May mahika nga ba na nakapaloob sa aklat? Kung meron man ay ano ito? Abangan sa mga susunod na Chapter.
Lumipas ang mga linggo, buwan at taon.
"Keeeyaah, heeyaa, yaaaah." Maririnig mo na sigaw ng mga bata dahil sa pwersang pinapakawalan habang nag-iinsayo ng Espada.
Paulit-ulit nilang ginagawa habang hawak ang Espada nila; hampas sa kaliwa, hampas sa kanan, pasulong, Ikot at tusok.
—
—
—
"Tahimik!!!!" Sigaw ng Guro na si Tukan habang naglalakad papasok sa silid aralan. Agad namang nagsitahimik ang mga mag-aaral. Nagtuturo siya ng matematika ngayon kaya ilang saglit lang ay marami ng tulog sa klase.
—
—
—
"Bilis, bilis, bilis pa." Sigaw ni Tiaru habang nakikipagtakbuhan sa mga sinasanay niya. Ilang minuto pa ay hindi na niya mahagilap ang mga sinasanay dahil nahuli na siya sa takbuhan haha. Pinagtaguan pa siya ng mga ito at pinagtawanan, shempri kasama na dun si Chansu. Si Da naman ay nasa dulo na, siya lang ang hindi sumasali sa mga kalukuhan ng kaklase.
—
—
—
"Asintahin mo, damhin mo yung hangin, tantiyahin mo yung layo. Ganyan nga." Sabi ni Guro Perut kay Da habang tinuturuan siya na gumamit ng pana.
"Pakk." Natamaan niya ang gitna ng bilog.
"Wow." Napa-nganga ang mga kasama niya sa pagsasanay. "Ang galing." Sabi naman ng iba.
"Ako naman." Sabi ni Chansu.
Inasinta ni Chansu ang isa niyang kaklase kaya napataas ito ng kanyang kamay.
"HAHAHA." tawanan naman ng ibang kaklase ng maihi ang tinututukan ni Chansu ng pana.
—
—
—
"Napakapasaway mo talagang bata ka." Bungad ni Heneral Noshi sa anak pagkapasok nito sa bahay."
"Bilangin mo to Ama." Sabay pakita ng dalawang kamay niya.
"Sampo." Sagot ni Heneral Noshi.
"Ano kaba Ama, dalawa lang yung kamay ko. Sinabi ko bang daliri ang bilangin mo? Hahaha." Sabi ni Su sabay takbo ulit palabas.
—
—
—
"Ang taas naman ng marka mo anak." Masayang sabi ni Reyna Reshi habang tinitignan ang resulta ng pagsusuri ng anak.
"Anak din natin ang pinakamagaling na gumamit ng Espada, Pana, sibat at kaskas. Pinakamabilis at pinakamalakas sa lahat ng nagsasanay sa El Chudaria Academya." Pagmamalaki ni Haring Meliu.
"Nagawa ko po lahat ng ito dahil sa suporta at pagtuturo din ninyo." Sagot ni Da.
"Isang malaking karangalan ang magkaroon ng anak na katulad Mo Mahal kong Prinsepe." Sabi Reyna Reshi.
Sa paglaki ng dalawang Prinsepe, makikita na manang-mana sila sa kanilang mga magulang.
Si Prinsepe Darre ay nakilala sa kanyang kagalingan sa paggamit ng Sandata, katalinuhan, at mapagmahal tulad ng kanyang Ama. At shempri sa pagiging matipuno, pogi at kabaitan tulad ng kanyang ina.
Hindi man mapantayan ni Chansu ang talento ng pinsan, naging kilala naman siyang manunulat na wala kay Da. Tanging Espada lang din ang kinahihiligan niyang Sandata.
Kabaliktaran ng kabaitan at pagiging magalang ni Da, si Su ay naging napakakulit at babaero. Hindi naman masamang lalaki si Su, ngunit dahil sa kapilyohan niya ay maraming natatakot sa kanya.
Malapit na ang ika-16 taon anyos ni Da at maari na siyang maging hangaway o opisyal sa palasyo kung nanaisin niya.
