Nung magpasukan, nagkabati rin kami ni Chloe. Nagalit lang daw sya dahil parang di ko daw sila kaibigan kasi lagi nalang ako naglilihim sa kanila. I already apologized because its my fault afterall.
Nabusy ako sa pag-aaral nung grade 10 kasi nahiwalay hiwalay kaming magkakaibigan ng sections. Nagkikita nalang kami kapag magkakayayaang gagala or pagmagkakasalubong sa campus.
Hindi ko na namalayan yung months, moving up na kaagad sa susunod na linggo. Madalas kaming magkakasama ng mga kaibigan ko ngayon dahil sa practice, hindi na rin naman nagkaklase kaya ayos lang.
“Di parin kayo nag-uusap ni Cassandra, Ash?” tanong ni Maui habang nakain kami ng ice cream sa may bench sa gym. Umiling lang ako.
“Say sorry na kasi. Ang harsh mo talaga dun sa sinabi mong ayaw mo syang maging friend.” Sabi ni Jenny. Sumang-ayon naman yung tatlo.
“Masisisi nyo ba ko? Ang sakit kaya.” Nagkibit balikat lang ako.
Kahit kasi ako di ko alam kung pano ko iaapproach ulit si Cassandra, sobrang nahihiya ako sa kanya.
“We know. I know.” Sabi ni Chloe at tinapik yung balikat ko. “But its time na siguro para magsorry ka? Kahit anong tignan nating side, ikaw yung mali eh. We’ll help you naman.” Dagdag ni Chloe.
“I hope makinig.” Sabi ko nalang at nagpatuloy sa pagkain ng ice cream.
Nung gabi ring yon, minessage ko si Cassandra sa messenger. Kahit kinakabahan ako ng todo, ginawa ko parin. Tama nga siguro yung mga kaibigan ko, na mali talaga ko sa ginawa ko last year sa kanya.
ash:Hi?
cass:Hi.
cass:Good evening.
ash:Ano, may sasabihin pala ko.
cass:Sige lang, ano yun?
ash:I’m sorry?
cass:For what? Bat ka nagsosorry?
ash:Ano, tungkol sa nasabi ko sayo nung huli tayong nagusap, sorry talaga
cass:Ah wala yun. Ako nga dapat yung magsorry eh.
cass:Kasi pinaramdam ko na parang ginagamit lang kita which is hindi naman.
cass:Its my fault, Ash. Dont be sorry.
ash:Sorry talaga Cass.
cass:Apology accepted.
ash:Ano ganto nalang. Super sorry talaga 
ash:May gagawin ka ba bukas? Pagtapos magpractice?
cass:Wala naman. Why? Wanna go out?
ash:Jollibee tayo? Favorite mo yun diba? My treat.
cass:Sige, bukas pagtapos ng practice. Pero ayaw ko ng libre libre.
cass:Nakakahiya.
ash:I insist. Gusto kitang itreat.
cass:Ok. Kung san ka comfortable.
cass:Goodnight na, its midnight na. Wag kang magpuyat ng sobra.
ash:Goodnight na rin, see you bukas.
Halos di ako makatulog sa sobrang excited para bukas. Anong oras na nga ko natulog, ang aga aga ko parin nagising.
“Good mood ka ata ngayon Ash?” tanong ni Ronan sakin. Kaklase ko sya tapos katabi ko rin sa upuan.
“Yes. I’m so excited for later.” Halos mapunit yung pisngi ko dahil sa ngiti ko.
“May gala kayo ng friends mo?” pag-uusisa nya.
“Parang ganon? Pero iba kasama ko, wala sa friends ko.”
“Wala ka na namang ibang friends bukod sa apat mong kaibigan ah?” nagtataka nyang tanong.
“Oh Ronan.” Iiling iling kong sabi. “Transferee ka nga talaga.” Sabi ko pa at tumingin na muli sa harap dahil section na namin yung tatawagin.
“Grabe ka Ashley, pagkatapos ng mga pinagsamahan natin?” pagdadrama nya.
“Ewan sayo.” Natatawa kong sabi at tumayo na dahil ako na yung susunod na aakyat sa stage.
Nang mag-uwian nagsabi na ko kila Chloe na mauna na silang umuwi kasi may pupuntahan pa ko. Alam na naman nila kung saan ako pupunta kasi nasabi ko na sa kanila kagabi pa kaya pumayag na rin sila agad.
Naghihintay ako ngayon sa bench sa gym dahil mahangin din dito, ayokong maghintay sa waiting shed, nakakairita yung guard don.
“Ash.” Tawag ni Cassandra nung makita nya ko. May mga kasama syang boy friends, kilala ko naman yon kasi kaklase namin yun dati.
“Tara na?” tanong ko dito at tumayo na ko.
“Kaya naman pala pass daw muna sya kasi may date.” Pang aasar nung isa nyang friend.
“Tangina mo, lumayas na nga kayo dito.” Sabi ni Cassandra dito kaya natawa yung mga friends nya. Namula naman ako sa sinabi nung kaibigan nya tungkol sa date-date.
“Let’s go? Baka gabihin ka.” Yaya nya sakin. Tumango naman ako at nag-umpisa na kaming maglakad papalabas ng campus.
“A-ano, sorry?” naiilang kong sabi sa kanya habang naglalakad kami sa gilid ng highway.
Tinap nya naman yung ulo ko ng bahagya kaya nagulat ako.
“It’s fine. Wala na yon.” Nginitian nya ko dahil nagiguilty talaga ko.
“Sorry parin.” Sabi ko at nilingon sya.
“Sus. Kung di pa kita pinapatawad, wala ako dito sa tabi mo.” Inakbayan nya ako at inilipat sa kabilang side nya, kung saan walang dumadaan na sasakyan.
Nung makarating kami ng Jollibee, di ako nagpatalo na ako yung oorder. Gusto nya sana na sya yung oorder pero matigas ulo ko, napapayag ko naman sya pero sya daw magbabayad ng kanya.
“Ate pwede po padagdag po ng isang sundae?” sabi ko sa kumukuha ng order ko.
“Okay ma’am.” Sabi nito at sinabi na kung magkano babayaran ko. Habang hinihintay na matapos yung order ko. Kinuha ko muna yung sticky notes ko sa bag tapos pen.
Nakangiti akong naglalakad papunta sa table kung nasan si Cassandra. Sinalubong nya naman ako at kinuha yung tray na hawak ko. Hindi nya pa nakikita yung ginawa ko kasi di ko talaga nilagay sa makikita nya agad yung note na nilagay ko.
“Mahilig ka talaga sa ice cream no?” sabi nya ng makita nya yung sundae sa tray namin.
“Yeah, comfort zone. But its not mine.” Nakangiti kong sabi.
Binigay ko sa kanya yung sundae na may note na ‘im sorry ’ .
“I’m sincerely sorry talaga.” Nakangiti nya kong tinignan at kinuha yung note na nakalagay sa ice cream na binigay ko.
“Ok na nga tayo. It’s yours na, akin na yung note kasi ang cute nung smiley face.” Sabi nya.
“Pero sayo yan eh, binili ko nga yan para sayo.” Nakasimangot kong sabi.
“Sayo na nga ulit.” Natatawa nyang sabi. “I know naman na gustong gusto mo yan eh. Let’s eat na Ash.” Sabi nya at sinubuan ako ng fries.
Habang nakain kami, nagkikwentuhan lang kami tungkol sa kukunin naming strand tsaka kung saan kami papasok. It turns out na di kami parehong aalis ng school namin ngayon at magkaiba kami ng strand na kukunin kasi magsstem ako at humss ang kukunin nya sa senior high.