Talasalitaan:
Sarhento- Sergeant
Pambihira- Exceptional
Tanyag- Popular
"Guro, may isa pa po akong tanong, hindi niyo po ba tinuruan si Almira na makipag-"
SHHHS!
Naputol ang sinasabi ni Migo dahil parehas silang nagulat ni Sado ng biglang iwinasiwas ni Rule ang kahoy niyang espada papunta kay Almira. Ngunit ang mas ikinagulat nilang dalawa ay kung paano naiharang ni Almira ang sarili niyang kahoy na espada, nakataas ito ngayon sa tuktok ng ulo niya, dahan dahan siyang humarap sa mga kapatid niya.
"Kuya Rule, alam mo ba na pandadaya ang umatake habang nakatalikod ang kalaban mo?" sabi ni Almira habang pinipigilan ang pwersa ni Rule sa espadang kahoy, napakunot naman ng noo si Rule, bakit pakiramdam niya ay napakalakas ni Almira, katulad nung huling paglalaro nila.
Binawi ni Rule ang espada niya, tama, nagkataon lang yung araw na natamaan siya ni Almira noong araw na iyon, may kasanayan siya kaya imposibleng matalo siya ni Almira.
"Pasensya na, hindi ko alam, kung gusto mo ay maglaro tayo ng walang pandadaya," sabi ni Rule at pumisisyon ng pang atake. Napangisi si Almira, hindi niya alam pero nakaramdam siya ng galak na makikipaglaban siya sa tao at hindi sa halimaw.
Pumusisyon din siya ng pang atake, napansin naman iyon ni Sulong at nagtaka, tinuruan ba ni ama si Almira makipaglaban? Napakaganda ng tayo ni Almira kumpara kay Rule, mukhang mas may kasanayan si Almira.
Gustong pigilan ni Sulong ang dalawang bata ngunit nangibabaw sakanya ang kuryosidad na makita kung sinong mananalo sa dalawa kaya't gumilid siya.
SHHHS!
Unang umatake si Rule na agad namang naiwasan ni Almira, puro atake ang ginawa ni Rule at depensa naman kay Almira, lumakad siya ng paurong dahil papalapit ang mga atake nito, ngunit hindi nagtagal ay nainip si Almira at ng makita niya na iwinasiwas ulit ni
Rule ang espada ay lalo siyang napangisi.
TOK!
Imbes na iwasan ay sinalo ni Almira ang atake ni Rule at magkakrus ngayon ang espada nilang dalawa. Ibinuhos ni Rule ang pwersa niya sa espada ngunit kahit anong lakas ang ibigay niya ay hindi niya maitulak ang depensa ni Almira.
Si Almira naman ay nakakita ng butas sa kanyang kapatid at sinipa ang kanang binti ni Rule, nawala ang balanse ni Rule at napaupo, kinuha naman iyon na pagkakataon ni Almira at pinalo ang espada niya.
Nabitawan iyon ni Rule at tumalsik palayo sakanya, tinutok ni Almira ang dulo ng espada niya sa leeg ng kapatid. Namangha ang nanonood na si Sulong, Sado at Migo, aakalain mong mayroong munting dwelo sa harap nila.
Ngunit nakakapagtaka, walang nagturo o nagsanay kay Almira, paano nangyari na kung gumalaw siya ay parang pinagaralan ang bawat galaw niya.
Tiningala ni Rule si Almira, magsasalita sana siya ngunit nasalubong niya ang mata ni Almira, para siyang tinakasan ng dugo at nagsimulang mamutla, napansin iyon ni Sulong kaya't tinignan niya si Almira, pero agad siyang nabato sa kinatatayuan.
"Al... mi...ra," utal na sabi ni Rule habang nakatingin sa kanya, tinignan siya ni Almira at ngumiti at binitawan ang espada, niyakap niya si Rule.
"Kuya, masama nandadaya ‘diba?" sabi nito habang yakap siya at nakasubsub ang mukha sa damit nito, tumango si Rule, nawala na ang kaba sakanya.
Lumapit sa kanila si Migo at Sado, tumikhim naman si Sulong at bumalik sa katinuaan, nagkamali lang siguro siya ng tingin sa mata ng kapatid.
"Tumigil na kayo sa paglalaro," sabi ni Sado, inangat ni Almira ang mukha mula sa damit ni Rule at humarap sa kanyang ama at ngumiti, natulala si Sado.
Impo...sible!
Si Migo din ay napatitig sa mata ni Almira, hindi niya guni guni ang nasaksihan sa gubat! Tumayo si Almira at tinulungan na tumayo si Rule, muling napansin ni Rule ang mata niya at nabato, maski si Sulong ay natahimik at tinitigan ang kapatid.
"Hala, kuya Rule, ayos ka la-"
"Aww!" daing ni Almira sa biglang paghila sakanya ni Sado sa braso. Tinignan niya ang ekspresyon nito na nababalisa.
"May problema po ba?"
"Hindi anak, wala," niyakap ni Sado ang anak.
Ngayon may dahilan na ako para turuan ka na protektahan ang sarili mo.