Sa kaharian ng Chudaria, ang mga lalaking 16 anyos pataas ay maari ng sumabak sa mga digmaan at maging opisyal depende sa kanyang kakayahan. Maari kang maging kawal, mababang opisyal sa hukuman, opisyal sa paglalathala at katiwala ng El Royal Familia. Hindi rin pinipigilang mag-aral ang mga babae ngunit wala kang makikita na babaeng kawal o opisyal.
"Anak, nais kong maging ganap na opisyal kana ng palasyo sa ika-16 taong gulang mo." Sabi ni Haring Meliu kay Da habang kumakain sila ng tanghalian.
"Ngunit Ama.." Hindi pa nakatapos ng sasabihin si Da.
"Anak, malaki kana. Kailangang sanayin kana din sa pamamalakad dito sa palasyo." Sabi naman ni Reyna Reshi.
"Pero.." Hindi ulit nakatapos ng sasabihin si Da.
"Anak, ikaw ang pinakamagaling na mag-aaral ng Chudaria. Nalagpasan mo pa nga ang mga Marka ko. Mas magaling kana din gumamit ng sandata kaysa sakin sa mura mong edad." Sabi ni Haring Meliu.
"Aa." Hindi pa nakapagsalita si Da.
"Sa ika-16 na kaarawan mo, pumili ka ng kahit anong posisyon maliban sa pagiging Prinsepe mo." Sabi ni Haring Meliu.
"Opo." Sagot ni Da dahil hindi na siya makakapagtanggi pa sa alok ng mga magulang.
Nais ni Da na makapapunta sa iba't-ibang kaharian kaya ayaw pa sana niyang maging opisyal pagkatapus niyang mag-aral. Nais niyang makita ang mga ipinagmamalaking kultura at kabuhayan ng ibang kaharian. Makisalamuha at iba't-ibang uri ng tao at maranasan ang simpleng pamumuhay. Makalabas ng walang hadlang at hindi pinagtitipunan.
Naging abala ang lahat sa paghahanda para sa isang malaking pagsasalo. Dumating ang kaarawan ni Prinsepe Da at inimbitahan lahat ng Maharlika at Opisyal sa palasyo.
Naka-upo sa trono ang Hari at Reyna.Sa harap, Si Prinsepe Da ay nasa pinaka-unang lamesa sa Kanan at si Prinsepe Chansu at ang kanyang Ama naman sa kaliwa. Nasa kani-kanilang lamesa naman naka-upo ang ibat-ibang Mahistrado, Lords at Ladies, mga kilalang negosyanti, Heneral at iba pang matataas na Opisyal.
Tumayo ang Hari, tumayo din ang lahat at yumuko sa kanya.
"Cheerio." Sabi ng Hari habang hawak ang kopa na may bino. Sumabay sa pag-inom ang lahat bilang pormal na pagsisimula ng pagdiriwang.
Sumayaw ang kilalang Tropa De Cade bilang handog kay Prinsepe Da. Ang grupo na ito ang pinakakilala at hinahangaan na mananayaw at mang-aawit sa kaharian ng Chudaria hanggang sa ibang kaharian din. Si Reyna Reshi ay galing din sa grupo na ito, ang kanyang mga ninuno ang bumuo ng Tropa De Cade.
Sa ngayon ay pinamumunuan ang Cade ng magandang dilag na si Lou Ying. Si Lou Ying ang nag-iisa at bunsong kapatid ni Reyna Reshi. Walang pinagkapareho ang mukha ng magkapatid ngunit pareho silang maganda.
Nang matapus ang sayaw ay tinawag ng Hari si Prinsepe Da. Pumunta si Prinsepe Da sa harapan at yumuko sa Amang Hari.
"Kailangang ipatupad natin ang tradisyon na nagmula pa sa ating mga ninuno. Pagsapit ng isang Prinsepe sa ika-16 taong gulang ay kailangan niyang pumili ng posisyon para makapaghanda sa isang malaking tungkulin bilang Hari balang araw. Hindi lamang umu-upo sa trono ang isang Prinsepe, para maging matatag at magaling ay kailangan niyang matuto mula pagkabata. Ito ang tradisyon na hinahangaan ng ating nasasakupan at ibang kaharian." Mahabang salaysay ni Haring Meliu na pinalakpakan ng lahat. "Ngayon, ano ang gusto mong hilingin Prinsepe Darre.?" Tanong ng Hari kay Da.