LUCY POV.
Nakasuot pa ako ng night gown nung bumaba kami ni Sky para salubungin ang mga magulang ko na sinundo nila Kuya Carson kasama si Chaim. Maagang-maaga silang dumating sa bahay namin ni Sky na hindi namin ine-expect ni Sky dahil ang alam namin ay hapon pa ang dating ng mga ito kaya balak namin ni Sky na kami na lang ang susundo sa kanila dahil iyon naman ang madalas nilang gusto kaya naman ngayon ay hindi ako nakapag-handa at nakapag-ayos man lang.
"Mom! Dad!" Mabilis akong tumakbo palapit sa kanila para mayakap at makabeso ako sa mga ito.
"Akala po namin ay hapon pa ang dating ninyo," saad ni Sky at nilagay pa nito ang kamay niya sa bewang ko nung pagkatapos nilang magbeso ni Mom kaya bahagya ko itong pinandilatan ng mata pero mabilis ko ring pinalitan ng ngiti nung humarap ulit ako kila Mom.
"Yes, Mom. Ayan tuloy, I'm on my wake up outfit pa. Hindi niyo kami sinasabihan kahit nung on the way pa kayo sana tumawag kayo para nakapag-paganda man lang ako," nakangiti na saad ko at hinawakan na lang ang kamay ni Sky para hindi mapunta kung saan-saan iyon.
"It's okay, Darling, lagi ka namang maganda," sabi naman ni Dad kaya bahagya akong natawa.
"That's true. And we want to surprise you, darlings," sabi naman ni Mom.
"Can we go inside? I'm hungry na," pagmamaktol ni Chaim na tinawanan namin pero pumasok na nga kami sa loob.
"Bakit di mo ako sinabihan?" Nagpahuli talaga ako sa paglalakad papasok para makausap si Kuya Carson.
"Ayaw nila Mom na ipasabi sa inyo. Masisira daw ang plano nila," sabi naman ni Kuya Carson na ikinairap ko at sasagot pa sana ako kaso tinawag na ako ni Mom kaya agad ko itong nilapitan.
"Iniiwan mo 'yong asawa mo, darling. Hay nako! Ikaw talaga... Palagi mo na lang di sinusunod ang mga tinuturo ko sa'yo," sermon ni Mom.
"Mom, nasa bahay lang naman po kami..." sabi ko naman.
"Kahit na..."
"Oh, tama na 'yan. Kumain na lang tayo," singit naman ni Dad sa usapan namin ni Mom kaya tumigil na kami ni Mom at nagtungo na lang sa dining area.
Mabuti na lang maaga at dinamihan nila Manang Lydia ang pagkain kaya may makakain sila Mom ngayon.
"We both request a week of break from work po, Mom, para mas makasama kayo ni Lucy," sagot ni Sky nung tanungin kami nila Mom kung papasok ba kami ngayon sa trabaho.
"Iyan ang gusto ko sa inyo..." masayang saad ni Mom at tinuro kami.
"Anyway, Mom wanted to have welcome party tonight," biglang sabi ni Kuya Carson na ikinagulat ko naman.
"What?"
"Yes, darlings, please..." Napatingin naman ako kay Sky na mabilis na tumango at pumayag sa gustong mangyari ni Mom kaya iyon nga ang pinag-usapan nila habang kumakain.
"Sky! Bakit pumayag ka?" tanong ko sa kanya habang sinusundan ko ito. Umalis saglit sila Mom para samahan si Chaim na bumili ng kung ano.
"Tell to Manang Lydia na lilipat na sa kwarto si Lucy," utos ni Sky kay Yena.
"Okay, noted po," sagot naman ni Yena.
"Sky, I'm talking to you..." sabi ko kaya humarap ito sa akin.
"That's what your parents wants, my lady..." mahinahon at malambing nitong sagot.
"What if malaman nila mula sa mga chismosa na maghihiwalay na tayo? Huh?" seryosong saad ko at hinawi 'yong kamay niya nung sinubukan nito na hawakan 'yong kamay ko.
"Malalaman din naman nila—"
"Sky!"
"Alright, alright. Iyong mga closest relative lang natin ang pupunta. Is that okay with you?" Bumuntong hininga ako.
"Fine, okay. No friends," sagot ko dahil wala na rin akong magagawa kundi ang sumang-ayon na lang din dahil naka-oo na naman ito sa mga magulang ko.
Tinalikuran ko na siya para pumunta sa Guest Room dahil kailangan ko nang ilipat ang mga gamit ko doon sa kwarto namin. Dapat kasi talaga sila Manang na ang bahala doon kapag susunduin na namin sila Mom kaso dahil prankster ang magulang ko ay nasira din ang plano namin kaya mabuti na lang ngayon ay umalis sila.
Hindi ko alam na sumunod pala sa akin si Sky kaya nagulat ako nung tumulong ito pero hindi na naman ako nagreklamo ay hinayaan ko na lang naman ito sa gusto niyang gawin sa buhay.
Kakatapos lang namin maglipat ng gamit at magsisimula pa lang akong aayusin iyon sa kwarto namin ni Sky nung biglang sumulpot sila Mom.
