PAYNE'S POV
PUPUNGAS-PUNGAS kong kinapa ang kama ko nang biglang nagring yung cellphone ko. Nakakainis! Sino ang tumatawag nang ganitong oras? Alam ba nitong exam ko bukas? Hindi pa ako nakakaisang oras na idlip, jusko! Kinusot ko ang mga mata ko saka humikab.
"Hello." Nagngitngit pa ang ngipin ko habang nagsasalita. Nakaplastado na ang sasabihin ko sa istorbong tu. Mumurahin ko at sisigawan. Sana ngalang ay hindi si Sister Gemma kasi lagot, panigurado.
"P-payne." Automatic akong napabangon nang marinig ko ang boses na iyon.
"Alice? Bakit, anong nangyari at napatawag ka?" Nag-aalalang tanong ko. Si Alice ay ang nag-iisang kaibigan ko. Mabait siya at mahinhin. Nagtatrabaho siya sa bar bilang waitress. Over react lang talaga ako dahil ni minsan ay di niya ako tinawagan. At jusmio! Gabi pa talaga ngayon, huh. Ano kayang nakain nito at mukhang naglasing pa.
"Payne, pwede... mo ba akong... p-puntahan dito? gusto ko sanang may makausap." Wika niya sa pagitan ng paghikbi. Nakakapanibago ito. Ngayon lang siya tumawag, paniguradong may mabigat siyang problema. Napailing ako. Bahala na si God sa Exam ko bukas huhu. Unahin ko muna ang Friend ko, Exam ha.
"S-dandali. Magbibihis ako. Andiyan kaba sa bar? Ay natural pala diyan ka, ang ingay ng tugtog eh. Wait lang, hintayin mo ako." Wika ko at pinatay ang tawag. Agad akong nagbihis nang pantalon at t-shirt na may design na hello kitty. Pinusod ko ang medyo kulot kong blonding buhok at kinuha ang susi sa drawer. Parang nawala ang antok ko. Hindi na ako nag-abala pang mag-ayos. Baka matagalan pa ako lalo.
Agad akong sumakay sa puti kong scooter at pinaandar ito para pumunta sa bar na pinagtatrabahuhan ng kaibigan ko.
Pagkatapos ng trenta minutong biyahe ay nakarating ako sa bar na ang pangalan ay Neon Nights. Pinarada ko ang scooter ko at hinubad ang suot kong helmet. Inilagay ko iyon sa Manibela saka nagkakad na.
Agad akong dumiretso sa loob. Bumungad sa akin ang malakas na tugtugin at mga usok. Nagsisiksikan din ang mga nagsasayawan kaya nakisiksik narin ako para makadaan. Ang daming tao talaga dito.
Inilibot ko ang tingin ko para hanapin si Alicandra. May nakita akong babae na nakatalikod sa gawi ko at nakayuko sa counter ng bar. Sa imahe palang ay alam kong siya na ito. Maganda kasi talaga ang kurba ng katawan niya. Isama mo pa ang maamo niyang mukha. I'm proud na kaibigan ko ang babaeng ito.
Naglakad ako papalapit doon. Inusog ko papalapit sa kaniya ang stool at umupo. Tinap ko ang kaniyang likod.
"Alice." Mahinang wika ko. Napaangat siya ng tingin sakin. Namumungay na ang mga mata niya at namumula ang ilong. Hayssst, ang laki siguro ng problema niya.
Napatingin ako sa kaniyang suot. Hindi siya naka unipormeng pang waitress, out na niya siguro. Pasado hating gabi narin kasi.
"Payne." Wika niya, yumakap sa akin at mahinang humikbi.
Sa tatlong taon naming magkakilala ay ngayon lang siya umiyak ng ganito. Kung ang problema niya ay tungkol sa tiya niyang balyena na pinagmamalupitan siya, hindi siya iiyak ng ganito. Masyado siyang mabait dahil iniintindi niya ang mga masasakit na salita at mga pang-aabuso ng tiya niya sa kaniya.
