ROMANCE NOVELLA V. 1 series #3
SUDDENLY AT THE COURT ROOM
Copyright © by lucky_patch (2022)
The moral right of the author has been asserted.
DISCLAIMER. This is a work of fiction. All names, characters, businesses, places, events and incidents in this story are either product of the author's imagination or used in fictitious manner and any resemblance to actual person, living or dead, or actual events is purely coincidental.
~
Si Adley. The perfect man with a perfect life. Si Raj. The lost man in the midst of revenge. Si Alexa. The gorgeous mysterious woman. Si Rico. The carefree guy. Bawat isa ay may itinatago. Bawat isa ay may pinaglalaban. Bawat isa ay may inaasam. At bawat isa ay may nais mapatunayan. Their world's would about to collide suddenly at the court room.
~
CHAPTER ONE: The War in Trial Court
~~
PUMASOK sa loob ng korte si Adley kasama ang assistant nito na si Ybarro at ang client nitong si Mr. Mercader. Hindi nito pinag-ukulan ng pansin ang prosecutor in charge ng kasong hawak niya.
"All rise. Department One of the Supreme Court is now in session.
Judge Francisco Estrelita presiding. Please be seated." panimula ng bailiff.
"Good morning, ladies and gentlemen. Calling the case of the
People of the Philippines versus Jonas Homer Mercader. Are
both sides ready?" tanong ng presiding judge na si Judge Francisco Estrelita, isa sa mga hinahangaang judge sa Pilipinas at minsang naging guro ni Adley sa AU.
"Ready for the People, Your Honor." sagot ni Raj.
"Ready for the defense, Your Honor." sagot naman ni Adley.
Sa pagsisimula ng hearing, naunang mag-present ang witness mula sa kabilang panig. Bahagyang napakunot-noo si Adley, halatang bago pa lamang ang kalabang abogado, walang ibubuga.
"This is his first time na humarap sa korte kaya siguro ninenerbiyos." bulong sa kanya ni Ybarro.
Napangiti si Adley. Kung ganitong uri ng lawyer ang makakalaban niya ay baka hanggang dalawang hearing lang ang kasong ito. At siyempre, siya pa rin ang panalo. Ngunit napalis ang ngiti sa kanyang labi makalipas ang ilang sandali. Wala na ang nerbiyos ng bagitong abogado. Tuwid na itong magsalita at buo ang tiwala sa sarili. Lahat ng mata ay nakatuon dito. Napasandal si Adley sa inuupuan at humalukipkip.
'May ibubuga rin pala ang isang ito kahit baguhan pa lamang.' wika ng kanyang isip.
Hindi nga siya nagkamali sa kanyang hinala. Pagkatapos ng ilang ulit na hearing ng kaso na sa akala niya ay hanggang dalawa lamang ay lalo niyang napatunayan kung gaano kahusay ang inakala niyang walang maibubuga at bagitong abogado.
"Masama ang lagay ng case natin, Adley." bulong sa kanya ni Ybarro habang on recess ang korte.
"Hindi pa tapos ang laban. Naaalala mo pa ba yung case ni Ms. Garcia? Di ba't halos ganito rin ang nangyari sa atin pero sa huli tayo pa rin ang nanalo."
"Hanga talaga ako sa iyo, Adley. Hindi ka nawawalan ng pag-asa."
"At dapat ganoon din ang attitude mo kay Hailey."
Nagmistulang kamatis ang mukha ni Ybarro dahil sa sinabi ni Adley. Dahilan para tumawa ng malakas ang huli. Matagal na nitong alam na may gusto ang kanyang assistant sa kanyang secretary. Kaya hindi niya binibigyan ng pansin ang babae kahit pa na ilang beses pa itong nagpapa-impress sa kanya.
"Ang hirap naman kasi eh. Kung paano mo siya hindi pansinin ay ganoon din ang trato sa akin."
"Technique kasi pare! Ang mga babae oras na hinabol mo, tatakbo mula sa iyo. Pero oras na hindi mo pansinin, sila ang hahabol sa iyo."
"You mean, huwag kong ipakita sa kanya na mahal ko siya, ganun?"
"Ganoon na nga."
"I'll try that advice. By the way, totoo ba ang tsismis na break na kayo ni Natasha? Kaya siya umalis ng bansa?"
Napailing na lang si Adley sabay tawa. Pinaniniwalaan talaga ng kanyang assistant ang mgg tsismis sa tabi tabi.
"Paano naman kami magbe-break, di naman naging kami."
"Ano? Pero … "
"Hindi ka dapat naniniwala sa mga tsismis. Sa ganitong trabaho natin, we need a hard and solid evidence. Hindi puro sabi sabi lang."
"Yeah. You're right."
