Yuri//pov
*AWOOOO*
"Ano yun?" Tanong ni Angge. 
"Mukhang papunta dito." Sabi ko. "Aciano merong malaking lobo sa labas!" Siya yung lalaki kanina.
Ilang segundo ay tumilapon ang lobo sa harapan namin na duguan. "Yuki?" Nagulat ako na madami siyang pana sa kanyang katawan kaya humarang ako sa harap niya.
"Ilabas niyo ang lobo!" Boses ng mga tao mula sa labas.
"Yuki!" Sigaw ko at niyugyog si Yuki. "Kilala mo kung sino ang lobo na iyan?" Tanong ng prinsipe. "Alaga ko siya, bakit nila ginawa to sa kaniya?" Tanong ko at kita ko naman kung paano lumuha si Angge.
"Paki-usap Aciano paki gamot ang aming alaga." Pagmamakaawa ni Angge sa kanya. "Gagawin ko ang aking makakaya." Sabi ng matanda at kinuha ang mga kakailanganin upang gamutin si Yuki.
Niyakap ko naman si Yuki at binulungan na siya ay gagaling kaya wala dapat siyang ipag-alala. 
Huminga muna ako ng malalim at binuksan ang malaking pinto at nandidito ngayon ang tatlong lalaki na pinipigilan ang mga tao. 
"Ikaw babae! ilabas mo ang lobo at aming paparusahan!" 
"Tumahimik!" Saway ng prinsipe.
"Bakit kapag nilabas ko ang lobo anong gagawin niyo? papatayin niyo? para saan? nakakaunlad ba ng inyong bayan iyan? kung tutuusin walang masamang ginawa sa inyo, walang nasira na mga paninda o ng kahit anong nasaktan sa inyo." Sabi ko at nanahimik naman sila.
"Hindi ko nilikha ang mundo na ito upang magalit ang mga tao sa mga hayop, mas makatao pa yung mga hayop kaysa sa inyong mga tao na may ugaling hayop." Inis na saad ko.
Napatingin naman ako sa relos ko na biglang umandar, "It's already 3 in the morning." Usal ko at bumalik sa loob.
"Pasensiya na sa istorbo ngunit maayos na ho ba ang kalagayan ng aking alaga?" Tanong ko. "Maayos na, kailangan niya lamang magpahinga, kung babalik na kayo ngayon maaari mong lagyan ang mga sugat niya ng malinis na tela." Sabi ng matanda.
"Handa ka na?" Tanong ko kay Angge na agad namang tumango.
Huminga ako ng malalim bago dumilat. "Arf! Argghhh!!" Galit na hiyaw ni Yuki kaya agad ko naman siyang niyakap para kumalma siya. "Shhh..." Tahan ko sa kanya.
"Woah grabe yung nangyari." Sabi ni Angge at napahiga pa sa aking kama. "Grabe totoo nga na mag-kakasugat ka talaga dun." Sabi niya pa at tumingin sa kanyang paa na may tela mula sa aking bistida.
Kumuha naman ako ng bandage mula sa aking aparador at binalot sa katawan ni Yuki, "Paano ba kasi ito nakasunod, nadamay tuloy siya." Sabi ko habang binabalot sa aking aso ang benda.
"Di ko manlang nakausap si Prince Claude huhu." Usal ni Angge."Pfft." Pagpigil ko ng aking tawa. "Anong tinatawa mo diyan?" Tanong niya. "Si Prince ang nagbuhat sayo papunta kay Aciano." Sabi ko at bigla namang namula ang kanyang mga pisnge at tumingin sakin.
"T-Talaga?" Kinikilig na sabi niya at gumulong gulong sa kama ko. "Iligpit mo na yung mga kinainan natin papasok na ako ng walang tulog." Utos ko sa kanya. "Balik ulit tayo mamayang gabi dun." Pilit niya. "Ayoko nga baka kung ano pang susunod na mangyari sa atin." Sabi ko at tumungo sa banyo upang maligo.
Mag-aalas kwatro na ng umaga at 6AM ang pasok namin kaya maliligo na ako para hindi na mahirap bumyahe. "Nakakamiss si Bella, umabsent kasi siya kahapon." Kausap ko sa aking sarili.
Bella Garcia, kaklase ko siya at matalik na kaibigan bukod kay Angge na tagapagtanggol ko ay isa naman si Bella sa tagapagtanggol ko kapag tulala ako sa klase -,-
Pagkatapos ko maligo nagbihis agad ako ng aking uniporme na puting longsleeve at indigo na palda hanggang tuhod.
