nakita ko si Zyere na tumatakbo papalapit sakin hatak hatak ang maleta niya.
"Wahhh! Zyzy!" sigaw ko rin saka ko patakbong lumapit sa kanya saka ko siya niyakap.
"Na-miss kita!"
"Na-miss din kita!"
Humiwalay na ko ng yakap sa kanya saka ko siya pinagmasdan, "Grabe! Ang laki ng pinag bago mo!"
"Ikaw din kaya! Ilang months din tayong hindi nagkita no!"
"Ay sus! Tara na!" ngumiti at tumango lang siya saka kami nag antay ng taxi na masasakyan.
"San ka mags-stay?" tanong ko.
"Ang sabi ng Kuya mo dun nalang daw sa inyo dahil hindi pa naman daw uuwi sila Mommy."
"Yay! Buti naman!" ngumiti siya saka niya ginulo yung buhok ko.
Sumakay na kami sa taxi ng merong huminto sa harap namin, inilagay muna ni Manong yung maleta ni Zy sa trunk saka siya nag drive paalis.
"Ma'am saan po kayo?" tanong ni Manong driver kaya sinabi ko sa kanya yung address namin.
"Sa Section ka namin papasok Zy?" tanong ko habang bumibiyahe kami.
"Hindi eh." napatingin ako sa kanya. "Bawal na daw magdagdag pa sa Section niyo. Nagrereklamo daw yung mga kaklase mo." natawa ako dahil sa sagot niya.
Kahit nilagyan nila kanina ng glue yung upuan ko, ewan ko pero ang gaan parin ng loob ko sa kanila, para bang hindi ko kayang magalit sa kanila. Isipin mo yon kakakita pa lang namin kanina pero hindi ako nailang sa kanila.
"Saang section ka para mapuntahan kita?"
"Section Five. Ang alam ko nasa Section Six si Sofia, tama ba?"
"Yeah. Ewan ko kung paano napunta yun don eh may pagka luka luka din yon katulad ko." natawa siya sa sagot ko kaya napailing na lang ako.
Ilang oras din kaming bumiyahe hanggang makarating kami dito sa tapat ng bahay, binuksan ko muna yung gate saka ako pumasok sa loob.
Nasa likod ko lang si Zyere habang hila hila yung maleta niya na pang sampung taon yata sa sobrang laki at ang bigat pa daw sabi ni Manong Driver kanina.
"Tantan andito na si Travis?" tanong niya ng makalapit siya sakin.
"Yeah, kanina lang din yata siya umuwi."
"Alam ba ni Sof na uuwi ako?"
"Sa totoo lang hindi niya alam." natawa ako. "Surprise natin siya kapag pumasok ka na."
"Hmm good idea."
Ngumiti lang ako saka ko binuksan yung pinto. Wala yung mga maid namin dito dahil pinag bakasyon ni Kuya Travis para daw makapag pahinga rin sila.
"Hi baby girl!" sigaw ng Kuya kong tukmol habang pababa siya sa hagdan. "Oy bro! Naka uwi ka na pala!" sigaw din niya ng makita niya si Zyere.
"Nyemas ka Kuya! Bunganga mo napaka lakas!" napaka lakas talaga ng boses niya, feeling ko umabot yung sa kabilang street.
"Aish! Kahit kelan napaka KJ mo!"
"Edi wow." sagot ko na nagpa busangot sa kanya.
"HAHAHA! Ang cute niyo." sabi ni Zyere.
"Hep! Siya lang yung cute! Pogi ako!" kahit kelan talaga napaka hangin nitong lalaking 'to.
"Zy pakitingin nga kung naka todo yung aircon, biglang lumakas yung hangin eh." kunwaring tinatanaw ko pa yung aircon dun sa may sala kahit hindi ko naman talaga nakikita hehe.
"May sinasabi ka Thana?" bakas yung pagka sarcastic sa tanong ni Kuya Travis kaya natawa ako.
"Wala...wala." pigil tawang sagot ko.
"Oy bro gutom ka na ba?" tanong ni Kuya kay Zy pero umiling lang 'tong isa. "Bakit? Hindi kaba nagugutom?"
"Busog pa ko eh."
"Ah sige." tumango tango pa si Kuya. "Oh siya Thana samahan mo na si Zy sa magiging kwarto niya baka may jetlag pa yan."
"Let's go." aya ko kaya tumango si Zy. Nauna na ko maglakad at ramdam ko yung pag sunod niya.
"Mag elevator na kayo Tantan!" sigaw ni Kuya mula sa sala.
"Hoy Kuya lutang ka na naman! Walang elevator dito sa bahay!" hindi ko na narinig yung sagot niya kaya nagpatuloy nalang ako sa pag akyat.
