Ding-Dong. Pag-doorbell ni Mildred sa labas ng isang malaking bahay habang bitbit niya ang malaking eco bag na naglalaman ng kanyang mga damit.
Hindi nagtagal ay may lumabas na katulong na hindi naman katandaan. Pinagbuksan siya ng gate nito.
"Sino ka?" Masungit na tanong ng katulong kay Mildred.
"Ako po si Mildred Sta. Maria. Dito po ako pinadala ng employer ko. Ito po ba ang bahay ni Mr. Kyle Montero?" Nahihiyang sambit ni Mildred sa katulong.
Pinasadahan siya ng tingin ng katulong at kalaunan ay pinapasok din siya.
"Oo, ito nga." Masungit na sagot ng katulong kay Mildred. "Pasok." At naunang pumasok ang katulong sa loob ng bahay.
Isinara ni Mildred ang gate at matapos iyon ay sumunod na siya sa katulong.
Parang hindi nakatanggap ng pagka-welcome si Mildred sa katulong.
Habang papasok sila ay namangha si Mildred sa loob ng bahay. Ito ang unang pagkakataon na nakapunta siya ng Maynila at lalong ito ang kauna-unahan niyang pagpasok sa malaking bahay. Inilibot niya ang kanyang paningin sa loob ng bahay. Mga figurine na sa tingin niya ay mamahalin. Ngunit, wala siyang nakitang mga picture frame o iba pang mga dapat nailagay sa buong bahay. Sadyang malinis ang kabuuan ng bahay.
Tingin ni Mildred ay nasa sala sila ngayon. Humarap sa kanya ang katulong.
"Ako si Hilda." Mataray na pagpapakilala ni Hilda sa sarili. "Ito ang sala, sa kabila naman ay ang kusina, may pool din sa labas, ito lang ang lilinisin mo. Sa paglalaba ay ako ang kukuha sa kwarto ni Sir Kyle ng mga damit niya pero ikaw rin ang maglalaba. Huwag na huwag kang aakyat sa pangalawang palapag, kundi ako lang. Naiintindihan mo?"
Ngumiti ng bahagya si Mildred. "Hehe. Opo."
Biglang naisip ni Mildred na ang tanging gagawin lang ng katulong ay ang magluto dahil ang sinabi lang ni Hilda ay maglilinis lang siya.
"Sa pagluluto po?" tanong ni Mildred.
"Ako ang magluluto." Mabilis na sagot ni Hilda. "Nandoon ang kwarto mo sa katapat ng sa akin."
"Sige po," sagot ni Mildred at pumunta na siya sa magiging kwarto niya. Hindi naman siya nahirapan hanapin ang magiging kwarto niya dahil ang kay Hilda ay may pangalan na nakasabit sa pintuan nito.
Inilagay lang ni Mildred ang malaking eco bag niya sa kwarto niya at lumabas na siya ng kwarto niya upang maglinis.
"Saan ang punta mo?" Mataray pa rin na tanong ni Hilda sa kanya.
"Sa kusina po. Kukuha po ako ng walis at tambo. Maglilinis po kasi ako," sagot ni Mildred.
"Sige. Maglinis ka na," sambit ni Hilda.
Akmang pupunta na si Mildred sa kusina nang maalala niya si Kyle. "Ano... Ate Hilda, si Sir Kyle po?"
"Mamayang gabi pa siya uuwi. Laging gabi siya umuuwi," sagot ni Hilda na nakataas pa rin ang isang kilay nito. "May itatanong ka pa ba?"
Umiling si Mildred. "Wala na po." Ayaw na niyang magtanong dahil natatarayan na siya kay Hilda.
Pumunta na si Mildred sa kusina at kinuha ang walis at tambo at nagsimula na siyang maglinis ng buong bahay.
Lumipas ang mahigit na oras ay natapos na din si Mildred. Bumalik siya ng kwarto niya upang magpahinga. Pagod at gutom ang kanyang naramdaman matapos iyon. Ngunit, hindi siya ang tagaluto kaya naman ay magtitiis na lang muna siya.
Sa paghihintay ni Mildred ay hindi siya makatiis at lumabas na siya ng kwarto niya. Dumiretso siya sa kusina at nakita niyang nagluluto na si Hilda.
"Ate Hilda, si Sir Kyle po ba ay nandito na mamaya?" tanong na naman ni Mildred tungkol kay Kyle.
Matalim na tingin ang ibinigay sa kanya ni Hilda. "Bakit ka ba tanong ng tanong tungkol kay Sir Kyle? Hindi mo siya makikita dahil madaling araw ay lagi siyang umuuwi."
Muli ay nagtanong si Hilda sa kanya. "Bakit? Interesado ka ba sa kanya?" May larong ngiti na nakasilay sa labi ni Hilda.
"H-H-Hindi po. Gusto ko lang po makilala ang magiging boss ko." Nauutal na sagot ni Mildred.
"Hindi mo siya makikita. Ang tanging hintayin mo na lang ay ang sahod mo," sarkastikong sabi ni Hilda.
