I never experienced dating girls. At ni minsan hindi ko rin inakala na magmamahal ako. Pero bakit ganun? Ako lang ba ang hindi kayang mahalin pabalik ng taong mahal ko? Hanggang best friends lang ba talaga?
"Theo..." Tawag ni Shey nang pumasok siya sa kwarto ko. Nagbabasa ako ng libro.
"Bakit?" Malamig kong tanong.
Hindi ko pa sinasabi sa mga magulang namin na nagpapaligaw na siya. At ayoko rin sabihin na si Troy iyon dahil kilala ng mga magulang namin ang mga kaibigan ko.
"Naalala mo ba nung una akong masaktan sa crush ko?"
"Alin sa mga 'yon?" Tanong ko dahil hindi ko na alam kung kailan ang una beses na nasaktan siya nang dahil sa crush lang niya.
"Nung naging crush ko si Raffy tapos akala ko gusto rin niya ako kasi binigyan niya ako ng bulaklak noon. Iyon pala inutusan lang siya ng mga kaaway ko para gumanti sakin."
"So?" I remained cold.
Pero hindi niya pansin iyon. "Nung malaman kong niloko lang ako, nagalit ako. Dahil sa inis na inis ako nun, sinabi mo sakin sapakin kita. Hindi ko magawa pero pinilit mo 'ko. Nung sinuntok kita, nabawasan ang galit ko."
"What's the point of this conversation, Shey? I'm busy."
"I have two points for this conversation, Theo. First, I know that you're mad at me and Troy. But don't worry, nagbago na siya. Hindi ko hahayaan na saktan niya ako. Second, I'm your sister. We're twins. You can always open up to me. I can always help you when it comes to your heart. Alam mong may karanasan na ako kahit paano sa ganyang bagay." Nginitian niya ako.
"It's not like Troy can change in one day." Pinagtaasan ko siya ng kilay at binalewala ang pangalawang punto niya.
"It's not like he doesn't deserve a chance?"
Bumuntong-hininga ako. "Bahala ka sa gusto mong gawin, Shey. I don't care."
Tumayo na siya pero sa akin pa rin ang kanyang tingin. "I'm just one room away, Theo. I can give you advice, I can help you, or I can find another girl." Humalakhak siya sa kanyang huling tinuran saka dali-daling lumabas ng kwarto ko.
Hindi lang siya ang nagsasabi na ibaling ko na lang sa iba ang pagtingin ko. Ang mga kaibigan ko, si Kuya Stanley, at ngayon si Shey. Hindi naman ganun kadali na ibaling sa iba ang pagmamahal diba? Saka hindi ko yata kayang itigil ang nararamdaman ko para kay Cleo.
Tinuloy ko na lang ang pagbabasa ko hanggang sa dinalaw na ako ng antok. Kinabukasan ay wala akong masyadong gana pumasok sa school. Sinalubong ako ng mga girls except Cleo. Paniguradong kasama na naman niya ang kanyang boyfriend.
"Why so sad, Theo?" Tanong ni Lyra.
"Kulang lang siguro ng tulog, Ly." Sagot ni Hazel para sa akin.
Nginitian ko na lang sila. Habang naglalakad kami ay may tatlong babae ang humarang sa harapan namin. Napalingon ako sa kanila. 'Yung babaeng nasa gitna ay diretso ang tingin sa akin.
"Excuse me?" Ani Hazel.
"Makakadaan na kayo, girls. Pero pwede ba namin kausapin si Theo?" Sabi nung isang babae.
Napaturo ako sa sarili ko saka nilingon ang mga kasama ko. Nagkibit-balikat sila. Akala ko ay iiwan na nila ako pero hindi.
"Sige. Pero hindi kami aalis. Sabihin niyo na gusto niyong sabihin." Sabi ni Celine.
Nakita ko ang pag-irap ng mga babae sa harap namin. Saka nagsalita 'yung babaeng nasa gitna. "Hm, Theo... Pwede bang ikaw ang escort ko sa debut ko?"
Nalaglag ang panga ko. "Bakit ako?"
"Isn't it obvious? I like you."
Napaayos ako ng salamin. Narinig ko naman ang mahihinang tawa ng mga kasama kong babae.