"Oh bakit ka pa nandito?" Tanong ko kay Angge na nandito pa din sa kwarto ko. "Wala lang, ako nalang muna magbabantay kay Yuki habang wala ka." Sabi niya kaya sumangayon na lamang ako. 
Kumuha ako ng medyas sa drawer at kinuha ko na din ang sapatos ko sa tabi ng pinto tsaka umupo sa kama at isinuot na iyon. "Bakit hindi ka ba nagtatali ng buhok mo? Ang init init kapag tanghali." Sabi ni Angge. "Ayaw ko kasing naiipit yung buhok ko, hindi sila makakahinga." Sabi ko. 
"Legit ba yan?" Biro niya. "Oo,  babagal ang paghaba ng buhok mo kapag tali ka ng tali bahala ka." Pagbabanta ko at lumabas na ng aking silid.
Bumaba ako at nagtimpla ng kape, "Ano na kaya nangyayare sa prinsipe at sa Perians?" Tanong ko sa aking sarili. "Ang aga yata ng iyong gising." Saad ni papa na kakababa lamang ng hagdan at nakasuot na ng kanyang uniporme para sa trabaho.
"Ayoko lamang na maistorbo ako ngunit nagawa mo na." Sabi ko. "Nagagalit ka pa rin ba sa akin?  come on you're already seventeen why can't you be matured." Sabi niya na ikinatawa ko.
"Pfftt, sinasabi mo na patawarin kita? damn, my maturity can't fit on your personality, papa, iba yata ang pagkakaintindi ninyo sa salitang 'matured' dahil iba ang iyong inaatupag." Sarkastikong pagkasabi ko at nilagpasan siya. Mabuti na lamang ay naubos ko na ang kape kaya pwede na akong makaalis.
"Nag-iba ang iyong ugali Yuri ano ba ang nangyayari sa iyo." Sabi ni papa. "Hindi naman ako nagbago. Normal lang naman na ganito ako makipag-usap." Sabi ko at pumunta sa aking kwarto. 
I know, wala akong galang dahil lumaki ako ng palaging nasa trabaho alam ko rin na para sa amin yun ngunit mag-laan naman s'ya ng oras para sa amin at kilalanin kami.
"Oh? rinig ko si Tito, gising na siya?" Tanong ni Angge. "Pake ko kung nagising siya?" Sarkastikong tanong ko bago kinuha ang aking backpack at muling lumabas ng kwarto.
"Sumabay ka na sa akin." Sabi ni papa at sumangayon na lamang ako at nauna sa kotse niya.
Wala akong galang kung makipagusap pero magalang ako kung kikilos. Kaya di ako pasalita dahil tiyak na madidissapoint yung kausap ko.
"Ihatid mo ko sa skwelahan, tiyak na alam mo naman iyon dahil dun din nag-aaral si Angge." Sabi ko. Well, hindi ako nagseselos kay Angge kasi naman gusto kong maging kapatid yun.
"Buti na lamang ay nakakapagsalita ka na." Sabi ni papa habang nagmamaneho. "Hindi rin, naglalabas lamang ako ng sama ng loob." Sabi ko at tumingin sa bintana.
Hindi na muli akong nagsalita hanggang dumating kami ng skwelahan. "Be careful, wag mahuhuli ng uwi." Paalala niya at tumango lamang ako. "Oh pagdagdag mo sa allowance mo." Sabi niya at inabot ang 500P sa akin. "Hindi ko na kailangan iyan. Hindi ko pa nababawasan ang allowance na ibinigay niyo nung nakaraang lingo." Sabi ko. "Tsk, wag ka ng magmatigas, tanggapin mo na lamang ito." Sabi niya at isinarado ang aking kamay at nasa loob ang papel na pera.
"Salamat." Sabi ko. "Mag-ingat ka muli, paalam." Sabi niya at itinaas ang bintana at tumango na lamang ako tsaka tumungo sa gate.
Madilim pa dahil nga ala-singko pa lamang. "Ang aga mo, dito ka muna at hintayin ang liwanag." Sabi ni manong guard at binigyan ako ng upuan. 
Manong Guard, 40yrs old at isa rin siya na naging kaibigan ko dahil mabait siya sa mga studyante. "Magandang umaga." Bati ko at umupo sa kanyang tabi.
