Nang marinig iyon sa lalaki ay agad syang nagpaalam sa kapatid. Iritang nagtungo sya sa kanilang room para doon magpalipas ng nararamdamang inis para sa lalaki.
How dare him forget her?
Halos patayin na nya ito ng tingin kanina habang pinapasadahan sya ng malamig na tingin. Nakakairita!
"AMETHYST VELLARDE!"
Isang matinis na tinig ang umalingawngaw sa hallway ng kanilang floor. Nakangiting bumungad sa may pintuan ng kanilang room ang kanyang bestfriend since childhood, na si Lorainne Madrigal a.k.a Raine.
"BESH!!! NAMISS KITA, HINDI MO BA NAMISS ANG BESHY MO?" malakas nitong sigaw saka nagtatakbong lumapit sa pwesto nya bago sya niyakap ng mahigpit.
Pinalo nya ang braso nito dahil hindi na sya makahinga sa sobrang higpit ng yakap. Buti na lang at kokonti pa lang ang estudyanteng nasa loob ng room kaya hindi masyadong nakakahiya ang kaingayan ng kaibigan.
"C-Can't-- C-Can't breath, Raine!"
"Ayyyy... S-Sorry! Masyado akong naexcite to see you kase." Saka sya nito binitiwan agad.
Hinaplos-haplos nya ang kanyang dibdib bago ito binigyan ng masamang tingin.
"Nahiya ako sa pagkamiss mong babae ka. Eh nasa bahay ka kaya kahapon."
"Huh? Nagpunta ba ako sa inyo kahapon?"
"Tingnan mo'to. Naging makakalimutin ka na. Iba talaga kapag nagkaka-age na, nagiging ulyanin."
Ngiting nagwagi sya ng kumunot ang noo nito. At ilang minuto pa ang hinintay para magets iyon ng kaibigan.
Isang malakas na palo ang natanggap nya dito nang marealize ang kanyang sinabi.
"Ang sama mo talaga! Hindi pa ako tumatanda. Dalaga pa kaya ako, duh!"
"If you say so!"
"Nakakainis ka talaga! Pareho kayo ng kapatid mo. Mga bwesit!"
Busangot ang mukhang umupo ito sa kanyang tabi. Humalumbaba at diretsong nakatingin sa harapan.
"Atleast love mo naman!" aniya.
"Huh? Love? Sino? Ang kuya mo? Syempre naman!"
Isang nakalolokong ngiti ang ibinigay sa kanya nito. She rolled her eyes at her bestfriend bago humalukipkip.
"Edi sya na love mo! Bakit sya ba bestfriend mo? Boyfriend mo yun? Eh hindi ka nga pinapansin eh. Hmp! Sige dun ka na!" may bahid ng pagtatampo sa kanyang boses.
Raine encircled her arms on her.
"Sus! Tampo naman beshy ko! Syempre ikaw ang love ko. At isa pa, soon magiging boyfriend ko din ang kuya mo. Kaya hindi kita aawayin," paglalambing nito sa kanya.
Bahagya nyang tinulak ang ulo nito na nakaakap sa kanyang braso.
"YAN! Yan ang alam mo! Hindi kita ilalakad dun. Hindi ka nya type. Ihahanap na lang kita ng bago."
Nagpapadyak ito saka bumitaw sa kanya.
"Ah basta! I have my ways to make him fall for me. Watch and see, my dear soon-to-be-sister!"
Ngumiti pa ito ng may pagpupursige.
"Bahala ka!"
Ilang minuto pa ay nagsidatingan na din ang iba pa nilang classmates, kasunod ang kanilang prof.
Katulad sa highschool every first day ay nagpakilala lang sila, ilang introduction sa kanilang subject topic at ganun din sa mga sumunod na subjects. Wala pang masyadong klase dahil unang araw pa lang naman.
Pa easy-easy muna sila sa ngayon dahil first sem pa lang.
Pagdating ng break ay sabay silang nagtungo sa cafeteria para bumili ng snacks. Nasa bungad pa lang sila ng cafeteria ay dinig na dinig na nila ang sigawan ng mga kababaihan sa loob. Pagpasok ay halos lumuwa na ang kanyang mga mata sa nakikita.
