Hindi ko alam kung tama ba ang narinig ko o guni-guni ko lamang. Dumiretso na lang ako sa upuan ko at kunwari'y busy sa pagkalikot sa cellphone ko. Rinig na rinig ko ang pang-aasar nila kay Liam dahil sa pagbibigay nito ng pagkain kay Raine.
Lumingon ako sa direksyon nito at kita ko ang hiya sa itsura niya. Hindi ko alam kung dahil ba sa pang aasar ng iba o dahil binigyan siya ng pagkain ni Ian.
"Pinapabigay lang 'yan, 'wag kayong malisyoso!" rinig kong natatawang depensa ni Liam.
Nilingon ko ang direksyon ni Ian at nakitang nakatuon sa hawak nitong libro niya ang atensyon niya. Hindi ko alam kung bakit niya bibigyan ng pagkain si Raine dahil sa pagkakatanda ko ay ni isang beses ay hindi pa sila nagkausap.
Baka naman mali lang ang dinig ko, 'di ba? Baka inaantok lang ako kaya kung anu-ano na lang ang naririnig ko.
"Jen," rinig kong tawag niya sa akin.
Nilingon ko siya at tipid na ngumiti. "Hmm?"
Kahit anong pilit kong alisin sa isip ko ang narinig ay hindi ko magawa. That consumes my energy and made me weak. Sana nga ay mali ang iniisip ko ngayon...
"Gusto mo ng soda? Busog pa kasi ako..." alok niya ng binigay sa kaniyang soda.
Umiling ako at tipid na ngumiti, "'Wag na. Binigay sa 'yo 'yan ng manliligaw mo. 'Wag mong ipamigay sa iba."
Pansin ko ang pagbasa niya sa itsura ko. Para bang sinusubukan niyang alamin kung ano ang iniisip ko ngayon.
"M-may problema ba?" utal na tanong niya. Halata ang takot sa mga mata niya na para bang may nagawa itong masama.
"Ano namang magiging problema?" pabirong tanong ko. "Medyo masama lang ang pakiramdam ko. Para kang ewan!"
"Go back to your seats! Late na nga ako ng five minutes, hindi pa rin kayo nakaayos!" rinig kong sigaw ni Sir Adam.
Umayos kaming lahat ng upo at nanahimik. He's one of the strictest professor sa grade level namin kaya takot ang karamihan sa kaniya. And specially, siya ang adviser namin.
"As you all know, may quiz dapat tayo ngayon pero im-move ko on Wednesday,"
Rinig na rinig ko ang pag iingay ng buong klase at maski ako ay napa-yes din. Hindi naman sa hirap na hirap kaming lahat sa P.E. subject, talagang napakahirap niya kasing magpaquiz, lalo na kapag exam.
"Thank you, Sir! I love you!" umalingawngaw ang tawanan ng mga kaklase ko dahil sa biro ni Von.
"Tigil na! I have a reason why I moved your quiz. It's because I need you all, I mean all, to welcome and guide your new classmate."
Kung kanina'y napakalakas na tawanan ang naririnig ko, ngayon nama'y napakaingay na bulungan. Maski ako ay nakitanong din sa katabi kong si Von dahil curious din ako.
"Hindi ko rin alam. Wala naman akong nabalitaan." sagot niya bago nagkibit balikat.
"He's a transferee from Pangasinan." rinig kong sambit ni Sir Adam bago sinenyasan ang lalaki sa labas na pumasok na.
Mas lalong lumakas ang bulong-bulungan ng pumasok ang isang lalaking may katangkaran. His hair is messy and he has a piercing in his left ear.
Sinabihan siya ni Sir Adam na magpakilala kaya dumiretso siya sa harapan upang magsalita. "I'm Vince Corpuz. 18 years old and a swimmer." maikling sambit nito.
Ang kanina'y bulungan ay napalitan ng malakas na palakpakan. Nakipalakpak na rin ako kahit na hindi ko alam kung bakit kami pumapalakpak.
"You can seat beside Santos. The girl on the last row. Since 'yan nalang ang vacant as of now."
