(Naya's POV)
Pagka-alis nila Mom ay lumapit agad kami sa gate ni Apollo saka namin iniabot sa guard na lumabas ang forms namin. Kinuha naman nila agad iyon at sinabihan kami na maghintay sandali, hindi naman nagtagal at mayamaya lang ay ibinalik na muli nila ang form namin, saka kami lumakad papasok kasama ang isa pang guard ng papasukin nila kami.
"Sakay," utos ng isang guard sa amin.
Sumakay naman agad kami sa mini bus na naghihintay sa amin, hindi na rin kami nagtanong at sinenyasan ko na lang din si Apollo para tumahimik siya. Ito siguro ang maghahatid sa amin sa mismong vicinity ng school, sa tantiya ko kasi ay malaki ang school na ‘to, pagpasok mo kasi ay wala ka namang ibang makikita maliban sa guard house, mahabang kalsada at mapunong paligid.
Nai-kwento rin naman ng kambal noon na malaki nga talaga ito. Sa totoo lang nga ay napaisip na rin ako sa school na ito, bakit nga kaya sikat at maraming gustong makapasok sa school na ‘to? Pati tuloy sina Kuya at si Apollo ay nahuhumaling dito. Ewan ko nga ba.
Matapos ang walang humpay na byahe at panay matataas na punong tanawin, another gate had shown in the end of this long road. Hiniram muli ng bantay ang forms namin saka kami nag-hintay ulit ng ilang minuto, tapos mayamaya lang ay pinapasok na kami sa gate.
Dito ay nakakakita na ako ng ilang imprastraktura at mga estudyante, nandito na nga talaga kami. Masasabi ko rin mula dito na talagang malaki nga ang DR University, pero hindi pa rin nakaligtas sa akin ang kakaibang atmosphere sa lugar na ito at ang kakaibang tingin ng mga taong nadaraanan namin.
"Baba na," muling utos ng guard sa amin.
Bumaba na kami sa tapat ng mataas na building na nasa bungad ng gate matapos sabihin ng guard na bumaba na kami, ng lumakad naman siya ay sumunod lang din kami ng hindi na nagtatanong pa.
"Everyone was looking at us," Apollo whispered to me.
Hindi naman ako nag-abala na tingnan sila habang naglalakad kami papasok sa mataas na building na kinaroroonan namin, nararamdaman ko naman kasi iyon.
"Don't mind," tanging sagot ko sa kanya.
Natigil naman si Apollo sa pagbulong niya sa akin dahil sa sinabi ko. Ang ingay niya talaga, bakit kaya nila pinasama sa akin ang mokong na ‘to? Tsk. Hindi ko na siya muling pinansin at dumiretso na lang din kami sa elevator na malapit sa entrance ng building, at ilang minuto lang ay bumukas na iyon. Hinintay lang din naman namin na lumabas ang mga sakay bago kami pumasok doon at ang guard na ang pumindot ng floor na pakay namin.
Nakapagtataka lang din na iisa lamang ang elevator ng mataas na building na ‘to, hindi ba madalas magawi ang mga estudyante rito? Nagtataka man ay hindi ko na lang iyon pinansin. Hindi nagtagal ay tumigil na ito sa pinaka-huling palapag, kaya pagbukas ng pinto ay nilingon ko agad si Apollo, hindi na ako nagsalita ng makita kong nakatingin din siya sa akin.
Sinenyasan din naman kami noong guard na lumabas na matapos nilang lumabas, nauna namang lumabas si Apollo dahil doon at sumunod lang ako sa kanya. Hindi pa man kami nakakalayo ay bigla na lang may sumulpot na guards at nagpaulan sila ng suntok kay Apollo, buti na lamang ay nakaiwas siya ng mabilis saka siya tumakbo pabalik sa akin.
"Whoah! Wah insan? W-wait lang naman," hiyaw ni Apollo sa kanila na lalong ikinakunot ng noo ko.
