"BAKIT mo naman ako iniwan doon, Huh, Ronabel?!"
"Eh sorry na. Tumawag kasi si Becky. Absent daw siya ngayon kaya kailangan ko agad magpunta sa Restaurant para palitan siya. Imbes na Day Off ko ngayon."
Pinaikot niya ang mga mata. "Alam mobang muntikan na akong masagasaan kanina?"
Nanlaki ang mga mata ng kaibigan. "Tapos anong nangyari?"
"Wala naman. Masakit lang ang Balakang ko-"
"Bakit?!"
"Gaga. OA mo, ikaw kaya ang bumagsak sa Kalsada? Tingnan natin kung kaya mo-"
"Manda!" Napalingon silang Dalawa ng kaibigan. Si Pancho ang tumawag, kasamahan din nila sa Trabaho. Cook nga lang ito. Kung nakakapagtaka ang trabaho niya'y, Di naman araw-araw ang pasok niya sa Restaurant dahil tuwing Huwebes at Biyernes ay sa Botika siya nagtatrabaho. Pero dahil pinasara na, tiyak na sa Restaurant na siya mamalagi.
"Bakit?"
"Andito ka lang pala, si Sir Ulisces, hinahanap ka." Si Sir Ulisces ang Manager nang Restaurant na pinagtatrabahuan niya.
"Para saan raw?" Si Rona.
"Diko din alam eh, akala ko'y nasa bahay ka ninyo. Pero umalis kadaw sabi ng kapatid mo. Buti nakita kita agad."
Napatango siya. "Sige, Rona. Pupuntahan ko lang si Sir Ulis."
Tumango lang ang kaibigan kaya dali-dali na siyang sumunod sa nauna nang si Pancho.
Malaki ang Restaurant na pinagtatrabahuan niya. Marami rami rin silang mga Trabahante doon. Tatlong Cook at isang Chef. Lima naman silang mga Waitress.
Minsan lang kung bumisita si Sir Ulisces sa Restaurant dahil abala ito ngayon sa Darating na kasal nito. Uuwi pa nga daw ang Pamangkin ni Maam Lucy na nasa America galing kaya tudo handa talaga ito.
Nginitian niya ito nang makarating na sila. Pinaupo siya nito. Sinundan niya nang tingin ang Paglabas ni Pancho.
"Bakit mo nga pala ako ipinatawag, Sir? Bukas pa naman po ang balik ko sa Trabaho ah."
"Nabanggit sakin ni Rona na nakauwi na kayo nang isang araw, pero di yun ang dahilan kaya kita ipinatawag. Ngayon ang dating ni Nick, balak siyang isurprise ni Lucy." Si Lucy ang soon to be Bride ni Sir Ulisces. Mabait din ito at mayaman din.
"Ano naman pong-"
"Hep, hep. Gusto kong maghanda ka nang mga Dekorasyon sa Hotel nina Lucy mamaya. Ikaw ang magaling sa Ganun eh, ipapasama ko sa'yo si Pancho at Gilbert. Para may katu-katulong ka doon."
"Pero-"
"Sige na, Manda. Ipapasunod kodin si Rona kapag wala nang masyadong Customer." Napatango nalang siya.
"Sige po, Sir. Maghahanda lang po ako nang mga gagamiting Materyales-"
"No, no. Huwag kanang mag-abala pa, may binili si Lucy na mga Dekorasyon noong isang Araw. Iyon nalang ang gamitin mo."
Tumango lang siya saka lumabas na.
SAKTONG mailagay ni Amanda ang huling bagay sa Dekorasyon nang bumigat ang Pantog niya.
Nagpaalam muna siya kay Maam Lucy bago pumasok sa isa sa mga CR nang Hotel.
Hindi na siya lumingon kahit narinig ang sigawan nang mga nasa loob. Baka dumating na ang Nick na iyon.
Matapos makaihi'y di agad siya nakabalik sa Lugar dahil tinawagan siya ng kaibigan na may Emergency raw sa Bahay nila.
Hindi na siya nakapagpaalam kay Maam Lucy dahil malakas ang tambol ng Dibdib niya't binabayo iyon nang kakaibang kaba.