Matagal ng gustong turuan ni Sado si Almira sa paggamit ng armas pero ayaw niyang kalyuhan ang kamay nito at pahirapan ito sa pagsasanay. Ngunit, iba na ang ihip ng hangin ngayon dahil sa mata ni Almira, ang kulay kape niyang mata ay naging kulay dugo... kulay pula, ang sabi ng mga babaylan kay Sado ng minsan siya nitong hulaan. Ang sino man na magmamana ng mga pulang mata niya ay susundan ng kaguluhan at kamatayan.
Ayaw niya turuan sa ganitong dahilan ang anak ngunit, wala na siyang magagawa. Naalala niya ang muntik na mawala sakanila si Almira noong tatlong taon ito at parang isang himala na nawala ang sakit nito, nanindig ang balahibo niya... hinigpitan niya ang yakap sa anak.
**********
Tatlong taon na ang lumipas at sampung taon na si Almira ngayon, labing tatlo si Rule at labing siyam si Sulong at Migo. Si Sulong ay isa ng heneral at si Rule ay isa ng sarhento. Si Migo naman ay bantay padin ni Sado ngunit maikukumpara mo ang galing niya kay Sulong.
At ang pinakaimportante, si Almira, simula ng araw na iyon ay nagbago ang buhay ni Almira. Tinuruan siyang makipaglaban ng kanyang ama, lahat ng paraan, ng armas, ng estilo, at ng metodolohiya ay itinuro sakanya at dahil may karanasan naman si Almira sa dating buhay, madali niyang nakuha ang lahat.
Katulad nalang ngayon ay nasa hardin silang lahat at pinapanood nila habang nagsasanay si Almira, kalaban si Rule. Nakabakasyon ngayon ang buong pamilya ni Sado dahil wala namang halimaw na umaatake sa bayan.
"Napakagaling talaga ng kapatid niyo, Sulong," sabi ni Sado sa dalawang nakikinig sakanya, nagkakape silang dalawa ni Sulong at nakatayo sa gilid nila si Migo.
"Tatlong taon pa lang siya nakakapagsanay ngunit nahigitan niya na si Rule, hindi magtatagal ay mahihigitan ka din niya, Sulong."
"Ama naman, alam mong imposible iyan, labing isa ako ng una akong makapatay ng halimaw, malapit ng mag labing isa si Almira at ni hindi mo siya pinalalabas ng ating hardin," mayabang na sabi ni Sulong, pinagmamalaki niya ang kapatid niya, oo, ngunit hindi naman siya makakapayag na matataasan siya nito sa mura nitong edad.
"Ahh, Ginoo, may gusto akong sabihin," parehas na napalingon si Sado at Sulong kay Migo.
"Sa totoo lang, nakapatay na si Almira ng halimaw."
"Ano?!" sabay nilang tanong at parehas na ibinaba ang kape.
"Hindi na ako nagkaroon ng pagkakataon na ikwento ngunit ng araw na pinasunod ako ni guro kay binibini noong araw na dumating kayo, talong taon na ang nakakalipas. Nakita ko siya na pumatay ng halimaw sa gubat na abot sa teritoryo ng mga Paygo," sabi ni Migo na nagpamangha kay Sado, pitong taon ang anak niyang babae nung una itong pumatay ng halimaw?
"Kaya nga, gusto ko sanang itanong iyon sainyo, guro, kung may panimulang pagsasanay ang binibini noong pitong taong gulang siya ngunit nalaman niyo na nagiging pula ang mata niya kagaya ng sainyo kaya't hindi ko na naikwento."
"Hindi, hindi ko siya naturuan ng kahit ano, ngunit..." nakakunot ang noo na tumingin si Sado kay Sulong.
"Nanonood siya saaming pagsasanay ni Rule," sabi ni Sulong na nakagpatawa kay Sado, pambihira! huwag mong sabihin na sa panonood lang ay natuto si Almira?
"Mukhang matagal ka na pala niyang natalo, Sulong," asar ni Sado kay Sulong, napangiti nalang si Sulong at napailing. Hindi siya makapaniwala na sa edad na pitong taon ay nakapatay na ito ng halimaw.
"Aray ko naman, Almira, nagsasanay lang tayo hindi ba? Bakit mo tinototoo?"
Napalingon silang lahat sa naglalaban na si Rule at Almira, nakahawak ngayon si Rule sa ulo niya na na napukpok ni Almira.
"Kuya Rule, bakit ba parang humina ka? Ganyan ka ba makipaglaban sa mga halimaw sa labas?" tanong ni Almira, naginit naman ang ulo ni Rule.
Itong batang ‘to!
Tumayo siya at nagsimula ulit umatake, mula naman sa kanilang upuan, si Sado, si Sulong at Migo ay napailing, sino ba talagang sinasanay si Almira o si Rule? Dahil sa totoo lang, mukhang mas may kaalaman pa si Almira kesa kay Rule.
"Ano pa man, ama, sa tingin ko ay tama ka," sabi ni Sulong habang nakatingin kay Almira at Rule na ngayon ay tumalsik na naman ang sandata.
Kung ganito ang pag iisip nila kay Almira paano pa kapag nalaman nila na ang unang beses talaga na nakapatay si Almira ng halimaw ay limang taon siya. Ngunit ano ba ang aasahan sa isang babae na madugo at madilim ang kinasanayang buhay? Lumambot si Almira ngayon pero hindi na mawawala sa sistema ang tunay na katauhan niya.
Siya si Almira... kung saan may gulo at kamatayan nandoon siya.