Talasalitaan:
Niyebe- Snow
Bunggalo- One floor house
Daungan- Pier
Baluti- Armor
Mangangalakal- Merchant/Businessman
Palatuntunan- Rules
Kabalyero- Knight
Katuwang- Concubine
Naiintindihan na ni Almira kung nasaan siya ngayon, hindi siya nananaginip dahil apat na taon na ang nakalipas at nandito padin siya, hindi siya nagising o ano man, pitong taong gulang na ngayon ang katawan niya.
Siya ay nasa Laso ikatlo at dulong bayan ng Kisol, isa sa mga proinsya ng kaharian ng Maharlika. Ang Maharlika ay may kakambal na bansa, ang Hinirang. Ang dalawang bansa ay may makaibang hari ngunit walang pinagkaiba sa kultura, tradisyon at paniniwala. Napapaligiran sila ng karagatan ngunit ang daungan ay matatagpuan lang timog na bahagi ng Mahnira, ang Mahnira ang sentro ng pangangalakal, pag-aaral, at pakikipagsapalaran.
Makukulay na baro't saya at barong ang paraan ng pananamit ng tao dito, bakya at balat na sapatos ang gamit nilang panapin sa paa. Ang gamit nilang wika ay makaluma at baybayin ang alpabeto. Kulay kape o kayumanggi ang balat ng lahat. Ang klima ng bansa ay tag-ulan, tag-araw at tag-lamig ngunit hindi umuulan ng niyebe kahit saan.
Dahil nga kaharian ang tawag sa mga bansa, hari at reyna ang namumuno. Ang kasama nila sa pangangalaga ng bansa ay ang mga gobernador, alkalde, at kapitan, iyon ay mga titulo na nakakabit sa pangalan ng mga maimpluwensyang pamilya at kagaya ng trono, namamana din ito.
Katulong din ng bughaw na pamilya ang minsitro ng bawat kagawaran, at mga sundalo sa pagpapanatili ng kapayapaan ng dalawang bansa, ngunit hindi tulad ng titulo, ang mga posisyon sa palasyo ay hindi namamana bagkus ay inaaral at karapat dapat lamang nailuluklok sa pwesto.
Naniniwala sila sa mga babaylan na nagbabasa ng kapalaran, wala silang diyos ngunit may Anitong gabay sila na inaalayan ng kandila at pagkain depende sa kahilingan. Anito na gabay ng pag-ani, Anito na gabay ng pag-ibig, Anito na gabay ng pakikipagdigma at marami pang iba.
Hindi ganoon ka-unlad ang teknolohiya sa punto na may telepeno, ngunit meron silang mga bagay gaya ng orasan, relo, at lumilipad na karwahe.

Maayos si Almira sa lahat, tanggap niya na na hindi panaginip lahat, sa totoo lang ay masasabi mong masaya siya dahil nakita niya ang mga magulang niya at partida, tunay na anak siya ng mga ito. Ang hindi niya maintindihan ay bakit siya nakaluhod ngayon sa bilao ng munggo?!
Oo, napalo niya ng espadang kahoy ang kapatid niyang lalaki ngunit, ang kapatid niya ang nagsabi na maglaro sila, kasalanan niya ba na mayroon siyang higit sa sapat na kasanayan at talento?
Siyam na taon ang kapatid niyang lalaki, ayos lang naman dito na napalo siya ni Almira ngunit ang mga lalaki nitong tagabantay ay hindi makapayag at pinaluhod siya sa munggo, nakakairita!
Ang sakit ng ng tuhod niya at ng mga braso niya na kanina pa nakataas, idagdag mo pa na tanghali na, sikat na sikat na ang araw sa bakuran ng bunggalo nilang bahay.
"Ginoo, hindi pa ba sapat? Dalawang oras ng nakaluhod si Almira," sabi ng kapatid niyang si Rule sa bantay nito, narinig sila ni Almira at napangiti sa pagtatanggol ng kapatid.
"Rule, napukpok ka niya ng kahoy na espada sa ulo, kung tunay iyong espada, namatay ka na, kulang ang isang buong araw na nakaluhod siya sa munggo!" matigas na sabi ng bantay nitong si Aro.
Si Aro ang kanang kamay ni Sado at mayordomo ng pamilyang Paygo at siya ang namamahala sa mga katulong at mga kailangang gawin sa bahay.
"Ngunit napalo ko din naman siya sa tagiliran bago niya ako napalo sa ulo at isa pa, dwelo ang ginagawa namin, kaya kung magkasakitan man ay wala dapat magagalit, kung pinarusahan mo siya dahil naglaro kami ay dapat parusahan mo din ako."
"Iho, tama na ang napalo mo siya sa tagiliran, hindi na dapat siya gumanti pa, pinaparusahan ko siya dahil gumanti siya," pinigilan ni Almira ang pag-ikot ng mata sa pagkontra ni Aro kay Rule.