"Baka nagkakamali ka lang, miss."
Nilahad niya bigla ang kanyang kamay sa harap ko. "I'm Cess."
Nakipag-handshake naman ako. "Nice meeting you, Cess."
"So ano? Payag ka na ba?"
"Pumayag ka na, Theo. Escort lang naman." Bulong ni Lyra sa akin.
"Escort lang? No assumptions later?" Tanong ni Hazel.
Bakit parang sila ang spokeperson ko ngayon?
"Hmm..."
"Let me think about it." Sabi ko na lang. "Excuse me." Saka sila iniwan doon. Tumakbo naman agad ang mga kaibigan ko para sundan ako.
"Theo, hindi mo ba siya kilala?" Tanong ni Lyra.
"Hindi." Umiling ako.
"Oh, yeah. She's Cess, sikat siya sa department nila dahil beauty and brains."
"Ayoko ang gusto niyong puntuhin." Sabi ko.
"Theo, come on. Just try. Itry mong ibaling sa iba ang pagtingin mo. Malay mo makalimutan mo na si Cleo."
Napatingin ako kay Lyra. Sunod kong nilingon sina Hazel at Celine. Sabay naman silang tumango.
"Sino bang gusto mong maghanap ng babae para sayo? Kami o ang mga boys? You know them." Ano Hazel.
"Ha?" Pagtataka ko.
"They're also planning to introduce 'some girls' to you." Lyra quoted 'some girls' in the air.
"Ano?"
Nagkibit-balikat na lang sila. Wala na talaga akong magagawa sa mga kaibigan kong ito. Pero kailangan ba talagang maghanap ng iba kung pwede ko naman hayaan ang sarili ko na mahalin si Cleo kahit sa malayo? Pwede ko naman i-keep ang feelings ko para sa kanya.
Pagkapasok namin sa room ay kinwento agad ng girls kina Dean ang nangyari kanina. Ang mga reaksyon ng boys ay para silang natalo sa isang bet sa mga girls. Tss.
"Anong balak mo, bro? Papayag ka ba?" Tanong ni Dale.
"Hindi ko pa alam."
Sabay sabay na bumuntong-hininga ang mga kaibigan ko. Nagtaka ako. Anong ibig sabihin ng buntong hininga nila?
Hindi ko na lang pinansin.
Hindi pumasok si Cleo sa first subject namin. Akala late siya at doon lang hindi papasok. Pero mukhang magiging absent siya for the whole day. Hindi naman daw siya nagsabi ng dahilan sabi ni Celine dahil siya ang tinext ni Cleo.
Palihim akong napatingin sa cellphone ko. Wala siyang text sa akin. Dati ay sa akin siya magsasabi kung hindi siya makakapasok. May nangyari kaya? Nag-away kaya sila ni Zed?
"Where's Troy?" Tanong ni Lyra.
"Pinuntahan na niya si Shey." Sagot ni Dean.
Napalingon sila sa akin. "Hindi mo pa rin ba papansinin si Troy?" Medyo nag-aalangan na tanong ni Lyra.
Hindi ako sumagot.
"Let's just respect Theo's decision. But I hope walang magkakailangan sa atin. We're all friends, no one should forget that." Ani Celine.
"I agree!" Sigaw ni Dale saka inakbayan si Celine. "So, saan tayo kakain?"
"Mauna na kayo! May dadaanan lang ako sa library." Sabi ko at hindi na sila hinintay pang sumagot.
Tumakbo ako papuntang library at umupo sa pinaka-dulo, kung saan lagi kaming nagpupwesto. Nilabas ko ang phone ko at tinitigan ang text conversation namin ni Cleo. Itetext ko ba siya para tanungin kung anong nangyari? Pero baka ayaw niyang sabihin sa akin kaya nga hindi ako tinext niya diba?
Napalingon ako sa taong umupo sa tapat ko. Nagtataka akong hinarap siya dahil marami namang bakanteng pwesto at ako lang mag-isa sa table na ito. Hindi ko alam kung anong magiging reaksyon ko nang makita kung sino siya. I don't remember her name but I could definitely remember her face. She's the girl who asked me to be her escort in her debut.