Hindi naman gaano kalayo ang Bahay nila sa Hotel. Naaksidente raw ang Kapatid niya, iyon ang sabi ni Rona na naabutan na niya doon. Gabi narin kasi kaya paniguradong wala na itong Trabaho sa mga Oras na iyon.
Iyak nang iyak ang Mama niya nang dumating siya. Malaki ang Perang gagastusin dahil kailangang Operahan ang Kapatid niya.
Mukha na siyang sabog nang umuwi siya galing Hospital. Naisip niya ang Alok ni Yunice sa kanya, isa sa mga naging kaibigan niyang Bakasyunista noong Nagbakasyon silang Pamilya.
Hindi na siya nagdalawang isip na tawagan ang Number na ibinigay nito sa kanya. Buti nalang talaga'y walang sira ang Cellphone niya nang muntikan na siyang masagasaan.
"H-hello, Yunice?"
"Yes, who is this?"
Nilunok muna niya ang laway saka nagsalita. "Okay paba ang Alok mo sakin? Kailangan ko nang pang-opera sa kapatid ko eh."
"Oh, ikaw ba'to Mandy? Kaso di na eh.  Nagkaayos na kasi si Mom and Dad, pero puwede kaparin namang mangutang sakin kung kailangan mong Pera."
"S-sigurado ka?"
"Of course, you're my Friend, Mandy. Bayaran mo nalang kapag kailangan ko na din."
"S-salamat. Salamat talaga."
"Walang anuman. Ikaw paba? Teka, text me your Bank Account. Itatransfer ko ang money. Nasa Hongkong na kasi ako ngayon. Kararating ko lang. Dito na ako for good."
"Paano ang Bayad-"
"Huwag mo nalang munang isipin. Uuwi naman ako diyan sa Pilipinas some other time."
Nang matapos ang tawag ay itinext na agad niya ang Bank Account niya dito.  Pumunta nadin siya sa Banko para iclaim ang Pera at maipanggastos sa kapatid.
MAHIGIT tatlong araw na, simula nang maaksidente ang kapatid niya. Nasa Hospital padin ito't kasalukuyang nagpapagaling, di padin mawaglit sa Puso't isip niya ang pagkakautang kay Yunice. Alam naman niyang mabait ito pero di niya alam kung paano siya makakabayad rito.
"Hi Mandy." Inirapan niya si Benedict. Kahapon lang niya nalamang ito pala ang Nick na Pamangkin ni Maam Lucy. Nang makita siya nito'y ayaw na siya nitong tantanan. Lumapit pa talaga ito sa Counter gayung puwede naman niyang Puntahan at kunin ang Order nito.
"High blood ka na naman. Paorder nga nang Chicken Joy."
"Ay ako na, Nick. Kung 'yang si Amanda ang Hihintayin mo. Magiging Bato ka diyan." Sinamaan niya ng tingin ang Kaibigan, narinig naman niya ang mahinang paghalakhak ni Benedict.
"Sige, Rona. Balik lang ako doon." Turo nito sa Upuan sa Huling tabi, malapit sa Glass Window.
"Ang taray mo talaga kay Nick, Manda." Si Becky.
"Hay naku, buti pa'tong si Taba Chuchu na'to. Nararamdaman kona ang Forever." Isa pa sa kasamahang Waitress na si Kim. Umirap siya sa Dalawa.
"Tigil tigilan niyo nga ako."
"Eh ang tanong, sinong pipiliin niya? Bali-balitang nililigawan daw siya nung Bakasyunista ditong si Enrico. Diba taga Maynila talaga 'yon?"
"Naniwala naman kayo sa Tsismis?" Kumuha siya ng Plato saka ibinigay kay Rona ang Order nang isang Customer.
"Sino ba ang Hindi? Parehong guwapo ang mga lumalapit sa'yo, Manda." Si Jona. Umirap lang siya.
"Kung ako sa inyo'y tigil tigilan niyo ang Pagtsitsismis sakin ah. Di ako interesado kay Nick, at lalo na sa Enrico na iyon."
Umiling iling nalang ang Tatlo habang humagikhik naman si Rona.