Ito, ito ang kinaiinis niya sa mundong ito, ang tingin nila sa babae ay hindi hamak mas mababa sa lalaki. Pinapaboran ang mga kalalkihan ng sobra. Halimbawa nalang sa aspeto ng pag aaral, nakakapagaral ang mga babae, oo, ngunit limitado ang pwede nilang aralin sa pagluluto, pananahi, pagsasayaw, pagpipinta, at musika. Hindi tulad ng lalaki na pwede sa medisina hanggang sa militar.
"Heneral, nandito ka?" bati ni Aro kay Sado na nanggaling sa loob ng bahay. Nakasuot pa ito ng manipis at magaang klase ng baluti.
"Oo, kasama ko din si Sulong, pwede mo bang ipahanda ang kwarto niya?"
"Masusunod, heneral!" sabi ni Aro, tinignan niya ang bantay ng heneral na si Migo na palaging nakasunod sa ginoo, nakasuot din ito ng baluti, mukhang kagagaling lang nito mula sa pakikipaglaban sa ibang lungsod. Tinanguan siya nito kaya't tinanguan niya din ito bilang pagbati at umalis.
Tinignan ni Sado ang anak niyang babae at ang anak niyang si Rule.
"Rule, anong nangyari?"
"Ama, naglaro po kami ng kahoy na espada at hindi sinasadyang napalo ako ni Almira sa ulo, pwede po bang itigil niyo na ang kanyang parusa?" nag aalalang sabi ni Rule, nagulat ang heneral dahil, may sapat na ensayo si Rule, imposibleng tamaan siya ni Almira, gayong walang alam si Almira sa pag eespada.
Napaisip siya pero naiisip niya din na siguro ay pinagbigyan lang ni Rule ang kapatid kaya't hinihiling nito ngayon na itigil na ang parusa.
"Rule, walang kasanayan si Almira, bakit ka sakanya nakikipaglaro?"
"Ama, gusto ko na matuto si Almira ng pakikipaglaban, maraming umaatakeng halimaw sa lungsod, kaya nga't abala si Kuya Sulong hindi po ba?" sabi ni Rule, napangiti naman si Sado, tama ang naging pagpapalaki niya dito.
"Huwag mo ng alalhanin ‘yon, Rule, pumasok ka na at ako ng bahala sa kapatid mo," sabi ni Sado sa anak, tumango ito pero tinignan muna si Almira at nginitian bago pumasok ng kanilang malaking bahay.
Lumapit si Sado kay Almira, yumuko naman si Almira. Alam niyang kahit ano pang sinabi ng kapatid niyang si Rule, siya padin ang sisisihin, sadyang ganoon sa mundong ito, marami nga ang nagsasabi sakanya na maswerte siya at anak siya ng isang mayamang pamilya.
"Tumayo ka na diyan, Almira," utos ni Sado sakanya kaya't tumayo naman siya, makikita sa tuhod niya ang marka ng munggo.
"Almira, bakit ka nakipaglaro sa kapatid mo?"
"Almira, tinatanong kita" ulit ni Sado ng hindi sumagot si Almira, napakuyom siya ng kamao.
Hanggang dito ba naman, ama, dadalhin mo iyang pagiging heneral mo, bakit ba hindi ka nalang nagging mangangalakal?
Hindi inasahan ni Almira na heneral ang ama niya noong una siyang magising sa mundo niya. Akala niya ay mababawasan na ang mala-militar na pagdidisiplina ng ama niya ngunit, doon siya nagkamali dahil hindi lang basta heneral ang ama niya ngayon, heneral ito na may pitong bituwin sa balikat kaya kahit mabait sakanya ay sobrang higpit padin pagdating sa mga palatuntunan.
Sundalo ang mga tawag sa mga mandirigma katulad ng ama niya. Sila ang mga pumoprotekta sa bansa. Bukod sa pagsisimula bilang kawal o bantay bago maging ganap na sundalo, lahat ay maitutulad sa militar ang sitema at pagraranggo. Gayunpaman na sundalo ang tawag sakanila, espada at pana ang madalas nilang armas. Kaya't masasabi na mas malapit sila sa pagiging kabalyero, kahit wala ang konseptong iyon sa mundong ito.
"Hindi po ako makahindi kay kuya Rule" sagot niya kay Sado, bumuntong hininga ito.
"Hindi ba't sinabi ko na sayo na hindi ka dapat masyadong nakikipaglaro kay Rule?" mababang tono na sabi ni Sado, hindi umimik si Almira at kinagat lang ang labi.
"Sige na, pumasok ka na," sabi ni Sado at tumalikod mula kay Almira.
"Dahil po ba babae ako?" napatigil si Sado sa paglalakad palayo kay Almira ng sinabi niya iyan, hinarap siya ni Migo.
"Almira, wag mong kwestyonin ang iyong ama," sabi ni Migo sakanya, humarap din si Sado at lumapit sakanya.
"Hindi iyon dahil sa babae ka."
Kung ganoon ay dahil saan?