"Hi, Theo."
Mag-isa lang siya. Hindi naman ako bastos para hindi siya pansinin.
"Hi."
"I'm Cess. Hope you still remember."
Right! Siya nga pala si Cess. "Oo naman." Inayos ko ang salamin ko.
"Sorry kung biglaan ang paglapit ko sayo kanina. Actually, pinilit lang ako ng mga kaibigan ko dahil akala nila hindi kita magagawang iinvite kung ako lang mag-isa."
Kung hindi ka nila sinamahan, magagawa mo ba akong ayain?
Inalis ko sa isipan iyon. Kung ano ano na naiisip ko ngayon.
"Okay lang." Sabi ko.
"Hmm, Theo... alam ko ngayon mo lang ako nakita or nakilala. I know you'll be uneasy as I'm a stranger asking you to be my escort. But I liked you since high school."
"High school?" Pagtataka ko.
Tumango siya. "We were in the same school pero alam kong hindi mo pa rin ako makikilala. Sino nga ba ang makakapansin sa isang tulad ko na nerd at weird tignan?"
Inayos ko ang soot kong salamin. "I'm sorry I can't cope with you. Pareho tayo ng alma mater?"
"Oo." Aniya. Kinuha niya ang kanyang cellphone at pinakita sakin ang picture niya noong high school.
She was wearing our uniform in high school. She was also wearing glasses but not the same as mine. Big round glasses ang kanya na parang sa mga nerd students sa mga mapapanood mo sa tv. She also has a long curly hair. Hindi ko maimagine na kamukhang-kamukha niya ang description ng mga nerd sa mga napapanood at nababasa ko.
But she's totally different now. I couldn't say na nagparetoke siya. Pero sabi nga ni Lyra, sikat siya sa department nila dahil beauty and brains siya.
"It was a promise to myself when we graduated in high school. Magpapaganda ako para mapansin mo na ako. And I thought Pharmacy ang kukunin mong course dahil iyon ang narinig ko noon but I guess you have changed plans."
Sinasabi ba niyang nagpaganda siya para sakin? Para mapansin ko na siya? At kaya ba siya nag-pharmacy dahil akala niya ay iyon ang kukunin kong kurso?
I don't want to assume pero bakit parang napapaniwala akong may gusto nga siya sa akin. Totoo ba ito? May nagkakagusto sa isang tulad ko? Bakit?
"I hope you can think about it, Theo. Pero maiintindihan ko kung hindi ka papayag."
"Kailan nga kasi ang birthday mo?" Tanong ko.
Para bang nagliwanag ang kanyang mukha nang marinig ang tanong ko. "Next week, Sunday."
Dahan dahan akong tumango. "Pag-iisipan ko... kailangan ko muna magpaalam sa mga magulang ko."
Malaki ang ngiti niya nang tumayo siya. "Thank you, Theo!"
Hindi ko alam kung nabibigla lang ba ako dahil sa mga sinabi niya. Pero parang gusto kong pumayag. I guess, I'll leave the decision to my parents.
Hindi sumabay si Shey sa akin pauwi. Ang sabi niya sakin ay may practice sila at si Troy na ang maghahatid sa kanya. Hindi ko alam kung totoo ba iyon.
Pagkauwi ko ng bahay, sinabi ko agad kay mommy. Tuwang-tuwa naman siya nang marinig iyon. Pero hindi ko sinabi na umamin sakin si Cess na may gusto siya sa akin. Ayokong tuksuin ako ni mommy. Saka baka sinabi lang iyon ni Cess para pumayag ako.
"Okay na okay lang sa amin 'yan ng daddy mo, anak. Pero na sayo pa rin ang desisyon. Pumayag ka na ba?"
"Pinag-iisipan ko pa po."
"Naku, Theo. Hindi ko naman nakikitang magiging hadlang sa pag-aaral mo iyon. You have been a good son and a student. Hindi naman kami mahigpit ng daddy mo dahil alam naming alam mo ang tama at mali."
Nginitian ko si mommy. "Thank you, mom. Akyat na po ako."
Tinanguan niya ako.
