Naramdaman ni Mildred na humiwalay na sa halik si Kyle. Nabato siya sa lugar niya sa paghalik na ginawa ni Kyle.
"Nagulat ka ba?" tanong ni Kyle na obvious naman na nagulat talaga si Mildred sa ginawa nito. "I have to go."
Umalis na sa harapan ni Mildred si Kyle. Namanhid ang kanyang katawan. Sobrang bilis pa rin ng tibok ng puso niya na ultimo sasabok na ito sa sobrang kaba na nararamdaman niya. Napahimas siya sa kanyang labi.
"Hi...Hinalikan niya ko. Ito ang una kong halik."
Hindi pa rin makapaniwala si Mildred. Isang halik lang ang ginawa ni Kyle sa kanya pero parang may kumiliti sa kanyang tiyan na parang hindi niya alam kung ano ang gusto ng kanyang katawan.
Iniwan ni Mildred ang walis at tambo sa kusina at naglakad siya papuntang banyo. Biglang may naramdaman siya sa kanyang panty.
Sa banyo, pagkapasok na pagkapasok ni Mildred ay ibinaba niya ang kanyang panty. Tiningnan niya ito dahil naramdaman niya ang pagkabasa nito. Inisip niya na dadatnan na siya ngayong buwan pero wala siyang nakitang dugo. Kinapa niya ito at naramdaman niya ang malagkit na clear na likido.
Ano ito?
Matapos ni Mildred sa banyo ay lumabas na siya. Sa paglabas niya ay nakita niya rin na lumabas si Hilda sa kwarto nito.
Taas noo na nakatingin si Hilda sa kanya. "Ang aga mo naman? Nakita mo na si Sir Kyle?"
"Oo, Ate," sagot naman niya.
Walang emosyon na naglakad si Hilda. Naiwan naman si Mildred sa tapat ng banyo. Nagtataka siya na parang may something kay Hilda.
Biglang naalala ni Mildred na baka sabihin ni Kyle ang ginawang paghalik nito sa kanya kay Hilda?
Kailangan kong sabihin iyon kay Sir Kyle...
Pero paano?
***
NAKAHANDA na si Kyle papasok sa opisina. Nasa kwarto siya ngayon at inaayos ang kwelo ng polo niya nang biglang may kumatok.
Naglakad si Kyle papunta sa pintuan niya at binuksan ito. Bumungad sa kanya si Hilda. Pumasok ito sa kwarto niya at narinig niya ang pag-lock nito ng pinto niya.
"Anong napag-usapan niyo ni Mildred?" diretsang tanong ni Hilda sa kanya.
Napataas ng isang kilay si Kyle sa tanong ni Hilda. Daig pa nito ang girlfriend kung umasta. Pero mas inisip niya ang kalagayan ni Mildred.
"Wala. Bumati lang ako sa kanya. Ngayon ko lang kasi siya nakitang maagang gumising," rason niya dito.
Pansin ni Kyle ang pag-aliwalas ng mukha ni Hilda. Yumakap ito sa kanya pero hindi siya gumanti ng yakap dito. Napa-rolyo siya ng mata niya.
"Gano'n ba? Medy napa-paranoid lang ako. Baka makahanap ka na ng iba," ani Hilda.
Inalis ni Kyle ang pagkakayakap sa kanya ni Hilda. Ipinatong niya ang dalawang kamay niya sa magkabilang balikat nito.
"Ikaw lang. At wala ng iba," matamis na sabi niya dito.
Inalis niya ang kamay niya sa magkabilang balikat ni Hilda at kinuha ang itim na coat sa higaan niya at sinuot ito.
"Alis na ko. Huwag kang maging masungit kay Mildred. Sige ka... Baka mawalan tayo ng isa pang katulong," wika niya dito.
"Tsk. Mas okay na hindi mas bata ang kinuha natin," protesta pa ni Hilda.
"Anong gusto mo? Iyong uugod-ugod na?" sarkastikong tanong niya kay Hilda.
"Hindi naman... Iyong mga nasa 40's sana," katwiran pa ni Hilda.
"Hindi naman ikaw ang pipili kung saan magtatrabaho si Mildred. At isa pa, ikaw ba ang magpapasahod?"
Napansin ni Kyle na sumama ang tingin ni Hilda sa sinabi niya. Tumawa siya ng peke.
"Biro lang."
Pero totoo ang sinabi niya kay Hilda. Akala kasi nito na amo siya ni Mildred, parehas lang na katulong sila sa pamamahay niya.
I'll get rid of you soon...
"I'll go now. Be nice to Mildred," paalam niya kay Hilda at lumabas na siya ng kwarto niya.
Pagkababa ni Kyle mula sa unang palapag ay wala siyang nakitang tao. Naglakad lang siya hanggang sa malabas ng bahay. At sa paglabas niya ay dito niya nakita si Mildred na naglilinis. Nagpatuloy lang siyang maglakad at hindi pinansin si Mildred. Ngunit, nang makalagpas na siya kay Mildred ay napahinto siya nang tawagin siya nito.
