Binuhat ni Rayver palabas ng kotse si Stephanie,tulog n tulog ito dahil sa kalasingan. Nagdoorbell ito saktong may papalabas ng gate na bisita ng pamilya ng Dalaga na pinagkamalan niyang Mommy ni Stephanie. Isa itong mayaman na ginang at mukhang mabait kaya nilakasan ns lamang niya ang kanyang loob upang magpakilala.
" Hi Mam. Ako po si Rayver Soriano , lasing na lasing po anak niyo kaya hinatid ko na siya," paliwanag nito sa napagkamalan na Mommy ni Stephanie.
" R-Rayver Soriano ? The one who had a heart transplant ?" tanong nito sa binata.
" O-Opo , paano niyo po nalaman ? " nagtatakang sagot ni Rayver.
Subalit imbes na sagutin nito ang binata ay maluha luha nitong niyakap si Rayver. Muli niyang naramdaman na parang nabuhay ang anak niya subalit nag-alangan siyang sabihin dito na siya ang Mommy ng heart donor niya kung kaya't nagpaalam na lamang ito . Sinabi din ni Mrs. Guttierez na nasa loob ang Mommy ni Stephanie.
Hindi na ginawang big deal ni Rayver ang pagyakap sa kanya ng Ginang. Kaya't pumasok na lamang ito sa mansyon kahit nahihiya sa mga magulang ng Dalaga. Pinaliwanag nito sa mga magulang ni Stephanie ang nangyari at kung sino siya . Inaalok siya ng mga ito na magkape muna subalit tumanggi na ito dahil malalim na din ang gabi.
Habang si Dixie ang Mommy ni Dexter ay kausap ang kanyang asawa na si Lester .
" Daddy , I've met him, nakilala ko na ang nakatanggap ng puso ni Dexter" sabi nito sa asawa.
" Talaga ? Ano ? Kamusta naman siya? " Sunod-sunod na tanong ni Lester.
Naisipan paimbestigahan ng mag-asawa si Rayver. Nais nilang malaman ang lagay nito at nais din nilang mapalapit dito . Masayang masaya ang mag-asawa na tila ba'y nabuhay ang kanilang anak sa katauhan ni Rayver na halos mukhang kasing edad din ng kanilang anak.
Kinabukasan, humingi na naman ng tawad si Stephanie sa kahihiyan na nagawa na naman niya. Nginitian na lamang siya ni Rayver at kinuwento niya ang biglaang pagyakap sa kaniya ng bisita nila. Narinig ni Stephanie na bumisita ang kanyang Tita Dixie kagabi subalit nagtataka ito kung bakit niya niyakap ang Binata. Naging palaisipan kay Stephanie ang ugnayan ng kanyang Tita Dixie kay Rayver. Sinubukan niya itong tawagan subalit walang sumasgot sa telepono nito.
Nang siya ay umuwi , narinig niyang nag-uusap ang kanyang mga magulang. Nalaman niya na na-donate pala ang puso ni Dexter. At ang nakatanggap nito ay walang iba kundi si Rayver. Kakaibang saya ang naramdaman ni Stephanie tila ba ay naramdaman niya na hindi siya tuluyang iniwan ni Dexter.
Pagkatapos itong malaman ay , agad itong tumawag sa binata.
" Hi R-Rayver , " masayang bati nito sa Binata .
" O Steph, buti naman hindi ka lasing ngayon. " pabiro nitong sabi sa Dalaga.
Nakipagkuwentuhan lamang si Stephanie sa kanya. Sobrang nanibago siya sa Dalaga dahil ang dating matipid sumagot ngayon ay halos nagkukuwento na din. Natutuwa siya na kahit papaano ay may malaking pagbabago na din si Stephanie. Madaling araw na nang matapos silang mag-usap buti na lamang ay wala silang pasok kinabukasan.
Binuhay ni Stephanie kay Rayver ang yumaong kasintahan. Minsan ay niyaya niya ito sa paboritong Restaurant ni Dexter.
" Naku , Steph. Wala akong budget pa sa ganitong kamahal na Restaurant e," nahihiyang sabi ni Rayver.
" It's Okay Rayver . Ako na ang bahala sau," sabi ni Stephanie.
" Wag na. Nakakahiya naman sayo e, gusto mo sa iba na lang tayong kumain ," pagtanggi ni Rayver.
" Please pagbigyan mo na ako Rayver , dito na lang tayo," pagmamakaawa ni Stephanie.
Pumayag na lamang si Rayver sa nais ng Dalaga. Habang tinititigan niya ito na sarap na sarap din sa paboritong pagkain ni Dexter ay tila bang nasisiyahan ito na parang ka-date na din niya ang kasintahan.
" So what do you think Rayver ? Is it something that can be one of your favorite?" tanong nito na sabik na sabi sa sagot ng Binata.
Napatango na lamang ang Binata sabay sabing " Babayaran ko 'to sa sweldo natin," sabi ni Rayver na hiyang hiya .
" No , isipin mo na lang na treat ko yan sayo sa lahat ng mga oras na inabala kita ," nakangiting sabi ni Stephanie.
Walang nagawa si Rayver kundi sumangayon na lamang sa kagustuhan ng Dalaga. Napansin ni Rayver ang pagbabago ng pakikitungo sa kanya ni Stephanie na lubusan niyang pinagtataka dahil ang dating mataray na Dalaga ay sobrang naging clingy at malambing sa kanya. Madalas din nitong gustong magkasama sila.
Naging maalaga din ito kay Rayver lalo na sa pag nasa site ito at napapansin niya na pawisan ang binata. Hindi man maintindihan ni Rayver ay natuwa na din siya sa pagbait sa kanya ni Stephanie. Isang araw ay dinala siya ng Dalaga sa puntod ni Dexter.
" Dexter ,ito pala si Rayver Soriano. " sabi nito sa puntod ng nobyo na tila ba ay may pinapahiwatig.
Maya-maya ay umalis na din sila sa Sementeryo. Dinala naman niya si Rayver sa paboritong tagpuan nila ni Dexter at sinubukan kung magugustuhan ba ng Binata ang lugar.
" So what do you think of this place ?" tanong ni Stephanie.
" Nice. Napakaganda ng lugar , " ani nito na kinatuwa ni Stephanie. Lumundag sa tuwa si Stephanie na mistulang bata. Nagpuhat ito sa binata sa likod niya. Habang nakasalabay ito ay pumikit siya. Inisip niya na nakasalabay siya kay Dexter.
Naging sobrang saya si Stephanie sa piling ni Rayver na iniisip niya ay si Dexter na kanyang Nobyo. Bumalik na din ang dating sigla ng Dalaga na nawala nung namatay si Dexter. Dahil sa naramdamang ito ni Stephanie napagdesisyunan niya na ayaw niya ng magpaligoy-ligoy pa. Gusto niya nang ganap na mapasakanya si Rayver at magkaroon sila ng ayos na label. Hindi niya na hahayaan na mawala na naman ang kinikilalang nobyo niyang si Dexter sa katauhan ni Rayver na mawala na naman sa pangalwang beses kung kaya't siya na ang naglakas ng loob para magtapat.