At nang matapos si Hilda ay isinabay na nito si Mildred sa pagkain. At matapos silang kumain ay naghugas pa si Mildred ng pinagkainan nila.
Matapos iyon ay naligo na si Mildred at nag-toothbrush na rin upang mamaya ay hindi na siya lalabas ng kwarto niya.
Nang matapos na si Mildred sa lahat at nakaligo na siya at nakapagsipilyo na rin siya ay nagkulong na siya sa kanyang kwarto.
Lungkot ang nararamdaman ni Mildred ngayon dahil nawalay siya sa kanyang pamilya. Hindi man niya gustong lumuwas ng Maynila upang magtrabaho ay napilitan siya dahil gusto niyang tumulong sa kanyang magulang na matatanda na. Akala niya ay may makakausap siya sa kanyang trabaho, ngunit, ang sungit ni Hilda sa kanya.
Ipinikit ni Mildred ang mata niya at nagsimula na siyang matulog.
Lumipas ang ilang oras ay nagising si Mildred. Tiningnan niya ang orasan na nakasabit sa dingding ng kwarto niya. Alas-dos ng madaling araw pa lang. Marahil ay dala ng paninibago niya ay mababaw lang ang tulog niya.
Nakaramdam ng pagtawag ng kalikasan si Mildred. Kaya naman ay bumangon siya sa kanyang kama at isinuot ang kanyang mumurahing tsinelas at lumabas na siya ng kwarto. Malapit lang naman ang banyo ng katulong at katabi lang ng kwarto ni Mildred ang banyo.
Pumasok na si Mildred sa loob ng banyo at nagsimula na siyang bumanyo. Wala pang isang segundo ay natapos na din si Mildred. Pagkalabas niya ng banyo ay naglakad na siya papunta sa kanyang kwarto. At nang akmang papasok na siya ay napahinto siya sa pagpihit ng doorknob nang may marinig siya sa kwarto ni Hilda na mahihinang salita.
Dahan-dahan na naglakad si Mildred papunta sa kwarto ni Hilda. Nang nasa tapat na siya ng pintuan ni Hilda ay inilapit niya ang kanyang ulo sa pintuan ni Hilda. Idinikit niya pa ang tainga sa pintuan ni Hilda upang marinig niya ang pag-uusap sa loob ng kwarto ni Hilda.
"Ahh... Tama na... Ahh..." Tanging iyon ang naririnig ni Mildred kay Hilda.
"Shhh... Hindi pa ko tapos. Marami pa itong lumalabas sa iyo."
Nagulat si Mildred nang marinig niya ang isang boses ng lalaki. Ang lakas ng kabog ng dibdib ni Mildred. Ngunit, hindi niya alam itong nararamdaman niya.
Ngunit, biglang naisip ni Mildred na nagdala si Hilda ng lalaki sa pamamahay ni Kyle.
Ngayon ay palakad-lakad si Mildred sa harap ng pintuan ni Hilda habang siya ay nag-iisip kung sasabihin niya ba ito kay Kyle. Ngunit, napahinto din siya sa paglakad at bigla niyang naisip na huwag na lang niya sabihin kay Kyle dahil baka siya naman ang pagbuntunan ng galit ni Hilda.
Kaya naman ay bumalik na lang si Mildred sa kanyang kwarto at nahiga sa kanyang kama. Ngunit, hindi siya makatulog at sobrang mulat na ang kanyang mata. Hindi niya akalain na ganito pala si Hilda.
Naisipan ni Mildred na kunin ang kanyang cellphone na de-keypad at nagpadala siya ng mensahe sa kanyang magulang na okay lang siya sa pinasukan niyang trabaho.
Ang kailangan lang ni Mildred ngayon ay pagtiyagaan ang pagtatrabaho kay Kyle. At kung sakaling maka-ipon na siya ay puwede na siyang umuwi sa kanila.
Matapos reply-an ni Mildred ang magulang niya ay inilagay niya sa ilalim ng unan niya ang cellphone niya.
Kinuha naman ni Mildred ang isang unan at niyakap ito wari'y ito ay ang magulang niya.
Ma, Pa, miss ko na kayo...
Napaiyak si Mildred nang isipin niya ang kanyang magulang. At sa kanyang pag-iyak ay nakatulog siya ulit.
Tok, Tok, Tok. Katok mula sa labas ng pinto ni Mildred.
Nagising si Mildred sa pagkatok sa kanyang pintuan. Tarantang bumangon siya sa kanyang kama at sinuot ang tsinelas. Matapos iyon ay madali siyang naglakad papunta sa kanyang pintuan at binuksan ito. Bumungad sa kanya ang mataray na mukha ni Hilda.
"Anong oras na?! Wala ka pa bang balak na maglinis?!" Inis na sabi sa kanya ni Hilda habang naka-cross ang mga braso nito.
"S-Sorry, Ate Hilda. Pagod lang ako kahapon," dahilan ni Mildred.