"Kumain ka na? may naghatid yata sayo at iyon ang iyong ama, tama ba?" Kanyang katanungan. "Nagkape ako kanina ngunit hindi pa ako kumakain at tama kayo iyon ang aking ama." Sagot ko.
Natututo talaga ako magtalog sa mundo ng Prinsipe Claude -,-
"Ito pandesal kumain ka muna." Sabi niya at inabot ang supot ng pandesal at kumuha naman ako ng isa habang hinhintay na sumikat ang araw. "Kawawang bata." Usal ni manong. "Kawawa?" Tanong ko.
"Wala iyon, isang chismis na kumalat nanaman sa skwelahan." Sabi niya. "Tungkol saan?" Tanong ko. "Sa isang studyante, inabuso ng kanyang sariling guro." Sabi ni Manong at hinigop ang kape mula sa kanyang sariling mug.
"Chismis." Usal ko at ipinagpataloy ang pagkain ng pandesal.
Maya maya ay may isa-isa ng mga studyante ang mga pumapasok at lumiwanag na din ang sikat ng araw. "Sige Manong Guard mauuna na ako." Paalam ko at kinagat ang tinapay. "Oh baunin mo ito." Sabi ni Manong Guard at iniabot ang Mineral Water. "Salamat." Sabi ko at kinuha na iyon. "Walang anuman!" Rinig kong sabi niya at kinawayan ko na lamang sya at pinagpatuloy ang pag- takbo papunta sa aming gusali.
Pagkapsok ko sa room namin sa unang palapag ay umupo agad ako sa aking upuan. "Good morning." Bati ni Bella na kakarating lamang.
Napuno naman ng bulungan ang classroom namin dahil marami na ding mga studyante. "Ano meron?" Tanong ko kay Bella. "Wala yun hehe." Saad niya at tumabi sa akin. "Nareview mo na ba yung pag-aaralan mamaya?" Pag-iiba nya ng usapan.
Di ko siya pinansin ng biglang may nagsalita sa aking likuran. 
"A whore."
"Malande."
"Pati ang guro pinatulan." 
Sabi nila at hindi nila pinaparinig iyon at talagang sinasabi nila habang nakatalikod sa Bella. Napatayo naman bigla si Bella at nilisan ang silid. "Bella!" Tawag ko pa rito ngunit nakalabas na siya ng silid.
"Wag mo ng sundan bhe malandi yun walang pinipili, kinakaibigan ka lang nun para may kausap siya kahit papano." Sabi ng kaklase kong babae na nasa aking ikuran.
"Huh? Anong ibig mong sabihin?" Tanong ko. 
"Duhh, sis huli ka na sa rumor." Sabi niya. "Malay ko bang mga chismosa pala kayo." Sarkastikong saad ko. 
"Nakita kasi namin kahapon ng alas tres na nandito pa si Bella kasama si Sir Chris sa room at nakapatong si Bella sa kanya. At duhh hindi kayang lumandi ni Sir Chris sa studyante." Tama ang sinabi niya I mean may punto siya dahil mabait at gwapo iyon si Sir Chris, nagtataka nga ako kung bakit di nangalay panga nun kakangiti.
"Bago mangyari yun alam niyo ba?" Tanong ko. "At bakit nandito pa kayo nung alas-tres?" Dugtong ko. 
"May practice kami ng volleyball." Sagot niya at kasama dun si Bella sa kanilang team.
"Manahimik nalang kayo kung wala kayong proweba, makakaalis na kayo sa harapan ko." Utos ko. "At kung hindi pa matitigil ang chismis na ito hanggang bukas-" Pagbabanta ko.
"Bakit ka naman namin susundin, nerd!" Sigaw niya kaya hinila ko ang braso niya. "Kapag narinig ko pa hanggang bukas ang chismis tungkol Bella, dadalhin ko ang aso ko dito at ipapalapa ko ang mga mukha niyo." Sabi ko at tiningnan siya sa mga mata para ipakita kung paano siya lalapain ni Yuki.
"O-Oo, titigil na ito ano mang oras." Sabi niya. Nagulat pa nga yung dalawang kasama niya ngunit parehas ko na silang pinaalis.
Maya maya ay sakto namang dumating ang unang sub namin na si Sir Christoper Reyes ang guro namin sa Science.
"Good morning class." Nakangiting bati niya.
Huminga muna ako ng malalim bago pumikit.