Nakapalibot ang halos lahat ng mga babae sa isang grupo na nasa pang waluhang table. Bawat isa sa kanila ay may mga hawak na poster or whatsoever na pinapalagyan ng autograph. At may iba namang kalalakihan na hindi mapigilang mairita dahil sa atensyong nakukuha ng grupo nila kuya kesa sa mga ito.
Mukhang sikat na sikat nga talaga ang banda ng kuya nya sa Villarca.
"Nakakainis! Ang kakapal naman ng mga babaeng yan para lapitan at hawakan ang asawa ko. Hmp!" pagmamaktol ng kaibigan nya. May pahampas-hampas pa itong nalalaman. At ang tingin-- halos patayin na ang mga babaeng malapit sa kuya nya.
"Hoy! Baka makapatay ka na dahil sa pagiging obssess mo sa kuya ko," pang-aasar nya.
"DUH! I'm not obssess with him! At isa pa, hindi ko gagawin iyon dahil ayokong mabahiran ng karumihan ang mga kamay ko. Ang gusto ko, sila mismo ang papatay sa sarili nila." Saka ito tumawa na parang witch.
"Baliw!" bulong nya bago magpatiunang maglakad patungo sa table ng kapatid.
"Wait for me Beshy!" nagtatakbong hinabol sya nito saka kumapit sa braso nya. "May lahi ka bang kabayo? Ang bilis mo kaseng tumakbo eh! HAHAHAHA!" Hindi nya ito pinansin bagkus ay matamang nakatingin sa isang lalaki ang kanyang mga mata.
"Hoy! Bakit parang natahimik ka na dya--" Naputol ang sasabihin nito ng mapatingin sa lalaking nakangiti sa babaeng nagpapa-picture.
"Ohhhwww!! Sino nga ulit yan? Ah wait, let me think it first." Nag-isip ito na para bang may maiisip talaga. "AHAAAA! Naalala ko na. HAHAHAHAHA! LANGHIYA! Ang epic talaga ng pagkapahiya mo nun Beshy! HAHAHAHAHA!"
Napairap sya. At ginawa na naman syang katatawanan nito lalo na kapag naaalala ang nangyari noong seventh birthday nya.
"Shut up Raine!" singhal nya dito. Tumigil naman ito pero nagpipigil pa rin ng tawa.
"EXCUSE MEEEEEE!" malakas nyang sigaw na ikinatigil ng mga nasa table. Napatingin sa kanya ang mga babaeng nagkakagulo sa limang kumag.
Napataas ang kilay nya ng tingnan sya ng may mapanuring tingin ng isang babaeng may makapal na make-up. Yun yung nginitian ni Clyde. At kaya sya nanahimik kanina ay dahil nakita nya itong ngumiti, ngunit hindi sa kanya kundi sa ibang babae.
"Ohh, magpapapicture ka din ba sa kanila?" tanong nito na para bang nanghahamok. "Sorry miss! Pero kami kase ang nauna eh. May pili, hindi mo ba nakita? Pumila ka pwede?"
Pumila ka daw kase Amethyst eh! Pila-pila din pag may time! Umangat ang gilid ng kanyang labi sa narinig. She cross her arms.
"For your info Miss Whoeveryouare! Kahit hindi ako humingi ng autograph mula sa kanila bibigyan nila ako ng kusa. At isa pa, hindi ko na kailangan pang pumila para doon because I'm the priority here. At huwag mong ipagmayabang sa'kin na nauna ka dito dahil una sa lahat hindi pa buo ang banda kasama ko na sila. Gets mo ba? Kaya CHUPI!"
Natigilan ang babae. Isang malakas na palakpak naman ang ibinigay ng kanyang kapatid sa kanyang magandang entrance. Tumayo ito saka lumapit sa kanila ng kaibigan. Halos hindi naman huminga ang katabi dahil sa pag-akbay dito ng kanyang kapatid.
"Sorry girls, ayaw ko man kayong paalisin pero kapatid ko na kase ang pinag-uusapan. Ayaw nya talaga sa masyadong maiingay, naririndi sya. Kaya, next time na lang ulit!"
