Tiningnan lamang nya ako sabay hinga nang malalim hinila nya ang kamay ko papunta sa higaan at pinahiga na ako, sinuklay nya gamit ang kanyang kamay ang buhok ko muli syang tumayo at pinutol ang karton na sapin nya sa paa tsaka nya ako pinaypayan.
Pumikit na ako at hinawakan ang kamay nya napansin kong hindi na katulad noon ang kamay ni Sammy puno na ito ng kalyo at napaka gaspang pasmado rin ito, namamasa at nanginginig nang bahagya. Muli kong minulat ang mata ako at tinignan ang kamay nya ang ilan nyang kuko ay pudpod na habang ang isa nyang daliri ay namamaga at wala pang kuko.
Tinapik ko sya sa kamay ay bumulong, "Nagagalit ka sa tuwing kinaawaan kita, bakit ba? Dapat ka naman talagang kaawaan diba?"
Tinitigan ako nito, "Huwag,"
Ang ikli ng sagot nya hanggang ngayon ay hindi ko maintindihan ang dahilan nya, ni minsan hindi ko sya nakitang umiyak at nagalit dahil sa pagmamaltrato sakanya napaka tatag nya.
Dakong papaiyak na sana ako ng bigla namang lumitaw si tita kaya napilitan akong magtulog tulugan. Ramdam ko ang bawat yabag nya sa sahig ang dalawa nyang anak nay bumangon mula sa pagkakahiga.
Minulat ko ng maliit ang aking mata nakikita ko silang naguusap sa mesa hindi ko sila marinig dahil ito'y may lalayuan.
Kinulbit ako ni ate sabay nilakihan ng mata, "Sige ka bukas umagahan ka na nila"
Pinalo ko naman ang braso nya nakakatakot syang magbiro hindi nakakatuwa.
"Ikaw rin naman nakikinig sa usapan nila diba?" Panigurado ko pa.
"Dapat lang baka bukas paggising natin nasa malaking kawali na tayo o di kaya naman hindi na tayo magising," sabi pa ni ate sabay bangon sa higaan.
"Sammy, bumalik ka nga sa higaan baka mamaya sabihin nila chismosa tayo higa ka ulit," suway ko sakanya habang mahinang pinapalo ang hita nya.
"Shhh may sinasabi yung isa, manahimik ka muna pag ako nahuli di nakita maproprotektahan nya!" sinungalngal nito nang malakas ang mukha ko.
Bumangon na rin ako at makinig sa usapan nila ngayon ay mas malinaw kong naririnig ang usapan nila ngunit nahihirapan akong intindihin dahil putol-putol ang salita ni tita.
Lumipas ang ilang minuto at patuloy parin ang usapan nila habang ako'y nanlalamig at namumutla na hindi ko kinakaya ang usapan nila ang brutal! Samantalang si Sammy ay patuloy sa pakikinig at parang nasiyahan pa yata.
"Eh salbahe naman pala tong babaeng ito eh tama nga yung kutob ko hindi dapat yan pinagkakatiwalaan," biglang saad ni Sammy.
Hindi ko naman narinig nang maayos ang usapan kaya napatanong akong muli "Ano daw?"
Hinatak nito ang mukha ako at pwimesto sa bandang tenga ko, "Kumadronang aswang,"
Napaurong ako sakanya habang nakakunot ang noo. Aswang? Totoo ba yon?
"Mga ineng gising pa pala kayo halika sabayan nyo kami sa pagkain sa hapag," masayang bati pa ni tita labis ang ngiti nito sa labi kahit na bulok ang kanyang ngipin at  naninilaw.
"Mas mabuti yata kung kuskusin mo ng asin yung ngipin mo na may maligamgam na tubig sabi kasi ng lola ng kapitbahay namin ganon daw yung ginagawa para tumibay at pumuti ang ngipin," puna pa ni Sammy.
Tiningnan ko naman sya at nilakihan sya ng mata grabe talaga ang bibig nya walang preno.