"What's happening, Lucinda?"
"Uh, Mom..." Hindi ko alam kung sino o ano ang titignan ko pero hindi na ako nagtangka na itago iyong mga gamit ko dahil nakita na namin iyon ni Mom. Para saan pa kung itatago ko iyon?
"You're not staying with your Room?" tanong ni Mom na parang disappointed pa ito sa akin.
"Uhm, she's sleeping here, Mom, but we had some misunderstanding po kasi, alam niyo naman po itong si Lucy kapag nagagalit sa akin..." palusot ni Sky at niyakap pa ako mula sa likod. Sumang-ayon naman ako sa sinabi ni Sky at hindi na nagreklamo para hindi na magduda sila Mom.
"So, ngayon? Okay na kayo?" nag-aalala na tanong ni Mom habang papalit-palit ang tingin niya sa amin ni Sky.
"Yes, Mom. We're super fine. Right, Hon?" nakangiting sabi ko at hinawakan 'yong kamay ni Sky na nakayakap sa akin at palihim itong tinapik.
"Yeah, we're good. We're okay po," sang-ayon naman ni Sky.
"Letitia, hayaan mo na sila d'yan at asikasuhin na lang natin ang party para mamaya," sabi ni Dad kaya iniwan na nga kami ni Mommy doon sa kwarto.
Nung nakita at nasiguro ko na wala na talaga sila Mom ay mabilis kong tinulak si Sky palayo sa akin at matalim itong tinignan.
"I saved you..." saad nito at tinaas pa ang kanyang mga kamay.
"Wala akong paki! Sumunod ka sa kanila doon at sabihin mo kung sinu-sino lang ang pupunta mamaya," utos ko at tinuro 'yong labas ng kwarto namin.
"Okay, okay..." sabi niya naman at lumabas na nga ito para gawin 'yong inutos ko.
"Huwag mong dadagdagan ng bisita," pahabol ko pa rito nung nakalabas na ito nang kwarto namin.
"Yes, my lady!" sigaw naman nito dahil mukang nakalayo-layo na siya. Napailing na lang ako at pinag-patuloy ko na lang ang pag-aayos na aking ginagawa kanina.
Dumating din naman si Manang Lydia kaya may naging katulong rin ako sa pag-aayos ko ng mga gamit ko doon.
Buong maghapon ay 'yong welcome party lang ang pinag-usapan namin. Mahilig magpa-party ang mga magulang ko dahil katulad namin nila Ate Leanne at Kuya Carson ay lumaki rin sila na palaging may party at events na pinupuntahan at nagaganap sa bahay kaya ayan hanggang ngayon ganyan sila na pati ang simpleng pag-uwi lang nila ay gusto na nilang mag-party.
Pagkatapos kumain ng lunch ay naging abala na ang lahat para sa pag-aayos ng backyard ng bahay namin dahil doon gusto nila Mom na maganap ang party.
Nung dumating ang make-up artist ni Mom ay pumasok na ito sa loob para magsimula nang mag-ayos. Binilin ko muna ang mga dapat gawin kila Manang Lydia bago ako pumasok na rin sa loob at nagtungo na sa kwarto namin ni Sky para makaligo at makapag-bihis.
Matagal akong maligo kaya ilang oras din ang inabot ko bago ako lumabas ng bathroom. I'm just wearing a simple cream and short dress with puff and long sleeve. I'm also wearing a cream high heels to match my dress.
I just ponytail my hair and I just wear a simple make up like my usual make up.
Tinitignan ko ang mukha ko sa salamin na nasa harapan ko nung pumasok si Sky sa kwarto namin. Nakaayos na ito at mukang 'yong sa isang Guest Room ang ginamit niya dahil alam niya atang ginagamit ko ang bathroom dito sa kwarto namin, well, that's a good thing to know.
"May mga bisita na sa baba. But just take your time, if you're not yet done. I will wait for you downstairs," sabi nito na tinanguan ko lang at hinayaan na umalis.
Saglit ko pang tinignan 'yong sarili ko sa salamin at bumuntong hininga bago nagdesisyon na bumaba. Nung bumaba ako ay nando'n nga si Sky at mabilis itong lumapit sa akin nung makita niya ako at sabay na kaming pumunta ng backyard.
Malayo pa lang kami ay kitang-kita ko na agad ang tingin at ngiti sa amin ni Sky ng mga kamag-anak namin.
Hinawakan ko ang kamay ni Sky bago ako ngumiti sa aking mga bisita at binati sila isa-isa nung makalapit na ako sa kanila.
"You look so pretty, Lucy..." puri ng isa kong pinsan na niyakap pa ako.
"As always, babe..." sagot ko at pabiro pang ngumisi dito kaya bahagya naman itong natawa at pabiro din akong inirapan.
"I think, you better go to Mama. She's waiting for you kanina pa," sabi niya at tinuro sila Tita na nakaupo sa table nila Mom kaya nagpaalam na kami ni Sky sa kanya para makapunta na doon.
"Oh, ayan na pala sila..." turo ni Mom sa amin at mukang kami pa ata ang topic nila.