"Alam mo... Hindi mo kailangan na humingi ng paumanhin dahil trabaho mo ang maglinis." Masungit na sabi ni Hilda sa kanya. "Bilisan mo at maglalaba ka pa." At umalis na si Hilda sa harapan ni Mildred.
Nalulungkot si Mildred sa inasta ni Hilda sa kanya--- animo'y isang amo na nag-uutos sa isa pa nitong kasambahay.
Lumabas na si Mildred ng kwarto niya. Naghilamos muna siya at pagkatapos ay pumunta na siya ng kusina at kinuha ang walis at tambo. Nagsimula na siyang maglinis.
Sa paglilinis ni Mildred ay ramdam niya ang sumasakit na tiyan niya, dala ng pagkagutom. Mas inuna niyang inisip na maglinis muna bago ang mag-almusal. At sa pagwawalis ni Mildred ay ibinagsak sa kanyang harapan ni Hilda ang isang basket na may laman na puro damit ng lalaki.
"Labhan mo iyang damit ni Sir Kyle." At umalis na si Hilda sa harapan ni Mildred.
Hindi naman karamihan ang lalabhan ni Mildred na damit ni Kyle kaya kampante naman siya. Inisip niya na mamaya niya na lang labhan ang damit ni Kyle pag natapos na siyang mag-almusal.
Matapos maglinis ni Mildred at matapos din siyang mag-almusal ay nilabhan niya na ang damit ni Kyle. At sa kanyang paglalaba ay may ibinagsak na isang basket na naman si Hilda. Kaya naman ay napatingin si Mildred sa basket na ibinagsak ni Hilda.
Ngayon naman ay punong damit naman ito. "Isama mo na rin 'yong sa akin." Sabay alis ni Hilda.
Sa bawat pagbigay ni Hilda sa kanya ng mga gagawin ay lagi itong umaalis agad. Hindi man lang siya hayaan na pagsalitaan ni Hilda.
Akala ni Mildred ay kaunti lang ang kanyang lalabhan. Ngunit, idinagdag pa ni Hilda ang gagawin niya. Hindi naman na nagreklamo si Mildred dahil ang pagkain niya ay nakaasa kay Hilda dahil ito nga ang nagluluto.
Pero si Mildred pa rin ang maraming ginagawa kaysa kay Hilda. At hinihiling ni Mildred na sana ay mataas man lang ang sahod na makuha niya upang makapagpadala siya sa kanyang magulang agad.
Lumipas ang mahigit isang oras ay natapos na si Mildred sa paglalaba. Sobrang napagod siya at masakit na ang kanyang kamay sa paglalaba. Dala na rin ng pagkakaupo niya ay sumakit din ang kanyang likod. Unti-unti niyang iniunat ang kanyang katawan, ngunit, sobrang sakit.
Pinilit ni Mildred na tumayo at kinuha ang mga napiga niyang mga damit. Ngayon ay isasampay niya na ang mga damit. Kumuha siya ng isang damit upang isampay na ito, ngunit, bigla na lang umikot ang paningin niya at hindi niya namalayan na bumagsak na siya sa sahig.
***
NASA kalagitnaan ng daan si Kyle nang isa-isa niyang isipin kung may nakalimutan ba siyang dalhin papasok sa kanyang trabaho.
"May charger... May phone... Oh shoot!" Bigla siyang nagulat nang maalala niya ang kanyang suitcase. "I forgot that one. That was really important. Dang!"
Agad siyang kumaliwa upang bumalik sa kanyang bahay. Mabilis siyang nagmaneho pabalik sa bahay niya.
Nang makarating si Kyle ay agad siyang lumabas ng kotse niya at pumasok sa bahay. Pagkapasok na pagkapasok niya ay sinalubong siya ni Hilda.
"Kyle," mahinang sambit ni Hilda sa kanya.
Why Hilda only say Kyle's name? Hindi ba dapat ay Sir? Well, ang lalaking katalik ni Hilda nang gabing makita ni Mildred ito ay si Kyle.
Mayroon na namamagitan kay Kyle at Hilda. It was a boss and maid thingy.
Si Kyle Montero ay isang businessman na sa tingin ng iba ay complete package na. The looks, his muscular body and even being a gentleman with other women. Pero iyon lang ang alam ng mga kakilala niya. They didn't know that Kyle was having a thing with his maid, Hilda.
But, little didn't know with Hilda. Hindi lang ito ang parausan ni Kyle. Kyle even have affair with his client's, mga babaeng client na kapag napansin niya ng inaakit siya ay aakitin niya din ito. Well, hindi na siya nagpapatumpik-tumpik pa at ito na ang kanyang pagkakataon.
About libido's Kyle, sobrang taas nito at sa kanyang pag-uwi ay nakakatalik niya pa si Hilda.
In his 30's, dapat ay nag-settle down na siya. Ngunit, hindi, maybe there was a reason why is he not settling down.
"Ang aga mo naman umuwi ngayon," saad ni Hilda habang natataranta ito. "Baka makita ka ni Mildred?"
Tumingin ng pagtataka si Kyle kay Hilda. "Why? May problema ba kung makita niya ko?"