Nakakainis na nga ang pagiging mabait niya eh. Inaabuso na ng iba. Kung ako lang siguro ang aabusihin? Naku, masasapak ko talaga ang abusador!
"Anong problema, Ali?" Mahinahong tanong ko. Kumalas ito ng yakap at yumuko. Inayos ko ang kaniyang magulong buhok.
"Pinagkatiwalaan ko siya, binigay ko lahat pero niloko lang pala niya ako. Siya pala ang dahilan ng paghihirap ko. Hindi ko maintindihan kung bakit kailangan niya pang maghiganti." Wika niya habang tumutulo ang luha. Ganti? Sinong gaganti?
Naaawa ako sa kaibigan ko. Tinamaan ba ang kaibigan ko ng Love Syndrome? Umiiyak ba ito ngayon dahil sa lalake. Tsskk. Kaya ayuko talaga sa Love Love na yan.
Niyakap ko siya at pinatahan. Isinandal naman niya ang Ulo niya sa dibdib ko. Yes, may dibdib ako.
"Shhhhh, hindi ka niya deserve, okay? Wala siyang kwenta. Hindi ka nababagay sa kaniya." Pampalakas loob ko para dina siya umiyak pero mas lumakas pa kaya natakpan ko bibig niya. "Ano kaba?"
"Mahal ko siya, Payne. Naibigay ko ang buong tiwala ko sa kaniya." Wika niya sa pagitan ng hikbi.
Ni minsan ay wala akong lalakeng nakilala na malapit sa kaniya, kaya malaking misteryo para sa akin kung sino ang lalaking iyon. Kapag talaga nakita ko iyon, puputulan ko iyon ng ano. Nanggigigil talaga ako.
"Binigay ko lahat. Pati katauhan ko, naialay ko kasi akala ko mahal niya din ako." Wika niya na ikinagulat ko. Kumalas ako at pinaharap siya sa akin.
"Ano kamo? Naibigay mo yung ano mo sa kaniya?!" Kahit malakas ang tugtog ay paniguradong nakakaangat ang pagsigaw ko. Pero wala akong pake!
"B-buntis ako, Payne." Napalaki ang mga mata at ilong ko sa narinig. Mas lalong siyang humikbi. Napahagulgol siya sa kaniyang palad.
Shutangina na anak ni shutangino! Magiging ninang na ako! Walang hiyang lalake iyong naka-ano kay Alice ah! Hindi man lang gumamit ng proteksyon?
Muli ko siyang hinila para yakapin. "Nandito lang ako, Ali. Aalagaan natin yang baby mo, alam ba niya ito?" Umiling ito ng humihikbi. Napakagat ako ng pang-ibabang labi.
Nagulat ako ng bigla na lamang siyang napatayo. Para siyang nagpapanik at mukhang nahimasmasan kung lasing man siya.
"Anong nangyari?" Nagpapanik naring tanong ko at napatayo. Hinawakan niya ako sa pupulsuhan at hinila palabas.
"Alis na tayo bago pa niya tayo makita. Ayoko siyang makita, Payne." Aligagang wika niya habang hila ako at nakisiksik sa mga sumasayaw.
"Teka, teka. Sinong siya?! Yung nakabuntis sa iyo?! Tangina, ipakita mo at uupakan ko yung gagong iyan." Gigil na wika ko at itinaas ang manggas ng damit.
Napatigil siya sa paglalakad at napabitaw sa akin. Umiling siya ng tumutulo parin ang luha.
"Huwag mo akong pigilan, Ali! Alam mo bang exam ko bukas at pumunta ako dito para damayan ka?! Hala, ituro mo yung lalaki at kahit isang sapak lang ang gagawin ko para naman worth it lahat ng emote mo." Maangas na wika ko. Napatingin siya sa bandang likod ko. Sinundan ko iyon ng tingin ng makita kong para siyang nanlumo.