Tumunog ang cellphone ko at nakitang nagtext si Cleo. Saka ko napansin na mula pala kanina ay nawala si Cleo sa isipan ko nang dahil kay Cess. Ibig bang sabihin nito ay kaya ko talagang ibaling sa iba ang pagtingin ko? Can I atleast try?
Pero tama bang ita-try ko iyong kay Cess? Paano kung umasa siya sa mga kilos ko? Tapos hindi ko pala kayang kalimutan si Cleo? Masasaktan ko si Cess.
Binuksan ko ang text message ni Cleo.
Cleo:
Theo, can I borrow your notes?
Buong araw talaga na hindi pumasok si Cleo. Pinicturan ko ang mga notes ko sa mga subjects namin kanina na hindi niya pinasukan saka ko sinend sa kanya.
Cleo:
Thanks! Why aren't you asking me what happened?
My heart skipped a beat. Hindi ko alam kung bakit. Bakit niya natanong ito?
Nagreply ako sa text ni Cleo:
Itetext mo naman ako kanina kung gusto mo talagang sabihin sakin.
Cleo:
Nagtatampo na ba ang bestfriend ko? :)
Ako:
Hindi. Bakit naman?
Cleo:
Aw. So, hindi ka nagtatampo na hindi kita tinext kanina?
Ano bang gusto mong iparating, Cleo? Masyado mo na akong sinasaktan. Masyado mo ng ginugulo ang isipan ko.
Ako:
Hindi naman.
Hindi na ulit siya nagreply. Nagalit ba siya na hindi ako nagtampo? O baka busy na siya? Oo nga pala. May boyfriend siya na mas kailangan niyang replyan agad.
Binagsak ko ang katawan ko sa kama. Inisip ko ulit ang invitation ni Cess. Kung papayag ako, aasa ba si Cess? Masasaktan kaya si Cleo?
Napailing ako. Sino ba ako para masaktan si Cleo? Saka bakit aasa si Cess? Hindi naman ako sigurado kung totoo ba ang sinabi niyang gusto niya ako.
Dumating ang araw ng debut ni Cess. Kahit ilang beses ako nag-isip ng mga nakaraang araw, nakuha ko ring pumayag sa invitation niya. Tuwang-tuwa si mommy.
Pinagsoot ako ng contact lenses ng nag-ayos sa akin. Para akong bakla dahil kumuha talaga si mommy ng mag-aayos sa akin. I guess, practice ko na ito para sa debut ni Shey next month.
"Ang gwapo talaga ng anak ko." Sabi ni mommy nang pumasok sa kwarto ko.
"Ma naman."
Nilingon ko ang sarili ko sa salamin. Nakaayos ang buhok ko na palagi lang nakabagsak araw araw. Wala naman kase akong arte sa katawan hindi tulad nina Dean na todo papogi para lang mapansin ng mga babae.
"What do you think of just wearing contacts instead of glasses, anak?" Tanong ni mommy.
"Hindi po ako sanay, mom. Baka makatulugan ko lang."
"Hindi ka rin naman sanay noon sa salamin."
Nginitian ko na lang si mommy. Inabot niya sakin ang susi ng kanyang kotse. I know how to drive car and I have a student's license dahil kailangan ko rin iyon sa pagmomotor ko. Hindi rin masyadong ginagamit ni mommy ang kotse niya kaya gusto na niya itong ibigay sakin kaysa naman sa bumili pa kami ng bago.
Umalis na ako ng bahay at nagpunta sa venue ng birthday ni Cess. First time ko makilala ang parents niya. First time ko pumunta sa isang event na wala akong kakilala. At hindi ko alam kung anong dahilan kung bakit talaga ako pumayag sa set up na ito.
Naalala ko nung araw na pumasok na ulit si Cleo. Hindi pa rin niya sinasabi sa amin kung bakit siya absent kahapon.
"Theo, narinig ko sina Lyra kanina. May nag-aaya raw sayo maging escort ka?" Nakangiti niyang tanong sa akin.
Napalingon ako sa kanya at binaba ang librong binabasa ko. "Ha? Oo."
"Pumayag ka na ba?"
Pipigilan mo ba ako? Tanong ko sa sarili ko.