Ipapahamak talaga kami ng kaingayan niya, hinila ko agad siya papunta sa likuran ko saka ko sinipa ‘yong nagtangkang sumuntok sa kanya.
"Wah insan!" muling hiyaw ni Apollo.
Nilingon ko naman siya kaagad dahil sumigaw na naman siya, saka ko tinadyakan yung guard na naghatid sa amin dito sa taas, na nagtangka namang sumuntok sa kanya. Tumalsik siya papasok sa loob ng elevator saka ko pinindot ang pababang button.
"Ba-bye!" tuwang-tuwa pang paalam ng mokong sa lalaking ‘yon.
Mayamaya ay bigla na namang may sumulpot na dalawang lalaki, kaya mabilis ko silang tiningnan at nilapitan.
"Ilag Apollo!" I yelled at him.
Hinila ko ulit siya para makaiwas sa tadyak noong kalaban saka ko sinipa ‘yong sumugod, at sinuntok ko ‘yong sumunod sa kanya sa sikmura. Mabilis naman agad silang tumumba dahil doon. They are all guards here, sigurado ako doon dahil iisa sila ng uniporme.
Mayamaya ay may sumugod muli na dalawa sa amin kaya mabilis kong sinalo ang kamao noong isa sa kanila, saka ko pinipilit iyon dahilan para mapahiyaw siya sa sakit. Mabilis ko rin siyang iniharap sa kasama niyang sisipain sana ako kaya sa kanya tumama ang sipa ng kasamahan niya, saka ko binitawan agad ang lalaking pinilipit ko ang kamay bago ko siya sipain palayo sa akin.
"Go insan!" pagche-cheer ni Apollo sa akin kaya nilingon ko siya at tiningnan ng masama.
"Our things you idiot!" hiyaw kong muli sa kanya.
Dali-dali naman niyang kinuha ang mga gamit namin dahil sa hiyaw ko, pinagsisipa ko naman agad at pinagsusuntok ‘yong mga natira doon para siguradong wala ng makakatayo pa sa kanila. Mayamaya ay napatigil ako sa ginagawa ko ng maramdaman kong may ibang taong nakatingin sa amin, napalingon ako sa mahabang pasilyo na tinatahak namin at sa dulo noon ay nakatayo ang isang medyo bata pang lalaki na nakasuot ng tulad nila, but unlike them he has a gold badge. Dumeretso na lang ako sa paglalakad habang nakatingin sa kanya, kasunod ko naman na naglakad si Apollo na biglang natahimik, hinihintay ko rin kung susugod siya o hindi pero nananatili lang siyang nakatayo doon.
"Welcome to DR University!" bati niya paglapit namin saka siya yumukod.
Pagtayo niyang muli ay saka naman niya binuksan ang pintong katabi niya.
"Come in."
Pagkasabi niya noon ay hinila ko na si Apollo saka pumasok sa loob ng deans office. Sa loob ay naabutan naming nakaupo ang Dean sa swivel chair niya at nakatingin sa amin, mukang inaasahan niya na talaga kami.
"Have a seat." alok niya sa amin.
She was smiling from ear to ear pero kakaibang ngiti ang mga iyon, napalingon ako kay Apollo ng maupo siya dahil hindi ako umupo. May naglapag pa ng tea sa tapat ng dalawang upuan kung saan nakaupo si Apollo at naglapag din sila sa harapan niya. Iniabot ko na agad ang form namin ni Apollo sa dean, sabay batok sa mokong noong akmang hahawakan niya na ang tasa.
"Drink that or you'll be a dead chicken after," agad akong banta kay Apollo.
Napakamot-ulo lang naman agad siya dahil doon saka ko ibinalik ang diretsong tingin ko sa Dean na ngumisi bigla sa akin.
"Here's your dorm number, your schedule, and your ID, congratulations," pagbati ng Dean sa amin.
Kinuha ko naman agad iyon saka ko hinila si Apollo at tumalikod para lumabas na, dire-diretso lang din kami palabas at hindi na nag-paalam. Kakaiba ang pag-welcome nila sa mga estudyante nila, nakapagtataka.