Bumuntong hininga si Almira, simula bata siya ay napanisin niya na ayaw siyang nakikisalamuha ng kanyang ama sa mga lalaki, minsan kahit sa mga kapatid niya. Iniisip niya tuloy kung naapektuhan ang ama niya ng kultura dito na mababa ang babae.
"Ama, ako'y iyong pagpasensyahan, hindi na po mauulit," sabi nalang niya at naglakad palabas sa bakuran kung saan may nagiintay na kagubatan.
"Saan ka pupunta, anak?"
"Magpapahangin lang po ako, ama," nakangiti ng sabi ni Almira, ganoon naman siya simula ng mapunta siya sa mundong ito. Naging malambot siya, nawala ang puno ng paghihiganti at galit niyang kalooban, ikaw ba naman ay ulanin ng sobrang pagmamahal makatapos mong hindi ito maranasan, hindi ka ba titiklop?
"Sige, iha, huwag kang magtagal dahil darating na ang iyong mga ina mula sakanyang paglalakbay," nakangiti ding sabi ni Sado, ngumiti lang si Almira at lumabas ng kanilang hardin.
"Migo, sundan mo si Almira" sabi ni Sado sakanyang bantay pagkalabas na pagkalabas ni Almira sa hardin, hindi siya nito sinunod kaya napatingin siya dito.
"Migo?"
"Pasensya na sa aking kapangahasan, guro, ngunit matagal ko ng gustong itanong ito saiyo, hindi ba at parang masyado mong kinukunsinti si Almira?" tanong ni Migo sakanya dahil sa nakikita ni Migo, sa tatlong taon niyang pagiging estudyante at bantay ng heneral ay masyado niyang pinapaboran si Almira kahit babae ito.
"Migo, Migo, Migo, mukhang gusto mong makarinig ng kwento," nakangiting sabi ni Sado, napakunot ang noo ni Migo.
"Bakit sa tingin mo hindi ko pinapayagan na makipaglaro si Almira kay Rule?"
"Dahil siya ay babae at si Rule ay lalaki, hindi sila pantay" walang alinlangan na sagot ni Migo, ngumiti ang heneral.
"Mali."
"Hindi ko hinahayaan na makipaglaro si Almira kay Rule dahil lalaki si Rule," sabi ng heneral kaya't lalong naguluhan si Migo, hindi ba't iyon ang sabi niya?
"Ang pagkasilang ni Almira ay isang himala para saamin ni Mariya...si Mariya lang ang bukod tanging minahal ko ng sobra, alam iyon ng lahat."
"Buong akala namin ni Mariya ay hindi na kami magkakaanak dahil masyadong mahina ang katawan niya para magdalang tao, kaya't pinilit niya akong gawing katuwang ang matalik niyang kaibigan na si Teresa, ang ina ni Sulong at Rule," lintaya ni Sado. Oo, tama iyon, sa kultura nila, maaring magkaroon ang lalaki ng higit sa isang asawa.
"Pero dumating si Almira ng hindi inaasahan ... ngayon hangga't maari ayaw ko lang siyang masaktan."
"Guro, hindi ko padin po maintindihan, masasaktan po ba ang binibini sa simpleng pakikipaglaro lang?"
"Nakita mo naman ang sitwasyon kanina, hindi ba?" kung tinutukoy ng kanyang guro ang pagluhod ni Almira sa munggo? Oo, nakita niya, tumango si Migo.
"Iyon ang ayaw kong mangyari, ayaw kong nasasaktan si Almira dahil kahit mababa ang tingin sa mga babae, ayaw kong maranasan niya iyon, lalo na kung ang magiging dahilan ay ang mga kapatid niya," sabi ni Sado, unti-unti namang naiintindihan ni Migo.
"Kaya nga nung narinig ko ang sagot ni Rule kanina ay natuwa ako, tama ang pagpapalaki ko sakanya."
"Guro, si Ginoong Sulong din po ba ay ganyan ang pananaw sa binibini?" tanong ni Migo, parehas silang labing anim ni Sulong kaya't napaisip siya.
"Oo, simula ng ipanganak si Almira, nakita ko si Sulong ang kagustuhan protektahan si Almira."
"Alam mo na hindi ko nakikita ang babae bilang mababa sa lalaki at ganoon ko din sinusubukang palakihin si Sulong, Rule at Almira kahit na maraming hindi sang-ayon, ganoon ang gusto kong pagpapalaki sakanila. Lalo na kay Almira, ayaw kong makita niya ang sarili niya na mas mababa sa iba dahil lang babae siya."
"Kaya't kung iyong mamarapatin Migo, intindihin mo ang iyong guro importante para sa akin si Almira at-"
SWISHH!
Hindi na natapos ni Sado ang sasabihin niya dahil parang hangin na nawala si Migo sa tabi niya, napangiti nalang siya. Mukhang naintindihan na ni Migo ang halaga ni Almira para sakanya.
Sa totoo lang ay ayaw niya talaga ng sistema na mas mababa ang babae kesa sakanila at napagtanto niya iyon ng makilala niya si Mariya at ngayon hangga’t maari ay ayaw niya iyon mangyari kay Almira.