Napataas ang isa kong kilay sa narinig. So, sa tabi ko siya? Nasa last row kasi ako at kami lang ni Von ang nakapwesto rito dahil alphabetical order ang arrangement namin.
Nasa bandang kaliwa ko si Von at nasa harapan niya nakapwesto si Raine. Nasa bandang kanan ko naman ang vacant desk na para sa transferee.
Pinagmasdan ko ang lalaki habang naglalakad ito papunta sa tabi ko. He's walking like as if he owns the way. He looks like a jerk, if I'll be asked.
Tahimik siyang umupo pero ramdam ko ang taas ng self confidence niya. Ngayon pa lang ay hindi ko na maimagine ang sarili kong kinakausap siya. Halatang mayabang siya.
"Stop staring, alam kong gwapo ako. It's kinda awkward."
Napatawa na lamang ako ng mapait ng wala sa oras dahil sa sinabi nito. "I'm not staring."
Sabi na at mayabang!
"You know, it's fine. I understand." sambit niya bago inilapag sa sahig ang dala niyang school bag at sports bag.
Naiintindihan ang alin? Napakangin!
"I'm sorry to say this but I don't like you. And 'yang itsura mo? Pang tubig lang 'yan." asar na sambit ko.
Pigil ko ang sariling magmukhang pikon. Isang mapang asar na ngiti lang ang iginawad niya sa akin.
Ang yabang!
"Prepare two plain shirts and pants for tomorrow. Swimming ang sport na gagawin natin bukas. And it looks like we can see how talented Vince is." sambit ni Sir.
Napatingin kaming lahat kay Vince na taas noong nakangiti na tila ba tuwang tuwa sa mga naririnig.
"Oo nga! Ipakita mo sa amin bukas ang skills mo!" sigaw ng isa kong kaklase.
"Tama!"
"Oo nga!"
Naririndi na ako sa mga sinisigaw nilang lahat. Akala mo naman talaga ay napakagaling nitong lalaking ito. Sigurado naman akong amateur lang siya!
"That's enough. Let's proceed to the rules for tomorrow..." pag awat ni Sir sa mga nag iingay.
Pasimple kong kinuha ang cellphone ko sa bag at chinat si Raine.
Jen: Libre mo 'ko, tapos kwento mo na rin yung tungkol sa manliligaw mo
Kita ko ang pagbukas ni Raine sa bag niya dahil sa pagtunog nito. Hindi niya kasi isina-silent ang phone niya.
Raine: Mag-aral ka muna. Don't text me again.
Agad akong nagtype para asarin siya.
Jen: Say yes muna. I'll not stop unless you say so!
Raine: Oo na!
Agad kong ibinulsa ang phone ko pagkatapos kong mabasa ang sagot niya. Kailangan kong malaman kung tama ba ang nasa isip ko...
"So by twos ang mangyayari bukas. Isang marunong at isang hindi. Para may guide ang lahat throughout the class. I'll post the pair dito sa wall niyo after ng klase natin ngayon."
As soon as our class ended, para kaming mga hinahabol ng aso sa bilis ng takbo papalabas ng room. Nasa labas kasi ang wall na tinatawag namin. Dito nakapaskil ang lahat ng mga announcements.
Nakipagsiksikan ako para maunang makita ang partner ko. Wala naman talaga akong pakialam kung sino ang magiging partner ko. Gusto ko lang talagang makita.
Isa-isa kong tinignan ang mga pangalan at nakitang si Liam ang kapartner ni Raine. Hindi ko naman ineexpect na siya ang kapair ko dahil pareho kaming hindi marunong lumangoy.
Umabot ako sa pinakadulo ng listahan at nakita ang pangalan ko. Tinignan ko agad kung sino ang makakapareha ko at para akong tinamaan ng kidlat sa gulat.
Tinitigan kong mabuti ang pangalan ng kapareho ko. Guni-guni ko na naman ba 'to? Totoo ba? Sure na?
Jennelyn Santos — Ian Cruz ABM-12
Mukhang hindi naman pala masisira ang mood ko ngayong araw.