"Pinag-iisipan ko pa."
Bigla siyang tumawa. Napalingon lahat ng kaibigan namin. "Para saan pa? Theo, this is your chance! Make a move! Umoo ka na. Malay mo magkatuluyan kayo!"
Para akong nanigas sa kinauupuan ko. Pinagtutulakan na ba talaga niya ako sa ibang babae?
"Tama si Cleo, bro!" Sang-ayon ni Dale sa kanya.
"Give it a chance. Have experience in dating some girls." Segunda pa ni Dean.
It's not like I'm like you and Troy, who can date girls with a snap. Saka hindi ganun kadali sa akin. Nirerespeto ko ang mga babae at anong sense ng pakikipag-date kung hindi mo naman talaga siya gusto?
"Hindi naman date ang invitation ni Cess sa akin." Sa akin.
"Alam namin! Pero start na 'yan para magkakilala kayo. Malay mo maibaling mo na sa kanya ang pagtingin mo?"
"Oo nga." Sabi pa ni Cleo.
Napatingin ako sa kanya. Gusto mo na ba talagang kalimutan kita? Ganyan pa rin kaya ang sasabihin mo kung malaman mong ikaw ang gusto ko?
Hindi ko nalang sila pinansin nung araw na iyon hanggang sa magkita ulit kami ni Cess at doon na ako pumayag.
Pagkatapos kong ipark ang kotse, pumasok na agad ako sa venue. Sinalubong ako ng isang babae na marahil ay ang event organizer. Sinamahan niya ako pumasok sa isang kwarto at doon ko nakita si Cess. Napatitig ako sa kanya.
Napakaganda niya. Hindi maipagkakaila na maraming nahuhumaling sa kanya. Pero sa dami ng mga nagkakagusto sa kanya ay ako pa ang inaya niyang maging escort.
Nag-start ang party at nasa tabi lang ako ni Cess. Kung minsan ay napapatingin ako sa kanya dahil hindi maipagkakaila na napakaganda niya ngayon. Saka ko naiisip na kaya ko kayang ibaling ang pagtingin ko sa kanya?
Natapos na ang party kaya tahimik na ang lahat para kumain. May iilan na sumasayaw na sa gitna kasama ang kanilang mga kapareha. Si Cess naman ay nag-umpisa na umikot para batiin ang kanyang mga bisita.
Ako lang mag-isa sa table at tapos na akong kumain. Naramdaman kong tumunog ang cellphone ko kaya nilabas ko ito at nilingon kung sino ang nagtext.
Nalaglag ang panga ko nang makita ang tambak na calls at text ni Shey. May isang text din si Cleo. Una kong binasa ang text ni Shey.
Shey:
Theo! I need you!
Shey:
Theo, tama ka. Sana naniwala ako sayo noon pa.
Shey:
Nakita ko si Troy na may kasamang ibang babae.
Kumuyom ang kamao ko. Paano nagawa ni Troy sa kapatid ko ito? Nangako siya sa akin na hindi niya sasaktan ang kapatid ko!
Nagreply agad ako kay Shey at tinanong kung nasaan siya. Habang hinihintay ko ang reply ni Shey ay binuksan ko naman ang mensahe ni Cleo.
Cleo:
Tapos na ba 'yung party? Pwede ba tayong magkita?
Parang bumigat ang pakiramdam ko nang mabasa ko ang text ni Cleo. Malakas ang pakiramdam ko na may problema siya ngayon at kailangan ko siyang puntahan. Pero bago pa ako makapagreply sa kanya ay natanggap ko na ang text ni Shey.
Shey:
Nandito ako sa building kung saan naggy-gym si Troy. Sunduin mo ako, please. Ayoko ng makita si Troy. Please, Theo.
Dali dali akong tumayo at umalis ng party. Itetext ko na lang mamaya si Cess para mag-sorry. Kahit na hindi ko pinapansin si Shey simula nung malaman kong nililigawan siya ni Troy, kakambal ko pa rin siya. Kapatid ko pa rin siya at kailangan niya ako ngayon. Hinding-hindi ko mapapatawad si Troy sa ginawa niya sa kapatid ko!