" Miss Azello, w-why don't you try to call your father. At ibigay ang pera na hinihingi nila since mayaman ka naman! " aniya ng isang lalaking nakayuko at nakatingin sa 'kin. Binigyan ko naman siya ng masamang tingin.
" That guy is right. Call your father . . ." sabi ng lalaking pumasok lang sa lugar na ito para maging hostage. Useless bodyguard! Kinuha ko naman ang cellphone ko sa maliit kong shoulder bag. Ngunit itinigil ko rin ng mas lalong bumaon ang patalim sa leeg ko. Napapikit naman ako sa hapdi.
" Baka gusto mong mabutas lalamunan mo, Ms? " tanong ng lalaking nasalikod ko at nakapulupot ang isang braso banda sa may leeg ko. Kinuha ko na rin ang pagkakataon para magsalita kahit kabado at nanlalamig ang mga kamay habang nakataas.
" What do you need? A-Anong kailangan n'yo? " Nakita ko naman na napangisi sa isang tabi si Forth, ang bodyguard na hinire ng Dad ko para panoorin lang ang anak ng kaniyang amo na mapahamak.
" Glad you ask. " Tinanong na rin 'yan ng manager dito kanina. Bingi lang kayo!
" Kailangan namin ng sasakyan at pera. Pero walang tatawag ng police o kung ano," paliwanag nito. Alam kong kahit hindi na tumawag ng police ay may tumawag na sa labas. Sino ba namang hindi makakapansin sa putok ng baril kanina? Eh ang lakas no'n? At kita ko rin ang ibang mga taong nagtitimbunan sa labas. Tumango naman ako sa sinabi niya.
" Paano makukuha ang per-" Halos mapayuko mabingi ako sa muling putok ng baril na narinig ko. Napatabon ang kamay ko sa mag-kabilang tainga ko. Nakita siguro ng lalaking holdupper na nakapuwesto sa tapat ng pinto ang ginagawa ni Via. Dahil 'yon ang nagpaputok ng baril.
" Bobo ka bang babae ka! Sinabi ko na umupo ka lang diyan at huwag tatawag ng police! Kausap ko lang itong kasama mo may kausap ka na!" sigaw nito. Halos mabingi naman ako sa sigaw niya dahil siya ang may kapit sa akin.
" S-sorry. . ." Napatingin ako kay Via na nakataas ang mag-kabilang kamay at namumutla sa takot. Kumuha na ako ng pagkakataon upang kagatin ang isang braso niyang nakapulupot sa akin. And it was disgusting! Dumaing naman ito at sinunod ko na sipain ang paa niya gamit ang sandals ko na may mababa at matilos na heels. Napabitaw naman siya sa pagkakahawak sa akin saka ko inihambas sa kaniya ang shoulder bad ko. Tumama 'yon sa muka niya. Medyo matigas ang ilalim ng shoulder bag ko kaya pinagpatuloy ko lang ang paghampas. Nabitawan rin niya ang patalim niyang hawak.
" Anong ginagawa mong lalaki ka? Babae lang 'yan!" Napatigil ako ng mapansin na naka-upo na siya at pinoproteksyonan ang sarili niya gamit ang kamay niyang nakaharang sa muka niya. Dinampot ko naman ang patalim na itinutok niya sa leeg ko.
" Tumawag na kayo ng police!" sigaw ng iba. Agad naman na ginawa 'yon ni Via. Napansin ko na nanlalaban na rin ang babae sa kamay ng isang holdupper. Ang iba ay nagsitakbuhan na palabas ng restaurant.
" Ikaw!" Napalingon ako sa likod ko at nakita ang lalaking hinampas ko kanina ng shoulder bag ko na may dalang mas malaking patalim at pasugod sa puwesto ko.
Hindi pa nakakalapit sa akin ng biglang hinawakan ni Forth ang kamay niya at pina-ikot patalikod na naging dahilan ng pag-daing at pagbitaw sa patalim na hawak niya. Nang mapadapa ito sa sahig ay sinipa pa ito ni Forth. Napansin ko naman na inaabot nito ang patalim na nabitawan niya kaya nagpunta ako sa puwesto na 'yon at mariin na tinapakan ang kamay niya.
" What are you doing?" taas kilay kong tanong habang lumilingon sa isa pang holdupper na pinagtulungan na rin ng iba. Medyo mabagal ang responde ng police dahil wala pa at hindi pa sila dumarating dito. Narinig ko naman ang pagdaing niya sa ginawa kong pagtapak.
Nanatiling hawak ni Forth ang isa niyang kamay. " Bitawan n'yo ako!" palag na wika nito.
" H'wag mong bitawan 'yan," sabi ko.
" I know, hindi mo ako kailangang utusan. Hindi ako bobo tulad mo," mahinang wika nito na ikina-inis ko.
" Ang yabang-yabang mo naman e hindi mo nga ako tinulungan kanina at nanood ka lang," inis kong wika. Saka lang ito binitawan ni Forth nang dumating na ang police at agad na pinosasan ang kamay ng dalawang holdupper. Napabuntong hininga naman ako at napa-upo na lang sa upuan. Napalingon ako kay Via na lumalapit kay Forth.
" Thank you fo saving my best friends life," lapit na wika nito kay Forth. At laking gulat ko ng nginitian nito si Via in a nice way. Nakipag-kamay pa ito at si tinanggap naman ito ni Via ng nakangiti. Parang naging sweet bigla sila isa't isa kahit hindi magkakilala.
Sige mag-ngitian kayo.
Baka nakakalimutan ni Via na nandito lang ako. Tumayo ako sa puwesto ko. Damn! Nawala bigla ang gutom na naramdaman ko kanina dahil sa nangyari. Napahawak naman ako sa bandang leeg ko. Napadaing ako nang hawakan ko ito. Tiningnan ko naman ang palad ko at nakita ang dugo doon.
May dugo nga. . .
Dugo. . . .
Halos mamutla ako ng makita ang pulang 'yon sa palad ko. Mukang malalim ang sugat gawa sa patalim na 'yon. Halos manlambot ang tuhod ko habang hindi magawang maalis ang paningin sa palad ko na may dugo.
Napansin ko naman na palapit sa akin si Forth. Binigyan ko siya ng masamang tingin.
" W-Why? " tanging tanong ko na lang. Ang kamay ko ay nanatiling nakahawak sa mesa para hindi matumba sa nanlalambot kong tuhod. 'Yon na lang ang nagiging suporta ko para hindi matumba. Binigyan niya lang ako ng mapanuring tingin. Pakiramdam ko ay tinutunaw niya ako sa mga tingin niya na lalong nagpapahina at nagpapalambot ng tuhod ko.
" Bakit hindi ka ngumi-ngiti? 'Di ba gusto mong makita na nasa ganitong kalagayan ako? Hindi ka ba masaya, Mr. Forth Kenji Mendez? " Nanlambot naman ang kamay kong nakatuon sa mesa kaya na-out of balance ako. Inalalayan naman ako ni Forth.
" I'll bring you to the hospital. You can rest for a bit. You did well. . . ."