"Excuse me."
Napatigil kami sa paglalakad saka kami lumingon dahil sa narinig ko. Iyong guard na may gold badge, hindi na siya yumukod sa amin but this time ‘yong kasama niya naman ang gumawa noon.
"He will be your guard papunta sa dorm niyo, ask him anything you want,” pagpapakilala ng guard na may gold badge sa lalaking kalapit niya.
"Follow me."
Pagkasabi niya noon ay lumapit na siya sa amin kaya sumunod na kami agad sa lalaking ‘yon at sumakay muli sa elevator pababa. Hindi naman nagtagal ay nakababa na kami, paglabas namin ng building ay sumakay lang kaming muli sa mini bus. Mukang malayo pa rin dito ang dorm namin. Habang nasa byahe ay nagmamasid at nakikiramdam ako sa paligid, lalong dumami ang mga estudyante sa parteng ito ng school, at lahat sila ay tumitingin sa amin. Marahil nagtataka sila dahil newbie kami.
"Tama na!" hiyaw ng isang boses lalaki.
Agad kaming napalingon sa pinanggalingan ng hiyaw na iyon, ng mapadaan kami sa grupo ng mga estudyante na pinagtutulungan ang duguang lalaki na nakahilata sa damuhan, tuwang-tuwa sila habang hirap na hirap na ang lalaking ‘yon.
"Maawa kayo sa akin, tama na!" hiyaw niyang muli pero parang wala namang pakielam ang mga nambubugbog sa kanya.
Mayamaya lang din naman ay biglang may mga nagdatingan na iba pang mga estudyante at nagkarambola na sila. Napansin ko rin agad na may mga knife ‘yong dumating at pinagsasaksak nila ‘yong mga lalaking bumugbog sa isang lalaki. Napalingon ako kay Apollo ng mapakapit siya sa akin. Hindi niya nga pala gustong makakita ng dugo.
"Hindi lang yan ang makikita mo araw-araw, may mas malalala pa dyan," biglang sabi noong kasama naming guard sa amin.
Napatingin kami ni Apollo sa kanya. Marahil ay napansin niya ang reaction ni Apollo.
"Dapat nagisip ka muna bago ka pumasok dito, dapat naghanda ka, entering this school means committing to it also. Isa itong laro na buhay ang nakataya, hindi ito larong pambata na pwede sa mahihina. Ang pagpasok mo dito ay wala ng labasan, maliban na lang kung graduate ka na, o patay ka na."
Matapos na sabihin iyon ng guard na kasama namin ay hindi na siya nagsalita pa, nagkatinginan lang naman kami ni Apollo dahil sa sinabi niya. Isa ba ‘yong pananakot o talagang babala? Mayamaya lang din naman ay may mga tunog ng pito na ang umalingawngaw malapit sa mga nagkakagulong estudyante. Matapos noon ay sumulpot na ang ilang guards at mabilis na nahuli ang mga nambubugbog sa lalaking ‘yon, ang lalaki namang nabugbog ay dinala ng ibang guards.
Ganito pala ang school na gustong-gusto nila? Bakit kaya? Ano namang meron dito? Anong espesyal dito? Iyong patayan, saksakan at bugbugan araw-araw? Anong maganda dito? May matino pa rin ba dito?
Napatigil ako sa malalim na pagiisip ng tumigil ang bus sa isang malaking gate, nilingon din naman agad kami ng guard na kasama namin saka siya bumaba kaya sumunod na lang din kami.
“This is the dark village, nasa loob ang dorm niyo. Ang guard na ang bahalang maghatid sa inyo doon. Welcome and good luck.”
Yumukod sa amin ang guard na kasama namin bago siya umalis kaya sumama na lang din kami sa guard na sumalubong sa amin. Dala ang mga gamit namin ay pumasok kami sa gate ng dark village saka kami lumakad sa loob dahil walang service.