"Sir Kyle."
Lumingon si Kyle at may pagtataka sa kanyang mukha na humarap siya kay Mildred.
"Yes?" prenteng wika niya.
"Sir, 'yong h-halik kanina---"
Hindi na pinatapos pa ni Kyle ang sasabihin ni Mildred. Dahil tingin niya ay may kahulugan ang halik na iyon.
"Wala iyon. Kalimutan mo na iyon," mabilis na sagot niya. "May sasabihin ka pa ba?"
Napansin ni Kyle na umiling si Mildred bilang sagot. "Wala na po."
"Alis na ko," paalam niya kay Mildred.
Lumabas na si Kyle ng bahay at sumakay ng sasakyan at pinaandar na ito.
Habang nasa daan si Kyle ay biglang sumagi sa isip niya ang paghalil na ginawa niya kay Mildred. Isang smack kiss lang ang ginawa niya, ngunit, nagkaroon siya ng epekto sa paghalik niya kay Mildred.
Ilang minuto ang lumipas ay nakarating si Kyle sa trabaho niya. Pagkaparada niya ng sasakyan ay pumasok na siya sa loob ng building. At sumakay siya sa private elevator.
Nang makarating si Kyle sa floor niya ay binati siya ng mga empleyado niya. Wala naman bago dahil ito lang naman ang routine niya kapag nasa floor na siya at puro pagbati ng mga empleyado.
Kung tatanungin kung sawa na ba siya sa pagbati sa kanya ng mga empleyado? Well, hindi naman. The more na pagbati ay the more na paggalang sa kanya.
Nakita ni Kyle ang isang lalaking sumalubong sa kanya.
"Good morning, Sir. I'm Kristof your secretary, Sir," pagpapakilala ng lalaki na nasa 20's ang edad.
Tumango si Kyle at pinagbuksan siya ni Kristof ng pinto.
"Come inside," utos niya kay Kristof.
Naglakad lang si Kyle hanggang sa makarating siya sa kanyang upuan at naupo. Hinarap niya si Kirstof at gusto niyang ma-interview ito.
"So, Kristof..." panimula niya. "Welcome to the company."
"Thank you, Sir, for a warm welcome to your company," pagpapasalamat naman ni Kristof.
Sunod ay nagtanong na si Kyle na animo'y ini-interview ulit. It was just a normal talk. At dito na-realize ni Kyle na mas magandang lalaki na lang ang kinuha niyang secretary noon pa man.
***
Biglang napa-isip si Mildred na wala lang iyon kay Kyle? Dahil ang alam niya na ang halik ay isang sagrado. Pag ika'y hinalikan ay iniibig ka nito.
Pero malaking bumabagabag sa isipan ni Mildred ang halik na iyon. Para siyang na-hipnotismo sa halik. Hindi siya mapakali at gusto niyang tanungin si Kyle.
Pumasok na si Mildred sa loob ng bahay. At sa pagpasok niya ay tinawag siya ni Hilda at inutusan siya nito.
"Ito..." Sabay lahad ni Hilda ng papel na naglalaman ng listahan na bibilhin. "Nandiyan ang mga bibilhin mo."
Kinuha naman ni Mildred ang papel at tiningnan ito. Napa-isip siya na ang daming ipapabili sa kanya.
"Sige, Ate Hilda."
"Ito ang pera." At bigay din ni Hilda ng pera.
Kinuha din ni Mildred ang pera at nagpaalam na siya kay Hilda.
Sa paglakad ni Mildred ng bahay ay palingon-lingon siya dahil naghahanap siya ng masasakyan. Ito ang unang pagkakataon niya na mamalengke. Ang problema nga lang ay hindi niya pa kabisado ang lugar. Kaya naman ay naglakad na lang siya. Naglakad lang siya kung saan natatandaan niya kung paano siya pumasok sa subdivision.
Natatandaan naman ni Mildred ang mga nadaan niya sa loob ng subdivision. Hanggang sa, may humintong tricycle sa tabi niya. Nilingon niya ito. Isang lalaking mukhang nasa 20's din.
"Saan ang punta, Ate?" tanong ng tricycle driver sa kanya.
Nagdadalawang-isip na sumagot si Mildred dahil sa laki ng subdivision ay may susulpot na tricycle sa kung saan.
"Huwag kang mag-alala. Hindi ako masamang tao. Kilala ako dito. May suki akong hinahatid dito," kwento nito sa kanya.
"Mamamalengke kasi ako. Wala akong masakyan dito sa loob," sagot niya naman.
"Wala ka talagang masasakyan dito. Sa labas pa ng subdivision ka pa makakasakay." Pinasadahan si Mildred ng tricycle driver. "Bago ka lang dito?"
Tumango naman si Mildred.
"Kaya pala. Pero dapat hindi ka nag-iisang maglakad. Delikado lalo na at nalalaman nila kung taga-dito ka o hindi," babala nito. "Halika na. Samahan na kita papuntang palengke. Baka mapaano ka pa."
Sumakay naman si Mildred sa loob at naramdaman niya na umandar na ang tricycle.