Nilingon ko yung nasa likod at nakita kong nahihirapan si Zy sa dala niya. Paano may dalang isang malaking maleta tapos may bag pang naka sukbit sa kanya.
"Amina 'yang bag mo."
"Wag na, kaya ko."
"Akina nga!"
"Wag na nga eh."
"Isa!" hindi na siya nag salita at inabot nalang niya sakin yung bag niya. Takot ka pala eh haha.
Huminto kami sa katabing pinto ng kwarto ko, magkatabi lang kami ng room dahil yun yung dating play room namin nila Kuya kaso inilipat nila sa basement para daw mas malaki kaya naging tulugan nalang.
"Dito yung kwarto mo, kumpleto na lahat ng gamit dyan mga damit mo nalang kulang." natawa ako saka ko sumulyap sa mga dala niya. "May dala ka bang ginto dyan sa maleta mo?" natatawa 'kong tanong.
"Kahit kelan baliw ka talaga! Syempre mga damit lang yan!"
"Eh pano ba naman ang laki laki niyan, pwede ka namang bumili na lang sa mall eh."
"May mga chocolate kasi dyan, pinabaon sakin ni Mommy tapos bigyan daw kita." lalong lumawak yung ngiti ko sa sinabi niya. Kahit kelan talaga si Tita gusto yata akong tumaba.
"Ahh, sige na pahinga ka na. Katok ka nalang sa pinto ng kwarto ko kapag may kailangan ka." nginitian ko siya.
"Sige. Thank you." ngumiti din siya. Tinapik ko yung balikat niya saka ako pumasok sa kwarto ko para magpalit ng damit.
Jusko! Naka punta ako sa airport kahit naka uniform pa ko!
Kumuha ako ng black sweatpants at black hoodie sa cabinet ko saka ako dumiretso sa banyo para maligo.
Umupo ako sa kama ko habang nagpapatuyo ako ng buhok. Napatingin ako sa blazer ko na nakasabit sa may coat rack ng marinig kong tumunog yung ring tone non.
Sinabit ko muna sa balikat ko yung tuwalya ko saka ko tumayo at kinuha yung phone ko saka ko tiningnan yung caller.
"Hello?" sabi ko matapos kong sagutin yung call.
"[Hi bestie!]" nailayo ko ng bahagya yung phone ko dahil sa sigaw niya.
"Oh?!"
"[Ay! Bakit ka galit?]"
"Siraulo! Sinong hindi mabu-bwisit eh bigla bigla kang nasigaw!"
"[Ay! Sorry na]" sorry sorry pero  natatawa naman. Baliw talaga.
"Bakit ka napatawag?" inipit ko muna yung phone ko sa leeg ko para isampay yung twalyang ginamit ko.
"[Totoo nga?]"
Hanudaw?
Kinuha ko ulit yung phone ko saka ako ulit umupo sa kama.
"Ha? Ang alin?"
"[Na next year pa uuwi si Zy?]"
"Hin----A-ahh Oo!" sasabihin ko na sana sa kanya na nakauwi na si Zy kaso naalala ko na isu-surprise nga pala namin siya bukas.
"[Ha? Anong oo? Oo na next year pa uuwi si Zy?]"
"Oo." muntikan na ko!
"[Ay akala ko pa naman bukas uwi niya. Nag baka pa naman ako ng brownies.]" rinig ko yung pag lungkot ng boses kaya natatawa ako pero pinipigilan ko lang.
"Dalhin mo nalang sa school bukas kainin nalang natin." brownies yon boy! Favorite ko yon!
"[Ano pa nga ba? Magdadala narin akong chuckie.]"
"Yes! Thank you bestie!" wooohhh! Chuckie din yon boy!
"[Anything for you.]"
"Bye! See you tomorrow!"
"[See yah!]" pinutol niya na yung call kaya napatitig ako sa phone ko.
Sigurado akong matutuwa siya bukas kapag nakita niya si Zyzy sa harap niya.
Umayos ako ng umupo saka ko sumandal sa headboard maaga pa naman kaya manonood muna ko sa Youtube. Mamaya pa naman siguro kami kakain ng dinner.
Nanood lang ako ng nanood ng mga videos ng Enhypen hanggang sa may marinig akong kumakatok sa pinto ng kwarto ko.
"Teka lang!" sigaw ko bago ako tumayo at pumunta sa pinto. "Bakit?" si Zyere lang pala.
"Kain na daw tayong dinner. Pinapatawag ka na ni Travis." sabi niya kaya tumango ako.
"Tara na." sinarado ko muna yung pinto ng kwarto ko saka ako sumunod sa kanya pababa.
Nasa hagdan palang kami amoy na amoy ko agad yung niluluto ni Kuya Travis. Buti na lang marunong siyang mag luto kung hindi wala kaming kakainin ngayon.