Natawa naman si tita sabay takip sa bibig "Hahahha, natutuwa talaga ako sayo Sammy napaka deretso mo magsalita napaka prangka,"
Wagas sya kung pumuri hindi man lang sya nagalit o nayamot kay Sammy malamang ay malawak ang pag-iisip nya.
"Hindi ko naman gustong makipag lokohan sayo mas gusto kong magsabi ng totoo para hindi ka masaktan" dagdag pa niya.
Napahampas naman sa hangin si tita "Nakakatuwa ka talaga, mas mabuti siguro kung tawagin mo akong tita huwag kang mahiya,"
Umunat ng bahagya si Sammy, "Tita? Hindi ako nahihiya, ayoko lang talaga sa ngayon kase ayokong maging kamaganak ang kahit na sino sainyo mas mabuti kung tawagin ko na lang muna kayo sa pangalang ibinigay sa inyo tutal yun naman ang ginagamit nyo sa pang-araw araw na pamumuhay. Ang mas malala pa ay ang lahat ng nagiging parte ng pamilya ko ay sinasaktan ako,"
Tumalikod naman si tita sabay punta sa mesa nakita kong nakita nya nga ang tinapay na nilagyan ni Sammy ng kalamansi ngunit hindi naman nya ito pinansin
Hindi ko maintindihan ang tumatakbo sa isip ko sa tuwing nakikita ko kase ang mukha ni tita parang kinakalibutan ako nang husto at sa tuwing magpupunto ang mga mata namin sa isa't isa nakikita kong nakabaliltad ang repleksyon ko sa kanyang mga mata.
Gusto ko syang layuan ngunit maaring gawan nya ako nang masama. Naririto man si Sammy ngunit alam kong mas malakas sya kumpra sa akin o samin paano kung gamitin nya ang kanyang mga anak para saktan kami? Maton ang katawan nila kaya alam kong kayang-kayang nilang sikmuraan kami.
Pero bahala na matapang si Sammy kaya nya akong ipagtanggol hindi nya kayang makitang nahihirapan ako kaya kung mangyari yun ay sakanya ako aasa alam kong mahal ako ni Sammy, hindi nya ako pababayaan.
"Naririnig mo ba yung naririnig ko?" bulong nya sa'kin.
Napatitig ako sakanya. "Anong meron?"
"Wala susunduin ka yata nila mama naririnig ko sila papalapit na dito."
Napatango ako, ako nanaman ang iniisip nya masyado na sya akala nya siguro palaging ako ang iniisip nila mama. "Tayo, susunduin nila tayo!"
"Matapos nila akong uhawin sa tingin mo babalik pa ako?"
Mahina ang boses nya parang nadudurog sya ngunit pinipigilan nya. "Magiging maayos ang lahat,"
"Ilang beses ko na yan narinig sayo pero sa ilang beses na pagbalik ko sa kanila at pagbabakasakaling mamahalin nila ako ay nabibigo at nabugbog lang ako! Ano ganon ang pagpapakita nila ng pagmamahal saken? Ang bugbugin ako araw-araw?" tumaas ang boses nya.
"Magbabago naman sila wag kang susuko!" Hinawakan ko ang kamay nya.
Nilihis nya ang kamay ko. "Hindi ako sumusuko at wala naman akong balak sumuko pero sila mismo yung nagpapasuko saken pero bakit naman ako susuko eh magulang ko sila, anak nila ako? Alam kong mahal nila ako pero hindi sing laki ng pagmamahal nila sayo," Umalis sya sa harapan ako at tuluyang umupo sa upuang kawayan.
Natulala ako sa bintana, nakikita ko na sila mama na papalapit sa amin ilang sandali na lang at kukunin na nila kami at ilang sandali na lang ay mapapahamak nanaman si Sammy dahil sa akin. Bahala na sa tingin ko naman ay kakayanin kong ipagtanggol sya tulad ng pagtanggol nya sa akin. Sa ganung paraan ay magpapakita kong mahalaga sya sa akin.
"Punyeta ka talaga Sammy, kung ano ano ang ginagawa mo sa kapatid mo kaya natututo maglayas pag nakita ko talaga miski ang anino mo pagpipira-pirasuhin ko yang katawan mo!"