Habang nasa daan sila ay nagpakilala sa kanya ang tricycle driver.
"Ako nga pala si Arnold. Ikaw?"
"Mildred," simpleng sagot niya.
"Mildred, kung sakaling may kailangan ka ay kontakin mo lang ako. Nandiyan ang kontak ko sa nakapaskil diyan na. Asa harap mo," ani Tricycle Driver.
Tiningnan ni Mildred ang nakapaskil at kinuha niya ang cellphone upang kunin ang number ni Arnold. Nang mai-save niya na ang number nito ay nagpasalamat na siya.
Nang makarating sila sa palengke ay sinabi ni Arnold sa kanya na hihintayin na lang siya nito kapag natapos na siyang mamili.
Lagpas isang oras nang matapos si Mildred na mamili. Bitbit ang napakaraming plastik. Tinulungan naman siya ni Arnold na mailagay sa tricycle ang mga plastik.
"Saan ka nga pala sa subdivision na iyon?" tanong ni Arnold habang iniligay ang huling plastik sa loob ng tricycle.
"Kay Sir Kyle Montero," sagot naman niya.
"Talaga? Himala at may bagong katulong na siya. Isa lang masasabi ko sa iyo, mag-iingat ka. Huwag kang mahuhulog sa gwapong itsura niya," babala na naman nito sa kanya.
Napakunot ang noo ni Mildred sa sinabi ni Arnold. "Bakit mo nasabi 'yan?"
Nagkibit-balikat si Arnold. "Gusto mo ba mg kwento?"
Nasa isip ni Mildred na mukhang interesting ang ike-kwento ni Arnold tungkol kay Kyle.
Ano ang alam niya kay Sir Kyle?
"Sige pero hindi sa ngayon. Kailangan kong magmadali dahil baka magalit si Ate Hilda sa akin at ang tagal ko," wika niya dito.
Umalis na silang dalawa sa palengke. At mabilis na nakarating sa subdivision. Nang nasa tapat na sila ng bahay ni Kyle ay binayaran niya si Arnold at nagpaalam na siya dito.
Sa dami ng pinamili ni Mildred ay pabalik-balik niyang kinuha ang mga plastik at dinala sa loob ng bahay. Hindi siya tinulungan ni Hilda kahit nakita na siya nitong labas-pasok sa bahay.
"Buti nakabalik ka kaagad? Hindi ka naligaw?" may pag-aalala sa boses ni Hilda nang tanungin si Mildred.
Nagtaka si Mildred sa pag-aalala nito. Pero hindi man lang siya tulungan sa pinamili niya na ipasok sa loob ng bahay.
"Tinulungan ako ng isang tricycle driver," sagot niya habang papunta siya ng sala at naupo sa sofa.
"Sinong tricycle driver ang tumulong sa iyo?" takang tanong naman sa kanya ni Hilda.
"Si Arnold, Ate. Napakabait niya nga eh," saad niya pa.
Nagulat si Mildred nang lumapit sa kanya si Hilda. Hinawakan nito ang dalawang kamay niya.
"Sa susunod na mamalengke ka ay magkasama na tayo. Magpapasama tayo kay Sir Kyle."
Laking pagtataka ang nasa mukha ni Mildred. Himala at naging malumanay itong magsalita.
"Sige, Ate," tugon niya naman. "Pero mabait naman si Arnold."
Huminga ng malalim si Hilda. "Si Arnold kasi ay masamang tao. Hindi mo pa siya kilala ng lubos. Sa umpisa mabait pero may ibang pakay naman pala sa iyo."
Biglang nag-isip na naman si Mildred. Tama naman ang sinabi sa kanya ni Hilda.
"Tandaan mo... Nandito ka sa Maynila. Hindi safe dito," dagdag pa ni Hilda.
Biglang nalungkot si Mildred dahil akala niya ay may magiging kaibigan na siya, ngunit, wala rin pala. Kaya naman ay susundin na lang niya ang sinabi ni Hilda.
"Ako na dito. Magluluto muna ako. Maghintay ka na lang na tawagin kita," saad pa ni Hilda sa kanya.
Tumango naman si Mildred bilang sagot.
Pumunta muna si Mildred sa kanyang kwarto. Naupo siya sa kanyang kama. Inilabas niya ang kanyang cellphone upang i-text si Arnold. Nagtipa lang siya, ngunit, binura niya rin kaagad at nauwi sa hindi pag-send ng message niya.
Hindi ko na kailangan pang sabihin sa kanya...
"Mildred?"
Napalingon si Mildred sa kanyang pintuan nang marinig niya ang pagtawag ni Hilda sa kanya.
Tumayo si Mildred mula sa kanyang pagkakaupo at naglakad papunta sa pinto at binuksan ito.
"Kain na." Sabay ngiti ni Hilda sa kanya.
Ngumiti din siya kay Hilda pabalik. Naunang naglakad si Hilda at sumunod naman siya dito. Nang makarating sila ng kusina ay naamoy niya ang mabango at masarap na luto ni Hilda.