Halos gulat naman ang ibang kababaihan na nasa table nila sa narinig. Oh, hindi ba alam ng mga ito na sya ang kapatid? At ayaw na ayaw nya sa mga maiingay at maarteng katulad ng babaeng iyon.
"Oh my gosh! I'm so sorry! Hindi ko alam na ikaw ang kapatid--" hindi na nya ito pinatapos pa at pabalang na umupo sa upuang katapat ng sa kapatid.
Kinausap naman ang mga ito ng kanyang kuya bago bumalik sa kanilang table.
"Gosh! Ang intense nun!" wika ni Raine pagka-upo nito sa tabi nya.
"Bilib na talaga ako sayo, Lodi!" puri naman ni Nathan.
"Akalain mo yun, nagawa mong sagot-sagutin ang President ng Fans Club namin? Grabe talaga Thyst, grabe!" manghang ani naman ni Kieffer sabay palakpak.
Nakita naman nya ang pag smirk ng lalaking may galit yata sa kanya, dahil sa pagtaas ng kilay nito kanina habang sinasagot nya ang babaeng nginitian nito. Hindi talaga yun pinalampas ng kanyang mga mata.
"That's my sister! Dapat pala palagi ka naming kasama para naman may magtaboy sa kanila kapag medyo nakakapagod ng ngumiti sa camera." pagrereklamo ng kapatid sabay hawak sa panga nito.
Pabirong inirapan nya ito. "Ginusto nyo yan, panindigan nyo!"
"Oo na! Oo na! Panalo ka na!"
Ngiting tagumpay naman sya.
"Oh ano palang gusto nyo? Kanina pa namin kayo hinihintay, pinagdumugan na nga kami dito eh." tanong ng kapatid saka ito tumayo.
"Ako, ikaw ang gusto ko Baby Trev. Salamat dahil hinintay mo ako at pasensya na dahil pinaghintay kita. Huwag kang mag-alala, I'm worth it to wait naman eh," malanding sagot ng kanyang kaibigan sabay pretty eyes pa.
Napangiwi sya dito. Maging ang kapatid ay nabigla din sa sinagot nito.
"What the hell, woman?"
"Hell is me! I'm hell in be--" marahas nyang pinampal ang balikat ng kaibigan dahil ayaw na nyang marinig ang sasabihin pa nito. Nakakadiri!
"Aray naman Besh! Ang sakit ah! Inaano ba kita?" reklamo nito sa kanya.
"Shut up ka na nga. Nakakadiri ang lumalabas sa bibig mo. Kilabutan ka nga!"
"Bakit ba? Eh totoo namang I'm hell in be--" tinakpan na nya ang bibig nito bago pa matuloy ang sasabihin. Natawa naman ang dalawang kaibigan ng kanyang kapatid. Sanay na kase ang mga ito sa kabaliwan ng kaibigan nya. Pero sya, nandidiri talaga!
"Kahit ano na lang kuya, ikaw na ang bahala. Pareho na lang kami. Salamat!" aniya.
"Paki-ayos tornilyo ng kaibigan mo ah," sabi nito.
Tumingin muna ulit ito sa kanyang katabi bago nagtungo sa counter kasama si Clyde para bumili.
"Ang bad talaga ng asawa ko. Hmp!"
"Eh sira ka kase. Ginulat mo kaya. Kung anu-anong pinagsasabi mo dyan. Ang sabi ko sayo magpaka dalagang pilipina ka naman minsan. Ang agressive mong babae ka."
Tumingin ito sa kanya na para bang may mali syang nasabi.
"What?"
"Ay wow! Coming from you talaga ano? Parang nagpaka batang pilipina ka noon? May pa 'Dad I want him! I want him to be my future husband!' ka pang nalalaman dyan. Kung maka-angkin ka nga tinalo mo pa ako. Ano, kasal agad? Agad agad? Nahiya naman ang malanding cells ko sayo."
Hinampas nya ang kaibigan dahil sa barahura nitong bibig.
"Gaga! Bata pa ako nun!"
"Kahit na. Alam mo namang naging idol kita dahil doon." Saka sya nito tinawanan.
Minsan talaga gusto nyang makapanakit ng bwesit na kaibigan.