Binati namin sila at bumeso kami ni Sky sa kanila bago kami tuluyan na naupo na dalawa.
"So, ayun nga, we're talking kasi kung itutuloy mo ba ang modeling mo?" saad naman ni Tita Mely nung tanungin ko kung ano ang pinag-uusapan nila.
"Sabi ko nga sa kanya ituloy dahil sayang naman ang opportunities tutal marami naman nag-aalok sa kanya lalo na sa abroad," sabi naman ni Mom kaya napailing na lang ako dahil napag-usapan na naman namin ang tungkol dito nung nasa New York pa kami pero mukang hanggang ngayon ay hindi pa rin sang-ayon si Mom sa naging desisyon ko, well, hindi ko na rin naman mababawi iyon dahil nasabi ko na.
"Mom..." suway ko rito dahil alam ko na magsisimula na naman ito na pilitin ako.
"Yes, yes, I know that you want to settle here as Sky's wife pero paano ka ma-sesettle if nagtatrabaho ka pa rin sa kompanya natin?" Nasapo ko na lang ang noo ko dahil sinabi pa iyon ni Mom. Wala na akong balak sabihin pa kay Sky ang nauna kong plano sa pag-uwi ko dito at ayoko rin malaman niya ang tunay na dahilan ng pag-uwi ko dahil maghihiwalay na rin naman kami.
"Letitia... Huwag na nating pangunahan si Lucy sa mga gusto niyang gawin. I think, you ruined her surprise to her husband," saad ni Dad na tinuro pa si Sky na halatang walang kaalam-alam sa pinag-uusapan namin.
"She wanted to settle?" takang at may halong gulat na tanong ni Sky. Unti-unti pa akong nilingon nito.
"Yes, darling, kaya nga siya nakipag—Oh! I think your parents is here na. We will talk about it again, darling, but sa ngayon salubungin muna natin ang parents mo," sabi naman ni Mom at mabilis silang tumayo ni Dad para puntahan ang mga magulang ni Sky na kakadating lang.
Tumayo na ako pero si Sky ay nananatili pa ring nakaupo at tila may malalim na iniisip kaya kinuha ko ang kamay nito at bahagyang hinila iyon kaya napatingin siya sa akin. Sinenyasan ko ito kaya tumayo na rin ito at sabay naming sinalubong ang kanyang magulang na hindi niya pala inimbitahan at sila Mom lang ang nagsabi sa mga ito na pumunta kaya pala walang nabanggit sa akin si Sky na pupunta ang kanyang magulang ngayon, well, hindi ko rin naman kasi siya tinanong kaya paano niya nga naman sasabihin.
"Mommy Sienna! Daddy Simeon!" nakangiti na bati ko sa kanya at niyakap silang pareho. "I missed you both!"
Noon pa man ay close na ako sa mga magulang ni Sky dahil parang mga parents ko na rin ang mga ito dahil anak din ang turing nila sa akin kaya nga wala akong naging problema sa kanilang dalawa.
"Kami din, Iha! Mabuti na lang talaga at sinabihan kami ni Leti kasi naman itong suplado naming anak ay hindi man lang tumawag sa amin na nakauwi na ang Mom at Dad mo," sabi ni Mommy Sienna at inirapan pa nito si Sky na sinimangutan lang naman siya. Bahagya naman akong natawa sa kanila. "Tignan mo! Wala man lang ka-sweetan sa katawan,"
"I'm only sweet with my lady, Mom..." sagot naman nito at tinignan pa ako kaya mabilis ko siyang hinampas at inirapan.
"Iyan naman ang gusto namin sa'yo," sabi naman ni Daddy Simeon na sinang-ayunan nila kaya napailing na lang ako at inaya na lang sila na maupo na.
Puro kwentuhan at kainan lang naman ang nangyari nung gabing iyon.
Sila Mom ay nanatili lang sa lamesa nila at nilalapitan lang sila ng ibang kamag-anak namin kung minsan para makausap samantalang kami ni Sky ay palakad-lakad para bumati at makipag-usap sa iba pa naming kamag-anak. Iyon naman ang madalas naming gawain ni Sky tuwing may event kaya sanay na kami at alam na naman namin ang gagawin namin.
Hinintay namin na matapos sa usapan ang lahat. Hinahatid din namin ni Sky ang lahat palabas para masiguro na maayos sila. Nung nakaalis na ang lahat ay doon lang kami umakyat ni Sky papunta sa kwarto namin. Sila Mom at ang magulang niya ay nauna nang magpahinga. Dito daw muna matutulog ang mga magulang niya na hinayaan lang naman namin.
Nung nasa kwarto na kami at parehas na tapos nang maghimalos ay napatingin naman kami sa kama at sa isa't isa pero ako ang naunang umiwas ng tingin.
"Sa sofa na'ko," sabi niya at kinuha niya 'yong isang unan.
"Good idea," sabi ko naman at nahiga na. Hindi ko na siya tinignan pa.
"Goodnight,"
"Okay..." saad ko. Sinarado ko na 'yong mata ko at pinilit ko na lang ang sarili ko na matulog na.