"Kuya nag grocery ka?" tanong ko saka ako umupo.
"Oo, nakakahiya kasi sayo."
"Hoy anong ako? Eh kakauwi ko lang din dito kahapon!"
"Umaga ka kaya nakarating dito edi sana nag grocery ka nung hapon." hindi na ko sumagot dahil sa katamaran ko lang pupunta ang usapang 'to.
Pinag laruan ko nalang yung kutsara sa harap ko baka ano pa ang gawin ni Kuya sakin. Napatingin ako sa harapan ko ng marinig kong gumalaw yung upuan, si Zy lang pala.
"Let's eat!"
Sigaw ni Kuya saka niya nilapag sa gitna ng lamesa yung mga ulam na niluto niya. Tatayo na sana ko para kumuha ng kanina kaso may bigla ulit nilagay si Kuya sa gitna which is kanin kaya umayos nalang ako ng upo.
"Manahimik ka nalang dyan." okay po master.
Nag abot sakin si Zy ng plato kaya kinuha ko yon saka ko nilagyan ng kanin at ulam. Tahimik lang akong kumakain at tanging sila lang dalawa ang nag uusap.
"Tahimik mo yata Tan?" tanong ni Zy kaya napatingin ako sakanya, nakangiti pa siya ng nakakaluko.
Kung hindi lang siya pogi kanina ko pa nabasag 'yang mga ngipin niya kaso nanghihinayang talaga ko eh.
"Manahimik daw ako eh, kaya sinunod ko na lang." natawa siya sa sagot ko kaya napairap ko.
Ugok din' to nagtatanong tapos tatawanan. Sana ayos lang siya.
"Magsalita ka na nga! Hindi kami sanay na tahimik ka." sabi ni Kuya tumango nalang ako. "Munjega issseubnikka?"
[Is there a problem?]
Umiling ako. "Amugeosdo anim. Geunyang eomma appaga geuliwoyo."
[Nothing. I just miss Mom and Dad.]
"Wag ka na malungkot." napatingin agad ako kay Kuya ng sabihin niya yon. "Alam kong nami-miss mo sila pero makakasama mo rin naman sila next next month." ginawa pang biro ni Kuya.
"Okay lang ako ano ka ba kayo!" tiningnan ko silang dalawa at nakita kong nakatingin sila sakin na parang nawi-weirduhan. "Hoy bakit ganyan kayo makatingin?"
"Malungkot ka."
"Hindi nga!" hindi naman kasi talaga ako malungkot. "Haler! Magkasama kami nila Mommy nung nakaraang buong week kaya bakit naman ako malungkot aber?!" nagpameywang pa ko kahit nakaupo ako.
"Okay mukha naman talagang hindi malungkot. Ang hyper mo parin eh." pashnea ka Kuya!
Tiningnan ko agad siya ng masama at rinig ko rin yung dalawa ni Zyere kaya parehas ko silang tiningnan ng masama.
"Sige! Subukan niyong tumawa! Makakakita kayo ng flying tsinelas!" banta ko at akmang kukuhain yung tsinelas na suot ko.
Kita ko yung pagpipigil ng tawa nilang dalawa dahil sa pag pula ng mga mukha nila. Pinagpatuloy ko na lang yung pagkain ko bago pa lumipad papunta sa mukha nila yung tsinelas ko.
"Tapos na ko!" tumayo na ko at agad ko silang iniwan don dahil baka pag hugasin ako ng mga pinag kainan ni Kuya.
Dumiretso kaagad ako sa kwarto ko at umupo sa single sofa para magpahinga. Medyo naparami yung kain ko, napaparami talaga ko ng kain kapag si Kuya Travis yung nagluluto.
Inihilig ko yung ulo ko sa sandalan ng sofa saka ako tumitig sa kisame.
Anong meron sa Section Seven at bakit ayaw nila sa babae?
'Yang tanong na yan ang kanina pa gumugulo sa isip ko. Gusto ko sana itanong kanina kay James kung bakit ganon sila kaso naunahan ng text ni Zyere na uuwi na daw siya.
Pero gusto ko makilala yung yellow hair na lalaking yon, feeling ko kase magkakasundo kami. Para kasi siyang bata pero kapag naging serious yung mukha niya matatakot ka talaga.
Bet ko din makilala yung lalaking lagi kong nahuhuling masama ang tingin sakin. Nakaka hurt ang lolo niyo wala naman akong ginagawa sa kaniya or sa kanila pero feeling ko pinapatay niya na ko sa isip niya.
Meron pang isa! Yung bata! Hindi ko alam kung bata ba talaga siya pero feeling ko kase bata pa talaga siya, 15 or 16 ganon pero ang nakakapag taka lang kung paano siya napunta don.
Lulo-luko din kaya yung batang 'yon katulad ng mga amo niya?