Saglit na katahimikan ang nabalot sa kanila bago pa muling magsalita si Ybarro.
"Wala ka bang balak mag-asawa? You're at the right age and kayang kaya mo ng bumuhay ng pamilya. Given you're stable job and wealthy life."
"Marriage is not in my vocabulary." sagot nito sabay iling.
"Paano kung ma-inlove ka?"
Doon na napataas ng kilay si Adley. Narinig na naman niya uli ang mga katagang iyon. Una ay mula sa kanyang Auntie Esmeralda at pangalawa ay kay Ybarro.
"That's ... quite impossible."
"Bakit naman?"
"Because I don't believe in things like that. Ang love na tinutukoy mo ay hindi totoo. It is just a mere imagination of romance author and novelists. Kinakasal ang dalawang tao hindi dahil mahal nila ang isa't isa. It is because they need each other. Kailangan ng mag-aalaga at magtatanggol sa isang babae and at the same time sa parte ng mga lalaki, they need someone to warm their beds and provide him an offspring."
Tila hindi makapaniwala si Ybarro sa mga sinabi ni Adley.
"Are you kidding me, Adley?"
"Why would I? Sinasabi ko lang ang totoo. Scientists proved them through surveys that they conducted in most married couples."
"Masyado kang … "
"Logical? That's what we need in this kind of world. Ang love ay hindi totoo at kung anuman ang nararamdaman ng sinasabi ninyong nag-iibigan, it is just for a mean time. Love is just like lust. Once you're satisfied, it will be gone."
"Talagang hindi ka naniniwala sa love?"
"In that kind of love, no. Pero ang love sa family and friends, yes. Dahil naranasan ko na lahat iyon."
Napatawa ng husto si Ybarro.
"You know what, Adley, sa tingin ko, kaya hindi ka naniniwala sa love na sinasabi ko ay never mo pa iyong nararanasan. Pero once na nangyari iyon, I swear ipapaputol ko lahat ng mga daliri ko sa kamay kapag hindi mo binawi ang salita mo oras na umibig ka."
"Matatalo ka lamang sa akin, Ybarro."
"We'll find out."
~
PIGIL ang hininga ng bawat isa sa loob ng court room dahil sa paghihintay ng magiging hatol sa case ni Mr. Mercader na hindi lang naka-attract sa media kundi pati na rin sa pagkakakilanlan ng baguhang abogadong si Rajvir Al Sharif.
"The court finds the accused, Jonas Homer Mercader ... "
Nagsimulang basahin ng judicial clerk ang hawak na papel. Hindi masyadong pinakinggan ni Adley ang iba pang mga sinasabi nito. Nakatuon lamang ang kanyang pandinig sa mga salitang nais niyang marinig.
" … guilty beyond reasonable doubt."
"He was sentenced to Reclusion Perpetua for the crimes of rape under Section 1 of Republic Act No. 8353 and homicide under Article 249 of the Revised Penal Code. The Supreme Court has held that proper amounts for the award of damages should be Php 75, 000 as civil indemnity, Php 75, 000 as moral damages, and Php 75, 000 exemplary damages with a total of Php 225, 000. Case closed."
"This court is adjourned."
Parang nabingi si Adley sa mga narinig. Ang ingay mula sa lahat ng tao na naroon ay hindi niya pansin. Pati ang pagwawala ng client niyang si Mr. Mercader at ang pagtulong ng dalawang pulis para mailabas sa korte ang nagsisisigaw pa ring lalaki ay hindi niya rin pansin. Dalawang salita lamang ang paulit ulit sa kanyang isipan.
'Natalo siya.'
Natalo ang tanyag at magiting na Adley Marquees ng isa lamang hamak at baguhang abogado. Isang walang pangalan sa industriya ng abogasya. Ngayon, ang reputasyon niya ay sira na. Sinira ng isang baguhang abogado.
Napatingin siya sa bagitong abogado. Nakatingin din ito sa kanya. Nakangiti. Ngunit ang ngiting iyon ay nang-iinis. Naghahamon. Bigla itong tumalikod na para bang walang halaga ang isang tulad niya. Na para bang walang saysay sa kanya ang isang Adley Marquees. Nagtagis ang kanyang mga bagang, naging sintigas ng bato ang kanyang mga kamao at nanlilisik ang kanyang mga mata. Hindi niya mapapalampas ang ginawang ito sa kanya ng lalaki.
'This is not yet the end, Rajvir Al Sharif. Nagsisimula pa lang ang totoong laban.'
~
To be continued...
~
Up Next...
Chapter Two: The Gloomy Penchant
~
ROMANCE NOVELLA V. 1 series #3
SUDDENLY AT THE COURT ROOM
© lucky_patch 2022